Reza Narimani _ Masalan To Ghabool Kardi (320).mp3

احوالات‌حضرت رقیه س اکبریم گلینجه اولسم دفنیمی یوباندیر عمّه نعشیمی آلیب ال اوسته، باشینه دولاندیر عمّه یوخ سوزوم بو اولمک عمّه «امر حیّ‌ لم» یزل‌‌دی باجیلار اولنده امّا قارداشی اولا گوزلدی ائیلیین بیر آزجا تأخیر، بلکه اکبریمده گلدی کفن و دفنیمی بیر آز سن ساخلا ال یوباندیر عمّه گوزلرون فداسی اوللام خسته سن بی‌بی آز آغلا اولدورر اوزون حَرَملر آز بو قلب زاری داغلا اللرون قاداسین آللام گل بو گوزلریمی باغلا قانلی اشگیلن سارالمیش رنگون آز بویاندیر عمّه گرچه قاره گون الینده قورتارور بو بختی قاره وار ولی بیر عمده دردیم، گل سنه ائدیم اشاره ناگهانی گلسه اکبر، گوزلریمی آچ دوباره اکبری منیله بیر آن روبرو دایاندیر عمّه شئمری سن چاغیرما عمّه قلبیده جراحتیم وار قولدان آچماسین طنابیم دیلده آیری نیّتیم وار قبره قوی بو حالتیلن جدّیمه شکایتیم وار سنده خلقه ظلم شمری، نطقیویله آندیر عمّه باشون آچما ائتمه ناله، قلبیم اولدو غصه دن قان سن منه آنالیق ائتدون جانیوه رقیّه قربان باشیم آلما سینون اوسته، توپراق اوسته قوی وئریم جان زحمتیمی چوخ چکیبسن، آز منی اوتاندیر عمّه آغلاما دئمه غریبیبی‌وطن، رقیّه لای‌لای هئچ دیله گتیرمه جیسمی، بی‌کفن رقیّه لای‌لای سسله شئمر شوم الیندن، دینجلن رقیّه لای‌لای قلب اهل شامی، آه آتشیمه یاندیر عمّه بی‌سبب دئنن بو غمده قانه گوز یاشیم دولانماز الده اولدوروب بو طفلی شمریدون گینه اوتانماز قمچیلر یئرینی امّا گورمیینجه خلق اینانماز کوینگیم چیخارت بو خلقی سن اوزون ایناندیر عمّه ✍مرحوم استاد رحیم منزوی اردبیلی #محرم #خرابه_شام #شهادت_حضرت_رقیه_سلام_الله_علیها

(بسم رب المهدی) #شعر_ترکی #زمزمه_با_امام_زمان_علیه_السلام ✍سروده_رقیه_سعیدی_کیمیا 🎶سبک: اصغریم ای شیرین زبانیم/ای منیم روحیله روانیم یابن زهرا فراقون آلدی،صبریمی اَلدن ای نگاریم یاندیروب داغ انتظارون،سینه ده قالمیوب قراریم جمعه لر آختارور سنی منتظر گؤزوم چوخدی سن لن دانیشماقا دیلده کی سؤزوم اباصالح ، مدد مولا عزیز حیـدر و زهرا هارداسان یادگار زهرا، وارث ذوالفقار حیدر سسلیور شیعه تئز گَل آقا،آل ئوزؤن انتقام مادر داغ چکوب فاطمه غمی، قلب عالَمَه آغــلادوب حیـــدری ، غریبیِّ فاطمه اباصالح ، مدد مولا عزیز حیـدر و زهرا سَس گلیر سمت کربلادن،نِی باشینداعزیز زهرا درس آزاده لیک وئریبدور،عشق وایثاری اِئتدی معنا تئز گل ای طالبِ دَمِ شـــاه کربلا سَن گَلَن یُوللارا،آقا، جانیمیز فدا اباصالح ، مدد مولا عزیز حیـدر و زهرا ✍رقیه سعیدی(کیمیا) #امام_زمان_عج_الله

گوزوم یاشیلا ای بابا عریضه یازمیشام  سنه خرابه ده  یورولموشام  دوزمروم  بو  محنه اگر چه   دختر    شهم  یریم  نیه  خرابه دی گلنده  شامیان  بیرا  شماتت  ایلیور   منه دیمورم ایندی ای بابا اسارت دوزنمورم ایاقلاریم یارالیدی اذیت دوزنمورم اجام ولی وقاریمی بی یرده سیندیرانمورام اجیقلیقا دوزوم واریم شماتت دوزنمورم یارالی باشیوی نجه گلوب قوجاقه المیشام عزالیام سنه بابا باشیما قاره سالمیشام دوداقلارون یارالیدی قولاقلاریم یارالیدی سنون کیمی یامان گونه بو یرده منده قالمیشام #خرابه_شام #شهادت_حضرت_رقیه_سلام_الله_علیها

شجاعت حضرت زینب کبری (س)در مجلس‌ یزید ملعون خیزران دگدی حسینون‌ قوریان لبلرینه اعتنا ایلمدی نغمه‌ ی یا رَبلرینه لعنت اولسون اُموی زاده‌لرین دبلرینه زینبون‌ کاسهٔ‌ صبری‌ جالانوب، ‌اسدی اودم دئدی ظالم او دوداقلاره ویروب بوسه ننم دوردی فورا" ایاقا نائبهٔ فخرِ ‌زنان شیرِتک غُرّش ائدوب خواهر عبّاس جوان چوخ شجاعتله خانم سوزلرینی قیلدی بیان بویوروب بسدی اهانتله دولاندیرما زبان کَس سسون ای طلقازادهٔ آشفته روان ای یزید آچ گوزوی منده بو تاب و تبه باخ خیزرانیله قانا غرق ایلیوبسن لبه باخ غصّه‌دن گوز یاشی القانه دؤنن موکبه باخ اوجالان نغمهٔ تکبیر و دَمِ یا ربَه باخ آسمان عَلَویده بو گوزل کوکبه باخ نَسَبیم هاشمیدور بو نَسَبِ اَطیَبه باخ آل هاشیمده اولان غیرته باخ منصبه باخ بیز شهادت طلبوک سن بو درخشان دَبَه باخ آتام حیدردی آنام فاطمه اُمّ و اَبَه باخ زینبی شیر بِجَردن عَلَوی مکتبه باخ او خدائیکه شرف عرش مُعَلّایه وئروب تپراقی دشت و کویره، سویی دریایه وئروب هر کسه اوز چیخاری قَدْری خمیر مایه وئروب بیز بنی هاشمه ده غیرتی سرمایه وئروب یِدّی قارداش گوجونی زینب کبرایه وئروب ** ✍رحیم فیضی اردبیلی #مجلس_یزید #چوب_خیزران #حضرت_زینب_سلام_الله_علیها