زبانحال حضرت ام البنین (س) سبک : چو گیسوی تومن درپیچ و تابم ئولور غملی آنون ای دردیمه درمان اباالفضل چیخور خسته بدنن بو یورولان جان اباالفضل گل ماه منور _ وئرور جان غملی مادر سنون هجرون ائدوبدی _ یانان قلبی مکدر گل ای نور عین _ مه عالمین قالوب یولدا بو گوزلر غلام حسین _ مه عالمین قالوب یولدا بو گوزلر ائدوب درد فراقون خسته قلبی قان ابا لفضل جانیم اولسون اوزیبا آدوه قربان اباالفضل منیم ای قهرمانیم _ شجاعتلی جوانیم سنی یاده سالاندا _ آخور اشک روانیم آنون خسته دی _ سفر اوسته دی گل ای روح و روانیم چاتوبدی اجل _ حسینیله گل گوزومی باغلیان یوخ ادامه غمنامه خاکی @turki_nohemajma

🍂شعری در مورد شهدا🍂 السلام ای رهروان کوی عشق مَحرَمانِ خیمه ی اردوی عشق السلام ای با صلابت لر سیزه گوشِ چَشمیله نولور باخساز بیزه السلام ای باوفا سربازلر تهنیت اولسون سیزه جانبازلر السلام ای هاجرین اوغلانلاری قانلاری اِحیا ایدن انسانلاری السلام ای دین حق یاورلری السلام ای لیلینین اکبرلری السلام ای پاک بازان جهاد گَلماقوز ائتدی دلِ احبابی شاد السلام ای سرو های استوار اُلفتوز آرامش هر بی قرار ای پرستوهای عاشق خوش مرام عِندَ رَبّ عِیشوز سیزون اولسون مدام کیم دییور سیز بی پلاک و نام سیز اتفاقاً سیز هامیز خوش نام سیز هر شهیدین قانی کی جوش ایلییر مین بلا و فتنه خاموش ایلییر تَحسَبَنَّ آیه سین ویردوز نشان عرضیمی تصدیق ائدر پیر و جوان قلب شهری هر زمان غملر سیخیب کفر و ایمان هر زمان جنگه چیخیب گلمیسوز نصرت تاپیب اهل ولا کوچه های شهر اولوب کربوبلا سیز نجه محکم دایاندیز قاشمادیز باش وئروب، ظالم لره ال آشمادیز امر روح اللهه اولدوز پای بند قویمادوز ایرانه یتسین بیر گزند بیزده واجبدور اولاخ یار ولی تابع فرمایش سیّد علی بعضی لر دوزدی سیزی گوزدن آتوب حیف اولا پست و مقاماته چاتوب بعضی لر دینه خیانت ایلوری بعضی بیت المالی غارت ایلوری بیز ولی اولدوخ ولایت عاشیقی اولموشوخ بیزده شهادت عاشیقی درس حسین دن آلموشوخ ، آزادییوخ باش و جاننان گیچماقا آمادییوخ اورگدوب رسم وفانی برملا بیز لره ساقی دشت کربلا عرضیمه شاهد دوتوم بو مطلبی بو مدافع لر دیریلدیب مکتبی دوزدی چوخ جسمه دگوب تیر جفا دوزدی چوخ باشلار کسیلدی از قفا شامیده گوردوز جوانلار نیلدی داعش و تکفیری نی خوار ایلدی جنگ ایدوبلر بسکی مردانه بولار آدلاری هر یرده گلسه گوز دولار امتحان سوریه اولدی تمام چاتدی اوز آمالینه چوخ خوش مرام جنگ،قورتولماز هله وار جنگیمیز چون شهادت دور بیزیم فرهنگیمیز ظالمانِ دَهره اخطار ایلیوب گوردوز اسرائیله هشدار ایلیوب قان توکون,ظلم ایلیون,گولسَز گولون ایرمی بش ایلدن صورا یوخسوز بولون شیعه دوزدی (بیکَس)و غمگینیدی انتقامی سیز بولون سنگینیدی مهدی زهرا اگر ایتسه ظهور وار گینه دعوای ظُلْماتیله نور ✅✅✅✅✅✅ #شهدا التماس دعای فرج الاحقر مهدی عبادی @turki_nohemajma

🥀زبانحال مادران صبور شهدا🥀 🎶سبک( خرابه چراغونه امشب) آنان ئولسون ای نور عینیم منی درده سالدی بو هجران گیدوب کامه چاتدون اوغول سن آنان قالدی گریان اشکیم آخور عارضه دیل دوتور هِی بَهانه آلدی اَلیمدن سنی، درده سالدی زمانه آخر بالا نیلییم من بو دردِ نَهانه گرکدی/گَلَم من /فغانه ایوای یارالی بالام وای بالام وای بالام وای 3 یارالی بالام وای اوغول دوزدی سن عاشقانه گیدوب بیر حَماسه یاراتدون آتاوین بِلین بوکدی دَردون آناوی قوجاتدون فَکّه، شَلمچه، منی یوز یول آغلاتدی گونده قلبیم دونور قانه اَروندی هر دَم گورنده هِی ئوپموشم گول یوزون قابِ عَکسون سیلَنده ئولییدیم /اوغول سن /گیدنده ایوای یارالی بالام وای بالام وای بالام وای 3 یارالی بالام وای اَنیسَم اوغول دَرد و رَنجه اگر چه غمه مُبتلایم گلایه یوخومدی شریکِ غَمِ کربلایم مینلر سنون تَک بالام اولسا دینه فَدادی لیلا یانیندا قیامتده باشیم اوجادی هَرچند علی اکبره، اهلِ عالَم گَدادی اُمیدیم / اوقانلی / عَبادی ایوای یارالی بالام وای بالام وای بالام وای 3 یارالی بالام وای #شهدا التماس دعای فرج الاحقر مهدی عبادی @turki_nohemajma

(ای صفای قلب زارم) ای اولان سردارِ والا عشقیوه حیراندی دنیا سن سعادتمند اولوبسان هر ایکی دنیا و عُقبا سن ای والا شهید اولوبسان رو سفید آدون گَلسه عدو اَسَر  مانندِ بید سلیمانی سلام (سلام ای با وفا) ای سَراسر شور و احساس پَر پَر اولدون چون گُلِ یاس سنه اورگَتدی بو درسی مَکتَبینده حتماً عبّاس اونون گیتدون یولون یانیب صاق و صولون اودور سَقّا کیمی قَلَم اولدی قولون افتخار اهلِ ایران دین یولوندا ویرموسن جان بَسدی بو فَخرون کی اولدون خادمِ شاهِ خراسان خوشا اَحوالیوه سنون اِقبالیوه یتیشدون عاقبت گوزَل  آمالیوه ای ولایت جان نثاری ایتموسن مظلومه یاری دینیوه قربان اولوبسان دیلده یا زهرا شعاری اَیا فَرخُنده فَر ویرر قانوون ثَمَر هامی دشمن لری خدا رسوا ایدر #شهدا #سلیمانی @turki_nohemajma

حالات حضرت ام البنین(س) رمضانی (خاکی) سبک: یا فاطمه من عقده دل وا نکردم بیزدن سلام اولسون خانم امّ البنینه اوغلانلارین ائتدی فدا دین مبینه چوخ خدمت ائتدی - اسلام نابه دوندی اگر چه - قلبی کبابه هر بیر خانمدا دهریده اولماز لیاقت زهرا تک اولسون همسر شاه ولایت باخ گور نجه امّ البنین تاپدی سعادت اولدی اودا همسر امیرالمؤمنینه بیت امامتده او بانوی حمیده شیر شجاعت وئردی عبّاس رشیده باخ منصبه مادردی دورت نامی شهیده صد آفرین اول مادر شور آفرینه احسن او کان عفّت و کان وفایه مشتاقیدی جان بذل ائده دین خدایه گوندردی دورد اوغلون دیار کربلایه اهدافی یار اولماقیدی قرآن و دینه زهرا و زینبدن صورا عفّتده تکدی اقبالینه غبطه ائدن چشم فلکدی الآندا رضواندا ولی قاره لِچَکدی وادار ائدوبدی حوریانی شور و شینه گلزاری سولموش باغباندی یاسه آغلور اللر اورک باشینده فخر ناسه آغلور یعنی قولی تندن دوشن عباسه آغلور اودلی سسی اود یاغدیرور خُلد برینه قوی عرض ائدیم خاک بقیعده نیلیردی اوغلانارینون قبرینی ترسیم ائدردی عبّاسه از بس آغلیوب حالدان گئدردی دایر ائدردی بزم غم اول مه جبینه بیر یاندا قبر پاک عبّاس دلاور بیر یاندا فضل و بیر طرفده قبر جعفر بیر سمتیده عونه چکردی قبر دیگر اُول صحنه گور نیلردی اُول زار و حزینه غم تیری اهل یثربون قلبین دلنده زینب حسین سیز یعنی اُول شهره گلنده روحی سخیلدی قوش کیمی خسته بدنده زندان غم اولدی اونا شهر مدینه قتل حسینی تا ائشیتدی زینبیندن آیدین گونی اولدی قرا تیره شبیندن شادلیق دیلیندن آیریلوب خنده لبیندن غم مجمرینده اود دوتوب داغلاندی سینه @turki_nohemajma

‍ احوالات بسیار سوزناک حضرت ام البنین و حضرت عبدالله ابن عباس علیهم السلام ✅ ترکی نه آتماقا ئورگیم وار نه اوتماقا چارم یانان بو غمده منیم قلب داغداریمدی گورنده قانلی عَلَم گیزلین آغلارام اِئوده بلا یولوندا یتیم اوغلی هم قطاریمدی دییَم اوشاقدی هله بیلمَسین ائویم یخیلوب گوزلدی نازیدی شیریندی گوز خماریمدی اودورکی آغلامارام ائوده اولسا عبدالله تحمّل ایله مییَن روح بی قراریمدی سالاندا مشکی ئوزی چیگنی اوسته آخشاملار گِئدن الیمنن اَوَل گورّم اختیاریمدی ئورکده نوحه دیوب آغلارام سَسیم چخماز فشاره قلبی سالان گونده بو فشاریمدی ئولوبدی دورد اوغولوم آغلیانمورام راحت دلیمده گیزلی قالان درد آشکاریمدی اوقدری نوحه لریم واردی اودلی سینمده یوخومدادا گجه لر وای بالا شعاریمدی یوخومدادا ، گجه لر، آغلارام ابالفضله دلیمجه نوحه دیین روح سوگواریمدی دورار ولی سسیمه نصف شبده ، عبدالله خیال ائدر کی منیم حال احتضاریمدی دویونجان آغلامامش سسلیوب منی اویادار او رنج صبحیدی بو درد لیل تاریمدی قوجاقیمه سخلوب ایستیر دییَم لای لای بو صحنه هر گجه لر ائوده انتظاریمدی دوشر یوخی باشنا درد دل ائدر منّن دییَر باشمدا آنا دوز دئنن نه واریمدی؟ هاچاندی گورمه میشم کربلا علمدارین ئولوبدی کیمسه ، قرا جامه ی محاریمدی ندن گورنده منی آغلیور بیبیم زینب؟ اسیر غصّه ندن ایلِ نامداریمدی؟ باخاندا من آتالار اوپمیور نیه اوغلون؟ ندن بیلولّه منیم اوج انکساریمدی؟ چکیلَّر اَل باشما قونشولار نوازشلن بولار اگر چه منیم شرح اعتباریمدی بابامنان ئوزگه سینه ناز اِئتمرم هرگز منه بو درسی وِئرَن سنمیان وقاریمدی آنا هایاندادی بس با وفا ابالفضلون غمینده تنگه دوشن قلب غصه خواریمدی گوزوم دولوب دییرم شِکْوَه ائتمه عبد الله بابون همیشه منیم ، اوغلوم افتخاریمدی گدیبدی کربو بلایه ، عمون حسینیله حسینه نوکر اونون اولماقی قراریمدی دییَر ندن وطنه گلمیور عموم آنا جان؟ جوابی یوخدی دییم؟ قوزانان شراریمدی من آغلارام گجه لر ، آغلیار یتیم اوغلوم منه ،اوغول، دییَرم ، ئوز ائویم مزاریمدی آماندی سعی ائله بو کوچه لرده تک قالما اگر چه حافظ اولان حیِّ کردگاریمدی ویرالاّ طعنه سنه تک گورنده شهر اهلی نصیحتیم سنه بو پند پرده داریمدی قوجالمشام اگیلیب قامتیم الیمنن دوت یخان بالا ائویمی چرخ کج مداریمدی سالار باشین اشاقا آغلیار یتیم اوغلوم دییَر غلامون آنا روح جان نثاریمدی بو کوچه لرده منیم چوخ بلا چکوبدی باشیم اشاره لر کی دیورسن یک از هزاریمدی تحمّل ائتمه لیدی غصّه و مِحَن دردی چتیندی بایرامنان کهنه پیرهن دردی... @turki_nohemajma #ورود_مدینه #حضرت_ام_البنین ✍️ حاج علیرضا امانی

#روضه_ترکی 🍃زینب یادیندا ..... 🎤#کربلایی_بابک_مهرنیا 🍃به احترام مصائب ذوات مقدسه (ع) با حال مناسب گوش دهید🥀 ╔═🍃════╗ @turki_nohemajma

دنیا بویونی دوتسا اگر ناله و ماتم  قارداش ئولوموندن سورا بوکمز بئلی ، هئچ غم  .  قان آغلادا واردور یری ،گر لیل و نهاری  قارداش ئولومی الدن آلار صبر و قراری  .  هر گوز اولا ، قارداش ئولومی نورین ائدر کم  هر قامتی سرو اولسا بوکر قدّین ائدر خم  .  قارداشی ئولن اُولمیا بو جَمعیده باری  بو سوزده اولار گوزیاشی رخسارینه جاری  .  آغلار دییر ایوای یارالی قارداشیم ایوای  هر غمده الیمدن یاپیشان یولداشیم ایوای  .  سال یادیوه «شیدا» او شه کرب و بلانی  بیر سوز دئدی آغلاتدی یقین اهل سمانی  .  جنتدن علینی چاغوروب بیرده رسولی  یوز دوتدی بقیع سمتینه سسلندی بتولی  .  گل داده ننه غم گونی سرداریم ئولوبدی  غیرتلی ابالفضلیم علمداریم ئولوبدی  . 

وئروب باش بویوک امتیاز آلمیسیز کجایی ای شهیدان خدایی قیزیل قانیله دستمازآلمیسیز چکیم جسمیزین پاره سین کولگیه نئیه ؟گون قباقیندا چوخ قالمیسیز                              دئمم کیم یووب یوز گوزوز دان قانی                              ملک لر یووب واردی چوخ امکانی                              گلیلیک دی بوقلبیزه گلمه سین                              گوزل بوینوزین بس مدالی هانی یقین دیر کی ایرانه دلبسته سیز شهیدره حق ووارسته سیز آنان یوخدی گرمن دئیوم لای لای یاتن دینجه لون چونکی چوخ خسته سیز                              سیزین بومزاریز گلستان اولار                              زیارتگه رادمـــــــردان اولار شهیدین مزاری حسینیه دئر محل نذورات واحسان اولار اکرچه بیان اتمه دین سن آدیی وی دی یری ساخلاروخ هئر زمان یادیوی گلرصاحب عصر اوّل منتقم دنی دشمنیز دن آلارقانیزی                              دئدیم مردمه بسدیر ایوای چیخون                              خانملاردا چالسونلا لای لای چیخون                              بولارچون سوسوز جان وئروب جبهه ده                              سرین سو ائیچن وقتده پای چیخون                                                       گلوب سیز بئیزه عزت آرتیرماقا داغین باشینه زینت آرتیرماقا یازون ((اشرفی))نین ده دیوانینه سنه گلموشوخ قیمت آرتیرماقا @turki_nohemajma

‍ السلام علیک یا ابوالفضل (ع) --------------------------------- صولدی زینب گل یاسیم آغلا یوخ داخی اشجع الناسیم آغلا قارداش ئولسه باجی سینه دغلا ئولدی غیرتلی عباسیم آغلا ئولدی آرخام ائلیم کربلاده سندی زینب بلیم کربلاده ------------------------------------ هیچ دئمردی یارالی باشیم وای یاگوزومنن آخان قان یاشیم وای دل توتار توتماز هردم دئیردی وای کمگسیزقالان قارداشیم وای ------------------------------------- دوشمشیدی باجی درده گوردیم قارداشیم ئولدی اللرده گوردیم باشیما اوندا دنیا دولاندی قد اولان قولارین یرده گوردیم ------------------------------------- جسمینه یاره چوخ چوخ وروبلار یاره لر حدّن آرتق وروبلار تله ساری باجی چوخ باخیرمش صاق گوزینّن اودور اوخ وروبلار ------------------------------------ حالیمی حالی چوخ پوزدی زین قارداشون ایندی یالقیز زینب ای کاش ام البنین بلمییدی اوغلی میدانداقولسوزدی زینب ------------------------------------- آیرلان دوقته روحی بدندن مختصرصحبت ائیلوبدی مندن گئت دئدی اصغرین ئوپ یوزنن دی عمون اولدی شرمنده سندن ------------------------------------ بزر محنت اکیلدی دلیمده اللریم قالدی زینب بلیمده قدّی خم گلموشم گل هرایه اوخلی مشگیله پرچم الیمده ------------------------------------- یازما عبداللهی یوخ بیانون شاعر اولماخلقا یوخ توانون صدقیله دردون عباسه سویله سعی ائله خوش چخاامتحانون ------------------------------------- سبک ای قلم سوزلرونده اثر وار الاحقر عبداللهی