ای یارو یاوریم سن سن بال و پریم ⁎ یاتاما قوملار اوسته قولسوز سرلشگریم ⁑⁎ قلبیم دویونور قارداش دور گداخ ⁎ دشمن سویونور قارداش دور گداخ عباس عباس اوغولسوزام من قارداشسوزام من ⁑⁎ سن نه باوفاسن درده مبتلاسن ⁎ گوزلوری قیزلارم سن مشکل گشاسن ⁎ آی باتسا باتار گویده اولدوزلار یولوی گوزلور خیمه ده قیزلار ⁑⁎ عباس عباس اوغولسوزام من قارداشسوزام من ⁑⁎ قارداش یاندی دیلیم سن سن آرخام الیم ⁑⁎ سنی بو حالینده گورجک سندی بلیم ⁑⁎ اشکیوی قانه قاتما ابوالفضل ⁎ دشمن چالور ال یاتما ابوالفضل عباس عباس اوغولسوزام من قارداشسوزام من ⁑⁎ سن نه باوفاسن درده مبتلاسن گوزلوری قیزلاروم سن مشکل گشاسن ⁎ آی باتسا باتار گویده اولدوزلار یولوی گوزلور خیمه ده قیزلار عباس عباس اوغولسوزام من قارداشسوزام من #اشعار_ترکی

‍ شهادت حضرت رقیه (س) زبانحال حضرت زینب (س) کانال مداحی ترکی باسبک ای دشت کربلانون زیبا نگاری لایلای اوغلی ئولن روبابین دارو نداری لایلای یوللاردا آت دوشونده از بس قاچوب یورولدون قربانون اولسون عمون یرزقون قناری لایلای ای باغریقان رقیه آرام جان رقیه دور دلبرون گلوبدی شیرین زبان رقیه ایتمه گلایه مندن بوشدی الیم کفندن باشی بلالی عمون شرمنده اولدی سندن بیر دفعه قسمت اولسا گلم دوباره شامه بیر یاخشی گوشواره آللام سنه وطندن ای باغریقان رقیه آرام جان رقیه دور دلبرون گلوبدی شیرین زبان رقیه کرب و بلایه گیتسم عباسه چوخ سوزوم وار دوزدورکی قالدی قولسوز ئوز عشقینه وفادار اما گرک گلیدی قیزلاره باش چکیدی گلسیدی قمچی آلتدا ئولمزدی خردا قیزدا ای باغریقان رقیه آرام جان رقیه دور دلبرون گلوبدی شیرین زبان رقیه اثر: حاج حسین غفاری اردبیلی #اشعار_ترکی

#واحد#ترکی 📝 آتدان یره چون دوشدی... 🎤 حاج‌مهدی رسولی ◼️ شب هشتم_محرم ؛ ۱۴۰۱ 📌 ترکی 🏴 ماه #محرم

ورود به کربلا خبردار ای عاشقان ابالفضل گلور یولدان کاروان ابالفضل خلوصیله دوت او قانلی اتکدن که وار لطف بیکران ابالفضل فدایم اخلاص و احساسه نه دردون وار آغلا عباسه گینه ماتم باشلانوب آی ابالفضل گوزوم یاشی داشلانوب آی ابالفضل نجه گولسون شیعه لر که بو آیدا حسین باشی داشلانوب آی ابالفضل بیزیم ارباب ئولدی اللرده جنازه عریاندی چوللرده الهی دور زمانه دونیدی طبیعت باغی خزانه دونیدی بالاسی ربابین یاناندا سوسوزدان لبِ دریاده سو قانه دونیدی حرارتدن دیل دوداق یاندی گلستان سولدی گل اوخلاندی اولوب زهرا اوغلونون غمی تازه الی چاتمِیدی یَلان حجازه داریخدی بیردن دیدی آی ابالفضل الیمده قالدی بو خردا جنازه آلوب پیکان صبریمی قارداش ئوزون دور قاز قبرینی قارداش ابالفضلیم گل هرایه یوبانما سو فکریله نهرین اوسته دولانما سوسوز اوغلوم آخر ئوز قانین ایچدی چیخیب جانی گل بالامنان اوتانما بو قانلی قونداقی آل مندن عزیزیم سو ایستمز سندن اجرای این نوحه توسط سید محمد عاملی👇🏾👇🏽👇🏼 #ورود_به_محرم #ورود_به_کربلا #حضرت_ابوالفضل #اشعار_ترکی

‍ بزم عزاده گیمشم ...قاره یا عباس   بیچاریم قیل دردیمه...چاره یا عباس   یا باب الحوائج   ای پرچم حریّتی ...ساخلیان سردار   ای کاروان وحدته...قافله سالار   مشکلده قالسام ایلرم...آدیوی تکرار   قربان اولوم سن تک فدا...کاره یا عباس   یا باب الحوائج   ای حق مناسینده گیین ...قانلی احرامی   گزدون یارالی باشیله...کوفه و شامی   حفظ ائتدی ایثارون سنون...دین اسلامی   اولدی نشان عمرون گُلی ...خاره یا عباس   یا باب الحوائج   كوی محبتده هانی....سن كیمی جانباز   عشق عالمینده آلموسان...رتبه ممتاز   هاردا آدون سسلنمیشم...گورموشم اعجاز   ائتمه اردات قیدیمی...پاره یا عباس   یا باب الحوائج   آند اولوسون آننوندا اولان...زخم پیكانه   بیر تار مویون وئرمرم...تخت شاهانه   قانلی گوزون یاد ایلوب گلّم افغانه   دگدی سنه اغیاریدن...یاره یا عباس   یا باب الحوائج   آتدان دوشده سسلدون...عالمین یارین   گلدی غریب كربلا...تاپدی سردارین   قانلی جبینونده ئ.پ.ب...سجده آثارین   باتدی یوزی ثاراللهین...ثاره یا عباس   یا باب الحوائج   سسلندی ای آرخام ائلیم...آچ گوزون قارداش   تاراج اولوب تاب دلیم...آچ گوزون قارداش   قارداش جانی سیندی بئلیم...آچ گوزون قارداش   چاره آزالدی گلمیشم...زاره یا عباس   یا باب الحوائج   ای یار قرآن مرحبا...بخت مسعوده   چاتدون شهادت فیضیه ...اولدون آسوده   اوچدون هما تك ساخت...قدس مقصوده   گئتدون یارالی محضر...یاره یا عباس   یا باب الحوائج   ادرك پیامون خیمه ده...ایندی آلدیم من   گوردی باجیم نه غصه لی...حاله قالدیم من   قربان بو قولسوز قامته...دور قوجالدیم من   اولدی جفا سن تك وفا...داره یا عباس   یا باب الحوائج   سنسیز حرمده عترت ...بوتراب آغلار   اولموش عطشدن قیزلاریم...دلكباب آغلار   گه اصغره لای لای دییر...گه رباب آغلار   عالم فدا بو چشم خون...باره یا عباس   یا باب الحوائج   عباس آقا دلدن نقدر...الامان گلسون   ایستور كلامی قبریوه...نوحه خوان گلسون   آچ باغلانان یولاریوی...كاروان گلسون   ایسته بو جمعی توزلی در...باره یا عباس   ✍کلامی زنجان ☑️کانال متن نوحه باسبک👆👆👆 بانوای زنده یاد حاج محمد باقرمنصوری اردبیلی روحش شاد 👇👇👇

بانوای زنده یاد حاج محمدباقر منصوری

قسم عشق اولیایه بیزیم عشقیمیز حسیندی گیده باش دا گر فنایه بیزیم عشقیمیز حسیندی باشیمیزدا وار بوسایه بیزیم عشقیمیز حسیندی اودی شاه عرش وپایه بیزیم عشقیمیز حسیندی یارالی آقام یارالی ده خلیله اعتکاف حرمی حسینن اورگش بتی یخماقا ثبات قدمی حسینن اورگش اوزوی ایتیرمه حاتم کرمی حسینن اورگش دم عیسویسی واردی بو دمی حسیندن اورگش باخ او یار مه لقایه بیزیم عشقیمیز حسیندی یارالی آقام یارالی اگر عمروده صفا وار او صفا حسینه قربان هر ارادته بها وار او بها حسینه قربان اودبا حسینه قربان عرفا حسینه قربان شعرا حسینه قربان شهدا حسینه قربان باشین ای بو دلربایه بیزیم عشقیمیز حسیندی یارالی آقام یارالی دولانوب ئولونجه مجنون دیدی چولده لیلی لیلی ولی سن حسین حسین ده آقام اولماسون گلیلی یخا قویما صد عشقی بو جوشان زمانه سیلی یولی آزماز هر جوان کی اولا کربلایه میلی نظر ایله کربلایه بیزیم عشقیمیز حسیندی یارالی آقام یارالی او بلا چولونده دوشدی آقامین باشی بلایه گلوب اهل کوفه آلدی علی اوغلونی آرایه اوزماندا کی قالوب تک شهدا دوشوب منایه بویانوب قانا ابوالفضل گله بولمدی هرایه یاناروخ بو ماجرایه بیزیم عشقیمیز حسیندی یارالی آقام یارالی اله جنگ ایدوب او صفدر قانا چکدی رزمگاهی یورولوب یورولمویان شیر اوجالوبدی عرشه آهی دیدی نیلیوم کسیلمور باشیمون قانی الهی هانی سرسپاه عشقیم اویادا یاتان سپاهی ویره لر صدا صدایه بیزیم عشقیمیز حسیندی یارالی آقام یارالی #زنجیرزنی

اویان ای یار وفاداریم اویان منی تک قویما علمداریم اویان یولووی خیمه ده گوزلور بالالار سنه قربان اولا قیزلاریم اویان شرف الناسیم اویان                    گوزل  عباسیم   اویان سنه من قانه باتان ای دیرم سینووی لاله لره تای دیرم داش اتانلاردان اگر اولسا امان توکرم گوز یاشی لایلای دیرم قره معجرلریمون وای گونونه صود امر اصغریمون وای گونونه شرف الناسیم اویان                    گوزل  عباسیم   اویان سرویمون لطمه دگوب خوللارینا توکولوب قانی شرف یوللارینا سنی اکبر جانی کیمدن سوروشوم نه گلوب قارداشیمون قوللارینا من ئوپن قاره گوزوندن اوخ ئوپوب داش . گوزل سینووی مندن چوخ ئوپوب شرف الناسیم اویان                    گوزل  عباسیم   اویان دئمورم قارداشووام گویلومی ال دئمورم دور گئدک اخیامیده قال دیورم دشمنی گولدورمه منه کسیلن قوللاریوی بوینوما سال صاق گوزوندن توکولن قانه قسم ایاقیم خیمیه گلمور قئیدم شرف الناسیم اویان                    گوزل  عباسیم   اویان یارالی باشووه قربان اولانیم گوزووی اچ باشیووا من دولانیم نجه سنسیز گئدرم خیمه لره ئوزون انصاف ائله ای قهرمانیم گوزووه پرده چکوب قان یارالی نیه بو حاله قالوبسان یارالی شرف الناسیم اویان                گوزل عباسیم اویان بویاما گل یوزووی گوز یاشووا دیله گل ایله بیان قارداشووا سنی زهرا ننمون جانی دانیش نه اغیر یاره ووروبلار باشیووا ئورگین اودلادیلار قارداشووین بلیمی اگدی یاراسی باشووین شرف الناسیم اویان                گوزل عباسیم اویان اسمان باشیمه غم گردی الور سینمی ماتمووین تیری دلور نقدر اختارورام یوخدی ننم باشون اوستن ننمون عطری گلور بو مبارک ئولومین وار نه غمی خوش سنون حالووه گوردون ننمی شرف الناسیم اویان                گوزل عباسیم اویان #سید_محمد_عاملی#

زینبیـم گـل بـالام قانه باتدی امدی پیکانی گؤز یومدی یاتدی گئــت دئنـن بختی قاره ربابه اصغریم سینـوین داشین آتدی مـن دئدیم سو وئرللر ایچر سو ایلیـر قمــری لر مثلی «کوکو» بولمدیم بعضی اوچی سوورمیش اوخلانــا سـو کنارینده آهو آل بـو قنـداقی منـدن آماندی غصه‌دن قلبیمین باشـی یاندی بولمـرم اوخ نجـه دگـدی زینب کئچدی اوخ ساق قولوم پارچالاندی حرمله قویدی بیر اوخ کمانه اصغرین دوتدی حلقین نشانه تشنـه قربانیمـه دگجین اوخ قنداقـی دوشلوگی باتدی قانه گوئیــا هئچ یارالی دگـولدی گل کیمی باخدی پیکانه گولدی گئت ربابه‌دئه باشون ساق اولسون وئردیگون غنچه بیر دسته گولدی اصغریمه او پیکان چوخیدی پهلوانی ییخان بیر اوخیدی آرزیمیمین گوللری پـرپر اولدی گوئیا اصغریم هئچ یوخیدی تیتـردی اوخ دگنــده ایاقـی تیتـردیم منـده اصغر سیاقی بوسه آلدیم بوغازیندن افسوس بوسه سیز قالدی سولمیش دوداقی اوخشیور گوزلریم ابره اوغلوم التمـاس ایلورم صبره اوغلوم چوخ چتیندی آتا اؤز بالاسین اؤز الیلـن قویـا قبـره اوغلوم قارداشیم اولمه سیدی گلردی اود دوتان قلبیمه سـو سپردی من قویاندا سنی قبره اوغلوم قبروین اوسته توپراق تؤکردی یات دئدی ای گـل پرپر اوغلوم گئت سنی فاطمـه گوزلر اوغلوم سولماقین غنچه وقتینده والله قارداشیم محسنه بنزر اوغلوم خیمه‌ده سوسن و یاسیم آغلار گوزلریم مثل احساسیم آغلار بیلسـه میـداندا آواریم من حالیمه قولسـوز عباسیم آغلار #سید_محمد_عاملی#

📚باسلام شعر جدید شهادت حضرت ابوالفضل علیه السلام 🏴نوحه  🎼 سبک‌: تا مشکتو تو آب زدی فراتین اوسته سیدی نفس دوشوب شماره گل آلوبدی دوریمی قوشون ویروبلا بس که یاره گل یولون گوزلر نوکرین مولا گل اماندی دوشوب قوللار پیکریم یکسر لاله قاندی الین گل چک باشیمه قارداش جان ویرم من یوبانسان قارداش منیم باشیم پارچالاندی                 حسین جان 4بار وروبلا   یاره باشیمه دا گورموری یولی گوزوم سنه فدا اولوم  آقا ئورکده قالدی چوخ سوزوم منیم قارداش مشکیم اوخلاندی اولدی دل قان سوسوز لاردان شرمسار اولدوم من حسینجان ایاقیندان گل ئوپوم بیرده ماه تابان دیزین اوسته باش یارالی تا من ویریم جان               حسین جان 4بار کنار نهریده آقا ئورک دوشوب فشاره گل یخلمشام یوز اوسته من یوخ ایندی الده چاره گل علم یاتدی قوللاریم دوشدی اشکبارم دیوب بیر اوخ مشکیمه قارداش بیقرارم قالوب یوللاردا گوزوم مولا گل اماندی دم آخر دیدیوه شاها  انتظارم حسین جان 4بار بو چولده منده ظالمه باش ایگمدیم آقا یقین دوشوبدی ایندی قولاریم اولام گرک فدای دین منه ووردی دل یاراسی بو قوم خونخوار یوخوم چاره قالموشام قارداش ایندی بی یار باتوب قانه اکبر و قاسم تک جوانلار منه یوخدی بیر نفر سنسیز یارو غمخوار              حسین جان 4بار ئوزون یتیش هرایمه یولوی گوزلورم سنین دولوبدی گوزلریمه قان ائدوبدی دشمنیم کمین غم هجرونده حسین سینه داغلارام من سنون حالیوه بو میداندا آغلارام من یانور قلبیم اصغره قارداش خیمه لرده گلینجه سن پرچمی قارداش ساخلارام من              حسین جان 4بار فرات اوسته یخلمشام گل ای وفالی قارداشیم بو چولده مشگیم اوخلانوب گوزومده واردی گوز یاشیم منیم ایستور باشیمی کسین قوم غدار سنی گل بیرده گوروم قارداش یارو دلدار گوزل قارداش گل گلن یوللاره فدایم علی اصغر دن اوتاندیم ای شاه ابرار            حسین جان 4بار بهار عمرومین گلی   خزانه دوندی قارداشیم وروبلا  آندیما بیر اوخ دونوبدی قانه گوز یاشیم سنین قارداش حرمتین بولار ساخلامازلار غمینده قارداش سنین سینه داغلامازلار ورالار اوخ قلب زاریندن ای یارالی یا ران بو چولده گلوب قارداش باغلامازلار               حسین جان 4بار 🙏🏼ملتمس دعا ✍حاج مهدی ملکی زنجانی _______________ ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

#نوحه #حضرت_عباس_ع کربلایی_سعید_سلطانی https://eitaa.com/turki_nohemajma

نوحه اول محرم              با آهنگ شبانگاهان که در 15 مرداد 98 نوشته شده محرم گلدی گیوب قاره  اهل شور و نوا یا رسول الله بوآی زهرا قاره پوش اولدی قوردی بزم عزا یا رسول الله        محرم لر جوش آئدر غملر          اسر یکسر قاره پرچملر یارسول الله.   یا رسول الله 2بار دیور نوحه جبرئیل امین عرشيان یکسر قاره پوش اولدی دوتوب ماتم حضرت زهرا آغلادی بو آی غصه دن صولدی قرا گیدی شیعیان جهان بزم ماتمده گوزلری دولدی    بو آی باتدی قانه ظلمیله شاه کرب و بلا یا رسول الله           محرم لر جوش ائدر غملر            اسر یکسرقاره پرچملر یا رسول الله    یا رسول الله. 2بار نماز اوسته قانه غرق اولدی شیعه لر بو آی عالمه سلطان ویروب قانین ریشه ی دینی ایلدی احیا شاه مظلومان شهید اولدی کربلاده حسین زنده تا قالسون دینیله قرآن    بو غملرده داغدار اولدی یکسر عرش خدا یا رسول الله          محرملر جوش ائدر غملر           اسر یکسر قاره پرچملر یا رسول الله     یا رسول الله. 2بار گیچوب جاننان دین حق اوسته پایدار ایتدی حکم قرآنی ویروب بو یولدا حسین یاران عشقیله یتمیش ایکی قربانی زرو سیمه آللادوب یکسر هندنین اوغلی قوم عدوانی         بو آی شش ماهه علی اصغر اولدی دینه فدا یارسول الله       محرملر جوش ائدر غملر          اسر یکسر قاره پرچملر یا رسول الله    یارسول الله   2بار گزور گریان حضرت زهرا چولری الله سینه سوزاندی دومان دوتموش نینوا دشتین زینب کبری ایندی گریاندی گیوب قاره اهل شور و نوا سید بطها یاسی باشلاندی     دیور زینب وای حسین جانم آغلور اهل سما یا رسول الله          محرملر جوش ائدر غملر            اسر یکسر قاره پرچملر یا رسول الله.       یا رسول الله. 2بار بو آی یکسر عترت طاها غصه دن اولدی قلبی قان آغلور آچوب باشین حضرت طاها قلبی سوزاندی سینه سین داغلور ملائكه لر عرشیده یکسر شاه مظلومانه عزا ساخلور    حسین بو آی تشنه لب جانین ویردی دینه فدا یا رسول الله          محرملر جوش ائدر غملر              اسر یکسر قاره پرچملر یا رسول الله.       یا رسول الله. 2بار علی اکبر قانه غرق اولدی آغلور ای شیعه حضرت زهرا اولوب پر پر شبه پیغمبر سینه سین داغلور حضرت لیلا عباده گوردی اونون جسمین غصه دن صولدی زینب کبری        گل لیلا قانه غلطاندی آغلور اهل ولا یا رسول الله            محرملر جو‌ش ائدر غملر            اسر یکسر قاره پرچملر یا رسول الله.      یا رسول الله   2بار باتوب قانه حضرت قاسم جان فدا ایتدی دین و قرآنه اولوب گریان مادر نالان آغلور ی غملرده یا نا یانه زبس یاره ویردی اهل جفا آغلادی طاها بیله قربانه      آخوب قانی قانلی میدانه ویردی دینه صفا یا رسول الله          محرملر جوش ائدر غملر           اسر یکسر قاره پرچملر یا رسول الله.     یا رسول الله. 2بار فرات اوسته حضرت عباس تپراقا دوشدی تشنه لب آتدان سالوب لشگر هر ایکی قولونی قانه غرق اولدی یاور سلطان دیوب یاره باشینه آقانین زینبی ایتدی سینه سی سوزان    باتوب قانه سوکنارینده آغلور اهل سما یارسول الله         محرملر جوش ائدر غملر           اسر یکسر قاره پرچملر یا رسول الله.      یا رسول الله. 2بار دیوب بیر اوخ حلق اصغردن یاندروب بو اوخ آل طاهانی باتوب قانه خردا سربازی آغلادوب یکسر اهل تقوانی دوتوب قانی اوجونا شه دین عرش اعلایه سپدی بو قانی       فدا اولدی دین و قرآنه شیرخواره بالا یا رسول الله           محرملر جوش ائدر غملر          اسر یکسر قاره پرچملر یا رسول الله.     یا رسول الله.   2بار شهید اولدی کربلاده حسین زینبی سالدی چولره نالان او چولده بس ویردیلار یاره اولدی شاه ولا پیکری شان شان باتوب قانه زاده ی زهرا مرتضی اولدی دیده سی گریان      بو آی قاره گیدی روح المین قوردی بزم عزا یا رسول الله         محرملر جوش ائدر غملر           اسر یکسر قاره پرچملر یا رسول الله.     یا رسول الله.  2بار محرمده اولدی غرق بلا شاه کرب و بلا گلشنی صولدی باتوب قانه یارو انصاری عترت حیدر داغدار اولدی یازوب  «مهدی» شأنیوه نوحه غصه وغمدن گوزلری دولدی        دخیل اولدوم سن کیمی یاره ایله لطف و عطا یا رسول الله         محرملر جوش ائدر غملر          اسر یکسر قاره پرچملر یا رسول الله.    یا رسول الله.  2بار ملتمس دعاشاعر مهدی ملکی زنجانی

#نوحه #شروع_محرم کربلایی_سعید_سلطانی https://eitaa.com/turki_nohemajma

شاخصی عرض ارادت به اباعبدالله الحسین علیه السلام به قلم کربلایی صابر ثمودی سبک شهریاریمسان آقا 🏴🏴🏴🏴 یا حسین فخر ائدنون حضرت طاها دی آقا سنی اعلا یارادان حیِ توانایی آقا مظهر شیر خداسن سنی عالم تانیور شیر غیرت وئرنون عشقیله زهرادی آقا شهریاریمسان آقا سویملی یاریم سان آقا عالمه ناز ائدرم نازلی نگاریم سان آقا 🏴🏴🏴🏴 وئرمرم روضه وی مین جنّت و رضوانه آقا خادمم تا به ابد سن کیمی سلطانه آقا ساتمارام پرچموون بیر نَخینی عالمَده حسین قسم آللهیمه من تاج سلیمانه آقا شهریاریمسان آقا سویملی یاریم سان آقا عالمه ناز ائدرم نازلی نگاریم سان آقا 🏴🏴🏴🏴🏴 کیم گلوب پرچموون آلتدا آقاجان دالدالانوب عشقون عشق اوسته دئیر سینه میز اوسته قالانوب پرچم اوسته یازیلان آدیوه گورجک دئدیلر کربلایه ساری صبریم آقا دلدن جالانوب شهریاریمسان آقا سویملی یاریم سان آقا عالمه ناز ائدرم نازلی نگاریم سان آقا 🏴🏴🏴🏴🏴 من اوشاقلیقدان آقا مکتبوون عاشقیم آسمان شرف ای کوکبوون عاشقیم اگمرم باشیمی بیگانیه عمرومده حسین درس غیرت وئرن اول زینبوون عاشقیم شهریاریمسان آقا سویملی یاریم سان آقا عالمه ناز ائدرم نازلی نگاریم سان اقا 🏴🏴🏴🏴🏴 آقا جان درگهیوه شاه و گدا مشتریدی نجه درگه کی اونون خادمی حور و پریدی یول تاپامازلا بئله بیر مجلسه هر کس آقا جان بو عزایه کی گلنلر هامیسی حیدریدی شهریاریمسان آقا سویملی یاریم سان آقا عالمه ناز ائدرم نازلی نگاریم سان اقا 🏴🏴🏴🏴🏴🏴 درگهون آدلانوب عالم آرا میخانه عشق اقا عالمده دییلر بیزه دیوانه عشق لوح دلده آدیوی عشقیله بیز یازدیق حسین شمع اگر اولسان آقا بیز سنه پروانه عشق شهریاریمسان آقا سویملی یاریم سان آقا عالمه ناز ائدرم نازلی نگاریم سان آقا 🏴🏴🏴🏴 چوخلار ایراد ائلیور علم و هیئتیوه بی خبردور آقاجان ایلدوقون نهضتیوه چونکه غفلتده یاشیلار هله بیلمولر اولار قاتیب ئوز نورینی الله آقا شخصییتیوه شهریاریمسان آقا سویملی یاریم سان آقا عالمه ناز ائدرم نازلی نگاریم سان اقا 🏴🏴🏴🏴🏴 یوخ نیازیم آقاجان منّتِ بیگانه لره طالبم حق سوز باش قوشمارام افسانه لره هره بیر بزمه ایاق قویدی بو عالمده ولی من اوشاقلیقدان ایاق آچدیم عزاخانه لره شهریاریمسان آقا سویملی یاریم سان آقا عالمه ناز ائدرم نازلی نگاریم سان آقا 🏴🏴🏴🏴🏴 گلمیشم درگهوه ایله نظر شاه شرف عشقیون عالمده ( ثمودی) آقاجان دوتدی هدف اورگیم چوخ تلسور کرب وبلا خاطرینه تسکیره یولا ئوزون دلبر سلطان نجف شهریاریمسان آقا سویملی یاریم سان آقا عالمه ناز ائدرم نازلی نگاریم سان آقا

#نوحه اباعبدالله کربلایی_سعید_سلطانی https://eitaa.com/turki_nohemajma

‍ ‍ عطـری گلـور محرمیـن عطری گلور محرمین هر یره قاره چکدیلر فاطمه نوحه باشلادی گویلره قاره چکدیلر یاحسین یاحسین یاحسین یاحسین گیدی گینه حسینی لر پیرهن عزا لرین ابر بهار تک دولوب گوزلری آشنا لرون شهری لری دولان اشیت وای آنا وای نوالرون سسلوری صاحب الزمان سینه زنان عالمی قاره لباسوزی گیون گلدی حسین محرمی ویردی نشان ملکلره فاطمه قانلی کوینگی آهیله عرش اعظم و اکبره قاره چکدیلر قانه حسینی آز قالور اهل ستم بویاندرا کوفه رعیتی گلورخیمه شاهی یاندورا باشلاری نیزیه ورا سینه ده آت دولاندرا خیمه سرای عترت حیدره قاره چکدیلر عطری گلور محرمین هر یره قاره چکدیلر فاطمه نوحه باشلادی گویلره قاره چکدیلر یاحسین یاحسین یاحسین یاحسین ‍ ‍

#نوحه اباعبدالله کربلایی_سعید_سلطانی https://eitaa.com/turki_nohemajma

حسین گلدی کربلایه قوناق گوزلروندن ایراق یارسول الله ئولوب عطشان فاطمه بالاسی دوشدی ائلدن اوزاق یارسول الله محرمده قان گلرجوشه دوشر یاده قبر ششگوشه یارسول الله ( 2 ) حسینون قربان اولوم آدینا بیزلره بوآدی مادرئورگتدی ولادتده     جبرئیل      امین  گاهواره سینی گلدی ترپتدی ولی    بیلمم    کربلاده     نیه  سینه سین بوغازین شمره گورستدی معاذالله    اللهین       قانینی  توکدی اهل عراق یارسول الله محرمده قان گلرجوشه دوشریاده قبرششگوشه یارسول الله ( 2 ) سلام اولسون قانلی لبلره که ایستیدن قورودی سوکنارینده دیللر سو مهر فاطمه دی  قالدی اجنبی لر اختیارینده حسینون بیرصودامربالاسین تشنه اوخلادیلار قان دیارینده یارالی قوش تک بلکده بالا چالدی هی ال ایاق یارسول الله محرمده قان گلرجوشه دوشریاده قبرششگوشه یارسول الله ( 2 ) محرمده     قاره   پرچم    اسر سینه ده قیزیشار شیعه لر قانی دولان گوزلر      کربلایه    باخار قطره قطره آخار هی جگر قانی همین آیدا قاره یل اسیلوب گویلره سپیلوب صود امر قانی حسین آغلوردی او حاله ولی گولدی دلسیز اوشاق یارسول الله محرمده قان گلرجوشه دوشریاده قبرششگوشه یارسول الله ( 2 ) محرمده       سینه لر        آچیلار غملی سینه زنان دل کباب آغلار سپهرِ عشقین ستاره سینه  ماه  قاره   گییر   آفتاب   آغلار او گوندن مین دورت یوزایلدی گئچوب  ایندیده  بئله   بیلّم    رباب   آغلار دییردی اوغلوم گئدنده سووا ترپنوردی دوداق  یارسول الله محرمده قان گلرجوشه دوشریاده قبرششگوشه یارسول الله ( 2 ) غرض عاشورا گونی قوتاروب  غارت اولدی حرم  خیمه لر یاندی قرا   گییدی  دشت  کرب   و  بلا اولدی شام عزا نوحه باشلاندی یانان   دللر   بیر    یانان    چادرا  جمع اولوبدی هامی  سینه سوزاندی بالا قیزلار قورخا  قورخا  یاتوب  قالدی زینب اویاق  یارسول الله محرمده قان گلرجوشه دوشریاده قبرششگوشه یارسول الله ( 2 ) نگهبانیدی همان چادرا  مرتضی قیزی تا گلمیه دشمن گوروب ناگه بیرسیزیلتی گلور گلدی سسلدی آی آغلیان کیمسن او دلخسته یانه یانه دئدی  چوخدی دردیم اوغولسوزربابم من قرانلوقدا آختاریردی گولون  دلده داغ فراق یارسول الله محرمده قان گلرجوشه دوشریاده قبرششگوشه یارسول الله ( 2 ) دیه بیلّم اصغرین آناسی  صبحه تک او گجه ماتمه باتدی دیه بیلّم هی دئدی بالا وای قان ایچینده ابوالفضلی آغلاتدی سوایچمیشدی صود فراهمیدی  سسلنوردی بالام قان ایچوب یاتدی چتیندی املیک قوزی وئره جان  لیک آنا قالا ساق یارسول الله محرمده قان گلرجوشه دوشریاده قبرششگوشه یارسول الله ( 2 ) #سید_محمد_عاملی#

#ورود_به_کربلا #کانال_نوحوا_علی_الحسین ▪️▪️▪️▪️▪️▪️▪️ حجازیدن باجی جان کریلایه خوش گلدون بو دشت پر غم و پر ماجرایه خوش گلدون خلیل وارثینین حَجی تاپمیوب پایان منا چولونده نه چون ذبح اِیدنمدیم قربان منای عشقیده اما بو فعله وار امکان منای عشقه منای منایه خوش گلدون او یر که آدلانوب آدی جهاندا کرب و بلا همان او یردی بو یر ای عزیزه زهرا بو یردن عرشه اوجالدار حرملر آه و نوا دیار اوج نوا نه سمایه خوش گلدون اگر چه ظاهر باطنده دشت پر غمدور ولیک باطن ظاهرده اوزگه عالمدور محل اقدس پیغمبران اعظمدور محل داد و نوا و بکایه خوش گلدون نیازی یوخدی سالام کل مطلبی یاده آنام بتول گلر بوردا داد و فریاده یانار یانان اورکی غصه دن بو ماواده دیار مرحمت آشنایه خوش گلدون دوشر دیار بلایاده مین بلایه باشیم جدا اولار بدنیمدن گیدر جدایه باشیم تلاوت ایلیر آیاتی آیه آیه باشیم صبور اولماقا درد و بلایه خوش گلدون تجلیات جلالی بو یرده پیدادور شهید راه حقه گو بهشت اعلادور حسینیوین یوزی عشاقه چون مرایادور دیار آیینه حق نمایه خوش گلدون بو یرده راس علی اکبریم اولار منشق بو یرده زخم سری دل آچار دِیَر هو حق رسول اکرمیله مطلقه اولار ملحق محل فخر دل لیِ و لایه خوش گلدون بو یرده قاسم شهزاده قانینه باتاجاخ مرادینه اودا اکبر تک عاقبت چاتاجاخ سریه خون دلون اشک چشمینه قاتاجاخ تسلی ویرماقا اول مبتلایه خوش گلدون بو یرده باغلیاجاخدور سو یولارون اعدا شجاعت علوی گورسدر او گون سقا فراتی فتح ایلیر مشکی اوخلانار اما نگارخانه میر ولایه خوش گلدون بو یرده حقدی سوزوم یوخدی قیل و قال و مقال بو یرده آند اولا اللهه ذبح اولور اطفال بویرده جسمیم اولار جور ظلمدن پامال آنام باجی بورا عهد و وفایه خوش گلدون دل (عتیقیده) وار آرزوی کرب و بلا دِه لطف اِیده اونا صاحب سبوی کرب و بلا دوای دردی اولا خاک کوی کرب و بلا محبت ایتماقا اهل عزایه خوش گلدون شاعر: طهمورثی (عتیق)

#عرض‌ارادت #یل‌یاتار‌طوفان‌یاتار #ای‌دونیاده‌منیم‌نوردوعینیم ------------------- ☑️بند اول ای دنیا ده منیم نور دوعینیم عشقیم اربابیم حسینیم آقا قلبیده واریمدی حسرت بین الحرمینیم صحنیوین چو بیقراریم تل زینبین خماریم عشقیوی دیلده بسلرم من بزم عزا ده سسلرم من 🔰 یل یاتار طوفان یاتار یاتماز حسینین پرچمی دیده ی دوران یاتار یاتماز حسینین پرچمی ☑️بند دوم یاد اولسون کربلا شور و نواسی او گوزل صحن و سراسی منی آیری حاله سالدی خیمه گاهین غملی هواسی کربلا بهشتیم دی منیم عزتیم دی عشقیم دی منیم دوشوب دی باشیما هواسی وار دیلیمین بئله نواسی یا حسین سرمست اولان دیولانه لر قربان سنه شمع عشقین ده یانان پروانه لر قربان سنه 🔰 یل یاتار طوفان یاتار یاتماز حسینین پرچمی دیده ی دوران یاتار یاتماز حسینین پرچمی ☑️بند سوم عشقین آقا سایه سالدی جهانه سن سن عشق جاودانه آقا بو سینه ووران لار وقف دی صاحب الزمانه جسمیلر اگر قانا باتا قویماروخ قرا علم یاتا کرب و بلا دیاریمیز دی اولونجه بو شعاریمیز دی آند اولا ویرانه ده زینب دوتان ماتم لره قویماروخ بیگانه چپ باخسین قرا پرچم لره 🔰 یل یاتار طوفان یاتار یاتماز حسینین پرچمی دیده ی دوران یاتار یاتماز حسینین پرچمی ☑️بند چهارم یاد اولسون شمع عشقین ده یانان لار عاشقلر ، پیر و جوان لار یا حسین خان کرمین ده شعرائیله نوحه خوان لار نیریله ، سعدی زمان منزوی و هادی و جوان وثاقی و شانی و زائر دییردی سید جواد ذاکر کربلا خواهی اگر از دامن زینب بگیر چون کلید کربلا در اختیار زینب است 🔰 یل یاتار طوفان یاتار یاتماز حسینین پرچمی دیده ی دوران یاتار یاتماز حسینین پرچمی به قلم : کربلایی امیر حسامی✍حسام

‍ ‍ (تقدیمی به همه عاشقان حضرت ابوالفصل علیه السلام) یا امام زمان شیعه ده احساس باخ جلوه ی پرچم حضرت عباس باخ اولدی قولار قَلم ...تا اوجالسون علم یا ابوالفضل...یا ابوالفضل پسر فاطمه...ای هامینون سروری کیمدی سندن صورا...عشقیموزون داوری سینه زنلر سالار...یاده اوزون الری اولدی قربان دین...گل امّ البنین یا ابوالفضل...یا ابوالفضل بیلور عالملر ای...پادشه منتظر هاردا عباس آدی...ا.لسا اددرسن نظر نولی بو جمعه سن ...باخاسان آقا دیده تر هامی ایستور صله...سسلر.خ آهیله یا ابوالفضل...یا ابوالفضل بوگون عاشقلر اول...سرور قربان کسر خلف صالح...حیدره قربان کسر شیعه پرچم دوتان...اللره قربان کسر آدی دللرده دی...علم اللرده دی یا ابوالفضل...یا ابوالفضل گئتدی عباس آقا...سو گتوره قیزلارا اوخلانوب مشگی هم...باشینه دگدی یارا اولدی صحرای غم...زیبنه ماتم سرا دئدی وای قارداشیم ...قهرمان یولداشیم یا ابوالفضل...یا ابوالفضل آه او گوندن حسین آلدی وزیرین سسین گلدی گوردی آلوب لشگر اونون دوره سین دئدی دور ای هواداری منِ بی کسین ای امیر قُوا...سنه جانیم فدا یا ابوالفضل...یا ابوالفضل حاج محمدباقرمنصوری

حاج محمد باقر منصوری

طفلان حضرت زینب (س) 🏴🏴🏴🏴🏴🏴🏴 گل پرپر اولدی گللرون هارداسان زینب گل باغلا قانلی گؤزلرین باغریقان زینب آه و واویلا، سسلن یا زهرا الحق گؤزل اوغلانلارون حقّه یار اولدی عشق اوسته هر ایکّی بالون جان نثار اولدی اورگتدیگون درس وفا آشکار اولدی راه شرفده وئردیلر امتحان زینب غملر حسینون ایلیوب قلبینی القان چیخ پیشوازه قارداشون صبروه قربان آزاده خو اوغلانلارون گلدی میداندان جانان یولوندا اولدولار جان فشان زینب ائتمه پریشان قلبیمی بی قرارم من بسدی اوتاندیرما منی شرمسارم من آند اولسون اکبر جانینه داغدارم من یاندیرما یانموش قلبیمی مهربان زینب الحق الوبلار درس عشق عالی مکتبدن عالی حمایت ائتدیلر دین و مذهبدن بو شیردللر شیر اولوب شیر زینبدن احسن بئجرمیشسن ایکی قهرمان زینب ئوز قویدولار میدانه چون مرد مردانه هئچ باخمیوبلار کثرت قوم عدوانه ناگه ویروبلار اؤزلرین موج طوفانه حیران قالوبدی عرصه ده دشمنان زینب لحن حجازیلن ائدوب چون رجز خوانی تنگ ائتدی بو رزمنده لر خصمه میدانی قیردی داغیتدی قهریلن خیل عدوانی احسن دئدی اولادوه قدسیان زینب سسلردیلر ای کوفیان ایلروک اخطار بیزده ایکی آزاده دن ارث غیرت وار هم جدّیمیز حیدردی هم جعفر طیّار دوشدی او سؤزدن وحشته کوفیان زینب بو سسلینده شوریلن بیر اوجا تکبیر او اندیریردی غیضیلن ضربت شمشیر تکبیری شمشیر ایلیور گؤردولر تفسیر عرشه اوجالدی عرصه دن الامان زینب وئرمیشدیلر چون دالدالا بو ایکی قارداش دوشموشدی ظلّ ذلّته زمرۀ اوباش یورغون چاغیندا اونلارا سو اولئیدی کاش سوز عطشدن اولدولار ناتوان زینب سویگوللرون دوشدی باجی دام اشراره تنگ اولدی عرصه اول ایکی خسته دلداره سبقت ائدور گؤردوم او دم اوخلار اوخلاره واردی یئری قلبون اگر اولسا قان زینب التماس دعا

طفلان حضرت زینب س ئولسون باجون گورّم گوزون گریاندی قارداش  اوغلانلاریـم جانیــم سنـه قربانـدی قارداش  سن آغلاسون قان آغلارام  قلب جهانی داغلارام  صبر ایله قارداش (2)    دُرّ ســرشگـون ایلمـه رخســاره ارزان  اولسون ئوزوم اوغلانلاریم ای جان جانان  بیـر تــار مـوی اکبـره میـن دفعه قربان  بو سوز منه عشقیم ویرن فرماندی قارداش  حفظ ایت وقارون آغلامـا ای شاه خوبان  دشمـن قباقینـده دایـان شاداب و خندان  زینب باجون اولسون سنه هر لحظه قربان  عشقونده جان قربان ایدم ارزاندی قارداش  سن راحت اول‌زینب سایار بو دردی ساده  شرمندیـم فِدیـم حسیـن یـوخ فوق‌العاده  حاشا سـالام اولادیمـی بیـر یـولدا یـاده  هــر تـک تکـی قربانـی قرآندی قارداش  درس عَمَـل مـن آغلیـان نسوانـه ویرّم  گـر ممکن اولسا جانیمـی جانانه ویرّم  میـن اوغلومـی قربـان رَه قـرآنه ویرّم  دینـون بقـاسی دهریده چون قاندی قارداش  غیرت خروش و جوش ایدور زینب قانیندا  ایمـان قانیـلان سیر ایدور یورقون جانیندا  اولاد آدیـن مــن دوتمـارام لیــلا یانیندا  اکبر کیمـی اوغلی ئولـوب نالاندی قارداش  عالَـم بیلـور اکبـر نجـه نازلـی بالیدی  هـر بیـر نگاهـی قلبیـدن طاقت آلیدی  ای کـاش ئولیـدی زینبون اکبر قالیدی  لیـلا سینـه دنیـا یوزی زنداندی قارداش  دنیــا و مافیهـا هامـی قرآنــه قربان  اوغلانلاریم جانیم ئوزوم جانانه قربان  قربانلاریم سن ویردیگون قربانه قربان  اظهاریمه خندان یوزوم برهاندی قارداش  من بیر الی بوش بندَیم گُللر سنوندی  اکبر حضورینده گوزل اکبر سنوندی  من بسلین گللر حسین یکسر سنوندی  صر صر ویروب گلزاروی تالاندی قارداش

طفلان زینب(س) سبک:بزم عزاده گیمیشم 🏴🏴🏴🏴🏴🏴🏴 قارداش حسین اوغلانلاریم مرد میداندی وئر اذن دعوا بونلارا دیده گریاندی مولانا،حسینجان لطف ائت دولاندیر باشیوه سال یولا قارداش قرباندیلار گوز قاشیوه سال یولا قارداش ائله فدا قارداشیوه سال یولا قارداش بو خاطر محزونیوه قلبیم اودلاندی باخما عباده اکبره توکمه گوزیاشون باخ سرو تک عباسیوه ساقدی قارداشون فخر ایلرم اوغلانلاریم بذل ائده باشون هر ایکّیسی نون قانلاری دینه احساندی من بو قوزی قربانلارا ائتموشم زینت جنگی لباسی بونلارا وئرموشم خلعت اولسا قبول درگهون وئرگیلن رخصت مسرور اولار زینب گوره قانه غلطاندی آرایش ائتدیم بونلارا دسته ی گُلدی هم گوزلرینده سرمه وار زلفی سنبلدی ای باغبانیم سنده گول غنچالار گولدی شبنم یاغیر برگ گله گللر ایسلاندی آغلولّا سویلوللر دایی، اذن وئر جنگه سالسون باجون اوغلانلاری دشمنی تنگه نوباوه ی حیدر مگر صبر ائدر ننگه سن حجّت اللهسان سوزون حکم قرآندی گاهی محمد گاهی عون مرد مردانه بوسه ویرولّار شوقیلن پای سلطانه گاهی دونولر باشینه مثل پروانه گاهی اوپوللر اللرین بزم عرفاندی امر ائتدی مولا زینبه اول باجی آگاه سن ایستسن قربان وئروب فی سبیل الله شاید رضایت وئرمیه شخصاً عبدالله رأی ولیّ دم منه اصل برهاندی عرض ائتدی زینب ای منیم دردیمه درمان ائتدی بو نوعی همسریم رأیینی اعلان جنگ اولسا بو اوغلانلاری ائتگیلن قربان گرچه محقّردور بولار ، دینه قرباندی بعد از بو سؤز مولا حسین قوللارین آچدی ئوپدی قوزی قربانلاری بیر قوجاقلاشدی قارداش باجی اهل حرم یکسر آغلاشدی گئتسون باجیم اوغلانلاری روز هجراندی باهم ایکّی قارداش قاچوب تلّیدن اندی میداندا بیرجوت باهنر شبل گورسندی الله اکبر نعره سین چکدی سسلندی ای بی حیالر کیفروز تیغ برّاندی یوز قویدی قلب لشکره هر ایکی قارداش نیرانه عازم ائتدیلر گلدی هر اوباش پرچم یاتوب قوللار دوشوب آیریلوب چوخ باش بو قدرته قوم دغا مات و حیراندی طفلان زینب لشگرین طاقتین آلدی هرکس گلوب بیر ضربه ده تپراقا سالدی زاغ و زغن حمله ائدوب عون، تک قالدی گوردی محمد قارداشین جسمی شان شاندی دوشدی غزالان حرم دام صیاده سس یتدی تلّ اوسته دایی تئز گل امداده باش کسماقا جلّادیلر دورموش آماده اژ جان جانان داده گل وقت بحراندی گلدیله شاهیله وزیر مقتله گریان بیرجوت جنازه تاپدیلار قانیلن الوان دوغرانموشیدی جسمیلر سینه لر شان شان گل جسملردن کام آلان نوک پیکاندی 🏴🏴🏴🏴🏴🏴🏴🏴 https://eitaa.com/turki_nohemajma