نوحه شب شهادت امام علی(ع)
"آهنگ:میگذردکاروان
🌴🌴🌴🌴🌴🌴
ای منه روح وروان*ائتمه منی باغریقان
آچ گوزووی جان بابا*زینبه خاطراویان
آیریلیقایوخ دوزوم*قالدی اوره کده سوزوم
ابربهاران کیمی*یاش توکور
آغلارگوزوم
غمونده سینه می داغلورام
یارالی باشووه آغلورام
جان یارالی....
🎋🎋🎋🎋🎋🎋🎋🎋🎋🎋🎋
ظلمی عیان ائتدیلر*قلبیمی قان ائتدیلر
بویارالی گوگلومی*غرق فغان ائتدیلر
کوفه نه بحرانلیدی*صحنه سی طوفانلیدی
زیب مصلی،،نیه؟*سجده گهون قانلیدی
اسلامه بوقان عزت وئروب
محراب عشقه زینت وئروب
جان یارالی......
🎋🎋🎋🎋🎋🎋🎋🎋🎋🎋🎋
خوشدی ننم آغلاسون*سینه لری داغلاسون
باغ جناندائوزی*باش یارووی باغلاسون
قیدووه زهراقالار*باشینه قاره سالار
ائتسه دعا یاروون*فوری شفاسین آلار
جان ای باغلانمیان یاره سی
زهرادی دردوون چاره سی
جان یارالی....
🎋🎋🎋🎋🎋🎋🎋🎋🎋🎋🎋
گوزیاشیمی سیلمرم*
آغلیارام،گولمرم
دوشسه حجازه یولوم
کوفیه دای گلمرم
ائتسه قضااقتضا*بیرده قییتسم بورا
کوچه لرینده گزوب*ایلرم آه ونوا
غمدن یاپراق کیمی اَسمیشم
کوفه دن آی باباکوسموشم
جـــان یارالی.
➖➖➖➖➖➖
در شهادت حضرت امیرالمومنین علیه السلام
🎵سبک: ای منی آواره قویان...
📝 بهلول حبیبی زنجانی
ــــــــــــــــــــــــــــــــــ
عالم اولوب غرق عزا علیجان - علیجان
شیعه ایدور شور و نوا علیجان - علیجان
نار فراقینده یانور اورکلر - اورکلر
ناله و افغان ایلیور ملکلر - ملکلر
عدنیده باشینی آچوب پیمبر - پیمبر
اولمادی دردیوه دوا علیجان - علیجان
اشگینی زینب الیور عذاره - عذاره
گیتدی باباسی یارالی مزاره - مزاره
لعنت اولا دشمن کین شعاره - شعاره
ویردیلا باشیوه یارا علیجان - علیجان
دین و نماز اوسته علی ویروب جان -ویروب جان
کوفه ده ناله ایلیور یتیمان - یتیمان
زینب و کلثوم و حسین پریشان - پریشان
سالدی حسن شال عزا علیجان - علیجان
مظلوم آقا فاضل آقا جان آقا - جان آقا
عشقیوه ایمانیوه قربان آقا - جان آقا
شیعه‌لرون قلبی اولوب قان آقا - جان آقا
اولموشوق آماج بلا علیجان - علیجان
گل کیمی گلزاریده سن سولوبسان - سولوبسان
گویده بولوط تک آقاجان دولوبسان - دولوبسان
یرمی بش ایل خانه نشین اولوبسان - اولوبسان
یوخدی بو دنیاده وفا علیجان - علیجان
➖➖➖➖➖➖➖
🏴زبانحال حضرت زینب کبری سلام ا... علیها در کنار بستر امیرالمؤمنین علیه السلام🏴
🎶(اصغریم ای شیرین زبانیم)
روزگارین داد اَلیندن
ناله و فریاد اَلیندن
بِش یاشیمدان غمه اَسیرم
اولمادیم آزاد اَلیندن
زینبین ناله سَسی عرشه چاتیب
وای بابا مَحاسینون قانه باتیب
بابام ایوای بابام ایوای
چوخ اولوب غمون جهاندا
یانموسان یاده سالاندا
سن او گون دوشدون اَیاقدان
آنامی ثانی ووراندا
یوردولار سنی بابا قوم دَنی
آنامی وورانلار ئولدوردی سنی
بابام ایوای بابام ایوای
بابا دَردون منه گَلیدی
زینبون ایکاش ئولیدی
تیغ کین سنه دَگینجه
قیزیوین قلبین دَلیدی
یاراوی، گوروب اورک داغلییَرم
آنامین، یاره سی تک باغلییَرم
بابام ایوای بابام ایوای
چوخدی محنتیم بولَرسن
گیدوسن سن دینجَلَرسن
یخیلان وقتیده حسینیم
قتلگاهیده گَلَرسن
او چوخور یره اوزون یِتیر بابا
آنامی گَلَنده سن گَتیر بابا
بابام ایوای بابام ایوای
#امیرالمومنین_ع
#حضرت_علی_علیه_السلام
التماس دعای فرج
الاحقر مهدی عبادی
➖➖➖➖➖➖
431.3K
▪️#زبانحال_حضرت_زینب
▪️#شهادت_حصرت_علی
🎤کربلایی سعید سلطانی
@turki_nohemajma
#کانال_ترکی_مجمع_الذاکرین
در شهادت حضرت علی علیه السلام
#گریز به #قتلگاه
.
.
#سبک_کوفه_را_ماتم_گرفته
.
حاج علی زلفی تبریزی
.
شورش محشر بپادی
قدسیان غرق عزادی
.
ماه رحمت دوشوبدور خسوفه
آغلاشوللار یتیمان کوفه
.
یاعلی یا علی یا علی جان (2)
.
.
.
باش آچوب جنتده طاها
ذکری دیلده واعلیا
عالمین بو عزا پوزدی حالون
سولدوروب اهل بیتون جمالون
.
.
.
گویلره قاره چکیلدی
زینبون قدی بوکولدی
قلب زاری گلردی نوایه
سسلنردی آنا گل عزایه
.
.
.
جان ویروب روح مناجات
بیرده مثلی گلمز هیهات
.
بولمدی قدرینی اهل عالم
غصه دن اولدی چوخ حالی برهم
.
.
.
چوخ جلالیله نهایت
دفن اولوب شاه ولایت
شیعیان جسم شاه شهیدان
قالدی گونلر قباقینده عریان
جان یارالی یارالی یارالی ...
.
.
#گریز به قتلگاه
.
گرچه حیدر دلشکسته
جان وئروبدور زار و خسته
.
اوغلی اما او میدان ایچینده
قالدی گودالیده قان ایچینده
.
.
.
بیر طرفده شمر ملعون
بیرده زینب گلدی دلخون
.
ال آتوب قاتلین خنجریندن
تا دوتوب قان آخوب اللریندن ...
➖➖➖➖➖➖➖
( احوالات حضرت علی(ع) وزبانحال حضرت زینب (سلام الله علیها)🏴🏴🏴
سبک: یخلوب عباسیم نهر فرات اوسته
یارالانوب باشدان ، نماز اوسته مولا
صبحین زمانینده ، بلشدی قانه
جبرئیلین سسی ، دوشوبدور آفاقه
دئیور ئولدی حیدر ، گَلوب افغانه
****
ابن ملجم حرمت ، ائتمدی قرآنه
او شاه مردانه ، نَده طاهایه
زهریلی شمشیری ، اوجادان اندیردی
سجده زمانینده ، فرق مولایه
تیتردی عرش و فرش ، دلدن ائدوب جاری
دئدی مولا فزت ، وَ رَبّ الکعبه
چکدیلر تئز قاره ، جنّت العلایه
ملائک تسلیت ، دئیور زهرایه
*
حسنینین گلدی ،گوروب نه عالمدی
یخلوب مرتضی ، قانه غلطاندی
سارالان جمالین ، گوتوروبلر یئردن
بالا لارین بابا ، سنه قرباندی
قان دولان گوزلرین ، بیر دفعه آچ بابا
دور ایاقین اوسته ، گئدک آهسته
یول گودور قیزلارین ، سولوب ایندی زینب
دونوب گوز یاشلاری ، سئله گریاندی
****
گتیروبلر آرام ، فرش ایچره مولانی
بویوروب صبر ائدون ، زینب قان آغلار
قویون ایاق اوسته ، گئدیم زینب گورسون
بئله گُورسه قورخار ، سینه سین داغلار
یارالی بابانی ، گوروب یاندی زینب
دئدی سسله بابا ، ننم زهرانی
ئوز طبیبون گلسه ، باش یاریوا بابا
اشکین ائیلر مرحم ، یاراسین باغلار
بو غم عظماده ، نئجه دوزسین زینب
بو دردیوه یوخدی ، بابا جان چاره
قلبیمی قان ائیلوب ، وفالی عباسیم
یانور سوز غمدن ، قالوب آواره
غیرتیندن تیترور ، گَلوب قانی جوشه
ئوزین دیندیر بابا ، چاغیر عباسی
دئنن اوغلوم صبر ائت ، غیرتین معناسی
بو قدری گوز یاشین ، توکمه رخساره
*
دردلرین درمانی ، ای ناطق قرآن
گوشه ی چشمیلن ، وئر بیزه احسان
هر بَلانی ایسته ، تمام عالمدن
رفع بلا ائتسین ، رحیم و رحمان
سنی وئرّم مولا ، قسم عبّاسیوه
بیزی ساخلا حیدر ، قاپوندا نوکر
اَل آتوب دامانه ، (#سیامک)قان آغلار
ایسته بو نالانی ، قبریوه مهمان
🏴🏴🏴🏴🏴🏴🏴🏴
398.7K
▪️#نوحه
#زبانحال_حضرت_زینب
▪️#شهادت_حصرت_علی
🎤کربلایی سعید سلطانی
@turki_nohemajma
#کانال_ترکی_مجمع_الذاکرین