#بِسمِ_الله_الرَّحمنِ_الرَّحیم #احوالات_خانم_حضرت_اُمَّ_البَنین_س من اُمّ بَنینَم غمیم عالم لری داغلار دنیا نَقَدَر وار منیم احوالیمه آغلار سایسان نَقَدَر دهریده گَلمَز سانا دردیم دنیا غمی بیر یانه منیم بیر یانا دردیم قویدوم من اوگوندن کی قدم جاده ی عشقه ال ووردوم او گوندن کی بئله باده ی عشقه خدمت ایلدیم من نئچه شهزاده ی عشقه فخریله کنیز اولدوم او گوندن حَسَنِینه بیر عُلقه ی مخصوص ولی تاپدیم حسینه زهرا ائوینون اولموشام عزتلی کنیزی هر چند کنیزم ولی عالَم لر عزیزی افسوس اُولادرک ائتمدیم اُول ماه حجیزی فریاد بو چرخ فلکین داد الیندن هئچ قویمادی بیر لحظه اولام شاد الیندن تا اسدی خزان گلشنیمون گل لری سولدی غم باده سی جامِ دلِ ناشادیمه دولدی دنیاده غم و محنت و ماتم منیم اولدی آهیم اوجالوب عرش خداونده دایاندی یاندیم ولی دشمنلریم احوالیمه یاندی ییخدی ائویمی چرخ فلک کرب وبلاده دورت سروقد اوغلوم واریدی باغ وفاده هر تک تکی بیر شیر کیمی محکم اراده عشقیله گئدوب مقصدومنظوره چاتوبلار ایوای منه کی تشنه سوسوز قانه باتوبلار هر دوردی سراپا شرف و غیرت و ایثار دعوا گونی هر تک تکی بیر حیدرِ کرار پرچم گوتورن وقتیده چون جعفر طیّار ایمان و دیانت لرین ایلوبدولر اثبات ایثار و شجاعت لرینه عالم اولوب مات گلشنده گلِ یاس منیم یاسیمه آغلار احساسی اولانلار منیم احساسیمه آغلار هر عاشق اولان کس منیم عباسیمه آغلار عباس نه عباس هامی غیرته دارا زینب دیوری آلدی سویی ایچمدی اما عباس نه عباس کی خلق ایچره سئچیلدی بیر سرو کیمی قامت رعناسی بیچیلدی از بس کی دَیوب یاره اوجا قدّی کیچیلدی شام اهلی جفادن دئمه بیر لحظه دویوبلار گویا بالامی بیر بالاجا قبره قویوبلار ایوای منیم حالیمه ، احوالیمه ایوای بطلان چکیلوب دفتر آمالیمه ایوای غم تیری دَیوبدور بو پر و بالیمه ایوای عباسیمون احوالی منی خونجگر ایلر دنیایه منیم آغلاماغیم چوخ اثر ایلر عمروم یتوب اتمامه گوزوم یولدا قالوبدی درد و غمِ هجران دلیمی درده سالوبدی آخر نفسیم دور گویه آهیم اوجالوبدی ای باد صبا کرب و بلایه گذر ایله احوالیمی عباسیمه باری خبر ایله سویله آناوین یاسینه گل سینه وی داغلا یوخ آغلیانیم سون نفسیمده منه آغلا یولاردا قالان گوزلریمی لطف ایله باغلا هر چند کی گوز باغلاماغا اَل گَرَک اُولسون ایوای منه یوخدور اَلون عباس آنان ئولسون من شمع وفانین بالا پروانه سی اولدوم وصلین نچه مدتدی کی مستانه سی اولدوم درد و مُحَنین دهریده هم خانه سی اولدوم بیر کیمسه منیم حالِ پریشانیمی بیلمز گوزیاشمی سندن صورابیرکیمسه کی سیلمز چوخلار خانم ایلوبدی سیزه ذکر مصیبت یئتمز باشا گر اهل قلم یازسا بو محنت "دلجو" ده بو طرزیله سیزه ایلوری خدمت عباسیوه خاطر الی بوش ایلمه سنده سال سایه ی لطفون باشیما حشره گلنده ای چرخ وفانین مهِ تابانی اباالفضل حیرتده قویان جودی مسیحانی اباالفضل باخ بیر منه سن بول آناوین جانی اباالفضل حاجت الیمی آچمیشام ای ساقی عطشان سندن آقا جان ایستیورم دردیمه درمان #دلجو #حضرت_اُمُّ_البَنین_س #مخمس

#سالروز_تخریب_قبور_ائمه_ی_بقیع #لعنت_الله_علی_القوم_الظالمین **** او گون کی خانه ی صبری خراب ائدوب اشرار بقیع   نی   ایلدی  تخریب   قوم  کینه  شعار دوباره جهل و عناد اوسته اهل کین دوردی دل    پیمبری    نار    جفایه    یاندوردی * دوباره  اهل  سقیفه  قوروبلا  بیر  شورا بیر  آیری  باب  جفا  آچدی فرقه ی اعدا خدنگ   محنته   توش   ائتدیلر  احبانی ملول   ائدوبله    دل   اهل  بیت  زهرانی ** ایا     بقیة     الاخيار     گوزلرونن   ایراق نه صحن قالدی نه گنبدنه مضجع ونه رواق وهابی لر گینه بیر باب جور و ظلم آچدی لوای   فتنه نی  شهر  مدینه  ده   ساچدی **** امام   اربعه  نین  قبرینی  خراب  ایلدی تمام  شیعه  لرین  قلبینی   کباب  ایلدی وطن  غریبی امام حسن بولر بو سوزی سنون ظهوریوه الان دا منتظردی گوزی * گلوب  شرر  چمن  اهل  فتنیه سالاسان آناسی فاطمه نین قانینی اوزون آلاسان و  بیرده  ام  بنین   زوجه ی  امیر عرب بلا  و  محنت اسیری، غریق  درد و  تعب ** ادب خزینه سی،بحرعطوفت و احساس مقام  و  رتبه سی  والا   و  مادر  عباس  دیلینده وای بالاوای اصغرین آناسی رباب جفای حرمله دن یاندی  قلبی  اولدی کباب **** نقدری  عمری  واریدی  یاناردی  آغلاردی عذاره  خون  دلی  گوزیاشیله  باغلاردی «دییردی ای آناسین چوللره سالان بالا وای» سویون یانینداسوسوز،تشنه اوخلانان بالاوای **** آنان ئولیدی علی اوچ گون اوچ گیجه یاندون عطش شرارینه یاندون اوغول الولاندون بو نسگلون منی عمرومجه دیده تر قویدی بالاسی  اوخلانان  آهو  کیمی  ملر قویدی **** دئمه کی سن گیده لی قلب زاری داغلامادیم الیوی   باغلادیم   اما  یاراوی  باغلامادیم  بو شرح حالی یازوب مین امیدیله«دلجو» بو   آستانه  ده    نوکرلیقا   تاپوبدور   خو ***- #تخریب_قبرستان_بقیع #دلجو #بداهه کانال اشعار اصغر گلمحمدی متخلص به (دلجو )

السلام علیک یا امام الرئوف یا سلطان الاولیاء ☘☘☘☘☘ ای مقتدای عاشقان مولا علی موسی الرضا ع وی شهریار مستعان مولا علی موسی الرضا ع ☘☘☘☘☘ قبرون مطاف عارفان صحن و رواقون طوریدور عطر و گلابیلن بوتون خاک مشهد معطوریدور به به عجب دور گنبدون ایرانه فیض النوریدور قربان او قبره انس و جان مولا علی موسی الرضا ع ☘☘☘☘☘ سن شمع سن عاشق لرون دورونده بیر پروانه دور صحنونده سقاخانه وار عشق اهلینه میخانه دور هر گون رواق اطهرون زائر لره خمخانه دور مست می رطل گران مولا علی موسی الرضا ع ☘☘☘☘☘ هر کیم گله اول بقعیه عزت تاپار شوکت تاپار هر کیم سنی مولا بوله محشرده امنیت تاپار هر کیم اوپه خاکون سنون واللهی شخصیت تاپار ای چاره ی بیچارگان مولا علی موسی الرضا ع ☘☘☘☘☘ #دلجو#

#آمدن_راس_مبارک_امام_حسین_ع #به_خرابه_شام #زبانحال_حضرت_زینب_س خرابه منزله تا یئتدی راس شاهنشاه یئتن زمانیده دوردی ایاقه آل الله بیر آیری عالمیدی گوئیا دل شب ده فلکده بیر بیره دگدی نجوم و مهریله ماه گورنده قارداشینون باشینی خانم زینب گلوب فغانه چکوب قلب زاریدن بیر آه دئدی حسین باجون ئولسون دولوبدی قان گوزووه او قانلی گوزلریله ایله بیر بو زاره نگاه دگوردی شانیوه شایسته گر چه ویرانه خرابه منزلی ماوا ائدر مگر بیر شاه؟ یارالی لبلریوه زینبون اولا قربان مروت ایلمیوب ذره فرقه ی گمراه دوداخلاروندا حسین خیزران نشانه سی وار دوباره جاری اولوب لبلرونده ثارالله قتیل عشق اولا هر کیم ایله بو حاله قالار چیخار جدایه باشی ای خلیل آل الله گلینجه شامه حسین چکمیشم نلر بولوسن جدا باشیندا اوزون اولموسان منه همراه اجازه وئر سنه قارداش دیوم مصیبتیمی تمام غملریمه ایلیم سنی آگاه حریر نازیده نازیله بسله نن بالالار خرابه ده گیجه گوندوز چکوله ناله و آه حسین گوزونن ایراق باغلانوبلا سلسلیه حیالی قیزلارین احوالینه بیر ایله نگاه دیلینده وای بالا وای بینوا رباب آغلور جهانه اوت سالار آخر بو ناله ی جانکاه الین قویوبدی اوره ک باشینه نوائیله دیور فلک منی ائتدی جهاندا بخت سیاه ربابه چاره ائدیم یا کی لیلی زاره؟ ئولوب جوانی آخور اشکی دیده دن چو میاه رقیه اکبری تئز تئز خبر آلور مندن ئولیدی عمه سی ویرانسراده اولدی تباه دیوردی عمه منیم بس بابام هاچان گلجاخ گلیدی کاش علی قارداشیم اونا همراه اوقدر آغلادی آخر سنی خرابیه گتدی یزیدی ایلدی رسوا سپهر عصمته ماه منیم ده ایلدی خم قدیمی غمون قارداش آغارتدی زلفومی، صبحوم اولوب چو شام سیاه تمام ائله سوزی«دلجو»بویئرده قوی قالسین اگر چه توسن طبعون غمه آچور شه راه #دلجو اصغر گلمحمدی متخلص به دلجو

#السلام_علیک_یا_ام_البنین_س #یار_و_یاور_علی_ع کشتی عمروم اولوبدورغرقه ی طوفان اوغول انتظارم،  گوزلریم  گوزلَر  سنی  هر آن  اوغول گوزلریم   یوللاردا   قالدی   دلده   سوز   آهیله آغلارام   شام  و  سحر  من  ناله ی  جانکاهیله باش  باشا  وئرَّم  بو  ائوده  اوغلون عبداللّهیله سسلینده وای بابامن سسلرم جان جان اوغول رسمیدور بیمار اولا هر کیمسه درمان آختارور دردینین  درمانینه  درد  اهلی  لقمان  آختارور صون  نفس ده  گوزلریم دیدارِ جانان آختارور قویما قالسون منتظر بو دیده ی گریان اوغول گَل گَلنده وئر خبر هم عون و فضل و جعفره هم   حسینون  نور  چشمی  شاهزاده  اکبره دوز بنی هاشم جوانلارین یول اوسته، معبره شائقم  دیداروزه  هر لحظه  و هر آن  اوغول روز و شب فکریم بودوربیرده گوریدیم گُل یوزون روحیمه  وئرسین صفا نطق  ایلدیقجا  هر  سوزون جان   وئرنده  هر آنا،  باغلار  اوغول،  مادر گوزون قوللارون اولموش قلم،یوخ بو ایشه امکان اوغول سرو قَدّون یادیمه دوشدوخجا هر آن آغلارام آغلارام   رخساریمه  سیل  سِرشکی  باغلارام وای اوغول وای سسلرم قلب جهانی داغلارام سوز آهیم دور اولوب بیر آتش سوزان اوغول اُول  قَدَر من آغلادیم  دشمن لر اولدی دلکباب سس قوشاردی ناله ی جانسوزیمه بیکس رباب نالیه   گلدی  منیم   نالم  دن  عرش و نُه قَباب چرخ   گردون   ایلدی احوالیمه  افغان اوغول ماجرای    کربلانی    هر     زمان   یاد   ا یلرم وای اوغول  وای  سسلرم هر دمده فریادایلرم یاده سالام مرکب اوستن دوشماقون دادایلرم اولموسان  آماج  تیر و خنجر و پیکان اوغول واقفم  بیر مشک سو اوسته سنی قوم عداوت ایلیوبلر     کربلا ده    آل   طاهادن     خجالت مشکیوه بیراوخ دَیوب ایلوب سنه برپاقیامت بیر  قیامت کی  گورنمز  عالم  امکان  اوغول رحم سیزدشمن سنی ایلوب حسین دن شرمسار تا دَیوب اوخ مشکیوه یوز وئرموش حال انکسار قانیویله   کربلا     دشتین    ائدوبسن    لاله زار گل وجودون تا اولوبدور نقشه ی میدان اوغول وای  منه  کرب  و بلاده توش اولوبسان هرغمه ثبت   اولوب   ایثاریوین   معیاری   نهرِ   علقمه سن    قلم   قوللاریله  حامی  اولوبسان  پرچمه قویمادون  ایثاریده  بیر ذره ای نقصان  اوغول دلده واربیرنیسگیلیم چیخماز یادیمنان بیر زمان قبریوی من گورمه دیم  اولدوم جهاندا باغریقان قالدی  قلبیمده  بو  غم  لر  قَدّیمی  ائتدی کمان خانه ی صبریم اولوبدی گور نئجه ویران اوغول ای خانم اُمَّ البنین   یار  امیرالمؤمنین بیر  گدایم   درگهوز  ده  ایلورم  داد و انین سویله عباسه اولوب"دلجو"غمیمده دلغمین لطف قیل ایله اونوندادردینه درمان اوغول #دلجو ✨اَللّهُمَّ عَجِّل لِوَلیِّکَ الفَرَج✨

بمناسبت 27 رجب المرجب خروج امام حسین ع از مدینه 🍀🍀🍀🍀🍀🍀🍀🍀🍀🍀🍀🍀🍀 مدینه دن یولا بیر کاروان دوشوب گیدوری بساط غم قورولوب موکنان دوشوب گیدوری یغوبدی باشینه انصارینی شه دوسرا بویوردی حاضر اولون عزمنا بسمت منا منای کرب و بلا منتظردور احراره صفالی تربتی چونکی شفادی بیماره او یرده دردیمه درمان اولار شهادتیله گرک او یرده باتام قانیمه شهامتیله خیاله دوشدی خداحافظی ایده آخر نوای قلبی فقط یا قدیم یا داور ازلده گلدی بقیعه او غملی توپراقه اوجالدی ناله سی دلبند رسولین آفاقه توکوب سرشگینی قبر بتوله قویدی یوزون یواش یواش دانشوب شرح ایدوب فراق سوزون دیدی آنا گیدورم کربلایه زار و حزین تمام اهل حرم وار یانیمدا اولما غمین ایدیم نه چاره آنا آیریلام گرک سندن بو گوزلریمدن آخان خون دل قالور مندن حسن قالور سنیله بو صفالی تربتده شهادت امری منیم قسمتیمدی غربتده وفالی زینبیم اما گلور منیله آنا شرار شمع وفایه اودا گرکدی یانا مدینه ده داخی یوخدور صفا آنا گیدورم یولومی گوزلوری کرب و بلا آنا گیدورم سنیده گوزلرم اما او غملی صحراده آچاندا باشینی زینب گلنده فریاده مزار حضرت پیغمبره باخوب نالان اورکلنوب دیدی جانیم سنه فدا باباجان باخوبدی قارداشینون قبرینه توکوب قانیاش دیدی حسینی یولا یوخ سالان حسن قارداش غرض قیتدی گلوب منزله امام زمان جمع اولدی عترتی اطرافینه دلنده فغان بویوردی اکبره ای جدیمون شبیهی اوغول مریضه باجووی ایله وداع اولوبدی ملول دوشنده گوزلری اما مریضه صغرایه نه حاله قالدی دیمم عرش و فرشه پیرایه باخوب گوروب ایلوری گوزیاشین یوزه جاری دیور بابا منی قویما قالام سنی تاری خدنگ آهیمیله قلب عالمی دلرم سورودن آیری دوشن بیر غزال تک ملرم بو آیریلیق منی دلدن سالار بابا بولورم آلوبدی طاقتیمی بو مریضه لیخ ئولورم علی اکبریمون هجرینه نجه دوزرم هایانا گیتسه پیاده دالیجا من گزرم امام راضی ایدوب اول علیله بیماری ایدوب حضوررینه احضار اودم علمداری بویوردی پرچموی آل اله علمداریم دیوون یولا دوشوری قافله علمداریم چخوب مدینه دن حاصل امام کون و مکان سوار هودج ایدوب عترتین شه دوران ربابه ویردیله بیر هودج زرافشانی آلوب قوجاقه علی اصغر دل آرانی باساردی باغرینا اوغلون کمال عزتیله گیدردی قافله اما منایه سرعتیله اماندی یازما داخی ویرمه چوخ بو مطلبه طول باخار یقین سنه (دلجو) حسین آناسی بتول                       #دلجو#