﷽ #مدح_ترکی #امام_هادی_علیه_السلام #سروده_رقیه_سعیدی_کیمیا ـ ـ ـ ــــــــ⊰𑁍⊱ــــــــ ـ ـ ـ آدی چـــراغ هــــدایتدی حضرت هادی یُولی مســـیر ســعادتدی حضرت هادی ولایتین صدفینده اونومجی نور هُدیٰ بهـالی گوهـــر عصمتدی حضرت هادی علوم و حکمته عاشق وفالی تشنه لره صــفالی زمـــزم رحمتدی حضرت هادی زیارت اهلینــه یازدی کتاب "جامعه" نی کتـــابی منبع حکمتـــدی حضرت هادی بیاندا نطقی رسادی علی نین اوغلی علی کلامی رســــم بلاغتـــدی حضرت هادی گؤزلدی صحن و سراسی آچیبدی خوان کرم امیـــر بحـــر ســخاوتدی حضرت هادی توسل ایلَه بو باب المراده سن بو گئجه حریمــی درگه حاجتــدی حضرت هادی پناهــسیز ضعفانین اَلین دوتان آقادی مرامی اصــل مــروّتدی حضرت هادی آدی علی دی علی جدی تک غریب اولدی نصیبی حــجرهٔ غربتــدی حضرت هادی سالیبدی آخر ایاقدان امامی سوز جگر شهـــید زهر جهـــالتــدی حضرت هادی دؤشؤبدی یادینه لب تشنه جان وئرنده حسین دیلینـده ذکر مصیــبتدی حضرت هادی گَلَـــر بو تِزلیـگه مولانین انتقامین آلان امیـــدی آخــرِ غیبـــتدی حضرت هادی ـ ـ ـ ــــــــ⊰𑁍⊱ــــــــ ـ ـ ـ #رقیه_سعیدی_کیمیا ۱۴۰۳/۱۰/۱۴ کانال اشعار ایتا JOin↶

✨﷽✨ #سرودترکی #عیدمبعث #پیامبراعظم_صلوات_الله_علیه_وآله #سروده_رقیه_سعیدی_کیمیا #سبک: شد سرود رو لبامون با یه قلب بیقرار... یار مبارک بادا.... ─━⊰••🍃🌼🍃••⊱━─ مژده مژده عاشقان باشلاندی مبعث بایرامی انتخاب صاحب قرآندی مبعث بایرامی جبرئیل وئردی ندا ای عــزیــز کبـــریا تهنیت یا مصطفی(۴) اِیلدی روشن حرانی نور خورشید علق یاغدی گؤیلردن حرایه آیه آیه نور حق گلدی ایمان داغلارا سسلــنیر غــار حرا تهنیت یا مصطفی(۴) خیر مقدم عرض ائدور ارض و سما پیغمبره عرش اعلاده گؤزل آدی دؤشوبدی دیللره سسلنیر حور و مَلَک دیل آچیبلار نه فلک تهنیت یا مصطفی(۴) مکه آغوشین آچیب گلسین حرادن مصطفی آچدی اول باب لبّیکی علی مرتضی اولیـــن یار رســـول دعوتین ائتدی قبول تهنیت یا مصطفی(۴) یاور اولدی احمده مولا امیر المومنین شاد اولوبدی بیله یاره قلب ختم المرسلین هر طــرفدن انبیا سســلنیلّر مرحبا تهنیت یا مصطفی(۴) ─━⊰••🍃🌼🍃••⊱━─ ✍رقیه سعیدی(کیمیا) ۱۴۰۲/۱۱/۱۹

به نام خدا #دهه_کرامت #مناجات_با_امام_رضا_علیه_السلام #سروده_رقیه_سعیدی_کیمیا *بوگؤزل بارگهین شاهینه حیرانم آقا* *زائرم، وئرسون اجازه سنه مهمانم آقا* *اَلی بوش گلمیشم ایندی بوکرم درگهیوه* *من گدای بوسخاوت لیده سلطانم آقا* *گلمیشم محضریوه عرض ارادت اِلییَم* *من ثناخوان ولی نعمت ایرانم آقا* *سن غریب الغرباسن ،منده شهرونده غریب* *سایه وی ئؤزمَه باشیمنان کی پریشانم آقا* *دئمَه لی سؤزلریم امابیلیسن چوخدی سنه* *نظر اِئت سؤزلَریمَه ،نی کیمی نالانم آقا* *یازاسان بیرجه منه تذکره کرب و بلا* *عاشقم در به در شاه شهیدانم آقا* *شب جمعه نه اولار ،قسمت اولا کرب وبلا* *یاحسین ،تشنه قالان جانیوه قوربانم آقا* *سنه یوخ فرقی ،بودرگاهه گَلَه شاه وگدا* *من،گدای حرم شاه خراسانم آقا* *کیمیا ده بیر امیدیلَه بودرگاهه گلیب* *اَلی بوش سالما یولا ،خسته وبی جانم آقا* *رقیه سعیدی(کیمیا)* *

┄┅✵﷽✵┅┄ #غزل_مرثیه_ترکی #شهادت_امام_جواد_علیه_السلام #سروده_رقیه_سعیدی_کیمیا یارب گینه زهریلن ، یاندی جگر اودلاندی تا ائتدی جفـــا زهری ، قلبه اثر، اودلاندی ازبس کی آغیر غمدی عالمده جوان داغی یاندیردی ئورک باشین ،شب تاسحر اودلاندی یاشمس شموس اوغلی! سَن ماه منوّر سن الله نیه خاطر اُول ، قرص قمــر اودلاندی آخــر بو نَـه عالمــدی ؟ منــزلده غریبـــانه لب تشنه جگریاندی، هم بال وپر اودلاندی یوخ مَحرم اسرارون ،هر ناله کی سَن چکدون یئر ناله چکیب سَنلَن ، گؤی سر به سر اودلاندی یاندیردی عطش داغی، آهیله یانوب سینه آخدی گؤزیوین یاشی،اشک بصر اودلاندی یا اِبن رضا! گرچه سَن داغ جگــر گؤردون ازبس ائلَه دون ناله ، دیوار و در اودلاندی اما یادا سال هردم، آخشام چاغی ،عاشورا توفان بلا قــوپدی،چون خیــمه لر ادلاندی هچ داغ ایکی دنیاده جدّون داغی تک اولماز اکبر باشینین اؤستَه ،قلب پدر ادولاندی تا روزقیامت هم سؤنمَز بواوغول داغی بو ماتم عظــمادن ، روح بشر اودلاندی ┄┅═✼✵𑁍✵✼═┅┄ ✍رقیه سعیدی(کیمیا)

﷽ #مدح_ترکی #امام_جواد_علیه_السلام #سروده_رقیه_سعیدی_کیمیا ـ ـ ـ ــــــــ⊰𑁍⊱ــــــــ ـ ـ ـ شمـــس هـــدایتــدی امام جواد گــوهـــر عصمـــتدی امام جواد وارث بــرحـــقِ امـــام رضــــا بهــــر خـــلافتـــدی امــام جواد یدی یاشینان باشینا قویدی تاج زیــب امامتــــدی امــام جواد درگهـــی هر ســائله باب المراد رســـمی اجــابتــدی امام جواد اللــری دریادی کـــرامت یاغیـر بحــــر ســخاوتدی امـام جواد مظـــهر ایمـــان و وفـا و حیـا کنــــز نجــــابتـــدی امام جواد صاحب عرفان و ادب اهل فضل منبـــع حکمتــــدی امــام جواد بیلمـــدی قدرینی ولی ام فضل مهـــد فضیــــلتدی امــام جواد حق دانیشان باطلی رسوا ائدن عیـــن عــدالتــــدی امـام جواد حق دالیسیجانسان اگر دنیــادا اصـــل حقیقتـــدی امــام جواد قیـــل نظـــر آقانین احادیثینه گنـــــج بلاغتـــــدی امام جواد سایه سالان شیعه لرین باشینه باعـــث عــــزتــدی امــام جواد شیعه نین احوالینه محشر گؤنی نور شــــفاعتــــدی امــام جواد قویمـــا قدم آیری یُولا "کیمیا" راه سعـــادتــدی امـــام جواد ـ ـ ـ ــــــــ⊰𑁍⊱ــــــــ ـ ـ ـ ✍رقیه سعیدی(کیمیا) ۱۴۰۳/۱۰/۲۲

─‌‎‌‌‌‌‌‌༅࿇༅❃﷽❃༅࿇༅─ #مدح_ترکی #امیرالمومنین_علی_علیه_السلام #سروده_رقیه_سعیدی_کیمیا 𖠇࿐ྀུ༅࿇༅═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ خلقتین لوحینَه نور اُولدی قلم ، یازدی علی مُهرِ تأییدیلَـه حق  ووردی رقـم ، یازدی علی سایه سین سالدی اُو دَم ،عالم امکان باشینا عالَمـَــه عشــق علی اولدی علم ، یازدی علی آشکـــار اولدی علــی نورینه تا ارض و سمــا یِرَه ، گؤی ، قامتینی ، اِیلَدی خَم ، یازدی علی تا که اجلال نزول اِئتدی شَــــهِ اِنس و مَلَـــک عرشیدن فرشه مَلَک قویدی قدم ، یازدی علی نوری بـذل اِیلَــدی اولـدوزلارا امکــان وجــود دَیدی ظلـمت باشینــا تیـر عـــدم ، یازدی علی بو همان شــاه دی کی کعــبه نی حیــران اِلَدی کعبـه دیواری شکاف آچـدی، اُو دَم یازدی علی گؤر نه حرمتلی دیر، الله ئوزی آغوشین آچیب کعبه سین اِئتدی او مولودَه حرم ، یازدی علی یارادانان صُـــورا  مــافـــوق بشــر صورتینی فتَبــــارَک دِئدی قـــرآنـدا قلــم ، یــازدی علی لافتیٰ ذکرینـــی تا ســسلدی جــبریل امیـــن دم به دم چرخش شمشیر دو دَم یازدی علی نفس پیغمبــر اولوب عشقیله عنوان اِلیــوب یار پیغمبــری اُول، شـــاه کــرم ، یازدی علی اُوخــــودور آیهٔ اکمــــالی نبی ، روز غــدیر برکه نی ، نور علـــی اِیلَدی یَم ، یازدی علی اَلینـــَه آلـدی یداللهــی او دَم ختـــم رُسُــــل وصف مولانی نبی ووردی رقم ، یازدی علی خُم دؤشؤب تاب و تبـَه ،عشق علی خاطرینه سینـه لردن آپاریب غصه و غــم ، یازدی علی عاقبت ، خیـرَه چاتار هر ایکی عالم دَه او کی وئردی اللّهیــنی مــولایَه قســـم ، یازدی علی 𖠇࿐ྀུ༅࿇༅═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ رقیه سعیدی(ڪیمیا) ۱۴۰۱/۱۱/۱۲ ─‌┅═‎‌‌‌‌‌‌༅࿇࿇༅ ❃༅࿇༅❃ ༅࿇࿇༅═‎‌‌‌‌‌‌┅─‌

❃﷽❃ #زمزمه_ترکی_با_امام_زمان_عج #سروده_رقیه_سعیدی_کیمیا سبک:ای قلم سؤزلریمده اثریوخ.... ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ای قلم باخ بو اشک و فغــانه عرضیمی یُوللا صاحب زمانه یاز، دِنن شیعــه لَر منتـظردی دؤندی عاشقلرین قلبی قانه(۲) چاره قیل دردیمه یابن زهرا سســلیور فاطمه یابن زهرا هجرون آغلارقویوب شیعیانی آیریلیــق دردی یاندیردی جانی گؤزلریم آختـــاریر جمعـه لرده تا گــؤرَم یار صــاحب زمـــانی هارداسان الامــان یابن زهرا حامیِ اِنس وجان یابن زهرا درد هجـــرانیـــوه مــن دچــارم دردیوه دؤزمَــگه یوخدی چــارَم دای گئدیب طاقت وصبریم الدن گؤزلـــریم یـــولدادور بی قـرارم العجل العجل یابن زهرا العجل العجل یابن طاها ای قلم یازئورَک عرض حالین آشــکار اِئت فراقیـــن ملالین قالمیـــشام حســرت کربلاده قسمت اِئت کربلانین وصالین اربعین کربلا منتظردی زائر نیـــنوا منتـظردی کربــلادن صُــورا، سـال گذاری سمــت یثرب ، بقیع نین دیاری مــادرین تربتــبن آشــــکار ائت بی نشان قالماسین گؤل مزاری یوسـف فاطمـــه هارداسان گَل گلدی بوجمعه ده هارداسان گَل ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) 🎤استاد فیاض اللهم عجل لولیک الفرج🤲

❁﷽❁ #مدح_ترکی #مباهله #پنج_تن_آل_عبا #سروده_رقیه_سعیدی_کیمیا ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ عالَمــــی خلـــق اِیلِیـوب الله به نام پنج تن ماسِــوایَه اِیلیـــوب واجب ، ســلام پنج تن یِر گؤی اهلینَه آچیلدی باب تعظیم و سجود تـا ازل دَن آشـــکار اولــدی مقــــام پنج تن منــدَه جبرائیــل تک تا عــرشَـه پرواز اِیلَـرَم اِئتمَــــرَم هــرگز فـراموش ، احتـرام پنج تن خیر دنیا ، خیر عقبــایه چاتار هر شیعه کی اِیلِـیَــه هــــر دم اطـــاعت از امـــام پنج تن اولیــن شخصیــت خلقـت ، نظر اِیلَـر ، یقین صدقیلـــن دوت دامـــنِ خیـــر الانام پنج تن حاجتون وار یؤز دولاندیر حیدرین درگاهینه جمــع اُولوب مولا علـــی دَه هر مرام پنج تن حضرت زهـرا وِئریب قــول شفـــاعت اُمّــتَه اُولمیــوب هــرگز یالان قــول و کـلام پنج تن ِاِیلَـه یثــرب دَن گذر خاک بقیعَــه سـال نظـر مجتبــــایَـه آغــــلا بهــــرِ التیــــام پنج تن سَـسله سمت کربلادن تا یتیش سین دادیوَه خــامـــس آل عبـــا ، حُــسنِ خِتـــام پنج تن اهل بیتیـم جانینـی نذر اِیلَرم بِش نورَه من وار باشیـمــدا ســایه سارِ مستــدام پنج تن ســـائل درگــاه آل مصـطفــی ، عــزت تاپار چــون بو درگهـده اُولار آقــا ، غلام پنج تن "کیمیا"! سنــده مدال خـادمی ، زهـــرادن آل خلق اولوب زهرایه خاطر چون تمام پنج تن ✍رقیه سعیدی(ڪیمیا) ــــــــــــــــــــــــــــــــــــــــــــــــــــــــــــــ

ذاکر اهل بیت(ع)پرهیزکار❃﷽ ❃ #سینه_زنی_ترکی #شهادت_شریفه_خاتون_علیهاسلام #سروده_رقیه_سعیدی_کیمیا #سبک: ای درد بی درمانلارا درمان اباالفضل..... ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ای درد بی درمانه درمان یا شریفه ای بارگاهون باب احسان یا شریفه بابُ الرجــاسـن مشکل گشا سن اولسون سنه بیزدن سلام ای بی قرینه احسن بئله بانوی نهضت آفرینه ای افتخار حله و فخر مدینه ای شأنیوه هر شیعه قوربان یا شریفه بابُ الرجــاسـن مشکل گشا سن هر نا امیده درگهون باب الرجادی درگاهیوون تپراقی امراضه شفادی صحن حریمون با شکوه و باصفادی لطف ائت بیزه گر اولسا امکان یا شریفه بابُ الرجــاسـن مشکل گشا سن ای یادگار مجتبی ، دلبند زهرا یُوللاردا جسمون درده سالدی ظلم اعدا گؤل جسمیوه خاک بیابان اولدی مأوا اولدون شهید راه جانان یا شریفه بابُ الرجــاسـن مشکل گشا سن ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ #رقیه_سعیدی_ڪیمیا #کانال_ترکی_مجمع_الذاکرین

ذاکر اهل بیت(ع)پرهیزکار❃﷽ ❃ #نوحه_زمزمه_ترکی #شهادت_شریفه_خاتون_علیهاسلام #سروده_رقیه_سعیدی_کیمیا #سبک: از حرم تا قتلگه زینب صدا میزدحسین... ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ای طبیب آل طاها قیل نظر بیماریوم سائل درباریوم عمروم اولسا اذن وئرسون بو سفر ، زواریوم ای شریفه ای کریم آل طاهانین قیزی آستانونده دخیلیک نا امید ائتمه بیزی چوخ بلا لر چکدی باشون نیسگیل اولدی زینبه عمه وی قویدون کمک سیز دؤشدی بیر تاب و تبه زینبین گلزارینه اَسدی خزانین یل لری کربلادن شامه دیلدن سالدی شیرین دیل لری تا سنی دست خزان ، گؤل تک آییردی ساقه دن آغلادی گؤیده ملک لر سن دؤشنده ناقه دن بستر آچدی حله دشتی سن کیمی مهمانینه فخر اِئتدیلر اهل حله اللرون احسانینه دردیمیز وار گلمیشیک درگاهیوه درمان آلاخ اذن وئرسون بیر گجه احسانیوه مهمان اولاخ اللریم محتاجیــدی دامانیوه بنت الحسن گؤل مزارون تربتونده واردی عطر یاسمن گئتدی روحیم مجتبانین خاکی قبر پاکینه سن دعا ایله اولاخ زائر ، بقیع نین خاکینه ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ #رقیه_سعیدی_ڪیمیا #کانال_ترکی_مجمع_الذاکرین

به نام خدا #نوحه_ترکی #اربعین #سروده_رقیه_سعیدی_کیمیا سبک :می گذرد کاروان... **=====****** -خسته گلیب کاروان /زینبه سس وِئر اُویان -کوفه و شاماتیده / زینب اولوب باغری قان -باشی بَلالی باجون / کرب و بلایَه گلیب -ناله چَکیر نِی کیمین/ آه و نوایَه گلیب -گؤزلرون آچ زینبم / آی یارالی قارداشیم -گؤر نه بلا لَر چکیب / شام بلادَه باشیم +شامین بازارین نَن ، اَلامان +بزم اَغیارین نَن ، اَلامان × بو یُوللاردا / صُولدی گؤل لَر × دیلدن دؤشدی / شیرین دیللر × جانم حسین/ جانم حسین (۲) """""""""""""""""""""""" - تشنه لب کربلا /جان سَنَه قوربان حسین -چوخ داریخور زینبون /دور اوخی قرآن حسین -باخ آغاران زلفیمه / قدّیم اولوبدور کمان -نِی ده گؤروب باشیوی / آغلاموشام هر زمان - بیر نظر اِئت زینبه/ گؤر نه حالا قالموشام - غارت اولان کؤینَگون /زحمتیلن آلموشام + تُوزلی قبرون قوربان گؤزلَریم + سَنلَن چوخدی غملی سؤزلَریم × زینب قلبین / داغلار سَنه × تا عمری وار /آغلار سَنه × جانم حسین/ جانم حسین (۲) """""""""""""""""""""""""" - خسته قوناقلاریوه / اِیلَه نظر قارداشیم - نازلی قیزوندان ولی/ آلما خبر قارداشیم - ایندی حسین ،جان سنون/ جان ، بو امانت لرون - گلمه دی نازلی بالان /یولدا قالوب گؤزلرون - باشیوی گؤرجک قیزون / اِیلَه دی عزم سفر -.اولدی غریب وطن / جانیمَه ووردی شرر + جان وئردی یورقون ویرانه ده + دفن اولدی غملی کاشانه ده × یِئر گؤی یاندی / قلبیم قاندی × بیر تازه دن / غم باشلاندی × جانم حسین/ جانم حسین (۲) **=====****** رقیه سعیدی(کیمیا) ۱۴۰۰/۶/۱۷#اربعین 🎤کربلایی سعیدسلطانی ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

❁﷽❁ #نوحه_زمزمه_ترکی #اربعین_حسینی #زبانحال_حضرت_زینب_علیهاسلام #سروده_رقیه_سعیدی_کیمیا #سبک: آی منیم نازنین نگاریم.... ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ نی کیمـی من نوایه گلدیم یول سالیب کربلایه گلدیم ئولمَه دیم قالدیم اربعینــه بـوردا بزم عــــزایه گلدیم آچ گـؤزون قامتی کمان زینبیوم سینه سی داغلارا نشان زینبیوم(۲) [پریشانم حسین جانم سنه دلخسته مهمانم](۲) دور سؤزؤم سَنلَه چوخدی قارداش سیــنه مه غــم لر اُوخــدی قارداش دور ایــاقـــه قـــونــاقــدی زینـــب مَحــرَمیم بـوردا یوخـــدی قارداش باشیوه نیزه ده باخیب آغلامیشام باشیمه قرخ گونی قرا باغلامیشم(۲) [پریشانم حسین جانم سنه دلخسته مهمانم](۲) وئـر خبـــر یـاره لـی بدن نن آیری دؤشدون نجه وطن نن آلمــوشام قرخ گؤن عاشقانه عطـــریوی قانلی پیــرهن نن یوللارا باخموشام حسین وای دمیشم اکبـر و اصغـــریـــوه لایلای دمیشم(۲) [دور ای غیـــرتلی قارداشیـم اؤزؤن سیل قانلی گؤزیاشیم](۲) گلمیشــم نیمــه جان ، مــزاره گؤز یاشیم یول سالیب عذاره دور منیـــم جانیـمه توان وئـر اُول دایــاخ قلـــب بیقـــــراره صبریمی اَلدن آلدی محنت لی بالون شامیده قالدی اُول مصیبت لی بالون(۲) [سوروشما یاس پر پر دن آرالی دؤشــدی ائل لردن](۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) ۱۴۰۲/۵/۲۱ ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین