#اربعین گوروندی تا حرمه قبر شاه کرب و بلا اوجالدی گویلره محملر اِیچره داد و نوا یاخینلاشینجا مزار حسینه آل الله ئولوب دیریلدی او مدتده زینب کبری چوخ آز قالیردی یِته قبر شاه مظلومه ایاقی گَلمدی ناگه، اولوب دچار بلا دوروب مزار حسینه باخوب تحیرده نه گوردی که، اوجادان سَسلنوبدی واویلا ویروبدی دیزلرینون اختیارینی اَلدن یخیلدی توپراقا غملندی دشت کرب و بلا سوروندی یدّی قدم کعبه مآله یتوب نگارینون اِیلدی قبری اوسته سعی و صفا منای عشقیده بیر آیری شور و حالیله طوافه بند کمر باغلامیشدی کان وفا دوروب اوتوردی دِدی السلام ثارالله بو آلتی گوشه لی قبره باجون اولیدی فدا غریبه لطف اِیلیوب زینبه حَق منان ئولونجه اِیلیرم من بو لطفه حمد و ثنا خدا بولور که نجّه شامیده داریخمیشدیم اگر چه روحیمز اولموب بو مدت ایچره جدا بلا چولونده حسین روحیمی قویوب گِتدیم مقدراته گِرک شامیده اولیدی قضا گَرک یِتیدی اَیاقیم او شام ویرانه ئولردی یوخسا باجون بوردا روز عاشورا نه شام، صبح و مسا شام اولوب منه شامات اَریتدی جسمیمی غم شمع تک قالوبدی نما دوباره چَکدی فلک داغ، داغین اوستوندن قرا بو معجرین اوستن، دوباره سالدی قرا خرابه نین سوزونه طول ویرمیرم چوخدا نَلَر گلوب باشیما سِرّی قُوی قالا اخفا دانش گِیلَن منه بیر اوچ پر اوخ یاراسیندان باجیوی ئولدوره گر، وار یری او کاری یارا بویور گوروم نجّه چَکدون اورک باشیندان اوخی دَگیدی کاش منیم قلبیمه همان اوخ اَخا علاوه بوکدی منیم قَدیمی او اوخ یاراسی دوباره تاپدی او گون باشیمی بو چولده بلا کَسنده شمر باشون سَسلَدیم اَلون ساخلا دوتوبدی زنگ گُنه قلبیوی، گَل اِیتمه خطا سو ویر، تَرحم اِیله لااقل بو قربانه سوزومی رد اِیلدی کَسدی باشیوی او دغا غرض که کَشمَکَش اولدی بو یرده شمریله اولوبدی شور قیامت منه بو چولده به پا او لحظه دوتموشودم خنجرین او جلادین اَلیمی کَسدی کَشاکشده خنجر برا بیری آیری عالمیدی قانلی قتلگاهوندا مکراراً چاغرردیم بو چولده یازهرا آخوردی بیر اَلیمون قانی قتلگاهوندا او لحظه باشدان آشیرمیشدی ظلمون اهل جفا اَلیم اَلوندن اوزلدی بو غملی صحراده منیم دونَرگه می دوندردی ظلمیله اعدا آپاردی بُحته منی درد و غم او بُحبحه ده یِتیشدی سَمعیمه ناگه او دمده غملی صدا دونوب باخاندا نه گوردوم یانوردی خیمه لرون بسان ظلمت شب اولموشیدی قانلی منا سَنی بو یرده قویوب خیمیه روان اولدوم قاچوردی چوللَره چون یکسر عترت طاها یِتَنده خیمیه گوردوم عباده اکبریوی ددیم سالوبلا منی گور نجّه بلایه بالا اویان نه خوابه گیدوبسن عباده، آچ گوزیوی آچوبدی غارته اَل شامیان اِیدور غوغا نه اولدی موقع غارتده بیر خدا بولوری یقین آچوبدی باشین عرشیده بابام طاها او گیجه صبحه کیمین یاتمادیم بو صحراده ددیم نَدندی خراب اولمادی بو گون دنیا سحر اولونجا منه سَس ویروبدی، گلثوم و... علی اصغر آناسی سَریه و لیلا نه اوخشاما دئمیشم گورمیشم حَرم اهلی... همان او اوخشامانین حَقین اِیلیوبدی اَدا نه غم که نوحه اِیدم واردی چوخلی آغلیانون اویان بو هیئتین اهلین اوزون بیر اِیله دعا #عتیق نوحه یاز آغلا نه قدری عمرون وار اولا شفیعه سنه فاطمه به روز جزا https://eitaa.com/turki_nohemajma . ✨اَللّهُمَّ عَجِّل لِوَلیِّکَ الفَرَج✨

#اربعین نچّه قدم قالاندا حسینون مزارینه دخت علینون آخدی سرشکی عذارینه قبر حسینه گوز دولوسی باخدی آغلادی ایتدی اراده تا یِته قبرین کنارینه گوردی دالیجا گلموری غمدن ایاخلاری ناچار اولوب سوروندی حسینون مزارینه چَکدی نَلَر او فاصله ده بیر خدا بولور ناله کنان یِتیشدی یارالی نگارینه پوزقون مزاری جان کیمی بیر باسدی باغرینا اود دوشموشیدی جان و دل داغدارینه قویدی یوزون مزارینه عرض ایتدی یاحسین گلدی باجون دوباره بو محنت دیارینه گل نطقه آگه ایله منی زخم سینه دن دردین بو رسمیدور که دئیر یار یارینه مدتدی قلبیوین یاراسی فکریمی قاتوب بو غم سالوبدی اود باجیوین روزگارینه سالام خیاله اوخ یاراسین آغلارام حسین بَسدور او غم حیاتیمین انجام کارینه ئولم منیله قبریوین اوسته دانیشماسان گَل راضی اولما زینبیوین احتضارینه قبرین نَدن ستاره کیمی آلتی گوشه دی امکانی اولسا سِرّینی آچ غم قطارینه سَندن حسین بالالاریمی من سورشمارام یانام ولی اورکلرینون آه و زارینه ایله سیزلدیاردیلا نی تک، خیامیده تاپشیر دیردیلر بیزی غم شهریارینه گیتساخ ئولوم سراغینه تا مانع اولماسین دوزمز بیزیم اورکلریمز غم فشارینه آیری بیر عالمیدی او دم خیمه گاهیده غرق اولدی تک تکی گوزونون آبشارینه خاصّه، باتاندا قانینه میداندا اکبرین گلدی ئولوم تَری اولارین گلعذارینه لیلانی گور نه حاله سالوب اکبرین غمی قلبی یانوبدی شامیده هجران شرارینه قاسم آناسی آز قالوری ئولدوره اوزون دامادیوی نشان ویر اوزون، غمگسارینه ویر بیر رباب اصغرین آلسین قوجاقینه لای لای دیسین دوینجا سوسوز شیر خوارینه سو اوسته باغلامیشدی ایکی خیرداجا اَلین ایندی گلوب همان عملین اعتذارینه گوز کاسه سینده سو گتیریب گوگلونی آلا یانام ئولونجه دلده غم بی شمارینه قربان اولوم یارالاریوا سَس یتور منه قویما بو چولده زینبی اوز اختیارینه دور بیر منیله قارداشیمون قبرینه گیداخ بیر آغلیاخ دوینجا علی یادگارینه ئولسون باجون که قبریده سَندن اوزاخ دوشوب قربان اولوم اونوندا او خیردا مزارینه افسوس اولا رقیه مزارون گورنمدی داغ دگر چَکیلدی دل پر شرارینه دائم دیردی عمه بابام گوگلومه دوشور قلبیم یاناردی درد و غم آشکارینه بلبل کیمی گلردی نوایله خرابه ده کاخ یزیدی ناله سی سالدی حصارینه یخدی خلاصه ظلم ایوینی اِیلدی خراب قال صاحب اول ددیم بالا شامین دیارینه بس که #عتیق #شانی و #ذهنی گوزل یازوب عشاق، عشق اِیلر اولارین شاهکارینه تکرار اولا محالیدی بیرده او شاهکار گِیت چَک طلا کیمی محکه باخ عیارینه التماس دعا ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

#حضرت_زهرا_س گلمه فغانه ایلمه آه و نوا قیزیم لازمدی که قضا ایلیه اقتضا قیزیم قربان اولوم اورکده غم بی شماریوه گلمه نوایه توکمه سرشکین عذاریوه آغلار گوزوم دوشنده دو چشم خماریوه روحیم بدندن آز قالور اولسون جدا قیزیم مدتدی که گیدنممیسن خواب راحته محتاج ایدوبدی درد و غمیم استراحته آز سنیله قالوبسان عجب بیر مصیبته اولدون غریبه درد و غمه مبتلا قیزیم ای یاندران وجودینی عالمده محنتیم الله بولور نه قَدری سنه وار محبتیم اگلش یره واریمدی نچّه سِرّی صحبتیم سِرین گرک ایدم سنه من برملا قیزیم هر چند آرترار سنه بو صحبتیم مُحن گیزلین خبرلری اِیلیم من گرک علن امدادینه چاغیرسا منی قارداشون حسن اوندا باشی تاپوبدی یقیناً بلا قیزیم سال خاطرینده ساخلا بو گیزلین خبرلری زهری ویرله دوغرانار آخر جگرلری تَشته گلنده داغلیاجاخدور اورک لری معناده باشینی آچاجاخ مرتضی قیزیم درده سالار حسن غمی نور دو عینیمی آغلار قویار اولونجه مسلم حسینیمی آل گوگلونی ادا اولا بلکه بو دِینیمی قتلگهه اوزوم گلرم ابتدا قیزیم عبدالهیله قاسمی غم یاندیرار یاخار گوزیاشلارون عذاریوه بیر سیل تک آخار عباس آخان او گوز یاشیوا دیده تر باخار سَسلر سرشکیوه اولا جانیم فدا قیزیم قارداش اولنده باجی دوشر اختیاریدن بو صحبتیم اوزاخ دگوری انتظاریدن سعی ایت او غمده دوشمه گیلن اقتداریدن واردور قاباخدا واقعه کربلا قیزیم دشت بلاده یوز ویرجاخ مین بلا سنه صبر جمیل حَق ایدر اوندا عطا سنه اوز بولدوقون ولی اِیلیر کربلا سنه قَدین اولار منیم کیمی غمدن دو تا قیزیم اول پیرهن که فیضیه تاپشیرمیشام ، اگر قارداشین آلسا سندن او پیراهنی خبر بول خیمیه قیدمیجاخ شاه خونجگر رد ایله کوینکی اونی تِز سال یولا قیزیم قلبون یانار یوبانسا اگر سوز آهینه فوراً سوار اِیله او شهی ذوالجناهینه سد ره اولما قوی یئته فوراً الاهینه گوزلور یولون او لحظه نه چون که خدا قیزیم کرب و بلا چولونده بلالر قوروب کمین ظلمیله قارداشون اولاجاخ نقش بر زمین اول نائب الزیاره منه، با دل حزین شیعه لری او یرده بیر اِیله دعا قیزیم چوخدا یوبانما گئتسن اگر چه زیارته شام اهلی اوندا اَل آچاجاخ چون که غارته قیزلار تمام سسلیجاخ گل حمایته شور نشور اولار او دم اوردا به پا قیزیم بیر جرعه سو او چولده که ناچار ایچر رباب نصفی یانان چادردا اِیدر اصغرین خطاب سَسلر هایانداسان سَسیمه ویر منیم جواب یئتمز ربابه بیرده او غملی صدا قیزیم هر کیمسه ای #عتیق گئیَر اگنینه قرا آغلار گوزیله نوحه اِیدوب ساخلیار عزا اولام شفیعه من او کسه موقع جزا قلبینده دردی اولسادا ایلر دوا قیزیم التماس دعا🙏🙏 #طهمورثی_عتیق

🏴شهادت حضرت فاطمه (سلام الله علیها) 🏴سبک ترکی : قویاندا فاطمه نی قبره حیدر کرار #دفن ▪️▪️▪️▪️▪️▪️▪️▪️ قویاندا فاطمه نی قبره حیدر کرار نه گوردی ظاهر اولوب دست احمد مختار کرملی اَللره حسرتله تا اِیدوبدی نگاه اورکلَنوب اوجادان چَکدی ناله جانکاه سرشکینی اَلدی عارضه چو ابر بهار کمال حُزنیله سَسلندی یا رسول الله منه جهاندا سَنون چوخ یتوبدی احسانون دوباره اِیلدون احسان، ای ملک درگاه یتر خلایقه تا روز حشر احسانون جزاده ده ویرَسن خلق عالمینه پناه غریبه دمده علینون هراینه یِتدون فدا اولوم سنه ای سِرّ خلقیدن آگاه بو سن بو فاطمه آهسته آل امانتیوی بویادی قانینه ظلمیله فرقه گمراه وصیتون اَلیمی باغلامیشدی یا مولا وگرنه قانه باتاردی او فاعلین گناه ویرنده غسلونی الله بولور نه چَکدیم من یانوردی جان و دیلیم دم به دم چَکیردیم آه گورنده نیلی عذارین فغانه گلدیم تا حسن نوایه گَلوب سَسلدی معاذ الله سوال اِیتدیم حَسندن نَدور قضیّه اوغول دیدی جسارته اَل آچدی ثانی خود خواه ویراندا سیلی آنام سَسلدی یوزوم یاندی دِدیم ئولونجه منیم روزگاریم اولدی سیاه بو فعلی فاطمه مندن ولی نهان اِیلدی یوزون دوتاردی منه دائماً بو علیا جاه گیدوب گلوب سورشاردیم مدام احوالین دیردی غم یئمه زهرا غمینده سن ای شاه پیمبر امتین حَقّ چَکدی امتحانه اوزی مقدراته قضا اولدی یا ولی الله اراده اِیلسه هر فعله خالق منان اوزون که واقف اسراریسن تاپلماز راه سنه بو ایوده که من نچّه لحظه مهمانم سوال اِیلمه دردون نَدور، سَنی الله منیم یتوبدی باشا عمرومی بو دنیاده مسافرم سنه من اولمارام داخی همراه گوزون ایوینده اوزون ساخلا گول بالالاریمی گتیر بالالاریدا قبریم اوستونه گه گاه گیدنده کرب و بلایه یولون بقییعدن سال دوشوری فکریمه پِی دَر او صحنه، خواه نخواه گیداخ او چولده یاناخ آغلیاخ دیاخ ای وای آخاندا ظلمیله توپراقلار اوسته ثار الله او لحظه شور قیامت اولار به پا بولورم قیامتین اوزونه بنزیر او قربانگاه هراینه چاغیرار زینبیم چوخور یرده اوزونی اِیلمیشم من بو سِرّیدن آگاه اوزون که واقف اسرار خلق عالمسن بو سوزلریمده سنه لازمه دگور که گواه اِیله سیزلدیاجاخدور او نی کیمی بالالار اچاندا غارته ال دشت کربلاده سپاه #عتیق اورکده غمیم دوشسه هر کسین دیلینه وجودینی اَریدر شمع تک ایدر چون کاه التماس دعا🙏 ۱۴۰۰/۸/۲۱

‍ ‍ #زبانحال_امیرالمومنین_علی_ع #دفن دفن اِیلدی بقیع ده علی اوز نگارینی بیر آه چَکدی قویدی مزاره عذارینی سَسلندی یات دعاوی خدا اِیتدی مستجاب یومدون گوزون چووردون علی روزگارینی دینجل گیلَن ایویمده منیم دینجلمدین ترک اِیلدون سن اِیندی که محنت دیارینی یخدون عم اوغلووون ایوینی اِیلدون خراب سالدون بو قلب زاریمه هجران شرارینی دوندردون اولماقونلا علینون دونرگه سین دور گور مزارین اوسته غم آشکارینی ایندی غمونده قلب ایوینی داغلیان منم عرشه یِتورموشم اورکیم آه و زارینی قربان اولوم او قلبه کی گیزلیندی غملری عالم رقم وورا بوله بولمز شمارینی نی تک سزلدورام نئیه بس ویرمیسن جواب اَلدن ویروب و یا کی علی اعتبارینی آخر نه گلدی دلده او مهر و محبته درک اِیت مزارون اوسته بو غملر دچارینی ترک اِیلیوب مزاریون اوستون گیدنمورم هجرون آلوبدی دیزلریمون اختیارینی الله بولور که قبره قویاندا نه چَکمیشم آچدوم مزاریوه گوزومون آبشارینی آغلار گوزوم ساتاشدی ایکی آشنا اَله آلدی او صحنه دلدن علینون قرارینی خجلت تری قارشدی گوزوم یاشینه منیم چَکدیم او لحظه من ایکی دنیا فشارینی سالدی گره گُشایه غریبه گره فلک یغمایه چَکدی ظلمیله دار و ندارینی بولمم بو یرده مسکن اِیدوم یا دوروم گیدوم من بی کسین چَکور بالالار انتظارینی گیدسَم یولوم او سن دوگولَن کوچه دن دوشَر بیر کوچه که خزان اِیدوب عمرون بهارینی زینب نواسی یدی فلکدن کِچوب بو دم سالسا اگر مزاریون اوستن گذارینی... اوندا یقین شور قیامت اولار به پا یاندیردی غم اونوندا دل داغدارینی دنیا بویی فراقیوه قان آغلیام گرک یاد ایلیم یامان گونومون غمگسارینی یاز نوحه آغلا بو غم عظماده ای #عتیق بو فعلیوین جهاندا اِیله افتخارینی #هیت_انصار_الحسین_تبریز #زبانحال_امیرالمومنین_علی_ع #مداح_حاج_یحیی_صادق_پور

زبانحال حضرت زینب (س) به حضرت رباب (س)   نی کیمی گلمه بیله ناله و افغانه رباب آغلاما توکمه گوزون یاشینی دامانه رباب گون قباقینده بیله ناله و افغان اِیلمه توکمه قان یاش یوزیوه باغریمی القان اِیلمه نار حسرتله دل عالمی سوزان اِیلمه اود سالور سوز و گدازین دل سوزانه رباب عالمین جانی فدا اولسون علی اصغریوه ممکن اولسا بو آغارمیش ساچون آل اللریوه طلب صبر اِیله حَقدن سن ئوزون غملریوه قورخورام کشتی عمرون دوشه طوفانه رباب باشیوین درد و بلاسی بولورم چوخ چوخیدی گَتیرن ناله و افغانه سنی بیر اوخیدی دئمورم بیله خیال ایله که اصغر یوخیدی اصغرین درد و غمی گَتدی سنی جانه رباب سعی ایله یادیوه سالما بالاوین آغلاماقین خاطریندن چیخا تا اللرینی باغلاماقین داغلیور قلبیمی نینیم که اورک داغلاماقین غملر آز قالدی ویره عمرومی پایانه رباب جاندان آرتوق سوور عالمده آنا ئوز بالاسین  اودور اوخلانسا بالا یاندیری دلدن آناسین سعی ایله یادیوه سالما بالاوین اوخ یاراسین باغریوی دوندروری اوخ یاراسی قانه رباب تا او اوخ چیخدی کماندان فلکه سالدی شرر قانلی میداندا خدا بولدی حسین چکدی نَلر او اوخا اوخ دئماق اولماز، ولی واردور بو قَدر یانار اود سالدی او دم عالم امکانه رباب ظاهراً دگدی او دم حنجر عطشانه او اوخ باطناً دگدی ولی ناطق قرآنه او اوخ گَتدی قرآنی او دم ناله و افغانه او اوخ گولدی هر چند که اصغر سولی پیکانه رباب باخدی اوخ یاره سینه اِیتدی حسین آه و نوا اوجونی قانیله دولدوردی شه کرب و بلا قرمزی رنگه بویاندی او زمان عرش خدا تحفه گوندردی آخان قانینی جانانه رباب صورا یوز دوتدی خیامه طرف اول جان جهان خیمیه ساری گوتوردی قدم اما نگران سَسلیوردی باجی جان اصغر اولوب تیره نشان ویر خبر آغلیا قان ، تشنه بو قربانه رباب خیمیه گلمدی اصغرله اگر شاه کُبار اِیستمیردی تاپا اَل اصغریوه قوم شرار پشت مخیمده اودور قازدی او قربانه مزار دفن اِیدوب آغلادی شدتله او عطشانه رباب آز زمان چکمدی اولدی بو اِیشین سرّی عیان دگوری لازمه شرحین اِیلیم بیرده بیان آختاروب تاپدی علی اصغریوی شمر و سنان کائنات آغلادی اول غنچه خندانه رباب کیم دیر که او ولایتده اورک داغلامادوخ یا او صحراده دوینجا بالاوا آغلامادوخ او گیجه شام غریبان مگر ساخلامادوخ؟ گلدی حتی که آنام شام غریبانه رباب نجّه بیر جرعه سو آرتیردی اورک غملریوی اورکون باشینه باسمشدون او دم اللریوی داده سسلوردون او صحراده علی اصغریوی اود سالوردی نفسون کوه و بیابانه رباب باقی عمریوی سعی ایله بو عالمده (#عتیق) گِتمیه فوته اوتور اِیله بیر آز فکر عمیق خامه و دفتریوی دوت ئوزیوه یار شفیق تاپشورا تا سنیده حضرت جانانه رباب   گیجه گوندوز خانمون نیسکلینی یادیوه سال نوحه یاز آغلا علی اصغره ، اول غرق ملال چله ساخلا شه بی یاره خانمدان صله آل دنه باخ اصغره خاطر بو نوا خوانه رباب   استاد طهمورثی (عتیق)