شعر شماره ۹۵ عرض ادب و آرزوی زیارت حضرت سیدالشهدا علیه السلام سلام ارباب گَدای روسیاهم من بولورسن کی نجه غرق گناهم من حسین جانم(۲) باشیمدا وار هوای قبر ششگوشه اوقبری کاش چَکیدیم بیرده آغوشه حسین جانم(۲) گوزوم یاشی آخور گوزدن فراقوندا چاغیر بیرده دوروم مولا رواقوندا حسین جانم(۲) منه سیزدن آقا دائم عنایت وار الیم بوشدی ولی شوق زیارت وار حسین جانم(۲) حرم فکری بو بیمارین آلوب صبرین گویول ایستیر علمدارین کیچیک قبرین حسین جانم(۲) اگر گلسم خلاص اوللام هامی غمدن ولی چوخدی گلایم نهر علقمدن حسین جانم (۲) #سلام_ارباب_گدای_روسیاهم_من #محرم #شور #جلالت #عرض_ارادت #زیارت التماس دعای فرج الاحقر مهدی عبادی

شعر شماره ۹۴ شعری در مورد حفاظت از حجاب فاطمی (من عبّاسم منه ، دریالر آغلار) خانیملار سالمیون گوزدن حجابی کناره چَکمیون یوزدن حجابی امانتدور سیزه زهرا خانیمدان چوخی ایستیر آلا سیزدن حجابی ایستوسن گَر عزّت ، شیعه ایله هِمَّت ، قویما کَمرَنگ اولا ،حیا و غیرت کیم ایستور مکتبِ زهراده قالسین گرک اوز درسینی زینبدن آلسین حجابِ زینبی تز باشه سالسین کی خالق ایستیوب بیزدن حجابی حیا عورتده بیر گَنجِ نَهاندی حیا بیر گَنجیدی فوقِ بَیاندی هامی آزادییه بو سوز عَیاندی حیالی بوشلاماز اصلاً حجابی دوروب جنگ ایتماقا کُفرون سپاهی بیزه ایستور اولا عادت گناهی منیم بو عرضیمه واردور گواهی یغوللار کوی و بَرزَندن حجابی گَلون دیل ویرمیاخ فرهنگِ غربه وَگَرنه تِز دَیَر اسلامه ضربه ویریب الله بیزه بیر عالی حَربه کی کافِرلَر بولور دشمن حجابی حَیا ، غیرت ، ادب ، جوهردی یکسر بولار گر اولماسا ، دین اولدی اَبتَر گَرک هر بیر خانیم بولسون بو گونلَر کی دینین ساخلییَر ایمَن حجابی کلامِ حقّیدی گیت باخ یوزوندن کیشی اولسون مواظب اوز گوزوندن خانیمدا گوزله سین لَحنِ سوزوندن بولار کامل ایدر رسماً حجابی بیزی (بیکَس) بولور دشمنلر امّا بیزه عشقِ ولایت بَسدی تنها حجابی اورگَدن زهرادی زهرا ئولونجه سویماروخ تَندن حجابی #خانیملار_سالمیون_گوزدن_حجابی #محرم #حجاب #عرض_ارادت التماس دعای فرج الاحقر مهدی عبادی

اربعین سالار شهیدان (ای منیم همدمیم اصغر) گلدی زینب سنه مهمان پیشواز ایله حسین جان عشقیوین بیماری ام من اربعین زوّاری ام من شُکر اولا ذاتِ خدایه شامل اولموشام عَطایه گلمیشم کرب و بلایه قیزلارون گَتدیم حسین جان سنی دینجَتدیم حسین جان بوکولوب قدّیم حسین جان آپاراندا بیزی اوباش جان ویریدیم او گون ایکاش کیم قازوب قبریوی قارداش عاقله بَسدی اشاره دردیمه یوخدی شماره چوخونا اولمادی چاره دوزموشم دوزدی بلایه سنه ایتمَرم گلایه گینه سال باشیمه سایه کوفه و شامی دولاندیم خُم مُحنتده بویاندیم هر نه غم گَلدی دایاندیم خسته جان ویردی رقیّه ن گوردون اَل چَکمدی سندن او گیدندن یانیرام من (بیکَسم) گوزومده وار یاش فاش ایدور دردیمی قارداش کربلاده ئولم ایکاش #عرض_ارادت #اربعین #شوق_زیارت التماس دعای فرج الاحقر مهدی عبادی

زبانحال حضرت زینب کبری سلام الله علیها در اربعین برادر (من اومدم ، دوا بشه /دردم) (جدید) یورقون بالالارون گلوب / مهمان مریضِ عشقه دور ایله / درمان بو آلتی گوشه قبریوه / قربان اویان یارالی اوغلی ئولَن آنالاری / گَتدیم قَمچی ییَن بالالاری/ گَتدیم اورکده وار یارالاری/ گَتدیم اویان یارالی ایوای حسین ،ایوای حسین ،ایوای ۳ اویان یارالی واردی حسین گوزیاشیما / علّت دشمن بیزه ساخلامادی/ حُرمَت قوشون ایدوب حَرملرون / غارت دوشدوخ بلایه کَسیلدی زینبه رَهِ / چاره خیامِ طاهره یانوب / ناره بعضی قولاخدا وار هَله / یاره دوشدوخ بلایه مطبخ سَرادن عطریوی / آلدیم زنداندا بیر گجه حسین / قالدیم ایوای اوگوندن شامه یول / سالدیم صبریم تالاندی سَزادی غم دیله باجون/ آلسین ئولونجه باشینه قَرا / سالسین یَهودیلر نَلَر دیوب / قالسین صبریم تالاندی زینب غمین قارداش بیری / بولمَز سَندنصورا منیم یوزوم / گولمز جایِ عَجَبدی زینبون / ئولمز خَجالتم من گوزومده واردی گورنجه / قانیاش ئولیدی زینبون حسین / ایکاش رقیّه گَلمدی ولی / قارداش خَجالتم من #عرض_ارادت #اربعین #شوق_زیارت التماس دعای فرج الاحقر مهدی عبادی

شعر شماره ۴۷ عرض ارادتی خدمت سالار شهیدان (با آهنگی جدید و زیبا) ای شاهِ کربلا وار دیللرده نَوا گول آدون قلبیمه مولا ویردی صفا ای دریایِ کَرَم یا حسین سَسلَرم سن منیم سَروَریم من سنه نوکَرم ای گُلِ طاها ، عالَمه مولا ، زاده ی زهرا ، یاحسین شاهِ شهیدان ، معدنِ احسان ، آدیوا قربان ، یا حسین یا مولا یا حسین ای شاهِ بیکَفن کیم‌ بولور سَن نه سَن ای قانلی پَرچَمی کُفرون نَسلین کَسَن چونکی باش اَیمَدون ای سِبطِ فاطمه درسِ حُرّیَّتی سن ویردون عالَمه فَخرِ زمانسان ، شاهِ جهانسان ، فوقِ بیانسان ، یا حسین سَرورِ دینسن ، حَبلِ مَتین سن ، نورِ مُبین سن ، یا حسین یا مولا یا حسین گُلشَنون تَک سنون هیچ گُلشَن سولمادی فَراتی قان اولا قسمتون اولمادی عالَم حیران قالیب زیبا اَندیشه وه دعوت ایت بیزلره قبرِ شِشگوشه وه هجرون اولوب اوخ ، رو سیَهَم چوخ ، آیری یِریم یوخ، یا حسین قلبیم اولوب قان ، قووما قاپوندان ، قبریوه قربان، یا حسین یا مولا یا حسین ای باشیندان گیچَن ظلمیله قان ایچَن یِتمیش سَربازینه بیر گون خلعَت بیچَن ای آخر تَک قالان قیزلاردان تاب آلان یاندیریدی زینبی سنی آتدان سالان دشتِ بلاده ، قانلی مناده ، جسمون آراده ، یا حسین دینی دیریتدون ، مقصده یِتدون ، نیزیه گیتدون ، یا حسین یا مولا یا حسین #ای_شاه_کربلا_واردیللرده_نوا #عرض_ارادت #شور #محرم

شعر شماره ۲۲۸ خطاب به سرزمین کربلا (با آهنگی محزون و دلنشین) ای غم دیاری کربلا دیللر شعاری کربلا قان آغلادیبسان زینبی شَرم ایله باری کربلا آی کربلا آی کربلا ای دشتِ غم ، ای نینوا باشدان آشوب سنده بلا سولدی سوسوزدان گوللری اولدی خزان ، باغِ وِلا باغلاندی سنده سو یولی دوشدی ابوالفضلین قولی بیر مشک سو ، اوسته اوگون اولدی قَلَم‌ ، صاق و صولی اولدی بلایه مُبتلا سنده اوگون اَهلِ ولا مهمانلارون قالدی سوسوز آخر فراتی قان اولا سنده جوانلار دوغرانیب ششماهه عطشان اوخلانیب سنده حرم غارت اولوب هم خیمه لر اوتدا یانیب آی کربلا بولمَم نَدن قان آخدی چوخ گوشواره دَن آتلار اَیاقینده قالوب توپراقلار اوسته چوخ بَدن خیرَالنّسایه نورِ عین یاتدی چوخور یرده حسین زینب یانان خَرگاهیده عرشه اوجاتدی شور و شِین آی کربلا اولدی نَلَر قویدون رُبابی سن مَلَر (بیکَس) ربابه نیلَدون اوغلی ئولَن یاخجی بولَر #ای_غم_دیاری_کربلا #ورود_به_کربلا #عرض_ارادت #شور #محرم التماس دعای فرج الاحقر مهدی عبادی

شعر شماره ۲۲۷ خطاب به سالار شهیدان (با آهنگی محزون و دلنشین) ای جان ویرن عطشان حسین ای قانینه غلطان حسین ذکریم اولوبدی هر زمان جانیم سنه قربان حسین ایوای حسین ایوای حسین جانیم سنه قربان حسین کیم سنکیمی جاندان گیچوب کیم سو یرینه قان ایچوب دینین یولوندا یا حسین کیم اوغلونا خلعت بیچوب گلدی عباده اکبرون اوخلاندی تشنه اصغرون ا... بولور نه چَکمیسن گوردون دوشوب سرلشکرون دوزدی مَرامه چاتمیسان توپراقلار اوسته یاتمیسان آخر وداعوندا حسین قیزلاریوی آغلاتمیسان میداندا قوغدون دشمنی تنگ ایله دون سن عرصه نی یالقوز قالیبسان گوردولر هر بیر گَلَن ووردی سنی ای لاله تک غمدن سولان ای گوزلرینه قان دولان سیندیردی دشمن حُرمَتون ای کوینگی غارت اولان تیریله قلبون اویدولار زهرانی آغلار قویدولار (بیکَس) قالان قیزلاریوی هم ووردولار هم سویدولار #ای_جان_ویرن_عطشان_حسین #عرض_ارادت #شور #محرم التماس دعای فرج الاحقر مهدی عبادی

زبانحال حضرت رباب علیها السلام قبل از شهادت طفل شیرخوار سوسوزوندان ، یانیسان سن بالا دردون منه گلسین آنان ئولسون ، نه ایدیم من بالا دردون منه گلسین نه صودوم وار، نه سویوم وار یوخ اَلیمده راهِ چاره م علی چاره م ،کَسیلیبدی ، گوروسن درده دُچاره م علی لایلای علی لایلای علی لایلای علی لایلای علی سو خیالین ، گَل اوغول آت آناوی آز بیله آغلات چالیرام من ، سنه لایلای دوزه بولمورم‌ بیر آز یات گوروم ایکاش ، هیچ آنانی من کیمی دوشمیه درده نیلیم ا... ، نه چَتیندی بالامین جانی خطرده سنه شاید ، نَظر اولدی گوزل اوغلوم گوزه گَلدون علی دشمن ، سویی کَسدی نیه منلن سوزه گَلدون آنان ئولسون ، سارالیبسان ساری گول کیمی سولوبسان یانیرام من ، یوخ علاجیم باهار اَبری تک دولوبسان قانه دونسون سویی ایکاش نِیلَمیشدیم بو فُراته شَرمسارم ، بالا سندن باغلادیم اَلون قُماطه گیده شاید ، عَمون عبّاس اوزونی نَهره یِتیردی قوری مشکی ، آپاریبدی سنه شاید سو گَتیردی #سوسوزوندان_یانیسان_سن #عرض_ارادت #شور #محرم

شعر شماره ۳۵ عرض ادب خدمت ارباب بیکفن (ایوین آباد حسین) شکسته دیللره صفا سن سن امیر دشت نینوا سن سن رخت عزا گییَرم یارالی عشقیله آغلییَرم یارالی آدیوی سسلیرم یارالی حسین *سَسیمی اِیلَرَم -گینه آزاد حسین اوجادان سَسلرم -ائوین آباد حسین «ائوین آباد حسین » گدای رو سیاه دربارَم بیر عُمریدی سنه عزادارم ماه عزا گینه اولدی آقا باغ ولا، گولی سولدی آقا شیعه لرین ،گوزی دولدی آقا حسین *اِیده جاق پرچمون -کفری بربادحسین دییرم هر زمان -ائوین آباد حسین «ائوین آباد حسین » درسین آلیبدی شهدا سندن علت اودور قوخمادی دشمندن شهریده وار شهید محراب اصغر و مرتضای قصّاب سنسن آقا اولاره ارباب حسین *شهدا اِیلَدی -سنی فریاد حسین هامیسی سسلدی -ائوین آباد حسین «ائوین آباد حسین » درد جهانه سنده وار درمان ششگوشه قبریوه جانیم قربان شیعه فدا یارالی باشیوا گَل بیزی سن گینه یغ باشیوا دعوت ایله دولاناخ باشیوا حسین گینه بو اربعین _بیزی قیل یاد حسین تذکره ویر بیزه _ ایوین آباد حسین «ائوین آباد حسین » کیم دیوری شیعه نی (بیکَسدی) فقط بیزه عشق حسین بسدی گول آدیوی آقا سسلیرم عشقیله قاره می من گییَرم دردیمی من سنه تک دییرم حسین زیر لب وار منیم _بیله فریاد حسین اوّل ، آخر سوزوم_ ایوین آباد حسین «ائوین آباد حسین » #شکسته_دیللره_صفا_سنسن #محرم #جلالت #عرض_ارادت #زیارت التماس دعای فرج الاحقر مهدی عبادی

زبانحال حضرت زینب کبری سلام الله علیها در اربعین برادر (من اومدم ، دوا بشه /دردم) (جدید) یورقون بالالارون گلوب / مهمان مریضِ عشقه دور ایله / درمان بو آلتی گوشه قبریوه / قربان اویان یارالی اوغلی ئولَن آنالاری / گَتدیم قَمچی ییَن بالالاری/ گَتدیم اورکده وار یارالاری/ گَتدیم اویان یارالی ایوای حسین ،ایوای حسین ،ایوای ۳ اویان یارالی واردی حسین گوزیاشیما / علّت دشمن بیزه ساخلامادی/ حُرمَت قوشون ایدوب حَرملرون / غارت دوشدوخ بلایه کَسیلدی زینبه رَهِ / چاره خیامِ طاهره یانوب / ناره بعضی قولاخدا وار هَله / یاره دوشدوخ بلایه مطبخ سَرادن عطریوی / آلدیم زنداندا بیر گجه حسین / قالدیم ایوای اوگوندن شامه یول / سالدیم صبریم تالاندی سَزادی غم دیله باجون/ آلسین ئولونجه باشینه قَرا / سالسین یَهودیلر نَلَر دیوب / قالسین صبریم تالاندی زینب غمین قارداش بیری / بولمَز سَندنصورا منیم یوزوم / گولمز جایِ عَجَبدی زینبون / ئولمز خَجالتم من گوزومده واردی گورنجه / قانیاش ئولیدی زینبون حسین / ایکاش رقیّه گَلمدی ولی / قارداش خَجالتم من #عرض_ارادت #اربعین #شوق_زیارت التماس دعای فرج الاحقر مهدی عبادی

عرض ادب خدمت ارباب بی کفن (ای صفای قلب زارم) ای پناه بی پناهان یاحسین ای شاه خوبان سنه ای زهرا بالاسی شیعیانین جانی قربان سنه من نوکرم / آدیوی سسلرم ئولونجه یا حسین/ قاپوندان گیتمرم حسین جانم حسین امیری یا حسین لرزه سالدن کائناته سَس یتیشدی شش جهاته یتیریبسن ای لب عطشان خضری سن آب حیاته قیامون زنده دی / آدون پاینده دی جهانین شاهلاری / قاپوندا بنده دی شوکتون ضرب المثلدی عزّ و شأنون بی بدلدی آلتی گوشه قبرون ارباب عرش اعلادن گوزلدی من اولدوم دلغمین / گدانین دوت اَلین آقا سن بیل آنان / چاغیر بو اربعین مدفنون چوخ دلگشادی قتلگاهون غم فزادی تل زینبده یانار دیل خیمه گاهون با صفادی اولاندان قحط آب / اولوب دیللر کباب گمان لایلای چالور / گینه آغلیر رباب عَلقم اوسته آی باتوبدی اشکیمی قانه قاتوبدی اوردا بیر غیرتلی سردار ایندی شرمنده یاتوبدی وجودی دوغرانیب / سینیخ قلبی یانیب گلنده خیمیه / سو مشکی اوخلانیب شَرف آل عباسن سن شه گلگون قباسن من یوزی قاره غلامم سنده شاه کربلاسن اَیا سِبط رسول / سنی جان بتول گدای (بیکَسم ) / منی ایله قبول #ای_پناه_بی_پناهان #محرم #شور #جلالت #عرض_ارادت #زیارت التماس دعای فرج

زبانحال عقیله ی بنی هاشم در کنار مزار علمدار کربلا (العَجل صاحب زمان ، مولا) عباس ، زینبون یولدان گلوب ، قارداش واردی ، گوزلریمده گورنجه ، قانیاش قبرون ، چوخ کیچیکدی ای اوجا ،قامت یاندیم ، زینبون عبّاس ئوله ، ایکاش گَلدی زَوّارون اوزاخ ، یولدان پاره پاره جسمیوه ، قربان وای یارالی قارداشیم ، ایوای ۴ قرخ گون ، آیریلیق اَگدی ایله ، قدّیم امّا ، قویمادیم سینسین دوزوم ، سَدّیم غارت ، اولموش اَموالی یانوب ، آلدیم باخ گور ، قانه باتموش پرچمون ، گَتدیم غُصه دن گور دیده سی ، زارم سن گیدندن من عَلَم ، دارم بعضی ، غم منی چوخ یاندیریب ، یاخدی یاندیم ، گوز یاشیم‌ رُخساریمه ، آخدی عبّاس ، غیرتون قویمازدی گورسِیدون اَز بَس ، بیحیا گوزلر بیزه ، باخدی قلبیمی تیرِ جفا، دَلدی باشیما مین بیر بَلا ، گَلدی یَثرب ، شهرینی تَرک ایلین ، گوندن بیر دَم ، لطفووی سَن کَسمه دون ، مَندن زینب ، ایندی قرخ گوندی قالوب ،(بیکَس) دشمن ، زینبی آیری سالوب ، سَندن من نجه سَنسیز گیدیم ، قارداش جان ویریب بوردا قالام ، ایکاش #عرض_ارادت #اربعین #شوق_زیارت التماس دعای فرج الاحقر مهدی عبادی