بنام خدا #نوحهٔ_سینه_زنی_زنجیر_زنی (توسل به قمر منیر بنے هاشم ابوالفضل العباس ع) "" "" "" "" سن ماه آل هاشم میر عطاسن عباس قارداشوون پناهے کان وفاسن عباس اے سینه مون مدالے آرخام ائلیم ابوالفضل سنسن منیم امیدیم بند دلیم ابوالفضل قولارسلامت اولسا سینماز بئلیم ابوالفضل دریاے جود واحسان صاحب لوا سن عباس عطشان یارالی قارداش// زهرا مارالے قارداش 2 "" "" "" "" زیبا آدوون برادر اخیامه سایه باندی میدانه سن گئدورسن گوز یاش لارے رواندی سن گئتسون اَلدن عباس عمروم منیم تالاندی سن پایه وستون خیمه سرا سن عباس عطشان یارالی قارداش// زهرا مارالے قارداش۲ "" "" "" "" اے قامتے قیامت اے مهر و ماهیم عباس بعد از خدا بو چولده سنسن پناهیم عباس گئتمه گویه اوجالدے افغان آهیم عباس بوچولده تکیه گاه آل عباسن عباس عطشان یارالی قارداش // زهرا مارالے قارداش ۲ "" "" "" " هرنه دئسون سوزوم یوخ بیرآن دایان ابوالفضل گوز یاشیمے بوچولده ائتمه روان ابوالفضل صبرائت دالونجا آغلور پیروجوان ابوالفضل یوخ سو سَپَم دالونجا درد آشنا سن عباس عطشان یارالی قارداش// زهرا مارالے قارداش۲ " "" "" "" دوشدے یولا ابوالفضل اعداء هراسان اولدی قولار اوجالدے عرشه میدان دا طوفان اولدی کرب وبلاده بیرآن محشر نمایان اولدی سن حیدرے نسب سن شیرخدا سن عباس عطشان یارالی قارداش// زهرا مارالے قارداش۲ "" "" "" القصه چاتدے عباس میدان کارزاره گورستدے ضرب شصتین اعداے نابکاره احسن دئدے ملک لر بو مرد حق تباره الحق آتام علے تڪ سن لا فتے سن عباس عطشان یارالے قارداش// زهرا مارالے قارداش۲ "" "" "" " کیم گلدے هرطرفدن اوز قانینه بویاندی دشمن باخاندا ماهه عمر پلیدے یاندی اوخ دگدے ساق گوزوندن دنیا بیرآن دایاندی بیلدیم او دم دچار دام بلا سن عباس عطشان یارالی قارداش// زهرا مارالے قارداش۲ " "" "" "" قولسوز دوشنده‌ آتدان قارداش نه حاله قالدون داده منے چاغیردون افلاکه لرزه سالدون سن زینبین بوچولده آرام جانین آلدون زهرا آناملا بوردا سن هم نوا سن عباس عطشان یارالی قارداش// زهرا مارالے قارداش۲ "" "" "" "" " ادرک سسین ائشیت دیم قلبیم بیر آن سیخلدی قولار دوشن زماندا قارداش اویم یخلدی بالینوه چاتونجا بنددلیم قیریلدی اولسون پناهون الله خونین قبا سن عباس عطشان یارالی قارداش// زهرا مارالے قارداش۲ ✍مسلم فرتوت گلهین #فاخر

بنام خدا مدح ومنقبت حضرت ام البنین س وحضرت #ابوالفضل_العباس_ع وگریز به آموزش شمشیر زنی با دستان بسته براو توسط مولا علی ع و.... "" "" "" "" "" " مرحبا صد مرحبا احسن سنه ام البنین تربیت ایلوب ‌سن‌ الحق ‌آیری‌ بیر شور آفرین بعد زهرا اولموسان همراز وهم آوای‌ عشق دامنوندان پَر آچوب عنقای بی پروای ‌عشق عطر زهرائیله بسلوب سن کرم‌ دریاسینی عشقیلن؛سیراب ائدیب‌ سن‌ کربلا سقاسینی آلموسان آغوشه‌ هردم‌ زینب‌ غم پروری زلفینه شانه‌ وروبسان‌ همچو زهرا ‌مادری سن‌ علی ‌شیرخدایه‌ یارو غمخوار اولموسان سن‌ ولایت ‌گلشن ینده‌ همدم ‌یار اولموسان سن باخوبسان مجتبایه همچو زهرای بتول راضی اولموبسان اولا دردانهٔ زهرا ملول دیندیروب سن‌‌؛ سن‌ حسینی بازبان ‌مادری قویمایوبسان بحر‌ غمده‌ غرق‌اولا اول‌ گوهری دیندیروبسن آیری دیلده حضرت عباسی سن شیر‌هیجا‌ بسلیوب سن اول‌ یل احساسی ‌سن عالمین عشاقینون قلبی ابولفضله ‌اسیر عالم‌ مهر و وفاده یوخدی عباسه نظیر خلق ‌ائدیب حیدر‌ کیمی‌ عباسی‌ خالق‌ بی‌بدیل حیدری‌ خو؛با شهامت؛صورتی آیدان‌ جمیل شیر‌هیجایه ‌وئروب‌دی‌ مادری‌ پاکیزه ‌ شیر آفرین ام‌ البنینه‌ بسلیوب بیر ‌بئیله شیر ه‍رآنا‌ بیردفعه ‌گور‌سیدی‌ او ‌رعنا قامتی یاندوراردی کوچه و بازاری آه‌ و حسرتی سویلویردی کاش منه ‌بیر بئیله‌ پای وئرسین خدا حضرت‌ عباسه‌ تای‌ بیر ‌پارچا‌ آی وئرسون‌ خدا سویلویردی ‌بو ‌بالا‌ زیبالرین زیباسی دی صورتی آیدان گوزلدی ‌مرتضی هیجا‌سی دی سویلو‌یردی‌:کاش ‌منیم ده بیر‌‌ بئله ‌اوغلوم‌ اولا اوغلومون آوازه سی‌ میخانهٔ عشقه ‌دولا بیر بئله‌ اوغلوم‌ گر اولسا عالمه ‌ناز ائیلرم ساز‌ عشقی اوغلومون‌ عشقینده من‌ ساز ائیلرم بیر بئله اوغلوم گر اولسا جان‌ دئیوب‌ جان‌ سسله‌رم باشینه ‌هردم دولانّام‌ جانینه‌ جان‌ بسلرم اولمارام راضی‌ بالام بیر لحظه ناشاد‌ اولسا ‌گر منده‌ اولَّّم‌ بو‌ گولون‌ عمر بهاری‌ سولسا گر هی باخاردی حضرت‌ ام البنین عباسینه فخر ائدردی طول بازو‌ قامت‌ رعنا سینه نقش‌ عباسی گوزل‌ نقش‌ ائیله میشدی‌ کردگار صورت‌ عباسی آی شکلینده‌ چَکموشدی ‌نگار غرق‌ اولوردی گون ‌به‌ گون‌ مادر ابوالفضل عشقینه ناظر اولدی اوغلونون بیر آیری جنگی‌ مشقینه گوردی مولا ‌باغلا‌یوب عباسینون قولارینی عرصهٔ جنگین ‌او ‌شیره‌ اورگدور اسرارینی قولارین ‌تا‌ باغلی‌ گوردی اوغلونون ام‌البنین بیلدی وار سرِّ دگر بومشقیده‌ اولدی ‌حزین یوز ‌توتوب مولایه‌ مادر واقف‌ اولسون ‌‌سِرّیدن باغلایوبسان‌ یا‌علی بوقولاری آیا‌ ندن ائتدی ‌فرمایش‌ اودم‌ ام‌ البنینه مرتضی وار قاباخ‌ گونلرده بیر جنگ وجدال ماسوا بیرگون اعدا‌ عرصه‌نی‌ عباسیمه تنگ‌ ائیلویر ایستورم‌ بیلسین او‌گون قولسوز نئجه ‌جنگ ‌ائیلیر داد ‌اوساعتدن‌ ائدیب اعدا او قولاری ‌قلم بیلمورم اول‌ حالتی آیا‌ نئجه ‌یازسین ‌قلم ساق ‌گوزوندن ‌دگدی اوخ ‌قولاری ‌دوشدی‌ توپراقا اول ‌زمان ادرک‌ صداسی‌ قاخدی یئردن ‌آفاقا توپراقا‌؛ آتدان‌ دوشن لحظه اوقول سیز پیکری آلدی آغوشه اونی ‌پهلو شکسته مادری ائتدی ‌فرمایش اوغول ایثاری معنا ائیلدون دفتر،عشاقی‌ سن لب تشنه امضا ائیلدون یاخشی یار‌ اولدون‌‌ حسینه بو ‌دل صحراده‌ سن سرفراز اولدون ابوالفضل‌ هرایکی دنیاده سن طاقتیم‌ طاق اولدی‌ اولدم دگدی‌ اوخ ‌رخساریوه قانلی یاش؛آخدی گوزوندان‌ صورت‌ غم‌ باریوه یاندی سینه م او زمان کی قولارون ‌اولدی‌ قلم سینون اوسته چاپدی آتلار دوشدی توپراقه علم سن دوشنده‌ توپراق اوسته‌ قدسیان قان ‌آغلادی حال‌ غم بارون اوغول قلب‌ جهانی‌ داغلادی گلموشم ‌بوچولده‌ اوغلوم‌ من سنه‌ ماتم‌ قورام من قویام‌؛باشون دیز‌ اوسته لحظه ای ‌آرام‌ اولام گئت اوغول ‌قان‌ آغلایوراحوالیوه ‌ارض و سما گوزتیکوب یولاریوه جناتیده آل عبا ساخلادون‌ تالحظهٔ آخر اوغول‌‌‌ دین ‌پرچمین گئت داخی گلمز‌ جهانه سن کیمی شورآفرین فاخرم قدر توانیم بنده یازدیم بوسوزی وار امیدیم ائیلویه عباس آقام احسان اوزی بو مقدس عشقینی عالمده بیزدن المویا مادح و مستمع و احبابی گوزدن سالمویا "" "" "" "" "" " گنجینهٔ اشعارمذهبی و انتقادی اجتماعی #ترکی_و_فارسی مسلم فرتوت گلهین #فاخر

بنام خدا #وفات_حضرت_ام_البنین_سلام_الله_علیها "" "" "" "" الوداع ای فانی دنیا گورمَدیم سنده وفا خوش گونوم آز اولدی اولدون سن منه بحر بلا تا قدم قویدوم علینون خانهٔ غم بارینه ساخلادیم یاس مرتضانین باوفا غمخوارینه چکدیم آه تاباخدیم اول بیت ین در ودیوارینه اولدوم اول منزلده من زینب له هردم هم نوا •┈┈••✾✾✾••┈┈• من آنالیق ائیلدیم زهرا باغیندا روز و شب گولدوم هرلحظه گولنده اول سراده زِیْنِ اَب مجتبائیله حسینه جان دئدیم جان بسله دیم اوز بالام تک اول ایکی ماه منیری سسلدیم من جانیمدان چوخ حسین باوفانی ایستدیم مکتب حیدره تحصیل ائیلدیم درس ادب •┈┈••✾✾✾••┈┈• خادمه اولدوم علینون دل غمین اطفالینه آغلادیم منده او مولانین پریشان حالینه دورد اوغول وئردی منه ارض و سمانی خلق ائدن وئردی عباسی منه کون و مکانی خلق ائدن آیری لطف ائتدی منه هفت آسمانی خلق ائدن من دعا ائتدیم ابوالفضلیم چاتا آمالینه •┈┈••✾✾✾••┈┈• عمرومون سون ساعتینده قالدی سینم ده سوزوم یادیمه دوشدی گینه کرب و بلا دولدی گوزوم ایچدی دورد اوغلوم او صحراده شهادت شربتین آتدی باشدان هربیری فانی جهانین لذتین بیچدی زهرا اونلارا معناده جنت خلعتین بعد عاشورا خدا وئردی منه آیری دوزوم •┈┈••✾✾✾••┈┈• شکر اولا من باب حیدرده قوتاردیم عمرومی خدمت ساقی کوثرده قوتاردیم عمرومی سایهٔ مولاده چاتدیم قلهٔ ایمانه من وارث اولدوم بو سراده رتبهٔ شایانه من عمرومی آخر قوتاردیم مثل بیر پروانه من من غم آل دپیمبرده قوتاردیم عمرومی •┈┈••✾✾✾••┈┈• کربلاده قانُ باتدی تامنیم اوغلانلاریم اولدولار دینه فدا اول با وفا اصلانلاریم بعد عاشور بلا؛ من سلب عنوان ائیلدیم کیم دئدی ام البنین فریاد و افغان ائیلدیم بی بنینم من داخی هرلحظه اعلان ائیلدیم دای اوگوندن گلمدی دیداریمه مهمانلاریم •┈┈••✾✾✾••┈┈• فاخرا؛ ام البنینون ماسوادی محنتی طاق ائدر بو مادرین محنت لری هر طاقتی هر زمان بو مادرین زینتدی آدی دفتره چون وئریبدی سود؛ ابوفاضل کیمی سرلشکره بیر عومور خدمت ائدیب ساقی کوثر حیدره جانفزادی بیزلره بو خوش تبارین رحلتی "" "" "" "" "" "" مسلم فرتوت گلهین #فاخر