زبانحال حضرت معصومه علیها السلام و گریز به شهادت زینب کبری س گَل رضا معصومه وی ، سالدی اَجل بیر دامه گَل سینَم اوستونده قالوب ، گوندَردیقین اُول نامه گَل یثربی ترک ایتمیشم ، شوقِ لِقایِ یاریله عاشقه لازمدی چون ، وَصله یِته دلداریله قالدی یوللاردا گوزوم ، بو چهره ی غَمباریله اَلْفِ قَدّیم گورنجه ، دونموش رضا جان لامه گَل عاشقِ دلدادییَم ، سن تَک ولیِّ حَقّه من عشقیوین بَندی برادر ، اولدی بوینومدا رَسَن سِلک عشقونده رضایم ،اینجیسین جانیله تَن مَکتَبونده ویر منه ، بوندان چَتین بَرنامه گَل سالِکم کویوندا من ، ای صاحبِ حِلّ و حَرم باغِ وصلوندن نولوردی ، لااقل بیر گول دَرَم کاش اولِییدی قسمتیم ، بیر دَم جمالون من گورَم عُمرومون پایانی یِتسین ، بیر گوزَل اَنجامه گَل سن ولیّ الله اعظم سن امام ذوالحسب ایتمرم شِکوه یولوندا ، گلسه هررنج وتعب نه باجی ! ، من تارِ زُلفونله ، اَسیرَم روز و شَب دامِ عشقونده شکارم ، باخ بو صِیدِ رامه گَل بادِ ظلم اَسدی رضا جان ، عاقبت بو گُلشنه یوللارا باخماقدان آخر ، یوخدی بیر چاره منه شاهدیم گوزیاشلاریمدی ، عاشقم قارداش سنه اَشکِ نابی دولدوروب ، هجرونده گوزلر جامه گَل اوچ باجی تَرک ایلینده ، بو وَفاسیز عالَمی اولمادی قارداشلاری ، آخر نَفَسده هَمدمی گوزلری یولدا قالوب ، دیلده قالاندی مین غمی هر اوچی قارداش دیدی ، باخ غُصّه لی فَرجامه گَل بیر باجی آدی رقیّه ، اکبرین دل داده سی بیرده معصومه خانیم، عشقِ رضا اُفتاده سی بیر باجی واردور ولی ، یوخ عشقینون اَندازه سی آدی زینب ، وار باشیندا ، گورنجه هنگامه گَل جان ویرنده سَسلَنَردی ، هارداسان قارداش حسین زینبون غربتده دی ، گَل چَک منه بیر باش حسین اَللی بِش ایلدور سنه ، من اولموشام یولداش حسین یولداشون جان اوسته دی ، لطف ایت حسینیم شامه گَل دوشموشم اِیْله اَیاقدان ، یوخدی چاره م ئولمه سَم دادیمه یوخدور گَلن ، هر قَدر داده سَسله سَم یِدّی قارداشیم واریدی ، ایندی امّا (بیکَسم) لطف قیل باش چَک حسینیم ، عاشقِ ناکامه گَل #معصومه_س #کوفه التماس دعای فرج الاحقر مهدی عبادی

سلام و عرض ادب خدمت حضرت فاطمه ی معصومه سلام ا... علیها و گریز به شهادت آن بانو و حضرت رقیه سلام ا... علیها السلام ای دردِ دنیایه مُعالج السلام السلام ای دخترِ باب الحوائج ، السلام السلام ای عاشقانِ اهلبیتین یاوری السلام ای حضرتِ موسی الرضانین خواهری السلام / بیزدن سلام السلام ای قُم دیاریندا باتان کوکب کیمی آخر عمرونده گوزی یولدا قالان زینب کیمی ای دوشن قارداشه خاطر چوللره زار و حزین سینه اوسته ساخلیان موسی الرضانین نامه سین اوخشارون چوخدی خانیم بیرده رقیه عمه وه دوزدی چوخ ظلم ایلیوب آلِ امیّه عمه وه او علی اکبر دییَردی سنده سسلردون رضا جان ویرن دم گوزلرون یولدا قالیب ای با وفا شُکر اولا یوللار غمی آرامون الدن آلمادی شُکر اولا عمه ن کیمی نعشون یر اوسته قالمادی #معصومه_س التماس دعای فرج الاحقر مهدی عبادی

احوالات ورود حضرت معصومه((س)) به شهر قم و گریز به کوفه اَزلده حمد ایدورم کردگار یکتانی خدایه حمد و ثنا ، کامل اِیلر ایمانی منیله هَمره اولار ، جمله عترت یاسین یازاندا حضرتِ معصومه نین قضایاسین آناسی فاطمه تک ، درد و محنته دوزدی بولَنمورم نجه امّا، رضادن اَل اوزدی اولوبدی قلبِ اَحبّا ، خدنگِ ظلمه هدف چَکنده جَبریله مأمون ، امامی طوسه طرف اوجالدی ناله سَسی سوزشِ بلائیله آیردی باجینی قارداشیدن جفائیله بیر ایل فراقه دوزوب ، قلبی غمده اودلاندی سرشکی آخدی یوزه ، وای رضا دیدی یاندی یانار نچون دلِ عاشق،فراقِ جاناندا باجی مدینه ده یاندی، رضا ده ایراندا امام قلبی گلوب ، غربت ایچره چوخ درده گوتوردی نامه یازوب ، گَل باجی گوروم بیرده غلامه نامه نی ویردی، بویوردی شاه جهان مدینه سمتینه یول سال ، بدون فوتِ زمان یتیردی نامه نی قاصد، خانیم آلوب باخدی ئوپوب قویوب گوزونه، اَشکی عارضه آخدی اوجالدی ناله سی دیلدن ، ایدوبدی آه و فغان دیردی وای باجون اولسون، یتور باش هجران گوروب تدارکینی، دخترِ امامِ هُدا دوشوبدی چوللره دیلده ، ولیک عشق رضا (ع) باشیندا شوق زیارت اورکده سوزش و آه گیدردی سرعتیله یوللاری او عُلیا جاه خبر ویروبدله مأمونه، نقشه سین قوردی او حیله دن دل موسی الرضانی یاندوردی یتنده قافله سی، ساوه شهرینه ناگاه هجوم ایدوب اولارا ، نچه ظالم گمراه میان راهیده گَل ، غُصّه لی حکایته باخ چکوبله تیغ جفا ، ظلمه باخ جنایته باخ بویاندی قانینه یکسر، ذُکور طایفه سی خانملارین اوجالوب ، گویلره سیزیلتی سَسی او دَمده باغِ ولانین، قیزیل گولی سولدی خانیم باخاباخا ، قارداشلاری شهید اولدی مریض اولوبدی خانم ، شدت بلائیله دییردی درد دلین ، بو زبانِ حالیله بو تیغِ آهیمیله، قلبیمی رضا بولورم نصیبیم اولمادی قارداش ، زیارتون ئولورم قم اهلی باخبراولدی سُلاله ی زهرا گلوبدی ساوه دیارینده ایلیوب سُکنا قُمون اَعاظمی القصه پاک نیتیله یتوبله محضرِ دُخت بتوله سرعتیله کمال عجزیله سویلوبله کِی حبیبه ی حق عنایت ایله قدومونله ویر قُما رونق اجابت ایلدی بنتِ عزیزه ی کاظم جلالتیله اولوب قم دیارینه عازم چکیلدی جار گلون عترت اَنام گلور چیخون قباقه قُما خواهر امام گلور چیخوب قباقینه موسَی بنِ خَزرَج خاضع اوزین ایدوب خانمین محضرینده چوخ خاشع نشان ویروب خانیما رأفت و وفاداری اولوبدی مرکبینون عشقیله جلوداری ایدوب دی خدمتینی ،دُختِ کاظمه کامل گتیردی عزّتیله ، شهره ایلدی داخل قُم اهلی شوریله یکسر ، چیخیبلا پِشوازه سَپَردیلر باشینا ، برگِ سوسنِ تازه ایدوبله عرض ادب ، محضرِ مُقدَّسینه چَکردی قیزلار اَلین اُول نَجیبه ، جامه سینه قُم اَهلینون ایوی آباد اولا ایکی دنیا جَزاده اَجرلرین ، ویرسین حضرت طاها پیمبر عترتینه ، پیکِ وَحی ، حاجبدی امام خواهرینون ، احترامی واجبدی سَزادی جوشه گَله ، گوزده قلبیمون قانی نَدَندی کوفه لیلر ، بولمییوب بو عنوانی رَوادی شیعه بویانسا بو غمده گوزیاشینا گیرنده کوفیه زینب ، توکوبله کول باشینا اولار کی دین ایوینی ، ظلم اَلیله یخمیشدی قویوب حَنا اَلینه ، پیشوازه چخمیشدی نجه دیوم منی غم بَسکی بیقرار ایلدی علی قیزین ، او جفا اَهلی سَنگسار ایلدی او غملی قلبینی از بَس ایدیبدولر اَلقان اولوبدی زینب کُبرایه کوفه چون زندان جداده دوشدی گوزی ، قارداشین کَسیک باشینا آچوب اورک سوزونی ، اوز یارالی قارداشینا گیچن گجه باجون ئولسون ، کیمه قوناق اولدون یوزون کوله بَلَشوب ، گول کیمی نَدن سولدون بیزی قوناق چاغیرانلار ، سنی بو حاله سالوب بالالارین گوزی قارداش فقط جداده قالوب جداده سن اوخی قرآن ، ویر عالَمه تغییر باجوندا سن اوخییَن ، آیه نی ایدر تفسیر دانیش یقین ایده لر اهل دین و اقراروخ بوله بو کوفه لیلر اهلبیتِ اطهاروخ بو یرده یاندی باجون مین غم و بلائیله ووروبلا هر باشی بیر نیزیه جفائیله سزادی قانه دونه زینبینده گوز یاشی ووروبلا نیزیه حتی او خیرداجا باشی زنان کوفیه ایکاش ، دیین اولا باری آلوب قوجاقه اوشاق گلمییون ربابه ساری دونوب دونَرگم حسین ، کاش ئوله باجون زینب گلوبدی اُم حبیبه ، اَلینده نان و رُطب بو شهریده بولوسن{{بیکَس}}و غریبم من او قانلی گوزلریوی ، چکمه سنده باشیمدن #معصومه_س #کوفه التماس دعای فرج الاحقر مهدی عبادی

سلام و عرض ادب خدمت حضرت فاطمه ی معصومه سلام ا... علیها و گریز به شهادت آن بانو و حضرت رقیه سلام ا... علیها السلام ای دردِ دنیایه مُعالج السلام السلام ای دخترِ باب الحوائج ، السلام السلام ای عاشقانِ اهلبیتین یاوری السلام ای حضرتِ موسی الرضانین خواهری السلام / بیزدن سلام السلام ای قُم دیاریندا باتان کوکب کیمی آخر عمرونده گوزی یولدا قالان زینب کیمی ای دوشن قارداشه خاطر چوللره زار و حزین سینه اوسته ساخلیان موسی الرضانین نامه سین اوخشارون چوخدی خانیم بیرده رقیه عمه وه دوزدی چوخ ظلم ایلیوب آلِ امیّه عمه وه او علی اکبر دییَردی سنه سسلردون رضا جان ویرن دم گوزلرون یولدا قالیب ای با وفا شُکر اولا یوللار غمی آرامون الدن آلمادی شُکر اولا عمه ن کیمی نعشون یر اوسته قالمادی #معصومه_س التماس دعای فرج الاحقر مهدی عبادی

در جلالت حضرت فاطمه ی معصومه علیها السلام (اگر آن ماه نمونه) دخترِ شاهِ ولایت غنچه ی باغِ امامت خواهرِ ضامنِ آهو ای ویرن شیعییه عزّت کریمه ی آل عبا /یا معصومه گوزل آدیوا من فدا /یا معصومه اورکده واردی دردیمیز /یا معصومه دردیمیزه ایله دوا /یا معصومه یا معصومه یا معصومه نه دیوم من کَرَموندن یا او صَحن و عَلَموندن آلارام فاطمه عطرین او صفالی حَرَموندن فاطمه نین نائبه سی/یا معصومه شاهِ ولانین نَوه سی/یا معصومه شأنیوه لایق نه دیوم /یا معصومه ای دورد امامین عمّه سی/یا معصومه لطفوزه مشترییم من دُشمَنوزدن بَرئَ م من سَنله قارداشین رضانین شُکر اولانوکرییم من ای زینتِ کِشوَریمیز/یا معصومه عالَمده تاجِ سَریمیز/یا معصومه غم بیزی اینجیدَن زمان/یا معصومه سیزسیز‌ بیزیم یاوریمیز/یا معصومه اینجیدیر دورِ زمانه قلبیلر دونوبدی قانه سن اوزون اِیْله سفارش بیزی صاحب الزمانه (عج) (بیکَسلرین ) گویلونی آل/یا معصومه سایه ی لُطفون باشا سال /یا معصومه دعوت ایله بیزی قُما / یا معصومه مَشهده اوردان یولا سال /یا معصومه #معصومه_س التماس دعای فرج الاحقر مهدی عبادی

جلات حضرت معصومه علیها السلام یاسِ گُلزارِ ولا یا معصومه خواهرِ موسی الرضا یا معصومه یا معصومه ، یا معصومه سن خانیم تَجَلّیِ وَجهِ خُداسن سن ولایت اَهلینه بابِ رَجاسن قاپیوین سائلی بوش قییتمَز اَصلاً چونکی سن کریمه ی آلِ عَباسن سُفره وین باشیندا وار همیشه مهمان سنه قربان اولوم ای عادتی اِحسان کیم سنی آند ویره ، رضایه حتماً آلاجاق دیلده اولان دردینه درمان دوشسم عالَمده اگر هر نه بَلایه مَحضَرونده ایتمَرم ذَرّه گِلایه سَنله قارداشون رضا ، تاجِ سَریمسیز بَسدی سالموسوز منیم باشیمه سایه یوخ نَظیرون سنون ای ماهِ دل آرا سنه هَمپایه اولار زینبِ کُبریٰ قَبرِ زهرا بیزه ایتگیندی ولی سن قُمی ایتموسن بَقیع ، ای گلِ زهرا ای اولان خواهرِ سلطانِ خراسان بیزی دنیا ایلیوب زار و پریشان ( بیکَسوخ ) گَل بیزی سن رضایه خاطر او گوزل صحن و سَرایه ایله مهمان #معصومه_س التماس دعای فرج الاحقر مهدی عبادی

ولادت حضرت معصومه علیها السلام 🌸سبک از کودکی هام صبا یوبانما ، رَشکِ جِناندی، شهرِ پِیَمبر آتا اولوبدی ، بوگون امامِ ، موسَی بنِ جَعفر بیزدن سلام ایت ، حضورِ شاهه ، آل عیدیانه خدا ویریبدی ، امامه بیر قیز ، زهرا نشانه گول یوزونه آتاسی باخدی رَختِ غم و مِحنَتی سویدی چون آناسین چوخ ایستییَردی گوزل آدین فاطمه قویدی مددی فاطمه ، فاطمه یا فاطمه ویریبدی بوگون ، نَجمیه خالق ، بیر گُلِ خوشبو چون ایستییردی ، قالمیه تَنها ،ضامنِ آهو بولور جماعت ، بو قیز عزیزِ ، اَهلِ حَرم دی خواهر مولا ، هامی دیور کی ، کانِ کَرم دی کَرامتی اَهلِ جهانه چوخدان اولوبدور اودی اِثبات کریمه ی آلِ عَبادی گَدانی نومید ایده هِیهات خدا ایدیبدی، ایرانین اَهلین ، بو قیزا مهمان دائم آچیخدی دیارِ قُمدا ، سُفره اِحسان زیارتین چون ، ایدیب سفارش ، شاهِ خراسان هر دردون اولسا ، قُما یولون سال ، آل درده درمان قَبرینی کیم ایده زیارت قلبیده بیر غُصّه سی قالماز کیم اونی آد ویره رضایه شَکّ ایلمه ، بوش یولا سالماز عاشق اولوبدی ، لیلایه مجنون ، شیرینه فرهاد عشقِ مجازی ، چوخون ایدیبدی ، خانه سی بَرباد چوخ باجی واردی ، قارداشین ایستَر ، دوزدی بو مطلب درسِ وفانی ، بو قیزا اَمّا ، اورگَتدی زینب زینب حسینه عاشق اولسا معصومه عاشقِ رضادی بو باجی قارداشین وجودی شیعه لره بابِ رَجادی #معصومه_س التماس دعای فرج الاحقر مهدی عبادی

ولادت حضرت فاطمه ی معصومه علیهاالسلام تازه غنچه آچوب باغِ کاظم بو گون دیللر اولدی قُما بوردان عازم بو گون حُجَّتِ هَفتُمه بوکی محبوبه دی گول آدی فاطمه اوزی معصومه دی فاطمه فاطمه رَشکِ جَنّات اولوب گینه بیتِ وِلا نَجمه خاتونه دِه ایوین آباد اولا عَمّه سی زینبه اوخشوری گوز قاشی هِی تَصَدّیق چیخیر باشینا قارداشی گورنه غوغا ایدوب بو قیزی خَلق ایدَن گوئیا فاطمه خَلق اولوب تازه دن غملی دیللر بوگون غَمدن آزاد اولوب شاد اولون شیعه لر چون رضا شاد اولوب هر نئِجه درد اولا وار اَلینده دوا قُم دیاری تاپوب مَقدَمیندن صفا چوخلی دیل رِشته ی عشقینه بَندیدی مُرغِ روحوم منیم صَحنینه جَلدیدی سیز گول اولساز اگر منده خارَم خانیم سیز باجی قارداشا ریزه خوارَم خانیم (بیکَسوخ ) گَر خانیم بولوروخ کَس سیزی ایسته پابوسووا طوسه یوللا بیزی #معصومه_س التماس دعای فرج الاحقر مهدی عبادی

ولادت حضرت فاطمه ی معصومه علیها السلام یا معصومه / گُلِ موسیَ بنِ جَعفر یا معصومه / یوزی زهرایه بَنذَر غُنچه ی باغِ وِلا ، ولادتون مبارک خواهرِ موسی الرضا ، ولادتون مبارک یا معصومه ، یا معصومه یا معصومه / عشقیوه مُبتلایم یا معصومه / قاپیوا من گَدایم سائله بابٌ رَجا، ولادتون مبارک خواهرِ موسی الرضا ، ولادتون مبارک یا معصومه / سنه چوخلی سوزوم وار یا معصومه / کَرَمونده گوزوم وار گَدایه اِیْله اِعطا ، ولادتون مبارک خواهرِ موسی الرضا ، ولادتون مبارک یا معصومه / ای اولان ماهِ رَخشان یا معصومه / اولوم آدیوا قربان دیللره ویردون جَلا ، ولادتون مبارک خواهرِ موسی الرضا ، ولادتون مبارک یا معصومه / نولور ایتسَن عنایت یا معصومه / قبریوه ایله دعوت قبریوه جانلار فدا ، ولادتون مبارک خواهرِ موسی الرضا ، ولادتون مبارک #معصومه_س التماس دعای فرج الاحقر مهدی عبادی

عرض ادب خدمت کریمه ی اهلبیت حضرت معصومه سلام الله علیها (به شکوهِ عَلمِ تو دل دل سپردم) جدید قَلم ایستیر گینه بیر ایلیه اعجاز مَدحِ فرزندِ بتولی ایده آغاز مُرغ روحوم پَر آچیب خیالی واردی قُم دیارینه گینه ایلیه پرواز سلام اولا دُختِ ولیُّ اللهه سلام اولا اُختِ ولیُّ اللهه کریمه ی ، آلِ عبا معصومه «س» مِهرِ اولادِ علی هر دیله دولماز صدق اوزیله گَله هر کیمسه یورولماز دخترِ بابَ الحوائج بولورم کی قاپیسیندان اَلی بوش سائلی قوغماز گدالره دوباره ایله احسان کَرَملیسَن آدیوا جانیم قربان کریمه ی ، آلِ عبا معصومه «س» کیم دخیل اولسا سیزه تاپار سعادت آشمیسیز یر یوزونه خوانِ کرامت بویوروب شیعه لره حضرتِ صادق «ع» ایده جاق حشریده معصومه شفاعت یوزی قَره ، غلامی سالما گوزدن اُمیدیمی ، کَسمَرم آخر سیزدن کریمه ی ، آلِ عبا معصومه «س» وار دلیلی گَلیروخ شور و نوایه حَسرتوخ ، مدینیه کرب و بلایه قَبر زهرا بیزه ایتگیندی ، ولی سن قُمی ایتموسن بقیع اهلِ ولایه آنان کیمی ، شفیعه ی عُقباسن بیزه خانیم ، نشانه ی زهراسن کریمه ی ، آلِ عبا معصومه خالقه شُکر اولا ایلیوب عنایت اولموشوخ بیزده خانیم اهلِ ولایت آند ویررم سنی قارداشون رضایه (بیکَسوخ) یاز بیزه بیر وقفه زیارت اورکلری ، قویما گَله چوخ درده اَزل قُما ، مشهده یوللا بیرده کریمه ی ، آلِ عبا معصومه «س» #معصومه_س التماس دعای فرج الاحقر مهدی عبادی

ولادت و جلالت حضرت معصومه سلام ا... علیها (ای صفای قلب زارم) جدید فارسی_ترکی بر دَرت عمری گدایم رُخ به درگاهت بِسایَم ریزه خوارِ خوانِ لطفِ خواهر موسی الرضایم تو میدانی بَدَم ولی باز آمدم تورا جانِ رضا نَکن بانو رَدم خانیم یا فاطمه خواهر شاهِ خراسان دائماً کردی تو احسان بر دَرت هر کس که آمد مُشکلاتش گشته آسان نَظر کُن بر گدا تو ای صاحب عطا بر آن دَستانِ تو سَر و جانم فدا خانیم یا فاطمه گول آچیب گلزار جنّت یثربه ویردی طراوت حضرتِ کاظم ایوینده ایلیوب الله قیامت گَرک دیل شاد اولا سَسون آزاد اولا دیون نَجمه خانیم ایوین آباد اولا خانیم یا فاطمه گول آدی زهرایه بَنذر بَضعه ی طاهایه بَنذر عزّت و جاه و جلالی زینب کبرایه بَنذر رضانین دلبری گول اوزلی خواهری گَل ای دردی اولان آچار مشکل لری خانیم یا فاطمه گوروسن کی دلغمینم (بیکَس) و زار و حزینم گَلمه میش ماهِ محرم انتظارِ اربعینم گدا گَلدی دیله یانیر بو نیسگیله قُما هم مشهده گینه دعوت ایله خانیم یا فاطمه #معصومه_س التماس دعای فرج الاحقر مهدی عبادی #کانال_ترکی_مجمع_الذاکرین