نوحه امام رضا علیه السلام ئولورم گوزومی هانی باغلیانیم باخورام یولا بیر گله آغلیانیم هامی درده گرچه طبیبم من گل اوغول ایراندا غریبم من غربا آغلار منِ مظلومه نه جوادیم وار نه ده معصومه ای صبا بو پیامی حجاز یتور دی جواده کفن منِ زاره گتور یومولور گوزلر دم هجراندی آنا یا زهرا جگریم یاندی منی غصه مدینه دن آیری سالوب باجیمون بالامون گوزی یولدا قالوب ضامن آهو گلوب افغانه قوناقام الله بو خراسانه موضوع: #امام_رضا علیه السلام سبک: #همه_جا_بروم شاعر: #کلامی_زنجانی

نوحه حضرت رقیه باشیما چک الون، روحمون همدمی من یاتا بیلمورم، گئجه نین عالمی چخاجاق جانیم بیلورم عمه ئولورم عمه ئولورم عمه هی دیردیم قوناق، اولا یار کاش منه وئردیلر طبقده ، بیر کسیک باش منه بو باشین یو لوندا ، چوخ دیوب داش منه غملریم آغلادار ، کوثر و زمزمی چخاجاق جانیم بیلورم عمه ئولورم عمه ئولورم عمه کیم گوروب عمه جان من گورن گونلری حالیم ایلور بیان ، باشیمون معجری قالدی یولدا گوزوم ، گورمدیم اکبری گلسه جان وئرنده ، بالاوین نه غمی چخاجاق جانیم بیلورم عمه ئولورم عمه ئولورم عمه آند وئرم بی بی ، عمومون جاننا ربابین آهینا ، اصغرین قاننا دعا ایله گئدیم ، بابا مون یاننا در ویرانیه ، وور قرا پرچمی چخاجاق جانیم بیلورم عمه ئولورم عمه ئولورم عمه آجیقلاندی منه دشمن آغلیاندا شمر امان وئرمدی ، سینه داغلیاندا شامین یولاریندا ، یاره باغلیاندا نفرینیم دوتاجاق ، خصم نامحرمی چخاجاق جانیم بیلورم عمه ئولورم عمه ئولورم عمه قوش سسون سسیمه ، چاغوراخ ئللری دیوللر عمو مون ، کسیلوب اللری سسله بابام گله ، آچا مشکللری آیریلیق غصه سی ، چوخ سیخوب سینه می چخاجاق جانیم بیلورم عمه ئولورم عمه ئولورم عمه موضوع: #حضرت_رقیه سبک: #همه_جا_بروم شاعر: #کلامی_زنجانی