🍂یا حضرت ام البنین (ع)🍂 من امّ بنینم چالیشوب مقصده یتدوم دورت پنجه قوی تازه جوان تربیت ائتدوم زهرایه اولوب خادمه زهرا یولی گئتدوم پروانه اولوب شمع جمال حسنینه خدمت ائلدوم زینب و کلثوم و حسینه 🥀🥀🥀🥀🥀 من امّ بنینم حرم شیر خدایم من جاریه ی خانه ی امّ النّجبایم اهل وطنیمدن ولی چوخ واردی گلایم حسرت جمعه آخشامی چکور خسته روانیم اولمور بیری اللهه گوره فاتحه خوانیم 🥀🥀🥀🥀🥀 افسرده دلم قلبیده سایسیز محنیم وار داغ داشه مؤثردی او غصّیکه منیم وار اولماز گلنیم ایلده بش اون گون گلنیم وار زحمتله گلولّر بیلورم قبریمه هاردان آند اولسون اباالفضله رضایم حاجیلاردان 🥀🥀🥀🥀 زهرا او خانملار خانمی مام فداکار اوغلانلارینون قبری هم ئوز قبری اولوب خوار حجّاج گئدندن صورا گلمز بورا زوّار ای کاش علی شیعه سی هر یاندا اولیدی ای کاش بیزیم قبریمیز ایراندا اولیدی 🥀🥀🥀🥀🥀 من امّ بنینم چکیلوب قلبیمه داغلار سؤندی ائویمون زینتی نورانی چراغلار واضح دی بوسوزدشمنه دشمن چتین آغلار اما منیم آخرده ایشیم بیر یره یتدی مروان کیمی ظالم ده منه آغلادی گئتدی..... ✍مرحوم استاد حاج انور اردبیلی ره" #وفات_حضرت_ام_البنین_علیها_السلام ✨اَللّهُمَّ عَجِّل لِوَلیِّکَ الفَرَج✨

🏴زبانحال حضرت رباب به حضرت اُم البنین سلام الله علیهما🏴 ایله قلبیم داریخور رفع ملال ایله رباب سنی اصغر جانی عبّاسی حلال ایله رباب ____جواب سویلدی اصغر آناسی اوزووی پوزما بیله بونه سوزدی گتیریرسن آنان جان ایندی دیله بوینوموزدا بالاوین حقّی یقیناً چوخودی اونی شرمنده ایدن مشکه دگن بیر اوخودی سن آنا دورت بالادان دینه گوره اَل اوزدون دوزماق اولمور بیرینه ،دورت غمه امّا دوزدون دوزدی اوز اوغلومی من دینه فدا ایلَمیشم بولمورم دهریده من ، حرملیه نِیلَمیشم نچه مدّتدی منیم ذکریم اولوب ایوای اوغول تَرپَدیب بوش بِشیگین سسلییَرم لایلای اوغول لایلای ای عُمرومه عالَمده اولان ذوق و صفا ایویمی یخدی منیم ، گیتماقون ای تشنه بالا من دیردیم باشیما لاله و سُنبُل ساچارام بالامی لطفِ خداوندیله صوددن آچارام قلبیمه تیر بلانی ولی دشمن ساچدی حرمله اوچ پر اوخیله سنی صوددن آچدی من دییَردیم دیل آچارسان دانیشارسان آناوا دوشدی افسوس گوزوم حلقیده کی اوخ یاراوا گَلموسن هیچ یوخوما ،من سنه دیل داغلامیشام حَقلیسن گَلمیه سن ، چون اَلیوی باغلامیشام دوزدی سن قلبیده کی مقصدیوه یِتدون اوغول آناوی (بیکَس) و اَفسرده قویوب گیتدون اوغول #وفات_حضرت_ام_البنین_علیها_السلام #علی_اصغر التماس دعای فرج الاحقر مهدی عبادی