نوحه شب عاشورا کربلاده بو گئجه غوغا اولوب چون شهادتنامه لر امضا اولوب چیخما ای گون صبر ائله دم غنیمتدور هله گرمدور شوریله عباسین باشی الده بوش مشکی، گوزونده گوز یاشی تشنه ده هم باجیسی هم قارداشی غصه دن غمگین دل سقا اولوب چیخما ای گون صبر ائله دم غنیمتدور هله شمعی خاموش ائتدی فخر بوالبشر طالبان دهر بیر بیر گئتدیلر قالمادی الّا او یتمیش بیر نفر عهدلر آماده ایفا اولوب چیخما ای گون صبر ائله دم غنیمتدور هله طرح ائدوبدی هرکس اوز برنامه سین اهل دل آلمیش اله غم خامه سین اشکیله یازسین وصیتنامه سین چون شب هجران عاشورا اولوب چیخما ای گون صبر ائله دم غنیمتدور هله دولدوروب دشت غمی هجران سسی عاشقان حضرت جانان سسی اوج ائدوبدی گویلره قرآن سسی بو نوا عشّاقه روح افزا اولوب چیخما ای گون صبر ائله دم غنیمتدور هله دلموش آل بوترابین خیمه سی بزم شیون دی ربابین خیمه سی غملیدی اُل دل کبابین خیمه سی اهل بیتین ذکری واویلا اولوب چیخما ای گون صبر ائله دم غنیمتدور هله وار او صحرا ده اسفلی منظره عمه لر لای لای دیوللر اصغره سو سؤزی دوشموش نوالی دللره یوخدی سو، گوزیاشلاری دریا اولوب چیخما ای گون صبر ائله دم غنیمتدور هله موضوع: #شب_عاشورا سبک: #کربلاده_بوگئجه شاعر: #کلامی_زنجانی

نوحه اربعین دور حسینیم شامیدن موكب گلور اربعینه غم چكن زینب گلور جان حسین عطشان حسین قبریوه قربان حسین ای بو صحراده چاتان آمالینه من فدا درباریوین اجلانیه دور ایاقه باخ باجون احوالینه اهلبیتین دیده ی سیالینه محرم غم كاشف مطلب گلور جان حسین عطشان حسین قبریوه قربان حسین یتدون عاشورا گونی سن مقصده بیزدن آیریلدی باشون سرنیزه ده گلدیم آردونجا عزیزیم غمزده اول یارالی باشی گوردوم كوفه ده نیزه ده چون ماه در عقرب گلور جان حسین عطشان حسین قبریوه قربان حسین ایتدی طاغیان كوفه ده بحر فساد سالدی زندانه بیزی ابن زیاد نطق ایدوب ویردیم شعار اعتقاد یعنی آئین حسینی زنده باد گوردولر احیاگر مكتب گلور جان حسین عطشان حسین قبریوه قربان حسین حق دیوب خوار ایلدیم بیگانه نی خوفه سالدیم زاده مرجانه نی شامه گیتدیم تا آلام ویرانه نی اوردا گوردوم شمعیله پروانه نی اوخشادون شمعه كه وقت شب گلور جان حسین عطشان حسین قبریوه قربان حسین طوره دوندردون خرابه منزلی تاپدی رونق اهلبیتین محفلی گوردی، حل اولدی رقیه مشكلی خیر مقدم سویلدی شیرین دلی جسم عشاقه او غمدن تب گلور جان حسین عطشان حسین قبریوه قربان حسین موضوع: #اربعین سبک: #کربلاده_بوگئجه شاعر: #کلامی_زنجانی