❤️در مقام معلم❤️ 🖋کریم نصیری دولت آباد مرند وصفینده قالیبدور قلم آواره معلم حیراندی جهان سن ایدن ایثاره معلم ای بزم محبتده یانان شمع فروزان شأنینده سنین آزدی یازیلسا نچه دیوان سن محنتیلن اؤرگه دیسن یول تاپیر انسان گؤیلرده اولان ثابت و سیاره معلم سن ائللره ایللر بوئی هر یرده دایاقسان یاتمیشلار اویاندیقجا گورللر سن اویاقسان دنیا باغینون گللرینه سانکی بولاقسان رونق ویروسن گلشن و گلزاره معلم جاهل لری اعجازیله لقمان ایدیسن سن امراضه عجب علمیله درمان ایدیسن سن چوخ قاره داشی لعل بدخشان ایدیسن سن عزّتله چکورسن اونی بازاه معلم بیر شمع کیمون راه وفاده آلیشیرسان جان فکرین آتوب هم آلیشوب هم چالیشیرسان سن غرق اولان انسانلارالیندن یاپیشیرسان ایلور قلمین چاره سیزه چاره معلم بو شعری #نصیری گیجه مین شوریله یازدی اوغلان باخوب ایوده دیدی چوخ یاز بولار آزدی آزدی چوخ حساب ایله دیدیم دای قلم آزدی گورسنده بَینمورسن ایله پاره معلم #معلم #وصفینده_قالیبدور_قلم_آواره_معلم #کریم_نصیری #ترکی   📚ڪانال خبری تحلیلی یاشیل وطن: ⬇️ ⬇️ ✨ JOIN🔜  @yashilvatan_ir

🏴شعر شهادت حضرت زهرا (س) ✏️#کریم_نصیری دولت آباد مرند . غم اوتونا آلشمویوم نیلیوم درد الینده چالشمویوم نیلیوم اورگیمون دردین کیمه دئیم من اوز اوزومله دانشمویوم نیلیوم . گورنلر دردیمی اوخور یوزومدن غصه یاغور باخیشیمدان سوزومدن یانان قاپی ویرور منه گوز داغی اورک قانین چکورتوکور گوزومدن . فاطمه جان حالیم اوزومده دگور غملر سینمده دور سوزومده دگور منیم گولوم اُوولدی پرپر اولدی دنیا گل اولسا دا گوزومده دگور . فاطمه جان یامان گونه قالموشام گردنیمه شال عزا سالموشام سن گوردوقون کیمون دگور عموغلون دور عم قیزی گور نئجه قوجالموشام #ترکی #غم_اوتونا_آلشمویوم_نیلیوم #فاطمیه_شهادت @yashilvatan_ir 🌺یاشیل وطن

🔰شعر ترکی نوحه اربعین . . کربلایی #کریم_نصیری دولت آباد . . بو صفالی قبریوه یاحسین باجیوام زیارته گلموشم آلام عطریوی آخا گوزیاشیم یتوشم سعادته گلموشم . . اویان ای غریب وطن اویان گلوب آه و زاریله زینبون سنه اربعین توتوب آغلیا دل پر شراریله زینبون گتوروب رباب و سریّه نی پوزولان قطاریله زینبون یارا باغلیان باجوام سنون بو چوله طبابته گلموشم . . گیجه گوندوز ایلموشم دعا بو گوزل مزاریوی گورماقا متوسل اولموشام اصغره که نصیب اولا منه کربلا یخیلان یرون اوپوب آغلیام سنه قتلگهده توتام عزا هله دل خوشام که دعالریم یتوشوب اجابته گلموشم . . بولوسن جفائیله یاحسین پوزولوبدی فاطمه گلشنی منی آیریلیق ایله یاندیروب نه زماندی گورمه‌موشم سنی بوکولوب بیلیم آغاروب ساچیم دور ایاقه گور تانیسان منی گوروسن نجه یخیلوب ایویم بو یئره اقامته گلموشم . . . سالارام خیاله سوسوزلوقون سو گورن زمان یانوب آغلارام اورگون یاراسینی یاد ایدوب یانوب آغلارام سینه داغلارام گیجه لر ایلیکی یاتار هامی اُزه اشک آلیمی باغلارام دیمورم بلالری باشیمون یتوشوب نهایته گلموشم . . خبر آلما نازلی رقیه نی دیمه گلمیوبدی بالام نه دن اوصغیره سنّیله شامیده قالوب ایله دی او یئری وطن قوری یئرده جان ویروب حیف اولا نه کفن تاپیلدی نه دفن ایدن اوز الیمله قبرینی قازمیشام بویانوب ملالته گلموشم . . سن اوشاه سن که بوعالمون کرمونده وار گوزی یاحسین یارادان گوزل یارادوب سنی اونا وار کیمون سوزی یاحسین قاپیوا «نصیری» قویوب یوزون اورگینده غم کوزی یاحسین نولا کربلاده گلوب دئیه قوشولوب جماعته گلموشم ╲\╭┓ 🌺🍃 ┗╯\╲ @yashilvatan_ir «یاشیل وطن»