۞﷽۞حلول ماه محرم و عرض ارادت 🗓شعر شماره: ۱ آشـکـار اولـدی گـیـنـه مـاه محرم یاعلی بو مصیبتدن توکـرگوزیاشی عالم یاعلی 🟢 فاطمه دلبندینین بـاشلانـدی مـاه ماتمی بـاشینه جنتده قـاره سـالدی خاتم یاعلی 🟢 واحسینانالـه سی قـوزاندی عرش اعظمه اهـل عـالـم شـاه دینـه توتدی ماتم یاعلی 🟢 سـالـدیلار یـاده شهیدکـربـلانین محنتون شیعیانین اولدی بزم عیشی برهم یاعـلی 🟢 نـوحـه گـردور بـو عـزاده انبیاء و اولـیـا شیون ایلورخضرُموسی نوح وآدم یاعلی 🟢 اولدی بوآی اهل عشقه شادیُ خرّم حرام واردی ذاتینده خلل کیم اولساخرّم یاعلی 🟢 بوآئین مثلینده عالـم سربسر قان آغلوری قاره پوش اولـدی منا ومکـه زمزم یاعلی 🟢 گلستان عشقـه اَسدی بـیـرنسیم غـم فـزا سولدی گوللّرتوتدی یکسرگلشنی چم یاعلی 🟢 کـربـلاده آلـدیـلار اطـرافـینـی قـوم شـرر گوزلرینده یوم حشر اولدی مجسم یاعلی 🟢 حـق یولـوندا یـاورانـصـاری قـانه باتدیلار نظم دیـنـی ایتدیلـرقـانیلـه محکـم یاعلی 🟢 اهلبیت مصـطفایـه یویولـون بـاغـلادیـلار العطش فریادی چخدی عرشه اولدم یاعلی 🟢 خیرداقیزلارین سوجامی اللرینده گل کیمی یوزلری سوزعطشدن سولدی کم کم یاعلی 🟢 وحشته سالدی حرمده سوخیالی بیرایله اولدی احوالی پریشان اهل مخیم یاعلی 🟢 اولمادی جرعه سویابیکس ربابین امکانی اصغرین مخیمده ایتسین لبلرین نم یاعلی 🟢 صبح اولونجایاتمادی لایلای چالیبدواوغلونا عارضه اشگین دوزوبدی مثل شبنم یاعلی 🟢 آتش غم سینه سین یاندیردی قالدی چاره سیز اللـریـن گـهـواریـه باغلیب او دلغـم یاعلی 🟢 اکـبـرشهـزادنین دوغـرانـدی بـوآی پیکـری قان ائدیب یالقیزامامین باغرینی غم یاعلی 🟢 تنگ اولوب دنیاگوزونده گتدی صبروطاقتی نـوجوان داغی سالیب دیلدن مسلّم یاعلی 🟢 یغدی نعشون بیرعبایه قطعه قطعه بندبند تـوش اولـوب تیرغـمـه قلبی دمـادم یاعلی 🟢 سسلدی نازیله یاتماویرسسیمه سس اوغول دورگیداخ گوزلوریولون نازلی رقیم یاعلی 🟢 بیرآتانین رسمیدورئولسه جوان اوغلی اگر غصه دن رعنا قدی بیردن اولارخـم یاعلی 🟢 حالیمی یوخدوربولن بیرخالق غیبی بولـر آغلورام مـن ایـلـوری دشـمـن تبسّم یاعلی 🟢 نوجوان اوغلی ئولن هاردا ئولوم ایستربالا لـیـک سنسیز قالمارام دنیاده ئوللّـم یاعلی 🟢 تـازه دامـادیـن بـوآیـدا پیکـرمـجـروحینـی پـوزدولـار آتـلار ایـاقـی آتـدا ازدَم یـاعـلـی 🟢 هجله گاهین ایلیوب بـربـاد قـوم کینه جو نوعروسین ذکری ایوای اولدی هردم یاعلی 🟢 بسکه آغلاردی چکردی متصل آه اوسته آه گیزلدیب دردین ائدردی سینه ده جم یاعلی 🟢 قتلگاهینده گلیب ایوای عم اوغلوم وای دیدی نـالـه سیندن تـیـتـردی ارکـان عـالـم یاعلی 🟢 حالینی پوزدی گورنده نیزه و اوخ یاره سین عرض ائدیب بومحنتینده یاندی سینم یاعلی 🟢 ال تاپیب عباسیوه بـوآیدا اون یّدی شـقـی کسماغا باشین اولوبلار چـوخ مصمم یاعلی 🟢 اوستونه باران کیمی یاغدیردیلار تیر و سنان دئیدی ازبس یاره لر اولمادی مـرهـم یاعــــلی 🟢 قولاری اولدی قلم مشگ اوخلانیب یاتدی علم بـاتـدی غـم دریاسینه سـردار عـلـقـم یاعـــــلی 🟢 بیرعـمـود آهنین نـوفـل ووروبـدی بـاشـیـنـه گـوزلرینده اولـدی گـوندوز لِیل مُظلَم یاعلی 🟢 ای قلم بسدور دایان یازما نلر اولدی داخی ایسته بیر بین‌الحرم (عاجز)له باهم ❇️التماس دعا 📝علی جعفری(عاجز تبریزی) 📆۲۱ذی‌الحجه۱۴۴۴📌۱۹ تیر ۱۴۰۲ #حلول_ماه_محرم #محرم_۱۴۰۳ ❣الّلهُــمَّ عَجِّــلْ لِوَلِیِّڪَـــ الْفَـــرَجْ❣

🏴نوحه حلول ماه محرم🏴 ✍ شعراز: محمدی (ناعم) 🎼 سبک: نوحه جان آقام(بنی فاطمه)... ▪️▪️▪️▪️▪️▪️▪️ پیرهن مشکی من آبروی زندگیمه سند نوکریمه ترجمۀ بندگیمه ماه محرم اومد،غرق نوا شد عالم باز دوباره میپوشم،،رخت عزا و‌ ماتم جان آقا،سنه قربان آقا سیدالعطشان آقا جان آقا ▪️▪️▪️▪️▪️▪️ گریه تو ماتم تو اوج تمنای منه مادرت هر سال آقا شاهد اشکای منه زندگی بی روضه،،سخته خودت میدونی دیوونتم آقاجون،از تو چشام‌ میخونی جان آقا.... ▪️▪️▪️▪️▪️ مادرم از کوچیکی اسمتو‌ یاد داده به‌ من گفته تا آخر عمر‌ نوحه بخون سینه بزن تاکه نفس دارم من،نوحه برات میخونم تا دم آخر آقا،سینه زنت میمونم جان آقا.... ▪️▪️▪️▪️▪️▪️ 🏴 ترکی قاپوون‌ نوکری ام‌منصبیمه فخر ائده رم منی قؤسون آقاجان،هانسی سرایه گئدرم سن شرف دنیاسن،ماه جهان آراسن شافع روز‌ محشر،،سرور عاشوراسن جان آقا... ▪️▪️▪️▪️▪️ قره کوینک‌ گییَرم عالمه فخر ایلییَرم جان وئرن وقتده آقا من یولووی‌ گوزلیَرم باشیمون اوسته‌گلسون،حسن‌جمالوندگورّم آرزیما چاتسام مولا،،جانیمی آسان وئرّم جان آقا..... ▪️▪️▪️▪️▪️ آقاجان بیر باخیشون ماه دلارایه دَیَر قاپوون تپراقی مین جنت الاعلایه دَیَر هامّی بیلور ایثارون،دینی ائدوب پاینده سن قانا باتدون اما،مکتبی ائتدون زنده جان آقا..... ▪️▪️▪️▪️▪️▪️ جهت استشفای جمیع مرضاء،بویژه استاد ناعم صلواتی ختم بفرمایید. باتشکر:اددمین 🎼 سبک :نوحه جان آقام سنه قوربان آقام.... #امام_حسین_علیه_السلام #محرم_۱۴۰۳

🍂ورود محرم🍂 •✾•🎤کربلایی سعیدسلطانی ●━━━━━━───────

🏴ورود ماه محرم 🏴 ودود آذرين خلخال ياران گلور محرم             ايام غصّه و غم برپا ايدون ئوركده             بزم عزا و ماتم مظلوم حسين حسين جان جانلار حسينه قربان قاره چكون سرايه            ديلدن گلون نوايه پير و جواني يكسر          دعوت ايدون عزايه مظلوم حسين حسين جان جانلار حسينه قربان قالمور داخي شكيبا     بيلسون هامي بو آيدا صحراي كربلاده            محشر اولوبدي برپا مظلوم حسين حسين جان جانلار حسينه قربان بو آيدا جوش ايدر قان   انس ايله آغليار جان يتميش ايكي مجاهد   قانه اولوبدي غلطان مظلوم حسين حسين جان جانلار حسينه قربان خورشيد جان سونوبدي  قلبيم قانا دونوبدي قانياش عذاره باغلا       اكبر جوان اولوبدي مظلوم حسين حسين جان جانلار حسينه قربان نهرين سويي رواندي    عطشان رقيه ياندي اربابين الي اوسته      اصغر قانا بوياندي مظلوم حسين حسين جان جانلار حسينه قربان نهره گليب دي سقا    اطفاله سو آپارا قولار قلم اولوبدي       قانه اولوب محنّا مظلوم حسين حسين جان جانلار حسينه قربان يابن الحسن بو حالدا       جدّون حسينه آغلا دالدان باشين كسيبلر      باشون ساق اولسون آقا مظلوم حسين حسين جان جانلار حسينه قربان #امام_حسین_علیه_السلام #محرم_۱۴۰۳

🍂ورود محرم🍂 •✾•🎤کربلایی سعیدسلطانی ●━━━━━━──────

گینه یتوب مه محرم سراسر عالمی دوتوب غم چکوبله قاره نه سمایه گلوب نوایه اهل عالم اولوبدی گوئیا قیامت ایدوبدی ورد دل جماعت حسین یارالاریوا قربان اسیر بالالاریوا قربان غبار غم دوتوب فلکلر باتوبدی ماتمه ملکلر آچوبدی باشینی بوآیدا بهشتیده بتول اطهر گلوب فغانه شیرداور مدام سسلنور پیمبر حسین یارالاریوا قربان اسیر بالالاریوا قربان نه تک او دردمند عاشق بو درگهه بوتون خلایق گلر دیر اورکده دردین شفا ویرر طبیب حاذق تمام دردمند اولانلار دیر او چاره سیز قالانلار حسین یارالاریوا قربان اسیر بالالاریوا قربان بوآیدا دخت شیر یزدان اولوب اسیر قوم عدوان گیدوبدی مجلس شرابه باش اگمیوب چوشیر غران شراب مجلسینده هرآن دیردی زینب پریشان حسین یارالاریوا قربان اسیر بالالاریوا قربان باتوب بوآیداقانه اکبر شبیه حضرت پیمبر گیدوب جدایه قانلی باشی گلوب نوایه غملی مادر ایدردی اکبرین بهانه خانیم دیردی یانه یانه حسین یارالاریوا قربان اسیر بالالاریوا قربان بو آیدا دشت کربلاده کسیلدی نچه باش مناده سریه سسلنوب اوغول وای باتاندا قانه شاهزاده عزای قاسمه گلنلر ایدر نوا دیر علملر حسین یارالاریوا قربان اسیر بالالاریوا قربان بوآی شهید راه قران بالاسین ایتدی دینه قربان بو عشق پاک و صبر و ایثار قویوبدی انبیانی حیران مسیح وخضر ونوح وموسی دیردی ای عزیز زهرا حسین یارالاریواقربان اسیر بالالاریوا قربان سویوللارین گروه اعدا بو آیدا باغلیوبدور، اما یاریبدی صفلری او چولده آلوب فراتی شیر هیجا ولی سویوندان ایچمیوبدور باخوب سویا یانوب دیوبدور حسین یارالاریوا قربان اسیر بالالاریوا قربان بوآی بیراوت دوشوب جهانه جهان قالوبدی یانه یانه بو آی امام کون و امکان گلوبدی ظلمیدن فغانه حسینه ای قرا گینلر دیر بو ماتمه گلنلر حسین یارالاریوا قربان اسیر بالالاریوا قربان ((زکی)) بو غمده سینه داغلا گوزون یاشون عذاره باغلا فقط نه تک مه محرم حسینه هر زماندا آغلا ((عتیق)) اُل بو غمده گریان گیدونجه قبره سویله هرآن حسین یارالاریوا قربان اسیر بالالاریوا قربان شاعر : استاد طهمورثی (عتیق)

🏴نوحه اول محرم 🎼سبک: دوباره مرغ روحم هوای کربلا کرد__ قان یاغدی کربلاده صحرایه یامحمد(ص) گلدی مه محرم،قوزاندی قاره پرچم ماه عزاگلوبدورشیعه توتوبدی ماتم عطشان ئولن حسین وای وای بی کفن حسین وای(۲) #####$$$$$####### کاش کی مه محرم دنیاده اولمویایدی گلزارمصطفانی ایکاش که سولمویایدی نه قاره کوینکیله گوزیاشه دولمویایدی تشنه قالوب حرملر باغلاندی نهر علقم عطشان ئولن حسین وای وای بی کفن حسین وای ####$$$######### بوآیداقانه باتدی کرببلاده اکبر ووردی قلج باشیندان بوآیدابیرستمگر نیزه قلج وورولدی دوغراندی جسمی یکسر سسلورحسین اوغول دورقان آغلویوربودیدم عطشان ئولن حسین وای وای بی کفن حسین وای(۲) ###$$$$$$$$$$$$$$$ بوآیداجان وئروبدوربیربا وفا علمدار نهراوسته مشکه خاطر دوشدی یراوسته قولار بوآیداباش وجاندان گئچدی وفالی سردار مشکی دولوبدی قانه یاره دگوب دمادم عطشان ئولن حسین وای وای بی کفن حسین وای(۲) #$$$$$$$########$$ بوآیداآلتی آیلوخ اصغرقانا باتوبدی اخیامیده آناسون گوزدن بوآی آتوبدی اوچ شعبه اوخ دگوبدوراشکین قاناقاتوبدی قونداقی قانه دولدی یاندی غمینده عالم عطشان ئولن حسین وای وای بی کفن حسین وای(۲) ###$##$$$##$$### قالدی حسین بوآیدا کرببلاده یالقوز اولموبدی یارویاورقالدی بوآی اوغولسور گوردی کمک ائدن یوخ چکدی بیرآه جانسوز زهرادیوب اوغول وای جنتده یاندی خاتم عطشان ئولن حسین وای وای بیکفن حسین وای(۲) #$#$$$$$$$$$$$$$$$ جنگ ایلیوب یورولدی دگموشدی بسکه یاره داش دان صورا وورولدی آنیندان اوخ دوباره سینه آچیلدی بیراوخ قلبین ائدیبدی پاره اکبرغمیله اولدی قلب حسینه همدم عطشان ئولن حسین وای وای بی کعن حسین وای(۲) #$$$$$$$$$$$$#$$$$ ازبسکه یاره دگدی دوشدی حسین منایه طاقت کسیلدی دوشدی صحرای کربلایه گودال قتلگهده اولموب یتن هرایه صاحب دیوریازاندایاندی غمینده سینم عطشان ئولن حسین وای وای بی کفن حسین وای(۲) ✍بقلم استاددهقان (صاحب) 📚منبع کتاب ایثار صاحب #امام_حسین_علیه_السلام #محرم_۱۴۰۳

حسینین گل یوزی جنت دی والله وجودی خلقته زینت دی والله حسین عالملره روح و رواندی صفای گلشن خلقت دی والله حسین قانیله تفسیر ائتدی عشقی که بیعت ظلمیله ذلت دی والله قیام ائتدی کی قران زنده قالسین بیزه آزاده لیق اورگتدی والله بو مکتبده اولان ظلمه باش ایمز سراپا مکتبی غیرت دی والله حسینین نوحه سی ذکر و دعادور عزاسی درس حیثییّت دی والله بو بزم عشقه هر کس یول تاپانماز گلر بیر کیمسه کی دعوت دی والله قرا پرچم بیزه نام و نشاندی قرا کوینک بیزه عزت دی والله بو درگهده بیری شرمنده اولماز نه احسان اولسا بی منت دی والله اولور تکرار اگر هر ایل عزاسی بیزه برنامه وحدت دی والله مریض عشقه وار دارالشفاسی دواسی قان اولان تربت دی والله گوزلدی هر مکاندان کربلاسی مزاری قبله حاجت دی والله هاچان دعوت ائدر "#مدهوشی" بیرده بیلیر قلبیم دولی حسرت دی والله منه لطف ائیله سه آخر نفسده نه غم، جان وئرماقیم راحت دی والله #مدهوش #هوشمند #مدهوش

#کوچ_از_قتلگاه توپراقلار اوسته دوشموشیدی شاه انس و جان سویموشدولار لباسنی اشرار بی امان (آتلار قویانمازیدی ایاق ایسّیدن یره) عذر ایسترم بو عرضیمه یا صاحب الزمان اول ایسّی قوملار اوسته کی عریان غریب امام یاتمش نه حالیلن یوخودی بیرجه سایبان داغ ایلمیشدی آهن و آلاتی آفتاب زحمت ویروردی گُل بدنه تیغیله سِنان ضَمّ ایلمیشدی توپراقا آتلار وجودینی آتلار ایاقی قانه بویانمشدی اول زمان مکتوب ایدوبدی بعضلری، دورد آغاج یولی قانه چکوبدی آتلار ایاقیله کوفیان اوخلار ایدوبدی طاق ظفر سینه سینده نصب دوشموشدی فاتحانه شهنشاه خسته جان بیر منظر غریبیدی صحرای کربلا ایلردیلر نظاره او صحرایه قدسیان قان موج ایدردی هریانا گودال عشقدن گویا شفقده غوطه وورور مهر آسمان چون شه کُشان امّتی گورموشدی بی حجاب آغلاردی حال شاهه سمائیله کَهکَشان زینب گزردی قتلگهی بیله حالیده تا بلکه جسمنه تاپا بیر روحیله روان اِشکسته اسلحه بوروموشدی چوخور یری سسلردی هارداسان دانش ای قلبیمه توان آلات حربی بیر آرادی زخمدار الی اوخ نیزه تیری ایلدی زینب اویان بویان آختاردی تاپدی قارداشین امّا هزار حیف نعشون گوروب سالوبلا یوزی اوسته ناگهان بیر صیحه چکدی آغلادی آغلاتدی عالمی فریاد و نوحه باشلادی شوریله موکَنان چوخ نوحه خوانلق ایلیوب عمرونده بو خانیم امّا بو نوحه مِثلینی ویرموبدی هیچ نشان بو نوحه مِثلی هاردا اولار عالمین آرا هاردا گوروب بو محنتی شوریده بانوان گوتدی او لخته قانلاری بیر چکدی باشنه سرمشق نوحه خوانلقی آل بوردا نوحه خوان بیر آه جانگدازیله دنیانی داغلادی یاندی شرار آهینه ارکان کن فکان بیر تسلیت ویرن هانی مظلومه زینبه گل بیر نظاره قیل غمه ای میر مومنان دوشدی وداعی یادینه قارداشنون او دم فکر ایتدی اللرین تاپا تسکینه اول زمان قالدی اورکده اللری غمدیده زینبین بو طرزیلن او علّتی من ایلرم بیان دوشموشدی خردا بارماقی آلات حرب آرا کسمشدی دست پاکنی ظلمیله ساربان سسلندی دور فدا سنه ای ذبح بی بدیل قربان کسیلمیش اللروه هر ایکی جهان سالموبلا هیچ شهیدی بو احواله سن کیمی شل اولسون اللری سنی بو حالته سالان ممزوج ایدوبله لحموی عظمیله قوم کین طرحین پوزوبلا جسموون احزاب شامیان سنسن حسینی زینبون ای عالمه پناه؟ یا اینکه‌ من خطایه دچار اولموشام بو آن؟ اول مرتضا که سویمادی دشمن لباسنی عریان سالوبلا اوغلونی صحرایه الامان جسمون بو نوعیلن که سویوب ظلمیله عدو قربانه اوخشادوبدولا اشرار بی نشان بُلمَم نه نوعی باشوی ذبح ایلیوبدوله دوتموش فضای قتلگهی لخته لخته قان ایکاش اُلیدی زینبون ای جان عالمین تا گورمیِیدی بیله سنی قاننه باتان بو قتلگاه عشقدی یا لاله خرمنی؟ یا چشمه دور که هِی ویروری تازه تازه قان؟ جوش ایلیَن زمانیده قان چشمه سی دونن سدّ ایلیوبدی قاننی داشیله داش آتان بو غصّه زینبین یخاجاقدور ایوین حسین قلبون سوکوبدی سینه وه اوچ شعبه اوخ ووران خنجرلریله جسموی اوراق ایدوبدولر گویا دوشوبدی قان آرا بیر مصحف قر'آن کندویه وار شباهتی بو جسم چاک چاک اوخلاردی نَحلی، جسم شریفون ده مثل شان قلبیم دیور که خولیه مهمانیدون گجه آیا یرون نجیدی نه نوعیدی میزبان؟ ایکاش یاتدوقون یری راحت ایدیدیلر آسوده دینجلیدی باشون ای جهانه جان بیر عطر آشنا گلوری جان مشامنه گویا گلوبدی پیکریوه باش چکه آنان شک یوخ یاخوبدی قانوی آغ زلفونه آنام اولموش گورنده پیکر منحوری باغریقان قارداش سوروش گچن گجه‌دن تا دیوم سنه نوحه اوخوردی حالوه بیر عدّه روضه‌خوان ✍ص ۱ از ۲ #نگین #مختار_وطن_پرست

#کوچ_از_قتلگاه حاشا که من‌ گچن گجه آسوده یاتمشام اولموشدوم آه و زاریله اطفاله پاسبان یغمشدی بیر یانان چادرا قیزلاری باجون ویرمیشدی قوملار اوسته یتیمانیوه مکان اصغر آناسی صبحه کیمی گوزیاشی توکوب قان ایلیوبدی قلبنی بیر تیریله کمان سسلردی حشر اولونجا سنه آغلارام علی هاردا ایدوبله سود امرین حلقنی نشان؟ گوردوم دونن خیمده که اوت دوتموسان اوغول اوتلی هوا اولوردی بو گل جسموه وزان اَسموردی لااَقل او زمان باد سرد و بَرد قالمشدی حسرتنده بو دلخسته باغبان سن‌ جان ویرنده من یوخودوم حالوی گورم قالمش نه حاله بس گورسن شاه بی کسان؟ گوردوم گلنده خیمه لره قان ایچینده سن باتمشدی قانه اللری یالقوز قالان آتان ایکاش آنان رباب اُله بوش گورمیه یرون بیر کس خبر دوتانموری بس هاردادور بالان وار حقّی بیکس عمه لرون گر سوروشموری بیر کیمسه گر سورشسا اولار باغریقان آنان اُلسون رباب آنان که آخور چوللره فرات سنده که تشنه یاتموسان ای طفل بی زبان هر یرده رسمدور سودامر، سود، امر یاتار گَل سود گلوبدی سینمه ای قلبمه توان امّا یوخومدی چاره که دفن اولموسان علی توپراقلار ایچره یاره لی حسرتله یاتموسان ایکاش مدفنونده قالا نعشون ای اوغول حفر ایتمیه زمین بلانی دم ِ سِنان قورخوم‌ بودور که پیکریوه دشمن ال تاپا بی خانمان آناوی ایده دیده خونفشان تاپسا یارالی نعشوی بو قوم کینه جو نصب سِنانی ایلیه جاق ظلمیلن سَنان نسگللرونله حشره کیمی آغلارام علی گولمز یوزوم دا بیرده منیم بو سوزی اینان بیر لحظه گر کسیلسه گوزوم یاشی کور اولوم هرگز بو سیله سویلمرم گلگلن دایان دریاجه گوزیاشیم آخا جای عجب دگور بیر بحردور که یوخدی اونا ساحل و کران بو زورق وجودیمی دریایه سالمشام گوزیاشی بحر غمدی بو دل مثل بادبان قارداش رباب دردی بیزه اوزگه درد اولوب یوخدور علاجی دردینون ای عالمه امان دوتموشدی بیله شام غریبان باجون سنه گورمز بو نوعی شام غریبانی هیچ زمان توپراقلار اوستی بستریدی اهلبیتوه صبح ایلیوب او حالیله آشفته بو زنان یوخ فرصتیم که میر سپه هی ورور نهیب فوراً سوار اولون که اولاق مقصده روان قارداش مسافرم گیدورم دور اذان بویور بلکه بلادن حفظ اولا بو اهل کاروان خواهی نخواه میندیله یکسر مخدّرات جبراً چکردی کوفیه نسوانی ساروان مرسومدور گیدنده مسافر اوزاق یولا قومیله اقرباسی دالیجن ویرر اذان بو رسمی زنده ساخلادی سلطان مشرقین حیران قالوب بو رسمه جهانیله کن فکان قویدی ایکی کسیلمش الین قانلی توپراقا قان ایچره اوتدی زحمتیلن شاه بیکسان دوشدی فشاره قانه باتان اوخلی پیکری فوّاره تک قان آخدی وجودیندن اولزمان لحن حجازیلن دیدی تکبیری سوزیله آفاقی صوتیلن بورودی شاه تشنگان زینب ایشتدی لحن حجازین حسینینون ال آتدی یاره اللریلن باشنه او آن الله یارالی پیکریوی حفظ ایده اوزی مندن که اَل گوتورمیه جاق ظلم کوفیان یولّاردا همرهیم دگی عبّاسمیز حسین بولَّم که غم لریم دگی هرگز ختام اولان گیتدیم منیله شمر جفاجودی همسفر یوخدور بو کارواندا اباالفضل پهلوان قبر ایچره حقّی واردی اگر آغلاسا منه عبّاسدور غیوریدی چون میر بانوان امداد ایدوب #نگینینه کشّاف کربیمیز سوزلر اودور که گون کیمی واضح اولور عیان تاپشورّام ایلییَر اونی دعوت بو وادیه تا ذکر ایده مصائبی با چشم خونچکان سن کشتی نجاتسن ای ناخدای عشق باخ بو #نگینه تا اولا بیر تارِ بادبان سِحرٌ مِنَ البَيانه جلا ویرگیلن اُوزون صاف ایتماقا بو آیِنه‌نی اولگلان ضِمان ✍ص ۲ از ۲ #نگین #مختار_وطن_پرست

سبک ای منیم نازنین نگاریم 🌹زباحال حضرت زینب( س) به حضرت رقیه( س)🌹 شعرازکربلای محمدرضا صادقی ای منیم نازلی مهرباینم ای منیم شیرین دیلّی جانیم یوللارین فکرین آت رقیه گل قوجاقیمده یات رقیه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای سینمه نسگلین وورار اوخ عمه جان چوخ دئمه بابام یوخ کربلا یوللارینا باخما یاندروب بو سینمی یاخما لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای قوی ئوپوم من قیزیم دوداقدان چوخ دئمه دوشموشم ایاقدان لیلیده باخ قیزیم نوایه اکبری سسلمه هرایه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای سوزلرین یاندورور ربابی آغلیوب قورتولوبدی تابی آغلیوب خیمه لر یاناندا چوخ دئمه اصغریم هایاندا لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای چوخ قیزی خوار ائدر زمانه گل ووروم تللریوه شانه اولدوزوم باتما گوزلریمدن گل بالا چخما سوزلریمدن لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای آغلیوب صبرایوین یخورسان آهیله قلبمی سیخورسان آز منیم قلبیمی آلشدیر گل دیله عمه وی دانشدیر لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای «صادقین »وار گوزی الونده جان خانم سسلیور دیلینده ویر صله سن بو سوزلرینه ایستیور چوخ دییور مدینه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای