🍂ورود محرم🍂 •✾•🎤کربلایی سعیدسلطانی ●━━━━━━──────

گینه یتوب مه محرم سراسر عالمی دوتوب غم چکوبله قاره نه سمایه گلوب نوایه اهل عالم اولوبدی گوئیا قیامت ایدوبدی ورد دل جماعت حسین یارالاریوا قربان اسیر بالالاریوا قربان غبار غم دوتوب فلکلر باتوبدی ماتمه ملکلر آچوبدی باشینی بوآیدا بهشتیده بتول اطهر گلوب فغانه شیرداور مدام سسلنور پیمبر حسین یارالاریوا قربان اسیر بالالاریوا قربان نه تک او دردمند عاشق بو درگهه بوتون خلایق گلر دیر اورکده دردین شفا ویرر طبیب حاذق تمام دردمند اولانلار دیر او چاره سیز قالانلار حسین یارالاریوا قربان اسیر بالالاریوا قربان بوآیدا دخت شیر یزدان اولوب اسیر قوم عدوان گیدوبدی مجلس شرابه باش اگمیوب چوشیر غران شراب مجلسینده هرآن دیردی زینب پریشان حسین یارالاریوا قربان اسیر بالالاریوا قربان باتوب بوآیداقانه اکبر شبیه حضرت پیمبر گیدوب جدایه قانلی باشی گلوب نوایه غملی مادر ایدردی اکبرین بهانه خانیم دیردی یانه یانه حسین یارالاریوا قربان اسیر بالالاریوا قربان بو آیدا دشت کربلاده کسیلدی نچه باش مناده سریه سسلنوب اوغول وای باتاندا قانه شاهزاده عزای قاسمه گلنلر ایدر نوا دیر علملر حسین یارالاریوا قربان اسیر بالالاریوا قربان بوآی شهید راه قران بالاسین ایتدی دینه قربان بو عشق پاک و صبر و ایثار قویوبدی انبیانی حیران مسیح وخضر ونوح وموسی دیردی ای عزیز زهرا حسین یارالاریواقربان اسیر بالالاریوا قربان سویوللارین گروه اعدا بو آیدا باغلیوبدور، اما یاریبدی صفلری او چولده آلوب فراتی شیر هیجا ولی سویوندان ایچمیوبدور باخوب سویا یانوب دیوبدور حسین یارالاریوا قربان اسیر بالالاریوا قربان بوآی بیراوت دوشوب جهانه جهان قالوبدی یانه یانه بو آی امام کون و امکان گلوبدی ظلمیدن فغانه حسینه ای قرا گینلر دیر بو ماتمه گلنلر حسین یارالاریوا قربان اسیر بالالاریوا قربان ((زکی)) بو غمده سینه داغلا گوزون یاشون عذاره باغلا فقط نه تک مه محرم حسینه هر زماندا آغلا ((عتیق)) اُل بو غمده گریان گیدونجه قبره سویله هرآن حسین یارالاریوا قربان اسیر بالالاریوا قربان شاعر : استاد طهمورثی (عتیق)

🏴نوحه اول محرم 🎼سبک: دوباره مرغ روحم هوای کربلا کرد__ قان یاغدی کربلاده صحرایه یامحمد(ص) گلدی مه محرم،قوزاندی قاره پرچم ماه عزاگلوبدورشیعه توتوبدی ماتم عطشان ئولن حسین وای وای بی کفن حسین وای(۲) #####$$$$$####### کاش کی مه محرم دنیاده اولمویایدی گلزارمصطفانی ایکاش که سولمویایدی نه قاره کوینکیله گوزیاشه دولمویایدی تشنه قالوب حرملر باغلاندی نهر علقم عطشان ئولن حسین وای وای بی کفن حسین وای ####$$$######### بوآیداقانه باتدی کرببلاده اکبر ووردی قلج باشیندان بوآیدابیرستمگر نیزه قلج وورولدی دوغراندی جسمی یکسر سسلورحسین اوغول دورقان آغلویوربودیدم عطشان ئولن حسین وای وای بی کفن حسین وای(۲) ###$$$$$$$$$$$$$$$ بوآیداجان وئروبدوربیربا وفا علمدار نهراوسته مشکه خاطر دوشدی یراوسته قولار بوآیداباش وجاندان گئچدی وفالی سردار مشکی دولوبدی قانه یاره دگوب دمادم عطشان ئولن حسین وای وای بی کفن حسین وای(۲) #$$$$$$$########$$ بوآیداآلتی آیلوخ اصغرقانا باتوبدی اخیامیده آناسون گوزدن بوآی آتوبدی اوچ شعبه اوخ دگوبدوراشکین قاناقاتوبدی قونداقی قانه دولدی یاندی غمینده عالم عطشان ئولن حسین وای وای بی کفن حسین وای(۲) ###$##$$$##$$### قالدی حسین بوآیدا کرببلاده یالقوز اولموبدی یارویاورقالدی بوآی اوغولسور گوردی کمک ائدن یوخ چکدی بیرآه جانسوز زهرادیوب اوغول وای جنتده یاندی خاتم عطشان ئولن حسین وای وای بیکفن حسین وای(۲) #$#$$$$$$$$$$$$$$$ جنگ ایلیوب یورولدی دگموشدی بسکه یاره داش دان صورا وورولدی آنیندان اوخ دوباره سینه آچیلدی بیراوخ قلبین ائدیبدی پاره اکبرغمیله اولدی قلب حسینه همدم عطشان ئولن حسین وای وای بی کعن حسین وای(۲) #$$$$$$$$$$$$#$$$$ ازبسکه یاره دگدی دوشدی حسین منایه طاقت کسیلدی دوشدی صحرای کربلایه گودال قتلگهده اولموب یتن هرایه صاحب دیوریازاندایاندی غمینده سینم عطشان ئولن حسین وای وای بی کفن حسین وای(۲) ✍بقلم استاددهقان (صاحب) 📚منبع کتاب ایثار صاحب #امام_حسین_علیه_السلام #محرم_۱۴۰۳

حسینین گل یوزی جنت دی والله وجودی خلقته زینت دی والله حسین عالملره روح و رواندی صفای گلشن خلقت دی والله حسین قانیله تفسیر ائتدی عشقی که بیعت ظلمیله ذلت دی والله قیام ائتدی کی قران زنده قالسین بیزه آزاده لیق اورگتدی والله بو مکتبده اولان ظلمه باش ایمز سراپا مکتبی غیرت دی والله حسینین نوحه سی ذکر و دعادور عزاسی درس حیثییّت دی والله بو بزم عشقه هر کس یول تاپانماز گلر بیر کیمسه کی دعوت دی والله قرا پرچم بیزه نام و نشاندی قرا کوینک بیزه عزت دی والله بو درگهده بیری شرمنده اولماز نه احسان اولسا بی منت دی والله اولور تکرار اگر هر ایل عزاسی بیزه برنامه وحدت دی والله مریض عشقه وار دارالشفاسی دواسی قان اولان تربت دی والله گوزلدی هر مکاندان کربلاسی مزاری قبله حاجت دی والله هاچان دعوت ائدر "#مدهوشی" بیرده بیلیر قلبیم دولی حسرت دی والله منه لطف ائیله سه آخر نفسده نه غم، جان وئرماقیم راحت دی والله #مدهوش #هوشمند #مدهوش

#کوچ_از_قتلگاه توپراقلار اوسته دوشموشیدی شاه انس و جان سویموشدولار لباسنی اشرار بی امان (آتلار قویانمازیدی ایاق ایسّیدن یره) عذر ایسترم بو عرضیمه یا صاحب الزمان اول ایسّی قوملار اوسته کی عریان غریب امام یاتمش نه حالیلن یوخودی بیرجه سایبان داغ ایلمیشدی آهن و آلاتی آفتاب زحمت ویروردی گُل بدنه تیغیله سِنان ضَمّ ایلمیشدی توپراقا آتلار وجودینی آتلار ایاقی قانه بویانمشدی اول زمان مکتوب ایدوبدی بعضلری، دورد آغاج یولی قانه چکوبدی آتلار ایاقیله کوفیان اوخلار ایدوبدی طاق ظفر سینه سینده نصب دوشموشدی فاتحانه شهنشاه خسته جان بیر منظر غریبیدی صحرای کربلا ایلردیلر نظاره او صحرایه قدسیان قان موج ایدردی هریانا گودال عشقدن گویا شفقده غوطه وورور مهر آسمان چون شه کُشان امّتی گورموشدی بی حجاب آغلاردی حال شاهه سمائیله کَهکَشان زینب گزردی قتلگهی بیله حالیده تا بلکه جسمنه تاپا بیر روحیله روان اِشکسته اسلحه بوروموشدی چوخور یری سسلردی هارداسان دانش ای قلبیمه توان آلات حربی بیر آرادی زخمدار الی اوخ نیزه تیری ایلدی زینب اویان بویان آختاردی تاپدی قارداشین امّا هزار حیف نعشون گوروب سالوبلا یوزی اوسته ناگهان بیر صیحه چکدی آغلادی آغلاتدی عالمی فریاد و نوحه باشلادی شوریله موکَنان چوخ نوحه خوانلق ایلیوب عمرونده بو خانیم امّا بو نوحه مِثلینی ویرموبدی هیچ نشان بو نوحه مِثلی هاردا اولار عالمین آرا هاردا گوروب بو محنتی شوریده بانوان گوتدی او لخته قانلاری بیر چکدی باشنه سرمشق نوحه خوانلقی آل بوردا نوحه خوان بیر آه جانگدازیله دنیانی داغلادی یاندی شرار آهینه ارکان کن فکان بیر تسلیت ویرن هانی مظلومه زینبه گل بیر نظاره قیل غمه ای میر مومنان دوشدی وداعی یادینه قارداشنون او دم فکر ایتدی اللرین تاپا تسکینه اول زمان قالدی اورکده اللری غمدیده زینبین بو طرزیلن او علّتی من ایلرم بیان دوشموشدی خردا بارماقی آلات حرب آرا کسمشدی دست پاکنی ظلمیله ساربان سسلندی دور فدا سنه ای ذبح بی بدیل قربان کسیلمیش اللروه هر ایکی جهان سالموبلا هیچ شهیدی بو احواله سن کیمی شل اولسون اللری سنی بو حالته سالان ممزوج ایدوبله لحموی عظمیله قوم کین طرحین پوزوبلا جسموون احزاب شامیان سنسن حسینی زینبون ای عالمه پناه؟ یا اینکه‌ من خطایه دچار اولموشام بو آن؟ اول مرتضا که سویمادی دشمن لباسنی عریان سالوبلا اوغلونی صحرایه الامان جسمون بو نوعیلن که سویوب ظلمیله عدو قربانه اوخشادوبدولا اشرار بی نشان بُلمَم نه نوعی باشوی ذبح ایلیوبدوله دوتموش فضای قتلگهی لخته لخته قان ایکاش اُلیدی زینبون ای جان عالمین تا گورمیِیدی بیله سنی قاننه باتان بو قتلگاه عشقدی یا لاله خرمنی؟ یا چشمه دور که هِی ویروری تازه تازه قان؟ جوش ایلیَن زمانیده قان چشمه سی دونن سدّ ایلیوبدی قاننی داشیله داش آتان بو غصّه زینبین یخاجاقدور ایوین حسین قلبون سوکوبدی سینه وه اوچ شعبه اوخ ووران خنجرلریله جسموی اوراق ایدوبدولر گویا دوشوبدی قان آرا بیر مصحف قر'آن کندویه وار شباهتی بو جسم چاک چاک اوخلاردی نَحلی، جسم شریفون ده مثل شان قلبیم دیور که خولیه مهمانیدون گجه آیا یرون نجیدی نه نوعیدی میزبان؟ ایکاش یاتدوقون یری راحت ایدیدیلر آسوده دینجلیدی باشون ای جهانه جان بیر عطر آشنا گلوری جان مشامنه گویا گلوبدی پیکریوه باش چکه آنان شک یوخ یاخوبدی قانوی آغ زلفونه آنام اولموش گورنده پیکر منحوری باغریقان قارداش سوروش گچن گجه‌دن تا دیوم سنه نوحه اوخوردی حالوه بیر عدّه روضه‌خوان ✍ص ۱ از ۲ #نگین #مختار_وطن_پرست

#کوچ_از_قتلگاه حاشا که من‌ گچن گجه آسوده یاتمشام اولموشدوم آه و زاریله اطفاله پاسبان یغمشدی بیر یانان چادرا قیزلاری باجون ویرمیشدی قوملار اوسته یتیمانیوه مکان اصغر آناسی صبحه کیمی گوزیاشی توکوب قان ایلیوبدی قلبنی بیر تیریله کمان سسلردی حشر اولونجا سنه آغلارام علی هاردا ایدوبله سود امرین حلقنی نشان؟ گوردوم دونن خیمده که اوت دوتموسان اوغول اوتلی هوا اولوردی بو گل جسموه وزان اَسموردی لااَقل او زمان باد سرد و بَرد قالمشدی حسرتنده بو دلخسته باغبان سن‌ جان ویرنده من یوخودوم حالوی گورم قالمش نه حاله بس گورسن شاه بی کسان؟ گوردوم گلنده خیمه لره قان ایچینده سن باتمشدی قانه اللری یالقوز قالان آتان ایکاش آنان رباب اُله بوش گورمیه یرون بیر کس خبر دوتانموری بس هاردادور بالان وار حقّی بیکس عمه لرون گر سوروشموری بیر کیمسه گر سورشسا اولار باغریقان آنان اُلسون رباب آنان که آخور چوللره فرات سنده که تشنه یاتموسان ای طفل بی زبان هر یرده رسمدور سودامر، سود، امر یاتار گَل سود گلوبدی سینمه ای قلبمه توان امّا یوخومدی چاره که دفن اولموسان علی توپراقلار ایچره یاره لی حسرتله یاتموسان ایکاش مدفنونده قالا نعشون ای اوغول حفر ایتمیه زمین بلانی دم ِ سِنان قورخوم‌ بودور که پیکریوه دشمن ال تاپا بی خانمان آناوی ایده دیده خونفشان تاپسا یارالی نعشوی بو قوم کینه جو نصب سِنانی ایلیه جاق ظلمیلن سَنان نسگللرونله حشره کیمی آغلارام علی گولمز یوزوم دا بیرده منیم بو سوزی اینان بیر لحظه گر کسیلسه گوزوم یاشی کور اولوم هرگز بو سیله سویلمرم گلگلن دایان دریاجه گوزیاشیم آخا جای عجب دگور بیر بحردور که یوخدی اونا ساحل و کران بو زورق وجودیمی دریایه سالمشام گوزیاشی بحر غمدی بو دل مثل بادبان قارداش رباب دردی بیزه اوزگه درد اولوب یوخدور علاجی دردینون ای عالمه امان دوتموشدی بیله شام غریبان باجون سنه گورمز بو نوعی شام غریبانی هیچ زمان توپراقلار اوستی بستریدی اهلبیتوه صبح ایلیوب او حالیله آشفته بو زنان یوخ فرصتیم که میر سپه هی ورور نهیب فوراً سوار اولون که اولاق مقصده روان قارداش مسافرم گیدورم دور اذان بویور بلکه بلادن حفظ اولا بو اهل کاروان خواهی نخواه میندیله یکسر مخدّرات جبراً چکردی کوفیه نسوانی ساروان مرسومدور گیدنده مسافر اوزاق یولا قومیله اقرباسی دالیجن ویرر اذان بو رسمی زنده ساخلادی سلطان مشرقین حیران قالوب بو رسمه جهانیله کن فکان قویدی ایکی کسیلمش الین قانلی توپراقا قان ایچره اوتدی زحمتیلن شاه بیکسان دوشدی فشاره قانه باتان اوخلی پیکری فوّاره تک قان آخدی وجودیندن اولزمان لحن حجازیلن دیدی تکبیری سوزیله آفاقی صوتیلن بورودی شاه تشنگان زینب ایشتدی لحن حجازین حسینینون ال آتدی یاره اللریلن باشنه او آن الله یارالی پیکریوی حفظ ایده اوزی مندن که اَل گوتورمیه جاق ظلم کوفیان یولّاردا همرهیم دگی عبّاسمیز حسین بولَّم که غم لریم دگی هرگز ختام اولان گیتدیم منیله شمر جفاجودی همسفر یوخدور بو کارواندا اباالفضل پهلوان قبر ایچره حقّی واردی اگر آغلاسا منه عبّاسدور غیوریدی چون میر بانوان امداد ایدوب #نگینینه کشّاف کربیمیز سوزلر اودور که گون کیمی واضح اولور عیان تاپشورّام ایلییَر اونی دعوت بو وادیه تا ذکر ایده مصائبی با چشم خونچکان سن کشتی نجاتسن ای ناخدای عشق باخ بو #نگینه تا اولا بیر تارِ بادبان سِحرٌ مِنَ البَيانه جلا ویرگیلن اُوزون صاف ایتماقا بو آیِنه‌نی اولگلان ضِمان ✍ص ۲ از ۲ #نگین #مختار_وطن_پرست

سبک ای منیم نازنین نگاریم 🌹زباحال حضرت زینب( س) به حضرت رقیه( س)🌹 شعرازکربلای محمدرضا صادقی ای منیم نازلی مهرباینم ای منیم شیرین دیلّی جانیم یوللارین فکرین آت رقیه گل قوجاقیمده یات رقیه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای سینمه نسگلین وورار اوخ عمه جان چوخ دئمه بابام یوخ کربلا یوللارینا باخما یاندروب بو سینمی یاخما لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای قوی ئوپوم من قیزیم دوداقدان چوخ دئمه دوشموشم ایاقدان لیلیده باخ قیزیم نوایه اکبری سسلمه هرایه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای سوزلرین یاندورور ربابی آغلیوب قورتولوبدی تابی آغلیوب خیمه لر یاناندا چوخ دئمه اصغریم هایاندا لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای چوخ قیزی خوار ائدر زمانه گل ووروم تللریوه شانه اولدوزوم باتما گوزلریمدن گل بالا چخما سوزلریمدن لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای آغلیوب صبرایوین یخورسان آهیله قلبمی سیخورسان آز منیم قلبیمی آلشدیر گل دیله عمه وی دانشدیر لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای «صادقین »وار گوزی الونده جان خانم سسلیور دیلینده ویر صله سن بو سوزلرینه ایستیور چوخ دییور مدینه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای

سلام به سبک(محرم رازیم الله...) ((شاه حسین گویان)) باخ آلیشان دملره  جوشه گلن غملره  شاهیمیزین بیر توکون  وئرمروخ عالملره  عشقیلن حسین - بیز آتاروخ قدملری  قویماروخ یاتا - کرب وبلا علملری  یابن زهرا (۴) یئرلر حسینه قربان  گویلر حسینه قربان  ذکر ائلین  او آدی  دیللر حسینه قربان  غمده یادیم حسین دی  دیلده آدیم حسین دی  چاتماقا اوج عشقه  قول قانادیم حسین دی  ماهِ بدر - کرب و بلادی طلعتی تا قیامت - دیلده قالاندی صحبتی  یابن زهرا (۴) فخر جهان حسین دی  شوق جنان حسین دی  شــیعه لرین قلبینی  شوره سالان حسیندی  دشت منا قتیلی  کرب و بلا خلیلی  آغلادان ئوز غمینده  دیده ی  جــبرئیلی  بیله عشقین - یوخدی جهاندا قیمتی احسن احسن - واردی اونون حقیقتی یابن زهرا (۴) تالی حُکم قرآن  قانه باتان لب عطشان  ایله دی کربلاده  درس وفانی اعلان  بیشه لرین شیری دی  شیعه لرین میری دی  دشت بلا نشئه ی صیحه‌ی تکبیری دی  موج ائدوبدی - بحر بلاده غیرتی ثبت اولوبدی - سینه لره محبتی یابن زهرا (۴) کنز عطادی آقام  قلبه صفادی آقام  قورخمارام هئچ دردیدن  درده دوادی آقام  مقتلی طور ایلین  مطـلع نـور ایلین  توپراقـینی لؤلؤ  دیدۀ حور ایلین  خطّ بطلان - کفره چکن دی نهضتی قویمیوبدی - لطمه گوره شرافتی یابن زهرا (۴) کوکب صبح ازل  آینه ی لـم یزل  کرب و بلاده اولان  صحن و سراسی گوزل  محـفل طاعاتیدی  رونـق مـیقاتیدی  صبح ازلدن او یئر  بـزم مـناجـاتیدی  شامل اولسا - هرکیمه گر زیارتی غافل اولماز - درده دوادی تربتی  یابن زهرا (۴)

قاره گیوب اهل عزا یاحسن یا حسین وارگوزوموزسنده آقا یاحسین یاحسین سن سن آقا فاطمه نون بالاسی بالاسی شیعه اثنا عشرون آقاسی آقاسی سنده دی هر دردین آقا دواسی دواسی دردیمیزه ایله دوا یا حسین یا حسین اولدی آقا کربوبلا مسکنین مسکنین قویما اولا شیعه لرین دلغمین دلغمین ایسته گلاخ مرقدیوه اربعین اربعین دلدن ایداخ اوردا نوا یاحسین یا حسین کربوبلاده سنه یاس ساخلیاخ ساخلیاخ بین الحرمده دولانوب آغلیاخ آغلیاخ زنجیرآتاخ سینه میزی داغلیاخ داغلیاخ گوزیاشی گوزلردن آخا یاحسین یا حسین نوکریووخ قاره میزی سویماروخ سویماروخ هر کس و ناکس سوزونه یوماروخ یوماروخ قبریوه مین دفعه گلاخ دویماروخ دویماروخ اورادی چون قلبه صفا یاحسین یاحسین ای حرمون گوزدن آتان یارالی یارلی قبری اولان نوکریلن آرالی آرالی سیزلن اولوب کربوبلا صفالی صفالی تپراقیزهردرده شفا یاحسین یاحسین روضه رضوانه دیر مرقدون مرقدون یاتموش ایاق آتدا علی اکبرون اکبرون یارلی سینه نده یاتوب اصغرین اصغرون مرحم اولوبدی یاراوا یاحسین یا حسین ای سینه سی اوسته آلان بالاسین بلاسین یازدی مطلب اورگین نواسین نواسین باشه سالوب کربوبلا هواسین هواسین ایسته بوایل زائر اولا یاحسین یاحسین

سینه زنی وفات حضرت رقیه (س) هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان گوزدن اشک هجران الور بالام دلده خوش نوا یر فراقی وار نور عین آل پیمبرین سقفیسیز محقر اتاقی وار میزبان ایدور ئوز قوناقینه جان نثار مقدم خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان یوخدی قبر کن نیلیوم گرک قبرینی بالامون ئوزوم قازیم خاطرات هجرانی اشکیله سنگ قبرینه موبه مو یازیم ال ایاق چالور جانیمی آلور مندن آیرلور خردا سربازیم یولداشیم ئولور گوز یاشیم آخور باشیمه یاغور غم خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان قول قانادی باغلی هزاره تک بحر ابتلایه بالام جومور درد آشور داشور جان گیدور گلور گه گوزون آچور گه گوزون یومور آی کیمی جمالی ایشقلانور آننون ترین هر گورن سیلور آز قالور سولا سینمون گلی وار گل اوسته شبنم خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان وار یری بو غمده قرا گیوب ختمه خاتم النبیا گله مرتضی نجفدن بقیعیدن ال اورکده خیر النسا گله بو باشی نگهبان آپارمامیش قارداشیم حسن مجتبی گله عابدین دورا خیر مقدمه پنج تن اولا جمع خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جانhttps://eitaa.com/joinchat/710083390C52394983ad

نوحه شهادت حضرت مسلم (ع) به سبک ای حرمینه ناز ائدن دوریمی کوفیان آلوب گلمه اماندی یا حسین یولادیقون سفیر عشق قانه بویاندی یا حسین 2بار کوفه لیلر ده گورمدیم من آقا دینیدن اثر گلمه بو شهر کوفیه یوخدی بو شهریده ثمر کوفه لینین وفاسی یوخ مسلمی ائتدی خونجگر کوفه ده غم غم اوستونه گلمه قالاندی یا حسین 2بار یازدیلار اونداکی بولار نامه سنه اون ایکی مین قلبیمه ویردیلار یارا کوفه ده ایندی مسلمین سوزلری اولدی چون یالان گلمه اماندی سن حسین ساخلاماز حرمتین بولار ایندی عیاندی یا حسین 2بار کوفه لیلر ده یاحسین قالمیوب عزت و شرف دینی بولار ساتیب پولا عمریلری اولوب تلف بوشلویوب حقی کوفیان باطلی ائتدیلر هدف کوفه ده ظلم پایه سی عرشه دایاندی یا حسین 2بار قالمیشام ایندی کوفه ده بیکس و بی پناه آقا گلمه بو شهر کوفیه جان علی و مصطفا یوخدی بولاردا معرفت ای گل گلشن وفا نامه یازانلارین سوزی ایندی یالاندی یا حسین. 2بار جنگ ایلدیم بو شهریده عشقیله منده یا حسین نقشه چکوب منی قوشون سالدی کمنده یا حسین یوللا عم اوغلومون بیرین دادیمه سنده یا حسین کوفه ده کاسه ی اجل ایندی جالاندی یا حسین 2بار من که جسارت ائتمرم باشیمن اوسته گل آقا یاسیمه شهر کوفه ده قلبی شکسته گل آقا بیعت الیوی ویرمین بو قوم پسته گل آقا گر چه بو محنیم سنی درده یالاندی یا حسین 2بار دسته به دسته قتلیمه کوفه نین اهلی گلدیلر ورودی ز بس یارا قوشون قلب رسولی دلدیلر نعشیمی نیمه جان گوروب داملارین اوسته گولدیلر ظلمی ستمگرین بو گون عرشه دایاندی یا حسین 2بار واردی دیلیمده سیدی سندن آقا بو خواهشیم گلمه بو کوفه شهرینه ایندی بودی سفارشیم من که سفیر عشقیدیم داشلار اولوب نوازشیم مسلم جان به کف بوگون قانه بویاندی یا حسین 2بار ملتمس دعا مهدی ملکی

وحه اول محرم وگریز به قتلگاه (سبک : ای شمع حرمخانه) زینب گلوب افغانه باشلاندی مه ماتم آغلور نه غریبانه باشلاندی مه ماتم قلبیلر غصه دن قان اولدی زهرا حسینه جنتده آغلادی طاها بو آیدا قرا یللر اسدی سارالوب گوللر جان ویردیله مردانه یتمیش ایکی نام آور شهزاده علی اکبر عباس هنرپرور اوچ شعبه لی پیکانلان اوخلاندی علی اصغر قلبیلر غصه دن قان اولدی زهرا حسینه جنتده آغلادی طاها آی باتدی چیخوبدی گون عرشه چکلوب قاره آماده ی جنگ اولدی اکبر کیمی مه پاره احيا ائده تا دینی عزم ایلدی پیکاره زنده قالا تا قرآن قربان کسیله یاره قلبیلر غصه دن قان اولدی زهرا حسینه جنتده آغلادی طاها بو آیدا دوشوب طوفان صحرای غم افزاده انصاری شه دینین یکسر گلوب امداده لب تشنه شهید اولدی یاران لب دریاده باشسیز یارالی پیکر پخش اولدی او صحراده قلبیلر غصه دن قان اولدی زهرا حسینه جنتده آغلادی طاها قاسم کیمی دلدارین دین اوسته چخوب جانی قانیله اولوب الوان ترک ائتمدی میدانی اوخلار ائلیوب شان شان میداندا او اعضانی شه آلدی قوجاقینه اول پیکر شان شانی قلبیلر غصه دن قان اولدی زهرا حسینه جنتده آغلادی طاها شمع شهدا عباس اول معرفتین کانی بیر حمله ده قورخوتدی دورت مین نفر اعدانی پوزدی قوشونون نظمین شاد ایلدی طفلانی آرام دل حیدر فتح ایلدی دریانی قلبیلر غصه دن قان اولدی زهرا حسینه جنتده آغلادی طاها سو ایچمدی دریادن لب تشنه چیخوب سقا نیزاره یولون سالدی رزمنده ی بی همتا بیر مشک سوا خاطر سالدی قولونی اعدا قان آغلادی سقانین احوالینه اول دریا قلبیلر غصه دن قان اولدی زهرا حسینه جنتده آغلادی طاها نهر اوسته شهید اولدی سر لشگری مولانین قان گوزلرینه دولدی سقای لب عطشانین گلدی باشینین اوسته فرماندهی سقانین آلدی دیزینین اوسته سیلدی گوزونون قانین قلبیلر غصه دن قان اولدی زهرا حسینه جنتده آغلادی طاها گول مثلی علی اصغر بو آیدا اولوب پرپر اوچ شعبه لی پیکانلان قانه بویانوب اصغر قول باقلی شهید اولدی میداندا گل احمر یاندیردی حسین قلبین گوردی داغیلوب حنجر قلبیلر غصه دن قان اولدی زهرا حسینه جنتده آغلادی طاها میداندا قالوب یالقوز شاهنشه دو عالم سرداری دوشوب آتدان قانه بویانوب پرچم بیر حمله ده اعدانین ائتدی صفینی برهم باشدی یارالی پیکر تپراقه دوشور هر دم قلبیلر غصه دن قان اولدی زهرا حسینه جنتده آغلادی طاها جان دین و نماز اوسته ویردی او گل زهرا بیر سید مظلومی ظلمیله ورور اعدا جسمی یارالی یورقون گوداله دوشوب مولا ئوز قانینه غلطاندی میداندا قالوب تنها قلبیلر غصه دن قان اولدی زهرا حسینه جنتده آغلادی طاها اول لشگر بی دینین گویا اورگی داشدی تا حرمله ی معلون شه قلبینه اوخ ساشدی ال باشدا خانم زینب گوداله طرف قاشدی قارداش باجی سین گوردی قانلی گوزونی آچدی قلبیلر غصه دن قان اولدی زهرا حسینه جنتده آغلادی طاها جان ویردی غریبانه عالملری یاندیردی اول امت نادانی طاهادن اوتاندیردی ناحقلری سیندیردی حقی اوجالاندیردی آزاد یاشاسین شیعه ظالملره آندیردی قلبیلر غصه دن قان اولدی زهرا حسینه جنتده آغلادی طاها تا وار نقدر دنیا زنده قالاجاق نهضت دین اوسته حسین چکدی الحق نقدر زحمت اخیامینه اود وردی ظلمیله ولی امت زینب خانم عالمده چوخ چکدی یقین محنت قلبیلر غصه دن قان اولدی زهرا حسینه جنتده آغلادی طاها **

آتدان یئره چون دوشدی لیلانین عزیز اوقلی بیلمم نه حالا قالدی زهرانین عزیز اوقلی سو یرینه ایچدی قان علی اکبر روحی لک الفدا جان علی اکبر سسلندی گولوم لای لای، آرام دلیم لای لای دور تترور الیم لای لای، لای لای گوزلیم لای لای سن جدّیوه مهمانسان قوی منده گلیم لای لای سو یرینه ایچدی قان علی اکبر روحی لک الفدا جان علی اکبر کلامی زنجانی

*** سبک : یا امام زمان شیعه ده احساسه باخ ... شاعر : کلامی یا حسین داده گَل کوفه ده طوفانه باخ باغلانوب قولّاریم حال پریشانه باخ مسلم بن عقیل سسلنور الدخیل یا حسین جان 2 گلمیشم کوفیه حقّیوی اعلان وِرَم حاضرم گلشن معرفته قان ورم نولی یا سیدی سن باخاسان جان ورم دولانیم باشیوه باشدان آخان قانه باخ مسلم بن عقیل سسلنور الدخیل یا حسین جان 2 روبهان زمان جنگه چیخوب شیریله شیریوین قولّاری باغلیدی زنجیریله دوداقیم یاره لی ضربه ی شمشیریله ظلمیله پارچالانمیش لب و دندانه باخ مسلم بن عقیل سسلنور الدخیل یا حسین جان 2 دئمورم سیدی سیف بنی هاشمم هم سفیرم آقا هم قاپوا خادمم ای گل فاطمه سن آقاسان من کیمم عید اضحا ده گل یاره لی قربانه باخ

"بزم عزاده گیمشم ...قاره یا عباس بیچاریم قیل دردیمه...چاره یا عباس یا باب الحوائج ای پرچم حریّتی ...ساخلیان سردار ای کاروان وحدته...قافله سالار مشکلده قالسام ایلرم...آدیوی تکرار قربان اولوم سن تک فدا...کاره یا عباس یا باب الحوائج ای حق مناسینده گیین ...قانلی احرامی  گزدون یارالی باشیله...کوفه و شامی حفظ ائتدی ایثارون سنون...دین اسلامی اولدی نشان عمرون گُلی ...خاره یا عباس یا باب الحوائج كوی محبتده هانی....سن كیمی جانباز عشق عالمینده آلموسان...رتبه ممتاز هاردا آدون سسلنمیشم...گورموشم اعجاز ائتمه اردات قیدیمی...پاره یا عباس یا باب الحوائج آند اولوسون آننوندا اولان...زخم پیكانه بیر تار مویون وئرمرم...تخت شاهانه قانلی گوزون یاد ایلوب گلّم افغانه دگدی سنه اغیاریدن...یاره یا عباس یا باب الحوائج آتدان دوشده سسلدون...عالمین یارین گلدی غریب كربلا...تاپدی سردارین قانلی جبینونده ئ.پ.ب...سجده آثارین باتدی یوزی ثاراللهین...ثاره یا عباس یا باب الحوائج سسلندی ای آرخام ائلیم...آچ گوزون قارداش تاراج اولوب تاب دلیم...آچ گوزون قارداش قارداش جانی سیندی بئلیم...آچ گوزون قارداش چاره آزالدی گلمیشم...زاره یا عباس یا باب الحوائج ای یار قرآن مرحبا...بخت مسعوده چاتدون شهادت فیضیه"

زینبین حالینه داغلار آغلار چولده ویران قالان باغلار آغلار باجیلار، رسمیدور جان ویرنده گوزلرین قارداشی باغلار آغلار جان یارالی حسین جان یارالی گل یورولدو گوزوم آغلاماقدان سینمی دم به دم داغلاماخدان بوگوزی باغلاماخ چوخ چتیندی قتلگهده  یارا باغلاماقدان جان یارالی حسین جان یارالی الهی یدی قارداشین بیری عزایه گلمدی حسن کفن گتیرمدی حسین هرایه گلمدی (راوی خانملارین بیریدی دییر خانم حال احتضاریده دی خانم بیر ایاقین آچیر بیرین یومور غصه سینن دردین اثرینن مصیبت کربلادن اله یانیر خانم ئوز ئوزونه دیدی جان ویرنه سو ویرلر حال احتضاریده گدیم بیرآز سو گتریم زینبه بیرآز سو وریم خانم میل الیه راحت جان ویره دیر الده بیر جام سو دولدوردوم آرام آرام گتیریرم گوردوم خانم بیردن گوزلرین آشدی سویی گورنده دیدی گیتر او سویی هر نیلیب منه او سو الیب هاردان سوایچیم گوردوم قارداشیمین دیلی دولانمور آغزندا هاردان او سویی ایچیم نه سو ویردیلر نه قویدولار قارداشیم راحت جان ویره سوسوز دوداقا نلر الدیلر بولمورم الله سوسوز آغزا نیلدیلر بولمورم الله زینبین حالی یاندروب یاخوب هرکس هر نه حالدیدی اما زینبین حالین بوله بولمزدی اجازه مهدی(عج)لطف و عنایت مهدی(عج) شامل حال اولوب بوگجه عمه سینه عزا ساخلامسیز به نیت زیارت کربلای معلا به نیت زیارت خانمین حرمی گویلون اگر ایستیر یا الله) من همان زینب قهرمانم عمه پیر صاحب زمانم هر قناد سیز قوشا لانه ویردیم من اوزوم ایندی بی آشیانم قلبیده نسگلیم چوخدی قارداش جانه هجران غمی اوخدی قارداش یدی قارداشه باجیدیم امّا هیچ بیریندن خبر یوخدی قارداش (یوزون دولاندردی نهر علقمه اله یانا یانا دیردی) ای منیم پاسبانیم ابوالفضل لنگ اولوب کاروانیم ابوالفضل زینبی قبلیه دوندرن یوخ باشیوه گل دولانیم ابوالفضل

حاج ابراهیم رهبر زینبین حالینه داغلار آغلار

ای حرمینه ناز ائدن - کربلا کربلا اللهم الرزقنا ای حرمینه ناز ائدن تربتی قانلی کربلا سنده آقام حسین یاتیب صورتی قانلی کربلا  ------------------------------------------- کیم اوپه آستانه خسرو ذوالجلالیدن  غصه سی قلبدین گئدر فیض آپار وصالدین  جان ابدی جلا تاپار اول عزلی جمالدین  سنده دی مطلب صفا طلعتی قانلی کربلا  ای حرمینه ناز ائدن تربتی قانلی کربلا سنده آقام حسین یاتیب صورتی قانلی کربلا  آند اولا قانلی تربته آند اولا قانلی پرچمه  دوشسه یولوم گرک دیم شیکومی نهر القمه  آخدی سو چوللره ولی یاندی عزیز فاطمه  اولدی دوداخدا اصغری شربتی قانلی کربلا  ای حرمینه ناز ائدن تربتی قانلی کربلا سنده آقام حسین یاتیب صورتی قانلی کربلا  قانلی بیر آسمان دولوب یتمش ایکی ستاره ده  سایه ی آفتابیده ماهلیه ماهی پاره ده  اوخ آیلب ایشخلیدی اولدوزو گاهوارده  سینه ی شه ده خالیدی خلعتی قانلی کربلا  گورسنیر اول مسیریده چوخ گوزلین یاتان یئری  اکبر شاهزاده نین ظلمیله دوغرانان یئری  خرد و کباری آغلادار اصغرین اوخلانان یئری  چوخدی اول شیره خواره نین محنتی قانلی کربلا ای حرمینه ناز ائدن تربتی قانلی کربلا سنده آقام حسین یاتیب صورتی قانلی کربلا ------------------------------ کربلا کربلا اللهم الرزقنا  از کوچکی عشق تو شد برا دلم بهونه ای  اونقده عاشقت شدم همه میگن دیوونه ای  اون زمونا تا می دیدم  دلم اسیر ماتمه  صدایی تو دلم می گفت بیا که باز محرمه  از کوچه های عشق تو خاطره ها تو سرمه  لباس سیام و می بینی این هدیه ی مادرمه  بازم صدایی تو دلم میگه بهار ماتمه  لباس سیام و بیارین ماه خدا محرمه  یه دل دارم مال تو همیشه دنبال تو  از اون قدیم وابسته ی سیاهیه شال تو  دلی که مست عشق توست خسته از این زمونه شد  بوی محرم و شنید یه بار دیگه دیوونه شد  کوچیک بودم که مادرم حرز تو گردنم می کرد  وقتی محرم می اومد لباس سیاه تنم می کرد  بزرگترای من منو به مجلس تو برده اند  هوام و داشته باش اقا منو به تو سپرده اند  مست تؤام مست تؤام باده به پیمانه بریز  کبوتر بام تؤام برای من دونه بریز  هر کی به من دونه بده من سر بامش نمیرم  اگه تو سنگم بزنی از بام تو نمی پرم  حبیب اگر دعا کند بی تو دعا نمی شود  مسیح اگر دوا دهد بی تو دوا نمی شود  صفا و مروه دیده ام گرد حرم دویده ام  هیچ کجا برای من کرببلا نمی شود      منبع : تورکی نوحه لر - قربانعلی زاده

ای حرمینه ناز ادن تربتی قانلی کربلا #محمد_باقر_منصوری🎙 #روضه #ترکی🔊 #شب_جمعه🌙 #3_روز تا #محرم💔

‍ ‍ ‍ یاحسین یاحسین دردیمیزین سن ده دی درمانی آقا ناامید ایلمه سن بیل ننه وین جانی آقا آندویروخ سنی گوزلردن آخان اشگیلره اصغرین لبلری مثل قوریان مشگلره نیزه اوسته شهدانین یارالی باشلارینا محمل اوسته باجیوین قانه باتان ساشلارینا آندی وروخ سنی اللرده اولن زهرایه محرمی گوز قاباقیندا دوگولن مولایه ای کرم صاحبی ساعلره احسان ایله قره کوینگلریوین دردینه درمان ایله

یاحسین یاحسین دردیمیزین سن ده دی درمانی آقا

🍁بسم الله الرحمن الرحیم 🍁 🏴ورود به ماه محرم🏴 سبک »»هوای جبههٔ حق محرم گلدی غم گلدی حسینه انبیا آغلار ملکلر عرش اعلاده ائـدر یاسین به پا آغلار بو آیدا فاطمه«» قراسین باغلییـار حسینیم وای دئیر«»دویونجا آغلییـار حسینیم وای حسین حسینیم وای حسین بو آیدا حضرت طاها اورک داغلی عزا ساخلار حسینین یاسینی آغلار علی المرتضی ساخلار سینار قلبی گوزی یاشلی خانیم خیرالنساء ساخلار یانار لایلای چالار آغلار صدای آه و وا گلـدی سسیوی سنده قوش«» خانیم زهرایه گل حسینیم وای چاغیـر «»غم عظمایـه گل حسینیم وای حسین حسینیم وای حسین چکیلدی عرش و فرش ایچره قرا گویدن ندا گلدی باشیندا قاره بویاسه تمام اولیا گلدی بودربار غم افزایه هامی شاه و گدا گلدی عزای شاه عطشان و غم میـر هدا گلدی بو آیـدا گلشن«» علی الله سولوب بلاکش زینبین «»گوزی غمنن دولوب حسینیم وای حسین حسینیم وای حسینیم ✍علی اصغر عباسعلی نژاد کیوج_سراب التماس دعا...

سبک مشابه با نوای حاج مصطفی سلطانی

دنیا گییندی قاره، یکسر حسینه خاطر قان آغلییر بو آیدا، گوزلر حسینه خاطر بو دهه‌یِ محرّم، ایّامِ غم‌فزادی هر شهر و هر دیار، اسلامیده عزادی وور سینه سسله مولا، فرض ائیله کربلادی اولسون عیان بو یئرده، محشر حسینه خاطر گر واردی عشقِ پاکون، آچ دیده‌یِ بصیرت دلده حسینی سسله، تاپ روحِ معنویت حاکمدی بو عزاده، باخ گور نئجه قیامت محراب اوخور سیزیلدار، منبر حسینه خاطر قان آغلاییب مَلک‌لر، کرب و بلا غمیند‌ن جبریل اوپوب حسینین، پاکیزه مقدَمیندن سنده هایاندا گورسون، اوپ قاره پرچَمیند‌ن ساخلا اونو گوز اوسته، سرور حسینه خاطر گلدی دیار عشقه، سلطان رادمردان جانانه تُحفه گتدی، یتمیش وفالی قربان یوخ گوردی سو ائدیبدیر، طفلان عشقه اعلان یانسین سوسوزلوقوندان، لب‌لر حسینه خاطر حیران ائدیب حسینین، ایثاری انبیانی گوردی بلشدی قانه، اکبر کیمی جوانی گوند‌ردی تئز دالیجا، دلبند مُجتبانی قاسم بوغازین اوپدی، خنجر حسینه خاطر قیزلار یانیب عطشد‌ن، سسلردی دمبدم سو عبّاس او شیر مردان، مردافکن وفاجو نهر فراته گلدی، سو آلدی وئردی بازو دوشسون دئدی تُرابه، اللَر حسینه خاطر آلدی گولون قوجاقه، همّت‌لی باغبانی بازار عشقه گتدی، کالای‌ پُر بهانی پئیکان ظلمین اولدو، دلسیز بالا نشانی اوچ شعبه تیری امدی، اصغر حسینه خاطر ائیله وضو گلنده، بو بزم ارج‌ داره پاکیزه‌لیگده گلسین، نوکرلیگون عیاره حُرمت یتیر وضوسی، القان اولان نگاره قوی صدق عشق اولسون، اظهر حسینه خاطر گر صاحب خطاسن، آلوده دامنون وار گی قاره گل بو بزمه، دردون دواسین آختار لقمان کلّ عالم، مظلوم حسینه یالوار گئچسین خطالروندن، داور حسینه خاطر گر غصه وار دلونده، باشون دوشوب بلایه یا واردی بیر مریضون، عاجز قالیب دوایه گل بوردا نسخه یازدیر، سقّای نینوایه بیماری فوراً ائتسین، بهتر حسینه خاطر ✍استاد سیفی اردبیلی