#عزیزون_قدر_شه_ماره_بدونین #در_فراق_مادردلگویه_مازنی 🏴😭🏴😭🏴😭🏴😭 عزیزون قدر شه ماره بدونین نکـنه مـارِ جـا غافل بمـونین جان مــار فـرشتـه ی آسمونه وِنـه مهربـونی مـه یاد نَشونه خـدا دنیـا ره ســاتـه بَنِـوشته خِنه کـه مـار دَره مثل بهشته اونی کـه وِنِـه جان مـار بَمرده دیگـه وِنِــه خنِه لمپـا دَمِـرده جان مـار خِنه ی چراغِ سوعه جان مار چشمه ی زلال اوعه جـان مـار وقتـی تِــره دعـا کِـنّه خَـله زود وه خـدا ره رضـا کِــنّه اَنّـــه خـــدای پَـلی مــار عـزیزه کــه ونِـه دعــا سنگه طـلا کِـنّه خـدا نکــنه کــه مـار آه بَکِشه از نــاچـاری آه جـانکـاه بَکِشه اَتــا روز بـونه کـه اَجـل رَسنه جان مـار دیگه از نفس کَفِنه خِـنه از جـان مار که بَوّه خالی دیگـه وِنـه کـه قبـر سر بنـالی الهـی «مداح» دلی زار نَـهووه گرفــتار غـمِ شـه مـار نَـهووه 🏴😭🏴😭🏴😭🏴😭🏴 #شعر_علی_اکبر_اسفندیار_مداح #ترحیم_خوانی_مجمع_الذاکرین