‍ واضح دئمرم مندن ئورکلر کدر اولسون عالمده گرک قاره خبر مختصر اولسون هر کیم ئوزی بو حالی گئدوب گورمسه بیلمز درد اهلینه لازمدی یاخیندان نظر اولسون کیم زینبی ایستور تانیا سسلسون آدین سس ویرمسه ممکندی نظر بی ثمر اولسون قارداش ئولومی باجینی بش گونده قوجالدار حالین گورن البته گرک دیده تر اولسون پیشوازه گئدون حرمت ائدون دردی آزالسون آز باشه ووروب ناله ائدوب خونجگر اولسون اوچ طایفه نی منع ائلیون گیتمسون اما بو یولدا مبادا زحماتوز هدر اولسون نه اکبری پیشواز ائلسون تازه جوانلار نه تازه گلینلر سیزیلن همسفر اولسون ال سینه ده دورسونلا ربابون یولی اوسته نه صود ورن عورت نه ده بیر صودامر اولسون فکر ایلمیون صودامر آز یاندری قلبی اود اوددی اگر بیش و یا مختصر اولسون وار حقی ربابونده که یانسون بو شراره پروانه کیمین جانی فدای شرر اولسون مرحوم استاد منزوی https://eitaa.com/kobradsg

#از_تبار_خاک #در_کمند_محبت ما از تبار خاکی و هم خاک زاده ایم بر پای یار خویش بسی سر نهاده ایم گشتیم اسیر زلف خَم یار و همچنان عمریست در کمند محبت فتاده ایم اهل نفاق خواست جدامان کند زعشق غافل که ما به راه وفا سر به داده ایم بوسیم دست های علمدار کربلا یعنی گدای کوی شه و شاهزاده ایم دستش عدو برید نبوسیم ما، ولی غافل، که پای بوس همین خانواده ایم «دلجو» غلام درگه سلطان عشق باش این طبع ساده را به تو از لطف داده ایم #دلجو# https://eitaa.com/kobradsg

خطاب به قبرستان بقیع به مناسبت بازگشت حجاج . . #سبک_کوفیان_گور_نجه_یاندردی_منی زائرون گورنه پریشاندی بقیع غصه دن قلبی دولی قاندی بقیع نجه پنهان ائلسون دردو غمین گورمیوب حضرت زهرا حرمین . آدیوی کیم ایشیدور غصه لنور باشینه گرد مصیبت النور ندورعلت سنه کیم زائر اولور قیدنده اورگی داغلی گلور . دورداوغول بیرنننون مدفنی سن بیرچتین درده سالوبسان منی سن حسرت اولدی نیه گلدستیه بس اوزایوینده اورگی داغلی حسن . نسکلون عالم آراچوخدی بقیع محنتون هر اورگه اوخدی بقیع گون حرارتله شاخور توپراقوا سایبانون نیه بس یوخدی بقیع . یری وار باشیمه تپراق سووورام تانفس واردی عزا بزمی قورام نالیه نی کیمی هرلحظه گلم الی قوینوندا پریشان دولانام . قلبیمی تیر مصائب یارالار چکیلوب دوروه بیر محکم حصار بوینی چیگنینده اورکلر دولی قان پشت دیواریده زائر دولانار #رمضانی_خاکی https://eitaa.com/kobradsg

#حضرت_علی_اکبر_ع بحر مصیبته گنه طوفان گتورموشم بزم عزایه ناله و افغان گتورموشم پیشوازه گوز یاشیله خریدارلر گلون مصر بلایه یوسف کنعان گتورموشم چخسون قباقه زینب خونین جگر دیون بیر نوجوانی قانینه غلطان گتورموشم یوز قانلو چهره قانلو دولوب آغزی قانیله باشدان ایاقه قانیله الوان گتورموشم هرگز سکینه گلمه ‌سه آتدان دوشورمرم گل پیکرین چو شاخۀ مرجان گتورموشم اولسون خبر جوانی ئولن بینوالره یاس دوتماقا بهانۀ افغان گتورموشم یوخ سینه سینده صاف یری چوخدور یارالاری آماج زخم نیزه و پیکان گتورموشم یوخ طاقتیم گلون دوشورون اوغلوم اینجیوب امّتلره ویروب اونی قربان گتورموشم گوزیاشیزی یارالارینون قانینه سپون لب تشنه جان ویروب لبی عطشان گتورموشم حسرت گوزونی باغلامیون قانیله دولوب باخسون دویونجا هر یانا حیران گتورموشم گوز باغلیاندا لازمه ‌دور غسلیله کفن گویا اولوبدی غسلی قزلقان گتورموشم بیمار قارداشین چاغیرون بیرجه یانینه گلسون تلاوت ایتماقا قرآن گتورموشم واردی باشی بدنده چکون شانه زلفینه تا اولماسون جداده پریشان گتورموشم شام اهلینه چخاندا تماشایه سویلیون بدر منیر و مهر درخشان گتورموشم گلزار حسنه ویرماقا زینت بکائیلن بیر پر شکسته «قمری» نالان گتورموشم https://eitaa.com/kobradsg

کوچ از کربلا حاج یوسف معزی اردبیلی گیدور حسین شامه کاروان قارداشیم خداحافظ (2) کسوک بوغازیله وئر اذان قارداشیم خداحافظ (2) یارام اورکدن بیتن دگول التیامه من گئتدیم ئولوب حسینیم گیینمیشم قاره جامه من گئتدیم بو چولده سن دفن اولانمادون شهر شامه من گئتدیم گئدور هامی زار و ناگران قارداشیم خداحافظ (2) دوشوب قولی قانینه باتوب مه لقا اباالفضلیم اورک دیور هاردا دور مگر ای خدا اباالفضلیم قباقیمیزده علم دوتا باوفا اباالفضلیم بئله سفر ایلدوک هاچان قارداشیم خداحافظ (2) ووروب نیه نیزه باشینه باشیوی وفاسیزلر نظر ائدر گوز یاشی توکر صاحب لواسیزلر حیالی لر دستگیردور اینجیدور حیاسیزلر قباقیده شمریله سنان قارداشیم خداحافظ (2) مناده جانانیوه گوره یا حسین گلو وئردون درخت دین شاخَه لَن مَه گَه قانیویله سو وئردون فدا اولوم اهتمامیوه دینه آبرو وئردون وئروبسن حقّ اوسته تشنه جان قارداشیم خداحافظ (2) توکولدی لشگر ووروب اودی آشیانه لر یاندی شرارۀ درد و محنته نازدانه لر یاندی کبوتران ستم زده یاندی لانه لر یاندی وورولدیلار ائتدیلر فغان قارداشیم خداحافظ (2) گلین قیزون من دیوم نجه گوشواره سیز قالدی ربابیده بو کیچن گئجه شیر خواره سیز قالدی چکوبدور آغوشه قونداقین یاندی چاره سیز قالدی سیزیلدادی اولدی باغریقان قارداشیم خداحافظ (2) جداده گورسم جمالیوی کائناتی یاندیرّام توکوب ئوزه قانلو یاشیمی قیزلاری دایاندیرّام مثال پروانه بیر به بیر باشیوه دولاندیرّام چاتار مراده https://eitaa.com/kobradsg

✅ پــــر یشــــــــــــــــان ✅ قتلگاه امام حسین ع ____________________________ برگرفته از ردیف و قافیه استاد کلامی ____________________________ زبان حال حضرت زینب در گودال قتلگاه به امام حسین ع ____________________________ ای فاطمه نین سویگلی ریحانی سورونمه/ مقتل ده قوم اوسته بئله ویلانی سورونمه/ ایستی گونون آلتیندا ئوزون یورما حسین جان/ سن بول ننه مون تئز قوجالان جانی سورونمه/ اوخ نیزه لرین اوسته بئله اتمه تقلا/ تپراقه آخور پیکریوون قانی سورونمه/ قرآنی دیریدی بوغازینان آخان اول قان/ ای دین حنیفین قوزی قربانی سورونمه/ قانیله دولان گوزلرین اچ زینبه بیر باخ / اولسون بو جانیم جانیوه قربانی سورونمه/ جسمون باشاباش یاره دی دوره ن دولی داشدی/ ساغدان صولا چوخ دونمه بو میدانی سورونمه/ https://eitaa.com/kobradsg

اوخشاما - حضرت ابوالفضل (ع) من  دیمورم  بو  غمده  سینه  داغلا من  دیمورم اشگون  عذاره   باغلا من  دیورم  گوزلرون   آچ   برادر زینبیمه من  اوخشیوم   سن   آغلا **** من   دیمورم  حالیمه  داغ  داش  آغلار من  دیمورم  عمود  آغلار  باش آغلار من  دیورم   ئولن  زماندا   قارداش دلدن   یانار  قارداشا   قارداش  آغلار **** ئولماقلیق آسان  اولی مرد  الینده من  تک   بیری  یانمادی   درد  الینده بو   نسگیله   دنیا   بوئی  آغلارام ئولوبدی  قارداشیم  نامرد   الینده **** بلیم  سیندی  سنی  قولسوز  گورنده سینوندن    اوخلاری  بیر  بیر درنده خجالت  ئولمگون  نسگللی    اولدی دونوب اخیامه باخدون جان  ویرنده **** قالان  چولده  آدامسیز تک  باشیم وای یاتان  قان ایچره یار  و یولداشیم  وای سنی کیم  سالدی  بو  حاله  ابوالفضل گوزیندن اوخ دگن وای قارداشیم وای ** عابد  صادق پور https://eitaa.com/kobradsg

بهار عشقون  عجب   باصفادي يازينب صفالي  منظره سي  جانفزادي يازينب سنون مقدس  آدوندا  رموز  خلقت  وار اودور بو آد بيزه مشكل گشادي يازينب طبيب  درد  زمانسان ، نجيب  دامانون دوا       گزنلره      دارالشفادي يازينب اوعطريكي نفسوندن نفس نفس اوجالار منيم   عقيده مه    عطر  خدادي يازينب سنون يوزونده كي نور آفتاب نوري دگل او نور  ،    نورِ   رخ     انبيادي يازينب گداي درگهون اولماق ياراشماز هركسه چون سنون   قاپوندا   ملك لر  گدادي يازينب بهزاد قاسمي اردبيلی

🍁 زینب (س) و قتلگاه 🍁 🌺🌺🌺🌺🌺🌺🌺🌺🌺🌺🌺🌺🌺⚘⚘⚘⚘⚘⚘⚘⚘⚘⚘⚘ گوزلَریم آغلاغَمین سینَه ده تاب وتَبینه حضرت فاطمه نون تِز قوجالان زینبینه بیر گونی‌ اَرض و سَما شَانینه حیرتده قالوب باب اَفلاکه اونون کوکَب بختی اوجالوب ولی بیر گونده نَلَر اولدی او حضرت قوجالوب او همان گوندی که عرش اهلی اَنوب آغلاماقا فرصتی اولمادی قارداش گوزونی باغلاماقا مَنظر مقتلی گورمیشدی او مَرضیَّه شِیَم شمر ظالم نِجه گور ایلَه دی طاهایَه ستم قانلی چَکمیله قویوب سینهء سینایه قَدم سینیَه یا که دیوم عرش مُعَلّایه چیخوب نیلَدی آل نظره ، خانه ی زهرانی یخوب عَرشینه قاره چکوب حضرت حَیّ اَزَلی اَله  عَمّامَه آلوب  عالم  مَعناده   علی تیترَدوب گُنبد دَوّاری اودَم شمرون اَلی حَقّین آئینه سینه وِردی جفانون داشینی اول نماز اَهلی کَسوب روح نمازون باشینی نَه چَکر باجی گورَنده چابالور قارداشینی بَدَنین یرده گوروب دشمن اَلیندَه باشینی بیر اوزوک سیندی اونون گورکیم آپاردی قاشینی او باشین طُرَّه سینه عَدن گُلابی توکولوب قانلی عَمّامَه سینه گوردی همان باش بوکولوب باش چیخوب نیزیَه امّا هَلَه قانی سوزوری یاره لی باشدان اَلین زینب عُلیا اوزوری قانلی گودالیده ایستَکلیسی گوردی اوزوری مَقتلین قانی یِره طوی شالی گویا توخیور نیزَده یاره لی باش نَعشینَه قرآن اوخیور قالدی آواره باجی پیکَریلن باش آراسی بیلدی که قارداشینون عَرشیده باشلاندی یاسی وا حسین وا دئدی مقتلده بو زهرا بالاسی باخدی هِی گوز دولوسی اَلده ئولَن قارداشینا مَقتلین تُپراقینی اَلده سووردی باشینا عَدنیده دورما دِئدی قانلی مِنایه نَنَه گَل گُلون اَللَرده سولوب کرب و بلایه نَنَه گَل یِرَه قرآن داغیلوب آیَه  بَه  آیَه نَنَه گَل چوخ اوپَردون بو حسینون بوغازین اوندا اگر ایندی زینب کَسیلَن حَنجَری مقتلده اوپَر نَنَه تِز گَل منیلَن باش باشا وِئر آغلاماقا اوخشاما باشلیاق ایندی فَلَکی داغلاماقا بو آچیق گوزلری گَل چاره اِئله باغلاماقا نیزَه دَه گَه منه گَه جانبِ اَخیامه باخور هَر باخاندا منه ساری یوزه گوز یاشی آخور بارالها سنی زهرا خانیمون گوز یاشینا زینبون دشمن اَرا اَلده ئولن قارداشینا (نادری) بوشلاما ای رَبّ جلیل ئوز باشینا بَذل توفیق ائله تا دَرگَهووَه بنده اولا امتحان وقتی اونی قویماکه شرمنده اولا https://eitaa.com/kobradsg

نوحه ی حضرت زینب (س) (سبک : ای قلم سوزلرینده اثر یوخ) سال باجون زینبی یاده قارداش یولا عباسی امداده قارداش جان وئرور زینبون زار و خسته شامیده غملی ماواده قارداش شامه گل سینوی داغلا قارداش غملی احوالیمه آغلا قارداش غم گونی یولداشا یولداش آغلار جان وئرنده باجی قارداش آغلار دوشسه هر باجی گوزدن ئولنده غملی احوالینه داغ داش آغلار شامه گل سینوی داغلا قارداش غملی احوالیمه آغلا قارداش ای حسین ای غریب لب عطشان سالدی دیلدن منی داغ هجران گل نئجه گور غریبانه قارداش گوزلری یولدا زینب وئرور جان شامه گل سینوی داغلا قارداش غملی احوالیمه آغلا قارداش غم یوروب قلبیمی خستیم گل عشقیوه خسته دلبستیم گل سن منیم با وفا قارداشیمسان غلی دیداره جان اوستیم گل شامه گل سینوی داغلا قارداش غملی احوالیمه آغلا قارداش حاج علی پورعلی (جاهد) https://eitaa.com/kobradsg

کوچ از قتلگاه زبانحال عقیله"العرب حضرت زینب کبری'س تیر غم و آلامه گرفتارم حسینیم بی دادرس و بیکس و بی یارم حسینیم دنیای فناده سنه بیل باغلادی باجون قلبین شرر محنتیله داغلادی باجون بش سنیده مسمار یاراسی باغلادی باجون بو حالدا قویام نعشوی ناچارم حسینیم دنیا بویی هر درد و غمه تاب ایدر عاشق یار عکسینی اوزسینه سینه قاب ایدر عاشق توپراخلارون اوستونده بیله خواب ایدرعاشق دور یاتما بیله دیده سی خونبارم حسینیم قرآن کیمی جسمون داغلوب چوللره قارداش چوخ یاره دگوب بو یارالی دللره قارداش میندردیله قیزلاروی محمل لره قارداش شاماته بو گون شمریله رهوارم حسینیم قارداشی ئولن باجیلارین گویلون آلالار اطرافین آلوب باشلارینا قاره سالالار یوخسا باجینون قلبینی بیله یارالالار قول باغلی باشون اوسته عزادارم حسینیم دور ناقیه میندیر باجووی سال یولاقارداش بلکه یارالی قلبیمه درمان اولا قارداش دور گور حرمون باغلادیلار قول قولاقارداش دام ستمه گور نه گرفتارم حسینیم باش باشه چاتوب اوخ بدنونده آنام اوغلی بیر بوسه یری زینب ایچون یوخ آنام اوغلی هر یاره اولوب قلبیمه مین اوخ آنام اوغلی گوز یاشیمیله دیده سی خونبارم حسینیم شام اهلی نه انصاف بولولر نه مروت آیا نه روادور بو قدر زخم و جراحت ویرمیش یارالارون بو چوله آیری طراوت معطور ایلیوب بو چولی خمارم حسینیم من یثربی ترک ایلیه لی ای شه ابرار اکبر کیمی شهزاده منه اولدی جلودار عباسیم اولوبدی منه هر یرده علمدار عباسیم ئولوب ایندی علمدارم حسینیم چوخ شعر یازوبلار سنه ای شاه شهیدان چوخلاری آلوب بو قاپیدان رتبه ی شایان "دلجو"ده بو نوعی ایدور اوز عشقینی اعلان شش گوشه مزاره دیه زوارم حسینیم https://eitaa.com/kobradsg

Kobra Dsg: ‍ کوچ از قتلگاه ای منی درده سالان زینبووی دور یولا سال نعشی میداندا قالان زینبووی دور یولا سال یارالی جان یارالی جان سنه قربان یارالی هم ئورکدن یارالی همده بیلکدن یارالی بو نه عالمدی حسین ، سن یارالی من یارالی جبریلاً گور نئجه دوغروبلا حسین گول بدنون غارته هانسی ستمگر آپاروب پیرهنون باشووی هانسی شقی کسدی یوزون اوسته سنون الی باشینده قالان زینبووی دور یولا سال گودیِ قتلگهه خسته دوشوبسن یارالی سالدیلار گور نئجه قارداش سنی مندن آرالی قوملار اوستی اولا بستر یاتا زهرا مارالی ای گورن داغ جوان زینبووی دور یولا سال اول قدر یاره ویروبلار یارالی گول بدنه نه اولوب دفنوه امکان یارالی نه کفنه نقدر عمر ایلسم آغلیارام بو محنه نعشی میداندا قالان زینبووی دور یولا سال وئرجاق کوفه لیلر جدیمه نه نوعی جواب نعشیوه باخدوقوجان قلبیم حسین اولدی کباب آلتی آیلیق بالاسین ایندی گزیر غملی رباب گل قوجاقیمده دولان زینبووی دور یولا سال فرصتی وئردی فلک گور نئجه بیگانه لره شعمی سوندوردوله نوبت چاتا پروانه لره حایل اولام من ئوزوم فاطمه دردانه لره قارداش اولما نگران زینبووی دورر یولا سال دوشموسن قوملارین اوستونده سن ای میر امم علقمین اوسته یاتوبدی یارالی صاحب علم آغلیور قارداشیمین غملرینه غملی ننه م دئیور عباس جوان زینبووی دور یولا سال من گلنده بو چوله گلمیشیدیم لشگریلن قاسم و اکبر عباس کیمی افسریلن همرهم ایندی ولی دشمن کین پروریلن سن بو غمدن قوجالان زینبووی دور یولا سال بو غم و غصه الینن دئمورم دینجلرم گئدورم شامه حسین اما دوباره گلرم اوندا قارداش گوزومون یاشینی راحت اللرم دئیرم روح و روان زینبووی دور یولا سال یات بو یئرده یارالی ای شرف آل عبا زینبوون چوللره دوشسون قوی حسین دیلده نوا نوکروندی بو (( ثمودی )) هوسی کرب و بلا کربلا ذکری اولان زینبووی دور یولا سال یارالی جان یارالی جان سنه قربان یارالی هم ئورکدن یارالی همده بیلکدن یارالی بو نه عالمدی حسین ، سن یارالی من یارالی ** کربلایی صابرثمودی برچسب‌ها: صابر ثمودی

دخیل ✍کربلایی حسن طیبان میانجی درگاهیوه دخلیم صاحب لوا ابوالفضل قیل دردیمه مداوا مشکل گشا ابوالفضل ای صاحب کرامت یا حضرت ابوالفضل سرچشمة شجاعت یا حضرت ابوالفضل وار سنده عالی غیرت یا حضرت ابوالفضل قربان آدیوا اولسون ارض و سما ابوالفضل عالمده دردمنده دارالشّفا واروندی هر ناعالج مریضه آقا دوا واروندی سائللریوه هر دم لطف و عطا واروندی امّید بی پناهان سنسن آقا ابوالفضل سن کربلاده مولا دنیا داشینی آتدون تک قویمادون امامی، قانیوه اوردا باتدون ایثار و غیرتیلن جاه و مقامه چاتدون باب الحوائج اولدون عالمده یا ابوالفضل قربان سنه ابوالفضل حق سنگرینده قالدون آل عبانون اوسته عشقیله سایه سالدون جنگ ایلدون او چؤلده لب تشنه نهری آلدون سو ایچمدون او حالدا باخدون سووا ابوالفضل مشکین سویون اورکده سن ساخلادون ابوالفضل اوخ ویردیلار او مشکه دل داغلادون ابوالفضل اخیامه گئتمدی سو قان آغلادون ابوالفضل چکدون نئجه خجالت ای باوفا ابوالفضل مشکیوه اوخ ویرانلار نهرین یولون کسوبلر ظلمیله سو یولوندا صاق و صولون کسوبلر قیمت سووا گؤزیوی بیر جوت قولون کسوبلر دشمن سنه او چؤلده ائتدی جفا ابوالفضل برگرفته از کتاب📚 افتخار طیبان

• #صرفاجھت‌اطلاع.. طعنه زدن تحقیر کردن دل شکستن همش حق النــــاسه تا زمـانیـکه رضـایت طرف مقابل جلب نشه، بخشیده نمیشــه.. #حق‌الناس

🥺#سلام_آقا_غریبم 💔 یابن الحسن بیا.... #اللهم_عجل_لولیک_الفرج 1⃣ #دعای_عظم_البلاء بسم الله الرحمن الرحيم اِلهي عَظُمَ الْبَلاءُ ، وَبَرِحَ الْخَفاءُ ، وَانْكَشَفَ الْغِطاءُ ، وَانْقَطَعَ الرَّجاءُ وَضاقَتِ الاْرْضُ ، وَمُنِعَتِ السَّماءُواَنْتَ الْمُسْتَعانُ ، وَاِلَيْكَ الْمُشْتَكى ، وَعَلَيْكَ الْمُعَوَّلُ فِي الشِّدَّةِ والرَّخاءِ ؛ اَللّـهُمَّ صَلِّ عَلى مُحَمَّد وَآلِ مُحَمَّد ، اُولِي الاْمْرِ الَّذينَ فَرَضْتَ عَلَيْنا طاعَتَهُمْ ، وَعَرَّفْتَنا بِذلِكَ مَنْزِلَتَهُم فَفَرِّجْ عَنا بِحَقِّهِمْ فَرَجاً عاجِلاً قَريباً كَلَمْحِ الْبَصَرِ اَوْ هُوَ اَقْرَبُ ؛ يا مُحَمَّدُ يا عَلِيُّ يا عَلِيُّ يا مُحَمَّدُ اِكْفِياني فَاِنَّكُما كافِيانِ ، وَانْصُراني فَاِنَّكُما ناصِرانِ ؛يا مَوْلانا يا صاحِبَ الزَّمانِ ؛ الْغَوْثَ الْغَوْثَ الْغَوْثَ ، اَدْرِكْني اَدْرِكْني اَدْرِكْني ، السّاعَةَ السّاعَةَ السّاعَةَ ، الْعَجَلَ الْعَجَلَ الْعَجَل ؛ يا اَرْحَمَ الرّاحِمينَ ، بِحَقِّ مُحَمَّد وَآلِهِ الطّاهِرينَ

خدایا چنان کن سرانجام کار تو خشنود باشی و ما رستگار 🌺🍃

🌿🌾🌿 ✨ امام باقر عليه السلام می فرمایند : 🌼 نيڪى و #صدقه_دادن_پنهانى، فقر را از بين مى برند، عمر را زياد و هفتاد مرگِ بد و ناگوار را دفع مى كنند. 📚 میزان الحکمه، ج1، ص 475. 🌾🌿🌾

✳️ می‌دانی «الله اکبر» یعنی چه؟ 🔻 ابراهیم می‌گفت: می‌دانی #الله_اکبر یعنی چه؟ یعنی خدا از هرچه که در #ذهن داری بزرگ‌تر است. خدا از هرچه بخواهی فکر کنی باعظمت‌تر است. یعنی هیچ‌کس مثل او نمی‌تواند من و شما را #کمک کند. الله اکبر یعنی خدای به این عظمت در کنار ماست، ما کی هستیم؟ اوست که در سخت‌ترین شرایط ما را کمک می‌کند. برای همین به ما یاد داده بود که در هر شرایط، به‌خصوص وقتی در #بن‌بست قرار گرفتید فریاد بزنید: الله اکبر! و خودش نیز در عملیات‌ها با همین ذکر، حماسه‌های بزرگی آفریده بود. می‌گفت: «با بیان این ذکر #توکل شما زیاد می‌شود.» 📚 از کتاب #سلام_بر_ابراهیم ۲ 📖 صفحه ۱۳۰ ❤️ #مثل_شهدا_زندگی_کنیم 🌤أللَّہُمَ؏َـجِّڸْ لِوَلیِڪَ ألْفَـرَج🌤

🌿🌾🌿 #توئیت جدی گرفته‌‌ایم زندگی دنیایی را و شوخی گرفته‌ایم قیامت را، کاش قبل از اینکه بیدارمان کنند بیدار شویم. 🌾🌿🌾

🌿🌾🌿 #توئیت بچه ها بادبادکشون رو به یک نخ می بندند نه چند نخ ، بخاطر همین هم بادبادکشون بالا می رود اگر میخوای تو آسمون زندگی اوج بگیری و بالا بری خودت و فقط  به نخ خدا گره بزن 🌾🌿🌾