زبانحال حضرت زینب (س) به خانم رقیه (س) در خرابه شام آغلاما ای زینبین صبر و قراری آغلاما جانیمه اود سالدی بو آهون شراری آغلاما قوی دیزیم اوسته باشون نازلی رقیّم چکمه آه آغلاما ای قارداشیمین یادگاری آغلاما ای خزان اولموش گولوم صولدون سارالدون غصّه دن اولموسان چوخداندی آخر غم دچاری آغلاما غم کشیده عمّن ئولسون سن هارا بو شام هارا تارمار اولسون گوروم شامین دیاری آغلاما گوزلرین قربانیم یات بیر دقیقه راحت اول ائتمه اشگین صورت گلفامه جاری آغلاما بو گیجه نولموش سنه چوخ اضطرابون وار قیزیم حالتین آلدی الیمدن اختیاری آغلاما مرغ بسمل تک پر و بالین سینوب چوخ تیتروسن ای جفا صیّادینین پوزقون شکاری آغلاما قلبیمی ایتمه پریشان قوی دیزیم اوسته باشون تپراقا قویما بو زلف مشکباری آغلاما بلمورم نیلوم الیم قوم و قبیلمدن چیخوب بیر نفر یوخ بو غریبین غمگساری آغلاما چوخ مکدّر اولموسان اکبر غمینده سن قیزیم نسگلین چوخ یاندورور بو اشکباری آغلاما آغلیاندا سن تمام آغلور حرملر گورموسن؟ آغلادور دردین سنون من دلفگاری آغلاما قولّارون باغلی اوزون آج یئر خرابه فرش یوخ آز دگول دردون بالا صبر ایله باری آغلاما جواب حضرت رقیه(س) عمّه جان تا جاندا وار تاب و توانیم آغلارام آغلارام عمّه چخینجا خسته جانیم آغلارام بیکسم من نه آتام وار نه عموم نه قارداشیم سندن اوزگه کیمسیه گلمز گمانیم آغلارام پر شکسته بولبولم آیریلموشام گلزاریدن جور خاریله پوزولموش گلستانیم آغلارام عزّتیم گیتدی الیمدن اعتباریم قالمادی خوار و زار اولدوم داغیلدی خانمانیم آغلارام ناز ایدردیم هر زمان اکبر کیمی قارداشیمه خولی و شمر اولموش ایندی پاسبانیم آغلارام من نئجه آرام اولوم صبر ایلیوم راحت یاتوم وار درون دیلده بیر درد نهانیم آغلارام عمّه جان قربانوام از بس آجام گلمز یوخوم بی سببدور سانما بو آه و فغانیم آغلارام (( آصفین )) چیخماز خیالیندن رقیّه نسگیلی اولسا قان باغریم کیمی اشک روانیم آغلارام ** ✍بقلم مرحوم آصف تبریزی

بیلمم نولوب زمانه دولوب دور بیله داشا رحم ائیلمیر یامان گونو قارداش دا قارداشا یوخ دور گولن، گولنده یالاندان گولور ولی گوزلر بهانه آختاریری داییم اغلاشا چوخ دان دی گون باتیب، یا منیم کوردی گوزلریم یا که ایاق قویوب دومان هر یئرده داغ داشا درد و غم زمان ائیله یالقیزیلیب منی سانکی بیر آن رعیته محتاج اولوب پاشا زندان اولوب عمرلریمز یوخ داخی صفا هیچ بیلمدوق که چیخدی نه نوعی عومور باشا قان اوتدوروب فلک بیزه بیر عمر صبح و شام نامرد الی سویوق سو قاتیب دیر بیزیم آشا خلقین اگر بیر عده سینیی قارقییب فلک ساقیز سالیر بیر عده ولی آغریماز باشا بیر عده چوخ یئییب یاتا بیلمی راحات، ولی ببر عده بیر تکه چورکه باش چالیر داشا شاعر الین بوش اولسادا باش ایمه اوزگیه انسان یاشا ایگیت یاشا یوخ عیبی آز یاشا دنیا فنادی سعی ایله بیل قدر و قیمیتن خوشبخت دیر جهانیده هر کیم یاشار قوشا #محمد_هوشمند

🏴احوالات حضرت رقیه (س) بیر گونی گوشه ویرانده دورموشدی خانیم دل ویرانده غم بزمینی قورموشدی خانیم گلی ویرمیشدی دولی یعنی یورولموشدی خانیم آتاسیزلیق غمی قونموشدی اونون یوز گوزونه کنج ویرانده آغلوردی خانیم ئوز ئوزونه ناگهان گلدی یزیدین قیزی اول زاده شر دیدی کیمسن کیمه وار نسبتون ای دُرّ گهر نیه گول مثلی صولوب صورتون ای نور بصر باخوشون جانیمه اوت سالدی غمون سویله منه سنی بو حالیده گوردیم ئورگیم یاندی سنه بله معلومیدی آی بختی گونی قاره خانیم؟ گرد ماتم اَلنوب باشووه بیچاره خانیم؟ قلبوی تیر مصیبت ائلیوب یاره خانیم؟ توزا تپراقه باتوب ال چک او ابرولروه بیر کسون یوخدی ویرا شانه او گیسولروه دئیدی آدیمدی رقیه من حسینون گولویم گلشن آل علیون سارالان سنبلویم اکبرین خواهر خوش منظرییم بلبولیم قلبیمی جور و جفا قان ائلیوب دیده ترم کربلاده آتا قارداشیم ئولوب خونجگرم تا ائشیدی که حسینون قیزیدی دخت یزید سوزیوی ساخلا دیدی ، دختر خونخوار پلید او حسینی که دیورسن اولوب اللرده شهید ایستیوردی اولا رهبر باشی اللرده قالوب ؟ سویولوب پیکر صد پاره سی چوللرده قالوب؟ ویرمیوب بیعت اَلین علت اودور قانه باتوب ئوز سوزون ائلیوب اقرار چوخور یئرده یاتوب بله فکر ایلمه ئوز حقینه البته چاتوب کیم باش اندیرمسه گر آل ابو سفیانه دهریده توش اولاجاق محنت بی پایانه اوزمرم من گینه با اینهمه همت الینی ویره سن سنده اگر مهر و محبت الینی چکمرم ال دوتارام منده رفاقت الینی آپاروب قصره سنی حور و عزیز ایلیرم مقدمون خوش دوتارام عالی کنیز ایلیرم سن اگر شاه قیزیسان هانی جلال و حشمون یاندوبدور دل هر رهگذری درد و غمون گورمورم هیچ سنون اطرافیده اولسون خدمون منیم اطرافیمه باخ دقتیله گورسه گوزون فرقیمیز چوخدی بو ما بینیده اگهسن ئوزون ناروا تهمتی بسکه خانیما گلدی گران سوزی بی پرده دئیوب روحینه گتدی هیجان بسدی لال اول دئیدی یوم آغزوی ای هرزه روان ای کج اندیشه اویان آچ گوزوی حق طلب اول یا رقییله دانیشما یا بیر آز با ادب اول چوخ دوروب بوردا منه طعنه ی بیجا ویرما قلبیمی نار غمه قان ایلیوب یاندیرما منی وادار ایلمه صحبته چیخ گئت دورما بونی عالمده بیلور هانسی پلیدین قیزیسان عرشه ده چاتسا باشون سانکی یزیدن قیزیسان ویرموب بیعت الینی ظلم الینه آل علی چونکه حقدور عملینده اولارون یوخ خللی وار یئری تهمت بیجا ویرانون سینسون الی علوی مکتبی تدریس ائدر آزاده لره ویرمیه بیعت الین تا طلقا زاده لره ایستموردیم دئیم آشدون سوزی اوّلده ئوزون گر بصیرت گوزون اولسا منه باخ یوما گوزون فرقیمیز چوخدی بو ما بینیده حق دور او سوزون ( آسمان شرفین شعشه زا اولدوزیام ) سن یزیدن قیزسان منده حسینون قیزیام من سپهر شرفین اختریم سن کیمسن یوسف فاطمه نون دلبریم سن کیمسن زینبین شامیده هم سنگریم سن کیمسن ایستیورسن کیمی سن حور عزیز ایلیسن آپاریب قصره اونی عالی کنیز ایلیسن حشمت و جود و سخا و کرمیم چوخدی منیم پنج تن بلبلویم آیری غمیم یوخدی منیم قلبووه هر سوزومون تک تکی مین اوخدی منیم سنه لایقدی کنیزلیق ئوزوی دوتما عزیز گئت آنونان خبر آل گور کیمه اولموشدی کنیز باخما قیرخ گوندی بو مخروبده زندانم من قارداشیم اکبره خاطر ئوره گی قانم من بله فکر ایلمه که قلبی پریشانم من نیه لازمدی ویرام شانه بو گیسولریمه هانسی قارداشی ئولن ال چکر ابرولرینه ** ✍بقلم عظیم نورزاد اردبیلی

‍ ‍ راه شام مرحوم حسین شانی ساخلا ناقه‌می کاروانیدن واردی بیر قالان گیتمه ساربان گرتاپولماسا سویگلی بالام گیتمرم دایان گیتمه ساربان آخر وداعنده قارداشیم تاپشوروب منه بیربیر عترتین ایتمرم فراموش اؤلونجه من قارداشیم حسینون وصیّتین شه اوزی بولوردی یقین همین شاهزاده‌نین بیله ساعتین ناقه‌دن ییخار ساربان قالور چولده باغْریقان گیتمه ساربان چُوخدی گرچه اوز اهل‌بیتنه اُول شه رَؤفون محبّتی وارخصوص بو نازنینله شاه بی‌کسون اوزگه اُلفتی نیزه‌ده یارالی باشی دوروب گیتموری او اُلفتدی علّتی گیتمز اوز بالاسی تاپولماسا حَشره‌دین اینان گیتمه ساربان گورموسن نجه سوز آهله کلِّ عالمی یاندیرور یاخور نیزه‌ده آچورقان دولان گوزون متّصل گَلن یولّارا باخور توز کُوله بَلَشمیش جمالینه اشگ دیده‌سی دمبدم آخور من دؤزنمرم ایتسه قارداشیم گوز یاشین روان گیتمه ساربان نیزه اوسته حسرتله صاق صولا قانلو گوزلرین هی دولاندیرور اوز بالاسینون چولده قالماقین سیزه‌لره او رَمزیله آندیرور گر دایانماساز سیز اوباش دورار اهل کاروانی دایاندیرور سانما بیر کسیک باشدی نیزه‌ده بولمه ناتوان گیتمه ساربان کیم بولور اونون اقتدارینی هر باخان گورور بیر یارالی باش چوخ چالیشمیون بیجهت قویون من ایدیم سیزه ماجرانی فاش ویرمیون عَبث نیزیه تکان ایتمیون عبث کوشش و تلاش نه گیدر او باش نه قویار اولا کاروان روان گیتمه ساربان بولمورم ییخوب ایمدی ساربان یا یئره دوشوب ناقه‌دن گیجه گرگیجه دوشوب بوگیچن گیجه صبحه‌دین بالام صبح ایدوب نجه تیز گیدون اونی آختارون تاپون سرعت ایلیون قویمیون گیجه چوخ یوبانسا قورخوم بودور ویره چوللّر ایچره جان گیتمه ساربان گر آلام اَله قانلو زلفومی کلّ عالمی زایل ایلرم اشگیله بو صحرانی ایسلادوب کاروانی پا بَر گِل ایلرم کاروانی لنگ ایلیوب سیزه گیتماق امرینی مشکل ایلرم بیر قدم قدمدن گوتورمسون ناقه ساربان گیتمه ساربان گرچه بو بالا قید عشقله تار زلف اکبرده بسته‌دور لیک قالمیوب مَشیَه طاقتی یول گلوبدی یورقوندی خسته‌دور ناله‌سی گلور هی قولاقیمه صبریمی آلور دلشکسته‌‌دور گه بابا بابا سسلنور گهی عمّه عمّه جان گیتمه ساربان بو یتیمه قیزلار آرا بونون ناله‌سینده وار اوزگه اختصاص نالیه گلنده سبب اودور حالینه یانار جمله عام و خاصّ رنج و زحمت تازیانه‌دن ایستیوب اونی ایلسون خلاص ناقه‌دن ییخوب ساربان یئره وار بیله گمان گیتمه ساربان داغلانوب دل داغداریمیز اودلانان زمان خیمگاهیمیز یوخدی گیتماقا اختیاریمز گیتمسه اگر شاهِ راهمیز قالمیوب داخی غمگسارمیز نیزه‌ده او باشدور پناهیمیز تا دوروب او باش بیزده‌ بوچولی ایلروخ مکان گیتمه ساربان من فدا او باشون وفاسینه گور وفا یولون گوزلر آشکار بیر سپاهی لنگ ایلیوب دوروب اؤز بالاسینی گوزلر آشکار بنزمور عبث نوک نیزه‌ده منتظر گوزه گوزلر آشکار گورمیوب بیله مهربان آتا دیدۀ جهان گیتمه ساربان

ساخلا_ناقه_می_کاروانیدن👌👌🖤🖤 مرحوم استاد سلیم_موذن زاده اردبیلی

#مقتل حضرت زهرا  گلیب ،  مقتلده   نالان   آغلادی تلین اوسته  زینب   مضطر  پریشان آغلادی گون  باتیب  قاره  گیندی عرشیان و فرشیان آسمان ماتم   دوتوب    دنیایه  باران آغلادی شهپرین جبریل آچیب بیکس حسینین باشینا جان وئیرن وقته باخیب اربابه حیران آغلادی مقتله  جاری    اولاندا    خون   دلبند بتول یاندی  قلب   مصطفی،  آیات  قرآن  آغلادی سس سسه وئردی بنات آل طاها دل غمین نو  گل  آواره سی  مخیمده   پنهان آغلادی ظلم   اعدا   جنتی    ائتدی     عزادار حسین باغ   جنتده   گل      زهرایه    غلمان آغلادی ایستدی کسین  حسینین باشینی شمر لعین دوزمدی   بو  محنته   غیرتلی انسان آغلادی روز عاشوراده اولدی،  کون و امکان غمکده تیتردی   عرش    خدا   ملک سلیمان آغلادی گوردی هرکس ظلم اعدانی آلیشدی سینه سی قوم  کافرده او گون  اولدی مسلمان آغلادی بی وفالر  سیندیریب  عهد  و وفا آیئنه  سین اشقیانون   ظلمینه   معناده     پریان آغلادی ✍عبـــــــــــــادے_طارمـــے #مقتل #قتلگاه

نوحه کوفه ای حسينون گوزل سرسپاهي                                   جان به کف ياوري دادخواهي کوفه ده حالیمه  ایت نظاره                                  گور  نئجه زينبون  یوخ  پناهي        غم گونیمده منیم  غمگُساریم        واردی سندن   اَخا   انتظاریم _ کوفیه  گل  وفالی  علمدار                     بی کُمک زینبه اُول هوادار بیرزمان آدیمه آند ایچنلر                    ایندی ایلوله خَصمانه رفتار        گل اَبوالفضل باجون تك قالوبدي        دوره سين  خَصم  نامرد  آلوبدي گوزده دونموش گونوم شام تاره                                    گُل دوشوبدی اَخا دستِ خاره آلموش   اَطرافیمی      بی وفالر                                     باخ اَسیر   اولموشام  اَهل ناره         زینبون  محنتی  یَمدی  قارداش         غُصّه دن قامتی خَمدی  قارداش هارداسان داده گل دادخواهيم                               مَعبَر    عشقيده     شاه راهيم اولموشام    اَشقیانون   اَسيري                         گوزدکی گُوزیاشیمدی گواهیم        هر گلن وُردي بير طعنه گيتدي        طعنه لری  قلبيمي  ياره ايتدي _ قان اولوب گوزلریمدن آخان ياش                              رهنماسن  منه نی ده  قارداش سویلورم   باشوه    هر  باخاندا                                     سن اولیدون یانیمدا اَخا کاش          گوگلومی     رافتیلن       آلیدون          سایه وی باشیم اوسته سالیدون کربلایی حسن آخوندی #محرم_۱۴۰۳ #احوالات_کوفه #کانال_باب_الحوائج

شهید حسین غریب حسین😭😭😭 🎙کربلایی حسین طاهری تاریخ مداحی۲۶ تیرماه۱۴۰۳

🎥 صباحا اتنفس بحب الحسین صبح است دلم هواییِ کرب‌ وبلاست ازجانب قلبِ من بر آن خاک

🌟نماهنگ داریخمیشام اربعینه 🎙 بانوای کربلایی طائل دولت زاده 📣تنظیم و مسترینگ:آرمین بیانی فر 🤲انشاءالله اربعین زوار بشین به ضریح شش گوشه حضرت اباعبدالله الحسین علیه السلام 👌بسیار دلنشین 🌷 #التماس_دعا

اظهار ارادتی خدمت سلطان کربلا 🎶سبک(یه عالَمه گریه، به روضه بدهکارم).... دیل اورگَشَن گوندن، سَسلرم حسین مظلوم چیخینجا جان تَندن ،سَسلرم حسین مظلوم لَیاقتیم یوخدی ، نوکر اولماقا دوزدی چَکمَرم اَل سَندن ، سَسلرم حسین مظلوم قاپوندا یاحسین ، بیر عُمرودور عَزالییَم یوزی قَره قولام ، ولی سنه وفالییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین اورکده وار عشقیم ، سَرورِ شهیدانه شَمعِ جَمالوندا ، اولدوم چو پروانه حسین حسین ذکریم، روز و شب اولوب مولا گَلَنده گول آدون ، آغلارام یانا یانه بودردِ عشقیوین ، همیشه مُبتلاسییَم اولوبدی اَزبَریم ، من آدیوین فداسییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین غَمون شَرَر سالدی، جسم و جانیمه آقا نه چَکموسن گوردی ، بیر زینبِ کُبرا قوشون ایدوب حمله ، هر سَمتیدن ایوای دوشوب چوخور یرده ، قالدون حسین تنها غمون دیله ایدر ، همیشه لیق اَثر حسین او چولده اولمادیم ، سنه اولام سِپَر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین خیال ایدور چوخلار ، بو گَدانی (بیکَسدی) اورکده وار دردیم صبر ریشه سین کَسدی نَلَر دیسه ارباب ، مُدَّعی هَراسیم یوخ سیخیلمیشام مولا سایه وه منه بَسدی آدون گَلَن زمان ، گوزوم ایله یاغیر حسین گوزل مزاریوه ، منی گینه چاغیر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین #شور #مقام_نوکری التماس دعای فرج الاحقر مهدی عبادی