🟢 نجوای عاشقانه ( آذری )
در آستانه تحویل سال
یا صاحب الزمان ...😍
🟡🟢🟣🟡🟢🟣🟡🟢🟣🟡🟢
بهار گلدی ولی قالدی بی خبر سندن
بیزه خبر گتیرن یوخدو بیر نفر سندن
نه سرعتیله ووراقلاندی دفتری عمرین
بیر ایل ده کئچدی ولی اولمادی خبر سندن
نهان دی شمس جمالین اگر چه گوزلردن
ولیک نور آلیری شمسیله قمر سندن
سحر نسیمی عجب روحیمه صفا گتیریر
آلیر یقین بو گوزل عطرینی سحر سندن
هایانداسان نیه بو داغلی قلبی داغلیسان
ندور دلیلی که یوخ بیزلره نظر سندن
نقدری جمعه لری گوزلدوق سنین یولونی
چمن ده ژاله گوزی قالدی دیده تر سندن
بیر عمردور که قالیب گوزلریم یولوندا ولی
سالیب دیر آیری منی هانسی فتنه لر سندن
اوزون عنایت ائله بو وفالی عاشیقوه
یارالی سینمه دولسون غم و شرر سندن
شکسته شعریمه وئرمز بها زمانه منیم
گر اولماسا سوزومه مُهر معتبر سندن
وصاله مشتری ام بیلمریم ولی افسوس
هاچان ظهوریوه آیا خبر گلر سندن
صفای عشقیویله اولموشام یئنه مدهوش
یئتیشدی جانیمه بیر جام شعله ور سندن
#محمد_هوشمند
#مدهوش
هشتم رمضان ۱۴۴۵
بیست نه اسفند ۱۴۰۲
@hushmand
🔸🔷 نجوای عاشقِ منتظر 🔷🔸
🌿🎋🪴
🆔️@mnjavan
•┈┈••••✾•🍃🌸🍃•✾•••┈┈•
#مسجد_نماز_جوان
#مساجد_باغهای_بهشتند
#شعر_انتظار
#تحویل_سال_نو
🔸 عضویت 😊 🔸