‍ ولادت حضرت رهرا (س) 👏👏 https://eitaa.com/joinchat/23134443Ca4d0824f74 لینک کانال نوحه‌های ناب دوستان توجه داشته باشید کپی برداری بدون لینک کانال نوحه‌های ناب شرعاً حرام است لطفا با لینک کانال نوحه‌های ناب کپی کنید آیدی مدیر کانال @nohekr (همه ی بهشته، زیر قدمای مادر  طوطیای چشمام ،خاک زیر پای مادر)۲ (بوی بهار میرسه، به مشام جانها باز ستاره بارونه، همه آسمونا)۲ (جونم به فدای تو، مادر خوبم ،تو دنیامی، هستم همیشه گدات، مادر خوبم ،تو رویامی)۲ (سایه ی رو سر منی، تا محشر، مادر منی)۳... 👏👏 داره باز ستاره، می باره از عرش اعلا (آیه ی تبارک، همه ی وجود مولا )۲ (آسمونو زمینه، همگی هلاکش حور و پری و ملک، همه سینه چاکش)۲ هستم همیشه گدات، مادر خوبم ،آسمونم، دستم خالیه ولی، شمارو دارم ، مهربونم، (خواهشم اینه مادرم ،صدام کنی ،بگی پسرم )۲ (پیچیده بوی یاس، تو شبه میلاد کوثر رو لبم نشسته ،علی علی علی یاحیدر)۲ (کاشکی بشم با ضریح هه علی روبرو)۲ (آخر سال سحر نجفم آرزو )۲ حیدر نور امامت، شاه ولایت، بی همتایی، حیدر عشقه فاطمه، بابای همه ،شیعه هایی 🌸علی علی علی علی.... https://eitaa.com/joinchat/23134443Ca4d0824f74 لینک کانال نوحه‌های ناب دوستان توجه داشته باشید کپی برداری بدون لینک کانال نوحه‌های ناب شرعاً حرام است لطفا با لینک کانال نوحه‌های ناب کپی کنید آیدی مدیر کانال @nohekr #برای_دیگران_هم_بفرستید 🎙باصدای گرم #سید_مهدی #میر_داماد #میلادیه #مولودی_حضرت_زهرا

https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ‍ چوخلاری بوردا اسیر غم دوراندی اوغول دردی وار مشکلی وار دست به داماندی اوغول آختارور چاره امیدیله گلوب محضریوه سنی ویرم قسم ئوز باغلی قالان الریوه یاده سال سن اوزمانی که اورک داغلاندی سنه میداندا اوغول چاره یولی باغلاندی حرمله ایری کمانی گینه ده آلدی اله صفدن آیرلدی کی تا عرصه دعوایه گله دوتدی یوز لشکر شامه اویل هرزه مرام دیدی من ام بنینین بالاسین اوخلویانام فخر ایدر شمر ئوزوده من کیمی جنگ آوری وار جعبه دانیمده بیر اوخ واردی اونون اوچ پری وار بواوخون شهرت وآوازه سی افلاکه چخب بو همان اوخدی ابوالفضلی فرات اوسته یخب سانجلب ساغ گوزونه قان قارشوب گوز یاشنا ایتیریب خیمه یولون هی دولانوب ئوز باشنا خامه دهر گرک آدیمی تاریخه یازا بواوخی ایستیرم ایندی ورام بیر بوغازا ساغ دیزین وردی یره لاله محنت اکدی اوخی بند ایتدی کمانه زهی محکم چکدی خانه معرفتی ایلدی ظلمیله خراب چخدی اوخ چله دن اخیامیده دیسگیندی رباب اوخ نجه دیدی قویون آگه ائدیم ایندی سیزی بالانون گولدی دوداقی آتانین اسدی دیزی دست تقدیر گوزل غنچه گلون پوزدی یازن اوچ پراوخ اوچ یره بولدی اونون عطشان بوغازون بورودی سینه دریاده گوزل ماهینی قان جبرائیل اندی سمادن یره تئز وردی اذان یری واردور یوزومه شبنم ماتم دوزوله آزقالوردی بالانین باشی بدنن اوزوله اولدی مجبور آیرا خاری گلونن قوجا شاه دیدی لا حول ولا قوة الا بالله اواوخون دال طرفیندن یاپشب وردی تکان دیدی شرمنده بابان جانیوه قربان بالاجان گلشن عشقیده طوبای وفانی اکیرم گوزوی باغلا منه باخما خجالت چکیرم مجمر غصه گل عود مثالی یان اوغول امتحان وقتیدی گورسد منیم اوغلومسان اوغول نگران اولما شهامتله دایان ایتمه نوا چکیرم من بواوخی سنده دئنن یازهرا #اصغریه #اوخشاما #روضه #روضه_حضرت_علی_اصغر 😭😭😭😭😭😭😭😭 #برای_دیگران_هم_بفرستید بانوای سوزناک مرحوم استاد #منصوری https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

اوخ مشکیمه دگدی سو یره جان کیمی آخدی مشکین داماریندان یره سو قان کیمی آخدی مشکین سویی توپراقلارا باران کیمی آخدی اشکیم ولی بیر نهر خروشان کیمی آخدی افسوس حسین جان که وظیفم یاری قالدی دشمن تبری حیدر ئوپن اللری سالدی آتدان یخلاندا یره بیر عورتی گوردوم واردور منه قارداش نظر رحمتی گوردوم زینب کیمی غمدن اگیلوب قامتی گوردوم سیلی اثریندن گویروب صورتی گوردوم دقت ائلدیم گوردوم اوزی سوسنه بنذر بیر عاطفه دن بیرده گوزوندن سنه بنذر کیمسن که محندن دوتولوبسان دئدیم ای ماه بو غملی بیاباندا اولوبسان منه همراه ای کاش گوریدی سنی بیر لحظه شهنشاه ال دوتدون ابوالفضله الوندن دوتا الله زهرا ننم اولسون توزا توپراقه بورونّم اخیامه کیمی سینه مون اوستونده سورونّم آلدی باشیمی سینه سی اوسته دئدی جان جان شانه کیمی اوخلار ائلیوی سینه وی شان شان عاشق کیمی مین دفعه ئوپوب سینه وی پیکان جانیم اولا پرچم یاپشان اللره قربان سیلدیم گوزووی باخ منه ای شیر قوی تن یثربده جوانلیقدا ئولن فاطمیم من بیر مکتب والا ائلدون عشقیوه ایجاد هئچ بی غرض انسان دوتا بیلمز سنه ایراد قانون یره یازدی یاتاجاق پرچم بیداد احسن سنه ای باشرف اوغلوم ائوون آباد نهر اوسته باشوندان توکولن قانووه قربان یورقون جانیم اولسون یورولان جانیوه قربان بلبل نجه یاز فصلی اوخور گلشنه لایلای زینب نجه یثربده دیردی منه لایلای خوشدور غم الیندن قاریشا شیونه لایلای یات یاره لی سینمده دیوم من سنه لایلای آی سرو کیمی یرده قالان خوللاری لایلای لایلای سو کنارینه دوشن قوللاری لایلای 📣 #استاد_حاج_حسین_غفاری https://eitaa.com/nabnohe1 لینک کانال نوحه‌های ناب #برای_دیگران_هم_بفرستید #عباسیه #شجاعت #مدح

🌹حضرت ابوالفضل العباس علیه السلام🌹 https://eitaa.com/nabnohe1 لینک کانال نوحه‌های ناب حاج حسین غفاری اردبیلی بخش 1⃣ سردار شرف صاحب صولتدی ابوالفضل فرزند شهنشاه عدالتدی ابوالفضل باشدان ایاقا علم و فضیلتدی ابوالفضل فرمانده اردوی امامتدی ابوالفضل حوریلرون انگشترینه حکدی ابوالفضل سر درب بهشته یازیلوب تکدی ابوالفضل فردوسی یازوبدور ولی افسانه دی رستم رستملری حیرتده قویوب فاتح علقم دقت ائلسین شاعر و مداح و مُعَمَّم عباس ابر مرد شجاعتدی مُسَلَّم چوخ گورملی داش وار ولی الماس اولابیلمز مین رستم دستان گله عباس اولا بیلمز عباس نه عباس قوی پنجه و خوش خو ابرولری شمشیر کمان شکل و دو پهلو تعریف ابوالفضله کفایتدی فقط بو وزن ایلمگه غیرتینی یوخدی ترازو اکسیر ادب جوهر تقوادی ابوالفضل غیرت ئوزی بیر قطره دی دریادی ابوالفضل کانون وفا عالیه انفاسیدی عباس حفظ حرم حیدره حساسیدی عباس آداب جوانمردیه مقیاسیدی عباس سلطان شجاعت بیزه عباسیدی عباس عباس دئمه تک باشا لشگردی ابوالفضل لشگر دئمه بیر حیدر دیگر دی ابوالفضل شاهین شکاریدی میادین جدلده گورمزدی الین بیر کس اونون رزمی عملده بیر نوعی دوتاردی ایتی شمشیرینی الده گویا که علی جنگه گلوب جنگ جملده شمشیر اَنَن وقتیده تکبیر اوجالاردی سرعتده شاخان صاعقه دن سبقت آلاردی تحقیری قبول ایلمدی روح شریفی قان وئردی سر افراز ائلدی دین حنیفی هر چند یوخیدی عربستاندا حریفی حیدر کیمی میدانیده قومازدی ضعیفی احسن آقامون مکتب ارشادینه احسن بو درسی وئرن باشرف استادینه احسن شرح ایلمه گه یوخدی توان تربیتیندن آزدور نقدر یازسا قلم معرفتیندن گوز یوممادی دستگاه ستم معصیتیندن ناحقه باش اندیرمدی جان مصلحتیندن میداندا اولان وقتیده اشراره مقابل ایراد سخن ایلدی دریای فضائل ئوللم دیدی من ایلمرم ظلمی تَقَبُّل عباس ائلمز ذلت و خوارینی تحمُّل حاشا ائلیم حیطۀ عزمیمده تعلُّل گورمز بیری بیر ذره ارادمده تزلزُل زهرا خانمون یوسفینون نوکریم من باش اگمه میشم هرزه لره حیدریم من من تابع فرمان امام ابن امامم ذریۀ زهرایه کمر بسته غلامم سرلشگر و سردار و علمدار قیامم مولا طرفیندن سیزه مأمور پیامم منشور خدادی سوزیمیز بیش و کم اولماز آزاده لرین قامتی شمشیره خم اولماز فقرین اودونا باعث اولان ثروته لعنت مظلوملاری زنجیره چکن قدرته لعنت انسانلارا ذلت گتیرین بیعته لعنت ظلمه باش اگن ملت بی غیرته لعنت غیرت بیزه ارثیه دی سلطان نجفدن مین یول ئولرم دونمرم اما بو هدفدن سگبازی مسلمانلارا رهبر ایلیوبسوز بی دین لری ناطق منبر ایلیوبسوز کافر بالاسین مظهر داور ایلیوبسوز پیغمبرین اوغلون ولی کافر ایلیوبسوز هیهات ، کی دین و شرف و راه حسیندور شاهلار اونا نوکردی شهنشاه حسیندور دنیایه ووران پرچم توحیدی حسیندور تسخیر ایلین عالم تجریدی حسیندور آزاده لرین رهبر جاویدی حسیندور جنت باغینون برگ روادیدی حسیندور حق مکتبینون عارف سرمستی حسیندور جنگ و جدلین شیر قوی دستی حسیندور جانیم اولا غمدن یورولان ... https://eitaa.com/nabnohe1 لینک کانال نوحه‌های ناب #برای_دیگران_هم_بفرستید ادامه دارد ⬇️⬇️⬇️ 🌹حضرت ابوالفضل العباس علیه السلام🌹 ✍حاج حسین غفاری اردبیلی بخش 2⃣ جانیم اولا غمدن یورولان جانینه قربان لیلا گوزلی یوسف کنعانینه قربان تل اوسته سوسوز بیر سوری جیرانینه قربان عطشان لبیم اولسون لب عطشانینه قربان قوللاریمی سالسوزدا اوجا دغلاری یاررام باشدان کئچرم اصغره اما سو آپاررام سئنسین فلکین چرخی توکوب غم غمین اوسته طوفانه ابوالفضلی سالوب علقمین اوسته گویدن توکولوب گرد عزا عالمین اوسته قولسوز یوزی اوسته یخیلوب پرچمین اوسته یوز دوتدی خیامه دئدی ناچارم آقام گل قاتللره میداندا گرفتارم آقام گل ای شاه جنان نوکر درباریوه باش چک قربانون اولوم یار وفاداریوه باش چک من هئچ دئمورم عرصه ده سرداریوه باش چک زهرایه گوره قولسوز علمداریوه باش چک آل گوشۀ دامانووی قیزلارین الیندن گَل شیریوی آزاد ائله اشرارین الیندن شاهد سن ئوزون ای شرف وادی ایمن اولدوم گوز آچاندان سنه بیر عبد فروتن بیر نوکرون اولسا اودا دنیاده منم من عاشق دئمرم دوغراسالار ایلیه شیون عاشق اودی ئوز قانینه مستانه بورونسون آتدان یخلاندا یوزی اوستونده سورونسون آلدیم سوئی اشرارین الیندن گتیرم سو اولدوز کیمی گوردوم سو وورور نهریده سو سو دولدوردوم اَوَل مشکی دئدیم تشنه دی آهو عطشان دوداقیمدان گویه قوزاندی هیاهو نفسیم دئدی ایچ ، ایچمدیم عطشان سویا باخدیم غیرتدن اوتاندیم اَریَن شمع تک آخدیم مشکین ائلدیم بندینی بوینومدا حمایل دوشدوم یولا اخیامه ساری غم اولا زایل گوردوم یولومی سدّائلیوب لشگر غافل جنگ ایلمگه گوردوله یوخ منده تمایل باخمادی قَدَر منشی سی گوز یاشیمه قارداش باران کیمی اوخ یاغدی منیم باشیمه قارداش

""احوالات عروس حضرت قاسم (ع)"" اولوبدی شعریمه نیسگیللی استعاره حنا دوباره تازه عروسین سوزی دوباره حنا ایکی جوانه  گلون سالگرد عشق دوتاق گوزلدی گراولاعنوان  یادواره حنا ایکی آداخلی پرستو ایکی خزان دیده ائدوب ئورکلرین افسوس پاره پاره حنا ئوزومده بیلمیورم هانسی غملرین دانیشام هزار نوحیه چون ایلیور اشاره حنا ئورک قانین قاتارام اشک نابه مجلسده گوزومده ایسلادارام بو ایکی نگاره حنا تمام ذهنیمی بومحتوا خضاب ائلیوب قلم حنالی مرکب حنا  عصاره حنا عجب ردیفه گرفتاراولوب بوشاعرخام یرینده گلمسه مطلب، دونر شعاره حنا چیخارتمیشام سیزه بش کلمه دن بیرعالم غم جهیز،حجله سرا ،شمع،گوشواره،حنا طویی بهانه ائدوب قورموشام بساط عزا ووروبدی دفتریمه آتش وشراره حنا گلین حسین قیزی داماد مجتبی گوزلی سالوبدی هرایکی سین درد بی شماره حنا اولاره شام یولوندا دوتولدی ماه عسل کی حسرت اولدی ایکی قلب داغداره حنا جداده ماه اوتوروبدی ستاره محملده یاخوبدی ماه قانیندان اله ستاره حنا زمین سکوته باتوب اهل آسمان آلیشور غریبه  منظره دی  یار  یاریلن دانیشور دئیور عم اوغلی او چشم خماره مشتریم علاجون اولسا دل بی قراره مشتریم گوزون قاداسین اگرساتماقا خیالون وار نیازی یوخ آچاسان استخاره مشتریم رعایت ایله دالونجاق گلن پیاده لری تلسمه گتمگه چوخ ای سواره مشتریم غم فراقه دچارم وصالی آختارورام خزان الینده اسیرم  بهاره مشتریم اسارتیم یازیلوب گر سنون رکابونده ئولونجه من بو قرا روزگاره مشتریم چکم بودیده کم نوره توتیا مثلی او تللرونده کی گرد و غباره مشتریم نسیم اسنده همان تللری کناره وورار بیلر کی منده تماشای یاره مشتریم اوقدری خال لبون مست ائلر بو بیماری نسیمه یالوارارام اس دوباره مشتریم بیرآن زیارتووه مین قدم دعا اوخورام بیرعطرون آلماقامین نیش خاره مشتریم داغیت بو فاصله نی چون کول اولماق ایستیورم نجور دئیوم من پروانه ناره مشتریم سویولمیشام نه نشانون قالورنه خلخالیم بو درده تاپسون اگر راه چاره مشتریم بلالی باشه یاراشماز عم اوغلی قرمزی شال نقدری دست قضا بیچسه قاره مشتریم قولومدا قمچیلر آچدی شکوفه یوردی منی قسم وقارووه  بازار  کوفه  یوردی منی 🖋️کربلایی وفا منافی اردبیلی ╭─┅─═ঊঈ💘ঊঈ═─┅─╮   https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr 🙏 #برای_دیگران_هم_بفرستید ╰─┅─═ঊঈ💘ঊঈ═─┅─╯ #قاسمیه