‍ نوحه جریان سر مقدس امام علیه السلام درخرابه شام https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr شعر از استاد سیفی اردبیلی افلاکه چخوب هَمهَمه ویرانه سراده گوردی اسرا قانلی باشی دار بلاده غملر تزلندی تللر سپلندی زینب او کسوک باشون اَوَل اورتوگین آچدی آغلار گوزی رأسِ شهِ خوبانه ساتاشدی ایوای دیدی قارداش بو نه صورت بو نه باشدی بیر بیله یارون کی یوخیدی نوکِ جِداده باخدی یارالی یارینه کام آلدی رقیه زلفین آتانون صورتینه سالدی رقیه باخ گوردیدی نه قاره گونه قالدی رقیه گون گورمدی هیچ نازیله بو دارِ فناده آلدی او کسوک باشی قوجاقه ایکی اَللی گوردوم دیدی بابا سنی من اوز گوزی کُوللی نازیله یاتان بسترون اولدی منه بَللی بیلدوم نجه مهمانسان آتا قوم عِناده خوشگلموسن عرض ایتدی او قیز میر حجازه بلبل سیاقی نغمه ووروب باشلادی نازه قویدی دوداقین پارچالانان تشنه بوغازه یاندی مَلَدی گَتدی باخان قیزلاری داده بیر آهی چکوب سینۀ سوزان آراسندان فکر ایتدی ئوپوم بیرده دوباره هاراسندان خوشدور ئوپه آلنندا گوروب داش یاراسندان ئوز نیّتینه ایلدی صدقیله اراده ئوپدوکجه رقیّه اونی زینب سُولیوب نوش ویر منده ئوپوم شعلۀ قلبیم اولا خاموش صبر ایله دیدی قوی منی ایتسون هله مدهوش اوندان صورا نوبت سنون ای فاطمه زاده تا وار نفسیم من بو باشی ویرمرم الدن آسوده قویون اوخشیوم ئوز یاریمی دیلدن آخر بو قوناقلیق منه خاطردی ازلدن من سیز بورا گلمزدی آتام تیره دُجاده قویدی سارالان صورتینی قانلی عذاره ئوپدی دوداقین گوزلرینه قیلدی نظاره روحانی طبیبیم دیدی ایله منه چاره آخر بو حیاته هوسیم یوخدی زیاده ائتدون آقالیق یاخچی زمان گلدون هرایه سالدون بو کسوک باشویله باشیمه سایه قوی جور فلکدن ایلیوم منده گلایه یاندیم اَریدیم گور نجه چنگال بلاده سالدی غم اودی قلبیمی چوللرده دؤزؤمدن سیلابه مثل خون دلیم آخدی گؤزؤمدن زهرا کیمی ظلم اهلی ووروب سیلی یوزومدن الدن دوتانیم اولمادی قالدیم من اراده سن جلوه گهِ حقّیده مقصودیوه یتدون ویلان حَرمِ طاهره نون تَرکینی ایتدون قویدون منی اللرده پریشان هارا گیتدون چولده چوله دوشدوم باباجان پای پیاده ای نور خدا حجّت حق ماه شمایل چوخداندی سنون اولمشیدوم وصلیوه مایل اولدوم اوره گیم ایستدیگی حاجته نایل هیچ خلوت عشّاق اولا بیلمز بو صفاده ایکاش او قابلار کیمی اجلالیم اولیدی بو لحظه ده پیکرده باشون سالم اولیدی آغوشوه باش قویماقا اقبالیم اولیدی سینونده ویریدوم بابا ـ جان نقدینی باده از بس او یتیمه ملدی شوق و هوسدن پروازه گلوب روحی اوچوب تیره قفسدن رأس شه دین سینه جان دوشدی نفسدن ایستکلی لرین غرق ایلدی بحر عزاده #خرابه_شام #رقیه #حسینیه #نوحه بانوای مرحوم استاد مؤذن زاده اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

‍ ‍ ‍ ‍ ‍ در ویرانه ده دورما ... زبانحال حضرت زینب کبری با حضرت رقیه (س) در خرابه شام در ویرانه ده دورما منیم آرامیمی آلما چوخ ائتمه تکیه دیواره آنامی یادیما سالما نوالی بلبلوم لایلای شیرین دیل سویگلوم لایلای الیوی قوینووا قویما بئله تئز جانیوه دویما بو قدر غملی دایانما بو ذوقیله تماشایه گلن قیزلاری آغلاتما نوالی بلبلوم لایلای مارالیم ایلمه افغان گوزووی سیل بی بی قربان سوزوی دئ منه هر آن آلیب آغوشه دیوم جان تاپارام دردیوه درمان نوالی بلبلوم لای لای قادا سندن اوزاق اولسون یوزون عالمده آغ اولسون وطنون لاله باغ اولسون ائویوی چلچراغ اولسون سارالیبسان ایراق اولسون نوالی بلبلوم لایلای سنی گوردوکجه سارالّام غم اوخون قلبیمه چالّام دئمه ویرانه ده قالّام یولومی یثربه سالّام سنه گوشِواره آلّام نوالی بلبلوم لایلای قره گیدی اوجا داغلار سارالوب غنچه لی باغلار قوریوب غملی دوداقلار سنی گورجک قولی باغلار ننون آغلار باجون آغلار نوالی بلبلوم گوزلیم گول گوله گوللر قوتارار بو چتین ایللر چکیلر بو قره یللر کؤچر اؤز ملکونه ائللر دارانار بو قره تللر نوالی بلبلوم لایلای بانوای مرحوم استاد مؤذن زاده اردبیلی #مرحوم استاد تقای اردبیلی 🌹به ما #بپیوندید 👇🌹 #رقیه #خرابه_شام ঊ🖤ঊঈ https://eitaa.com/nabnohe1 لینک کانال نوحه‌های ناب ঊঈ🖤ঊঈ 🙏 برای دیگران هم #بفرستید

علی ویرانه منزلده مکان بیر روزگار ایتدوم قرا بختیم کیمی شام خرابی تیره تار ایتدوم گیجه گوندوز فراقونده اورکلرداغدار ایتدوم مداد کپریگیم خون دلیمدن آبدار ایتدوم جمالون نقشنی لوح جماله زرنگارایتدوم عروق جانیلن گوردوم دولوبدور الفتون قارداش گیجه گوندوز خیالیمده دولانور صحبتون قارداش اگر یوخدور مقابلده او سرو قامتون قارداش گوزوم یاشیله نقش ایتدوم یوزومده صورتون قارداش مطاف عشقمی خلق جهانه آشکار ایتدوم ایدم ویران دل ملکین الیمده واردوبس قدرت ولكن ایتمرم ویران اولونجه وار اونا علت اورک طاق عدالت دور خیالون نقش پر قیمت عدالت طاقنه عکس شه عادل ویرور زینت اودور عکس رخون طاق دلیمده پایدار ایتدوم جهاندا دوشمسون هیچکس برادر من دوشن درده یانور قلبیم آخور اشگیم دمادم عارض زرده سنیله ایلرم صحبت آرادا یوخدو بیر پرده مجسم ایتمشم سرو قدون قارداش برابرده او زیبا مقدمه در سرشگیمدن نثار ایتدوم گوزوم یاشیله بیر نامه باجیم صغرایه گوندردیم کتاب درد هجرانی ورق ایتدوم یره سردیم بلا گوردوم بلا اوستن یوزوم هر یانه دوندردیم یوزومدن دانه خالون خیالین قلبیمه دردیم بو گویلوم مرغنون آب و غذا سین احتکار ایتدوم منیم بیگانه لر هرگز چکلمزدی پناهیمدن واریدی شاهلارون چشم امیدی پیشگاهیمدن هانی قارداش علی اکبر اثر شاهانه جاهیمدن مذمت یوخ اگر یانسام شرار شمع آهیمدن اوزوم بو آتشی دور جهاندا اختیار ایتدوم خرابه منزلیم قارداش انیسیم آه و نالم دور اورک قانیله گوز یاشیم قارشمش یوزده با همدور اوزومده بیلمورم والله بو عالم هانسی عالم دور سر زلفونده گوردوم من مقام عشقی محکم دور ایناندوم که زوال اولماز اوزلفه اعتبار ایتدوم باجینون چشم امیدی اولوردایم برادر دن عزیز قارداش نظر کسمز مصیبت دیده خواهر دن همین امیدیله قارداش علاقه کسدیم ایللردن کمند عشقوه گلدیم الیملن باغلادیم گردن پناهونده علی اکبر قالام من افتخار ایتدوم چخاندا شهر یثربدن گونوم گوندن قرا گلدی قباقه حین سیریمده قضای کربلا گلدی خیال صیدیله چخدیم کناره بو صدا گلدی که ای صیادسن گتمه سنی ویردوم شکار ایتدوم گورنده نیزده زلفون بو زلف پر نمی آچدیم علامت لشگر اندوهه ماتم پرچمی آچدیم أو گون افسون آهیمله طلسم ماتمی آچدیم آتاندا تیر مژگانون ال آتدیم سینمی آچدیم همان پیکان مژگانی اورکده بر قرار ایتدوم توکنمز محنت شامی یازوب شرح بیان ویردوم نچه أحباب همدرده بو اشعاری نشان ویردوم محبت مکتبین گوردوم نجه گور امتحان ویردوم مفصل مطلبی (صدری) کتاب اختصار ایتدوم https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr 🖋️مرحوم استاد صدری تبریزی #خرابه_شام

گوزوم یاشیلا ای بابا عریضه یازمیشام  سنه خرابه ده  یورولموشام  دوزمروم  بو  محنه اگر چه   دختر    شهم  یریم  نیه  خرابه دی گلنده  شامیان  بیرا  شماتت  ایلیور   منه دیمورم ایندی ای بابا اسارت دوزنمورم ایاقلاریم یارالیدی اذیت دوزنمورم اجام ولی وقاریمی بی یرده سیندیرانمورام اجیقلیقا دوزوم واریم شماتت دوزنمورم یارالی باشیوی نجه گلوب قوجاقه المیشام عزالیام سنه بابا باشیما قاره سالمیشام دوداقلارون یارالیدی قولاقلاریم یارالیدی سنون کیمی یامان گونه بو یرده منده قالمیشام #خرابه_شام #روضه #مداحی #رقیه #شهادت_حضرت_رقیه_سلام_الله_علیها https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

روضه کوچ از خرابه (وصال تبریزی) رقیه دور،دوشوب یولا،گئدور بو کاروان قیزیم زیارته بیز گئدیروخ،یانا یانا،ایاقه دور سنده قوشول بو هیئته دور، غم منی درده سالوب دور،گور بی بیون دای قوجالوب دور،گوشواران الده قالوب دور یارالی جان یارالی ،اوز عموون او قانلی پرچمون داخی گتور اله آغلا نقدری آغلوسان،نه واردی شمریلن سنان نه حرمله دور، دیلدن هامی سسلنور دور،باجولار اشکین الور دور،اربعین عطری گلور دور جان یارالی جان یارالی جان،نه یاتموسان،اولما شیرین گلور سنه بو خواب ناز دور نجه گور،گلین باجوون ،قبریون اوسته ایلوری سوز و گذار دور،الیوی وئر گلینه دور،باخ حنالی الینه دور،اوت وئروبلار دیلینه دور جان یارالی جان دور،ربابیله،گئداخ او یرده صود امردن دانیشاخ ناقه نون اوسته نوحه ده ، او گیر و داره نیزه لردن دانیشاخ دور،اورگیم اولدی کباب دور،منه وئر باری جواب دور،اوزون اولدوردی رباب دور جان یارالی جان یارالی دور،اولمیه خوشدی یرون دور،ناقه ده بوشدی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #رقیه #خرابه_شام #کوچ_شام 🖋️استاد وصال تبریزی فایل صوتی👇👇👇 🎤بانوای مرحوم استاد سیامک رزمی

گفتگوی حضرت رقیه‌_س با سر بریده حضرت اباعبدالله_ع آچدی گلایه دفترین، عرض ائتدی جان بابا اوپدی دوداقلارین، دئدی ای مهربان بابا قربان سنه تمام گوزللر گوزل بابا     هاردا بویاندی قانه بو لبلر گوزل بابا یوخ اللرون دیم گتوریدون گلنده کاش ویرانسرایه بیر نچه معجر گوزل بابا مدّتدی بعضی باجیلاریم باش آچوخدولار طعنه وروللا دیده گلنلر گوزل بابا دائم گلین باجیم اَلی قوینندا  اگلشوب گورسنمسون حنا دگن اللر گوزل بابا شکر اللّها یوزونده کول اثاری گورمورم هاردا یویوب ایدوبله معطّر گوزل بابا فکر ایلورم یزیده یاراشمور بو یاخشی لق بو بی حیاده خولیه بنذر گوزل بابا کیم باشوی یویوب، دی دعا ایلیوم اونی آمین دئسون بو آل پیغمبر گوزل بابا گلدون یامان گونومده قوناق بو خرابیه افسوس وار نه فرش و نه بستر گوزل بابا یرده قالا باشون ئولوم اولسون رقیّوه گل سینم اوسته اولما مکدّر گوزل بابا ویرانه دن منی تئز آپار چوخ دارخموشام آخر آتا، بالانی چوخ ایستر گوزل بابا اصغر ایمکلیور دی گوروم یا دوروب یرور روحیم وورور وصالینه پرپر گوزل بابا بیر سوز دمور آنام ولی آدین ائشیتجگین دیزلر اَسر، دوداقلاری تترر گوزل بابا بو شامیده نقدری بابا، پست زاده وار دیداریمه گلوللَه مکرّر گوزل بابا وار بعضی قیز گلور بورا چوخ اینجیدور منی من آغلارام اولاردا گوللر گوزل بابا بی کس قیزون خرابه ده نقّاش اولیدی کاش اولمازدی حالی بیر بئله مضطر گوزل بابا بیرجه چکیدیم اکبریمون ماه صورتین دیواریده اولیدی مصوّر گوزل بابا اوز دود آهیمیله چَکم سرمه گوزلره قلبیم قانیلا رنگ اولا لبلر گوزل بابا هر کیم سوروشسا اکبری، عکسین نشان وئرم منده دیم باخون بودور اکبر، گوزل بابا الان که گلموسن هله گئتمه بئش آلتی گون سایونده قالسون عترت حیدر گوزل بابا بیر منزلی فراهم ائله اهل عیالوه اولسون مناسبِ زن و دختر گوزل بابا آخر جوان گلین، قاپوسیز یئرده نِیلسون نه پرده وار نه حایل دیگر گوزل بابا آخشام که گون باتوب گئجه لر چوخ سویوق دوشر نی تک سیزیلداشوب هامی تیترر گوزل بابا شام ایچره هر قوشون واریدی آشیانه سی وئرمز اوزون اَیازه کبوتر، گوزل بابا اِلّا بیز اهل بیت که ویرانسرادَیوخ نه سقفی واردی نه در و پیکر گوزل بابا طشت طلاده سن یاتوسان قصریده گئجه گور قیزلارون خرابه ده نِیلر گوزل بابا تئز بیر طبیبه ایله خبر، چوخ مریضه وار گر قالسالار دواسیز، ئُوللر، گوزل بابا الله هاموسینون منه وئرسون قاداسینی ائتسون فدای آل پیمبر، گوزل بابا.. . 🖋️زنده یاداستادمنزوی اردبیلی #رقیه #روضه #مداحی #خرابه_شام https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

خرابه شام سوال و جواب حضرت رقیه (س) با امام حسین (ع) . سنون دوتوب گُل رخساروی غبار قیزیم منیم یوزیمده تاپوب ، کولدن استتار قیزیم . اوزوم بیلوردوم عزیزیم منی گوزتلیردون که قویمادیم گوزوی یولدا انتظار قیزیم . سنه خرابه ده یاتماق بالا دگل ذلّت خرابه لرده اولار دُرّ شاهوار قیزیم . ایدوب سنون یوزوی لاله رنگ ، سیلی شمر منیمده صورتیمی ، تیغ ، زخمدار قیزیم . سنون اگر باشوا تازیانه چوخ وورولوب دگوب منیم باشیما زخمِ بی شمار قیزیم . ایاقلارون قابارین چوخ منه نشان ویرمه یارالی قلبیمی آز ایله داغدار قیزیم . چوخ اینجیدوب سنی یولّاردا ساربانلار اگر چوخ اینجیدوب منیده یولدا نیزه دار قیزیم . سنون دوداقلاریوی قورخی چاک چاک ایلیوب منیم دوداقلاریمی ضربتِ فنار قیزیم . جِدا باشیندا گوروردوم ووراندا قمچی سنه کومک لیقا یوخودی نیلیوم اقتدار قیزیم . سوسوز شهادته یتماق منه مُقدّریدی سنون اسارتون ایستوردی کردگار قیزیم . رضای حقّیدی احیای دینیدی دوزدوم نقدر ظلم ایلدی قومِ کین شع ... 🖋️مرحوم استاد حسینی سعدی زمان تبریزی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #رقیه #روضه #خرابه_شام

(احوالات و زبانحال حضرت رقیه(س) در خرابه شام) عمه  بو  خرابه   یِره  مهمان نیه گلمور دیداریمیزه ناطق قرآن نیه گلمور قلبیم   داریخور غربت  ویرانه سراده ویران اولونان قلبیمه سامان نیه گلمور آغلار گوزومون چاره سی بیر یاره لی باشدی ویرانیه باش چکماقا سلطان نیه گلمور پروانه کیمی گلسه دولانّام باشی اوسته ظُلمت گئجه دی شمع فروزان نیه گلمور قوش تک چوبالور قلب حزینیم بو وِصاله هجران غمینه موسم پایان نیه گلمور بو فِرقتیله صبح اولا گر شام سیه دور خورشید سحر جلوه تابان نیه گلمور چوخداندی مریضم بیلوسن خسته راهم یول یولداشی تا ایلییه درمان نیه گلمور شامون یولی چوخ یوردی منیم جانیمی آلدی شمع تک اَریَّن جسمیمه بیر جان نیه گلمور بَس یاره ویروبلار گویَروب جسم نحیفیم بو یاره لریمدن توکولور قان   نیه گلمور زهرا  ننمون  تَک   الی   پهلوده    دولانّام سیلی یِرین اِئتدیم گنه پنهان  نیه گلمور ____ بو   ناله لری   ائتدی   اثر   گورماقا  یاری ویرانیه   گلدی  شه  عطشان  گئجه  یاری گلماق نجه گلماق باشی‌ وار پیکری یوخدی طشت ایچره‌ قویوبلار‌اُو باشین یاره‌سی چوخدی تا   گوردی   رقیه   سَرِ   شاه   شهدانی یَحیای  بَتولین   بوغازیندان  ئوپوب  آنی سسلندی  سلام  ای یورولان  باشی جداده قویدون   منه مِنّت  بابا   ویرانه    سَراده عفو  ایله دورانمام  اَیاقا  خسته  قوناقیم چوخ  قمچی  ویروبلار منه گلمور اَل اَیاقیم ای نور خداوند مبین ، حُجّت سبحان کیم قانه‌ خِضاب اِئتدی باشون ای مه تابان قوی مَنده سیلوم یوز گوزوون قانینی بابا نصرانی یُووان باشیله گور نیلیوب اعدا یا قوی من ئوپوم دیل دوداقیندان اولا مَرهم گل ترک ائلیاخ بو گجه ویرانه نی باهم گر سَنده ئوزون ایستَمسَن  گلمَلی یَم  من بو وضعیله حتما بو گِجه ئولملی یَم من گر ئولماقیمی بیلسه  منیم روح  مناجات ویرانه  ده  آغلار  قالاجاق  عمه سادات اَلقِصه بو قیز قلبینی غملر اُوخی  بُولدی ویرانه ده اکبر باجیسی جان وئروب ئولدی شیوَن سَسی قُوزاندی خرابه بوجاقیندان گوزیاشی آخوردی یوزه ، گوزلر بولاقیندان آغلوردی     خانیم   زینبیلن    اهل    خرابه سس گلدی او دم باخدی هامی سمت ربابه سسلوردی رباب: ای شه عطشان بالان ئولدی اصغر باجیسی ، اصغره لایلای چالان ئولدی ✏احمد کاظمی زنجانی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #رقیه #روضه #مداحی #خرابه_شام

#_قطعه_سفره_خانم_رقیه 🌹دیدی گلدون بابا تز دوردی یرینن ایاقا 🌹ایستدی عرض ادب ایلیه یورقون قوناقا 🌹گوجی چاتمادی رقیه باشی آلسون قوجاقا 🌹ایکی زیباگوزون الوده ادیب گوزیاشینا 🌹یره قویدی یارالی باشی دولاندی باشینا #رقیه #روضه #اوخشاما #خرابه_شام https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

زبانحال حضرت رقیه (س) زبانحال حضرت رقیه (س) غمیم اولمازدی آتامدان خبر اولسیدی بی بی بو قرانلوق گیجم آیدین سحر اولسیدی بی بی من فلکدن ایلیوم شکوه و یا بختیمدن قاره گوندن دانشوم یا که قرا بختیمدن یورقونام اینجیمشم زندگی سختیمدن تاب ایدردیم گینه بیر خوش خبر اولسیدی بی بی بیر غریبه بالاجا دختر اوزوم اوچ ساله دولاشوب قوش کیمی غم رشته سی پر و باله دوزه بولمزدی گویرچینده ایدردی ناله لانه سی من کیمی زیر و زبر اولسیدی بی بی ایله فکر ایتمه رقیه ایتوروب اوز روشین ناز و غمزه یرینه آغلاماق ایلوبدی ایشین کنج ویرانه ده اولمازدی بیله خاک نشین بو قرا بخت اگر بختور اولسیدی بی بی نی لره ایلر اثر منده اولان محزون سس گون به گون محنتیم آرتور اولورام دل واپس فلک آغلاتسا کیمی گولدوره بیلمز هیچ کس آغلامازدیم محنیم مختصر اولسیدی بی بی بو بلالی باشیما نیلوم آتام چکمور باش ایراق اولسون ایله بل آیری دوشوب گوزدن قاش یوزه کیپریک سانی توکمزدیم ایکی گوزدن یاش نخل امیدیم اگر بارور اولسیدی بی بی یثربی ترک ایلین وقته شب ظلمانی قوشمادوز قافلیه سیز او گیجه صغرانی یاخشی ایش اولدی ، گتورسیدوز او سرگردانی دیری قالمازدی بیزه همسفر اولسیدی بی بی گوز تیکوب یوللارا گرچه غمی چوخدور دیلده یری راحتدی اقلاً باجیمون منزلده بوندان آرتوق آلشاردیم شرر نسگیلده باجیلاریم تک اودا در بدر اولسیدی بی بی سوزوم اکبرده دی عمه منی سالمور یادینا خسته جانیم اولا قربان اوزینه هم آدینا آجی آغزیم یتیشردی گینه شیرین دادینا ناظر حالیم او زیبا نظر اولسیدی بی بی گوز اویاقدور گیجه لر دلبریمون خاطرینه گزور افلاکی او خوش منظریمون خاطرینه آیا حسرت باخورام اکبریمون خاطرینه باخمازیدوم گویه گر مین قمر اولسیدی بی بی اکبریم عمّه بو جریانی بیلور یا بیلمور باجسین شامده زندانی بیلور یا بیلمور حال آشفته ی لیلانی بیلور یا بیلمور چاره ایلردی او فرخنده فر اولسیدی بی بی واردی حقیم داریخام آتش سوزانه یانام الى قوینوندا خرابه قاپوسندا دایانام قاره معجر باشنا سالمازیدی لیلی آنام ساق سلامت علی اکبر اگر اولسیدی بی بی شام قیزلارى منه بسکه ساتور غمزه و ناز بعضی صحبت دانشولّار ایدورم سوز و گداز یثربون شهرینه بوردان ایلیردوم پرواز قوش کیمی منده آچیق بال و پر اولسیدی بی بی یاتمیور قلبیمه اصلا بو اوچوق کهنه حصار نه هواسینده صفا نه سویونون لذّتی وار کولگه سی اوددی کانّه یوموشاق تپراقی خار بوردا قالمازدی رقیّه مَفر اولسیدی بی بی آنامون ناله سسی قلبیمی ایلوبدی کباب حرمله کیمدی ایدور هی اونا نفرین و عتاب مله مزدی ملر آهو کیمی بیچاره رباب سینه سی اوسته گوزل صود امر اولسیدی بی بی #رقیه #روضه #خرابه_شام ** 🖋️مرحوم استاد حاج انور اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

"ویرانه شام ویرانه ده  نازلی  بالام   جان ویردی  دینجلدی بو  دختر  شیرین کلام   جان  ویردی دینجلدی بختی  بو  طفلون اوجیدن    دوشدی   سرازیره یکسر   آتا   قارداشلارین    چکدیله   شمشیره کرب و بلادن  شامه دین    باغلاندی    زنجیره یاتماق اونا اولدی حرام  جان ویردی  دینجلدی قالدی     آراده     بی کفن   الله    بالام   ئولدی بیرکیمسه نم  یوخ دفن ایدن الله  بالام  ئولدی آسوده    اوُلدی    ظلمیدن   الله   بالام   ئولدی هر  زحمته ایتدی دوام   جان ویردی  دینجلدی بعضی گیجه  اکبر  بوئین اوخشاردی  یاتمازدی شمری گورن گون اوُل گیجه قورخاردی یاتمازدی چوخ  یالواراردیم یات  قیزیم  آغلاردی یاتمازدی ایندی نیجه گور اولدی رام جان ویردی دینجلدی غسلین ویرن یوخدور نیدیم  ئولدی  بالام   قالدی اوز معجریمله  دفن ایدیم  ئولدی  بالام  قالدی سونمز اودیم یاندیم دیدیم  ئولدی بالام قالدی هی آغلارم  آرتا یارام   جان   ویردی دینجلدی یاتدی    حسینون      بلبلی     یانّام      آلولانّام یاده     دوشر    شیرین   دلی   یانّام     آلولانّام واردور    بونون   بیر   نسگلی   یانّام     آلولانّام گیزلین دیدی عمّه آجام  جان ویردی دینجلدی زنجیر   کسن   قوللارینون  نقشینه   باخدوقجا کهنه   حصیردن   آلتینون    فرشینه   باخدوقجا یانّام   بالامون خوار  اولان  نعشینه   باخدوقجا بو  دیللریله  اوخشارام   جان  ویردی دینجلدی ای  هاشمون   اوغلانلاری   عباس  و  یا  جعفر هاردا   قالوبسوز   بس   بوگون  ای قاسم و اکبر آخر    رقیّم   یرده   دور   زینب  سیزی   گوزلر چوخ اینجیدوبدور اهل شام جان ویردی دینجلدی غساله   گورسه    آغلیور   شمرون   جفاسیندن مالش   ویرنده   قویمارام   قمچی   یاراسیندن زهرا    آناما    بو    قیزی     باشیم     بلاسیندن من  بیر  نمونه  یولّارام  جان  ویردی دینجلدی یاز   آغلا   نوحه ((یحیوی )) تا  وار  نفس جاندا مظلوم حسینون  بیر قیزی  دفن اولدی  ویراندا چوخ   اینجیوب   اشگنجه دن  آخر  او   زنداندا شهزادة    والا   مقام   جان   ویردی  دینجلدی ** 🖋️مرحوم استاد حاج عباسقلی #یحیوی اردبیلی #رقیه #خرابه_شام https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

احوالات خرابه و زبانحال حضرت رقیه (س) مرحوم سعدی زمان مکان خرابه نی چون آل بوتراب ایلدی حصار صبرلرین گوزیاشی خراب ایلدی هره قویوب باشینی بیر طرفده غم دیزینه اورکلرینده کی غم گوزلرین پرآب ایلدی دینمورم نه خرابه بو قدر وار بولورم ایلان ووران کیمی اطفال پیچ و تاب ایلدی گلوب خرابیه اهل جفا تماشایه شماتت عترت اطهاره شیخ و شاب ایلدی گلن وراردی خواتین نازه دل یاراسی اورکلرونده اولان سوزش التهاب ایلدی بیری شماتتیله خوردا قیزلارا گولدی اوزینی لایق قهر حق و عذاب ایلدی بیری ترحم ایدوب گوزلرینی دولدوردی بیریسی خوش دلیله دیندیروب ثواب ایلدی جگر یارالی ایاقلار قابار خانم بالالار سوسوزلوق آجلیقا نه زحمتیله تاب ایلدی حیالی عمه لرون یا بقیه الاخیار کنیز روم و حبش شامیان حساب ایلدی مخدرات بنی هاشم آج سوسوز یورقون لحاف پرتو خور بسترین تراب ایلدی بلا چولنده سویولموش تالانمش آل الله جمال عصمته اوز ساچلارین نقاب ایلدی واریدی هر بیرینون بیرجه کهنه پیرهنی اوندا شامده پوسیده آفتاب ایلدی یزید تختده ویرانه ده امام علیل؟ فلک معاویه اوغلون نه کامیاب ایلدی ایله ساراتدی خانم قیزلاری تهاجم جوع هامیسنون یوزونی مثل ماهتاب ایلدی دیردی دردینی هر تک تکی علی قیزینا خصوص نازلی رقیه اونی کباب ایلدی زبسکه دل دیدی دلدن دوشوب گیدوب هوشه بیر آز علی قیزینون مثل بختی خواب ایلدی گلوب خرابیه گوردی آتاسی رویاده بیان شکویه فی الفور فتح باب ایلدی دیدی گوزوندن ایراق گور بابا نحالدیم نه ظلملر بیزه گور قوم کین مآب ایلدی باشون دالنجا دوشوب شامه باش آچوخ گلدیم دایاندیم اهل جفا هر قدر عتاب ایلدی او قدر خار مغیلان باتوب ایاقلاریما قضا ایاقلاریمی قانیله خضاب ایلدی دعا ایدردیم اوزون بیر گوروب اولردیم من دعامی – یاخشی خداوند مستجاب ایلدی آچوب قولونی آتا بوینونا خانم سالسون امیدی یاسه اجل پیکی انتخاب ایلدی دوشوب قولی یاننا اولدی خوابدن بیدار بلالی زینبه یوز دوندروب خطاب ایلدی آتام خرابیه گلمشدی عمه جان ایمدی نیه مصاحبتمدن بس اجتناب ایلدی نقدر دل دیدیلر اولمادی بالا آرام اوزون ووروب یره فریاد و اضطراب ایلدی ویروبله سس سسه آغلاشدیلار مخدره لر گوزینی هر بیری بارنده بیر سحاب ایلدی ایشیتدی ناله سسین خوابدن اویاندی یزید نه وار سوروشدی ندیمی اونا جواب ایلدی دیدی آتاسینی ایستور خرابه ده بیر قیز نه شرم ایدوب او زنا زاده نه حجاب ایلدی خیال ایدوب خانمی بلکه غصه مرگ ایلسون تسلس ویرماقا بیر ظلمه ارتکاب ایلدی آتاسینون دیدی باشین خرابیه آپارون پیمبر عترتنی تازه دن مصاب ایلدی بالا آتا باشینی آلدی باسدی آغوشه فغان و ناله و فریاد چون رباب ایلدی دیدی بابا قولیمی ایپ کسوبدی چوخ اینجیر سنان و شمر بیزی بسته طناب ایلدی بو دللریله بیانه گتوردی درد دلین بوشاتماقا دل پردردینی شتاب ایلدی بابا اسیره قیزون یاخشی سرفراز ایلدون گلوب بو آخر عمریمده کشف راز ایلدون قیزون خرابه ده بولدون ئولور اودور گلدون رضای حقدن اوتور فکرت نماز ایلدون گرک کفن گتوریدون ندن گتورمموسن؟ حقیقی عشقمی تشبیه بر مجاز ایلدون روادی سن گله سن ؛ جان نثار ایلمیم یادیمدادور نقدر نازیمه نیاز ایلدون اورک دولیدی دلیم باغلی درد دل دیماقا شکایت ایتماقا بیر باب نطق باز ایلدون محبتون منه چوخدور ولی گلایم وار که قطع لطفوی بیر مدت دراز ایلدون گلنده باشوی یولدا نقدر دیندیردیم دانشمادون منه نوک جداده ناز ایلدون گیرنده شامه ولی گوردون آز قالور که الم تسلی دلیمی نغمه حجاز ایلدون باشوا من دولانوم بس ندن باشون کسیلوب وجود ملکنی بالمره ترک و تاز ایلدون یتیمه قیزلار ایچینده بو نصف شبده بابا بو گلماقون منه اسباب امتیاز ایلدون خرابه دن بابا یا گیتمه یا آپار منیده بوقدر بسدی گرفتار سوز و ساز ایلدون آپارماسان منی السمده قویمارام گیده سن منی بو جرئته لطفیله سن مجاز ایلدون گوزوندن ای بابا بیر گون کناره قویمازدون سبب نه اولدی بو بیکسدن احتراز ایلدون بو مدتی دیموسن سوگلی قیزیم هانی بس محبتون چوخودی نولدی علت آز ایلدون (حسینی) لیله میلاد احمد محمود حسین فاطمیه خدمت ایاز ایلدون چکلدی نظمه بو سوز منزل شفیعیده او نوحه خوانی بو خدمتده سرفراز ایلدون #رقیه #خرابه_شام مرحوم استاد سید رضا سعدی زمان(ه) https://eitaa.com/nabnohe1 لینک کانال نوحه‌های ناب آیدی مدیر کانال @nohekr