راه شام زبانحال حضرت رقیه به رأس مطهر برادرش مرحوم یحیوی اردبیلی نئجه عمه توز باسوبدی گور نیزه ده قلم قاشین اجازه وئر شمره یالواروم وئرسون اکبرین باشین سوسوز دوداقلارینه سپوم سو یرینه گوز یاشین وئرسه اکبرین باشین (2) روا گوروب قاتلی نئجه بو جوان رعنایه باشین کسوب پیکرینی غرق ائتدی قانلو دریایه بلشدیروب قانه داغینی چکدی قلب زهرایه مگر رحمی گلمدی سنه یا منه و لیلایه یا باجیسی صغرایه (2) مگر عمه اوچ یاشیندا قیز طی ائدر بو یوللاری اکبریمون شوقیدور سالوب چوللره منِ زاری دئ شمره سن وئرمیور اونی ساخلاسون ایاق باری نشان وئروم اکبریمه تا بو قابار ایاقلاری بو یانان دوداقلاری (2) باخار هر دم کج نگاهیلن نیزه ده آناسینه چالار کیپریک آغلیور اونون کهنه لن لباسینه حزین حزین گوز دولاندیرور خویش و اقرباسینه باجون قربان جان علی قارداش گوزلرون قراسینه باشیوون بلاسینه (2) اگر منه اَندیروب وئره نیزه دن او زیبانی سیلم زلفین قاش گوزون یووام پاک اولا اونون قانی یاپیشدیرام سینه مه دییَم شرح درد هجرانی او باشی من شمره وئرمرم بیرده اکبریم جانی داغلارام بو دنیانی (2) https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #سبک_خداحافظ_ای_آنام_باجی #سبک_شیرین_سوزوم_آیدین_اولدوزوم #سبک_عم_اوغلی_چوخ_گل_سارالار #راه_شام #اکبریه_شهادت #یحیوی_اردبیلی #ترکی 🌴🍃🌴🍃🌴🍃🌴🍃🌴🍃🌴🍃

https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr مجلس ابن زیاد - راه شام فرهنگ خدائی بخش 1️⃣ نکهت گلزار عزت زینبون آدینده دی وسعت بانگ شهامت نای و فریادینده دی صولت خون ولایت قلب ناشادینده دی زینبه دیل باغلیان دنیاده عزتمند اولار جام عشقین باشینه کیم چکسه غیرتمند اولار گوز آچان گوندن شجاعت لحم و بنیانینده دی بیر خانم دور کی علینین غیرتی قانینده دی مرتضی تک آسمانلار تحت فرمانینده دی عرشیده دلبند زهرا نون اقامتگاهی وار یردن آرتوخ زینبون گویلرده خاطرخواهی وار روحی وسعتلی سما، خورشید مشکاتینده دی شیر پنجه اللرون تصویری مرآتینده دی جرات و جهد و جسارت زینبون ذاتینده دی خلق ائدن خلقینده فرصت یوخ دیئم من نیلیوب زینبی الله خلاصه ، قهرمان خلق ائلیوب هیبت سیمای حمزه ، غملی سیماسینده دور غرش نای ابالفضل ، صوت غراسینده دی ذوالفقارون قدرتی ، الفاظ گیراسینده دی زینبی الله نه تنها بیر دلاور خلق ائدوب هم دلاور ، هم هنرور ، هم سخنور خلق ائدوب انبیا افکاری یکسر مغز باهوشینده دی قادریت رتبه سی الان دا سر دوشینده دی جوشش آتشفشانلار خون پر جوشینده دی آخدی باشیندن دیور راوی نجه قان کوفه ده آند اولا خون حسینه قوپدی طوفان کوفه ده اسکتوا سسلندی قاچدی چهره لردن رنگلر تک نه اینکه ساکت اولدی خلق بی فرهنگیلر ناقه لر بوینوندا حتی دوشدی سسدن زنگ لر همهمه یاتدی سوزون حیدر کیمی روشن دیدی نیزه اوسته قانلی باشلار زینبه احسن دیدی ال چالوب غرا چکن اوباشی تحقیر ایلدی کوفه فرمانده لرین خوار و زمین گیر ایلدی در حقیقت کوفه شهرین گلدی تسخیر ایلدی تارک تاریخیده یازدی حسینیم زنده دی حشر اولونجا کربلانون پرچمی پاینده دی قلب ناپاک عبیداللهه دوشدی ولوله ایستیوردی زینبون بیر جور الیندن دینجله کاسه لیسان پلیدین سسلدی تهدیدیله ویردی فرمان کوفه ده آل علی چوخ قالماسون بوندان آرتوخ شهره پیغمبر قیزی اود سالماسون هیچ اسیره اوخشامور ، سردار نام آوردی بو تک باشا حس ایلورم من ، بیر قوی لشکردی بو تا دیل آچدی صحبته فکر ایلدیم حیدردی بو بنذیور سیل خروشانه ، قاباقین سد ائدون بو بلای خانمانسوزی باشیمدان رد ائدون تا خبر گلدی ابالفضل ئولدی من ذوق ایلدوم جشن پیروزی قوروب اجلالیمه شوق ایلدیم کوفه ده حس غرور و شوق مافوق ایلدیم بیلمیوردوم هیچ قاباقدا باشیمون غوغاسی وار بیلمیوردوم هیچ حسینون آیری بیر عباسی وار هیچ ایله بول کربلاده ئولمیوب قارداشلاری داشلیوردی کوفه اهلی نیزه اوسته باشلاری خطبه غراسی توکدوردی اتکدن داشلاری عین صحبتده ایلیکی سسلدی ایوای ننه داش آتانلار یکسره آغلاشدی گلدی شیونه ئولدوروبسوز فخری وار عباس والا منصبی بعد از آنکه دوغرادوز یتمیش ایکی عطشان لبی قمچی آلتیدا گرک سیز ئولدوریدوز زینبی چوخ زمان چکمز بو زینب عالمی مبهوت ایدر سلطنت تختین یزیدیلن منه تابوت ائدر تا نه قدری مرتضانون قهرمانی زنده دی آل سفیانه حکومت جاده سی لغزنده دی خطبه سین گوردوم علیدنده بتر کوبنده دی مرتضی ، بوینون ویراردی ظالمون شمشیریلن زینبی اما وررور گردنلری تکبریلن باشلیا مجلسده قبل از اینکه غرا صحبتین تا منه ساری دولاندیردی غضبلن صورتین چهره سینده واقعا گوردوم علینی هیبتین عنقریب اولدی کتاب آرزومی قاتدییا رعشه دوشدی جانیمه آز قالدی باغریم چاتدئیا آل طاهایه ویروب حق منطق برنده نی پیش بینی ایلورم ... ادامه دارد ⬇️⬇️ #زینبیه_مدح #کوفه #راه_شام #مجلس_ابن_زیاد #فرهنگ_خدایی #ترکی🌴🍃🌴🍃🌴🍃🌴🍃🌴🍃🌴🍃 کوفه مجلس ابن زیاد - راه شام فرهنگ خدائی بخش 2️⃣ آل طاهایه ویروب حق منطق برنده نی پیش بینی ایلورم من ایندیدن آینده نی ئولمسه ایتسه تحمل محنت سوزنده نی شامه سالم چاتسا گر ، هند اوغلونون نظمین پوزار تک یزیدین یوخ، امیه نسلینون قبرین قازار الغرض آلدی علینین غصب اولا پاتختینی کوفه نون خوار ایلدی اول زاده بدبختینی باشینه مزدور دربارون چووردی تختینی آل اطهاره خانم عز و شرف کسب ایلدی کوفه بامینده حسینون پرچمین نصب ایلدی حبل غیرت گردن شامه دولاشدی کوفه دن شامه پرچم ویرماقا زینب یول آشدی کوفه دن سیل ویرانگر کانه شامه داشدی کوفه دن روز وشب طی ایلدی شامون بلالی یوللارون قمچی لر یوللار بوئی سالدی قوادن قوللارون خوش گون عمرینده گوروم اشرار کافر گورمسون یول نه یول ، ایکاش او یولدان هیچ مسافر گورمسون هیچ مسلمان شام یولون زهرایه خاطر گورمسون دردینون داغلار دل دنیانی ، تک بیش عمه سی حضرت مهدی بولور یولدا نه چکدی عمه سی بیر سوزوم وار راه شامون دردینون معیاریدی یول هله قالسین تیکانلیق یا کی ناهمواریدی آل اطهارین ز بس احوالی رقت باریدی استراحت وقتی با هم توپلاشیردی ناقه لر سس قوشوب بی کس ربابه آغلاشوردی ناقه لر

دلسیز حیوانلار دیوللر بیر بیره ائمائیله ایتمیشوک حمل مسافر عمروموزده بیر بیله هیچ بولار تک گورمه میشدوک بیز آدامسیز قافله بار الها بو بلالی کاروان هاردان گلور آغلیان وقته بولار گویدن یره افغان گلور دام صیاده دوشن جیرانه اوخشوللار بولار خانه بر دوشان سرگردانه اوخشوللار بولار اوغلی قارداشی ئولن انسانه اوخشوللار بولار کیمدی بو غمدیده لر محنتلری باشدان داشور وا حسین وا سسلننده قانلی باشلار آغلاشور درد دل ایلوردی هرکس نیزه ده بیر باشیلن هر ننه اوز غملی اوغلیلان ، باجی قارداشیلن قان آخوردی ، سینمیشیدی بعضی باشلارداشیلن اکبره لیلا باخان وقتده دیوردی جان بالا پارچالانمیش باشیوه ویلان ننه نن قربان بالا ایلیوب روشن یولی نور جمالون گون کیمی اشگلیلر گوزدن فراقونده آخور جیحون کیمی دوشموشم باشون دالیجا چوللره مجنون کیمی در هم اولموش باشیوون زیبا نماسی، آخ بالا هی باخورسان عمموه ، لیلایه ده بیر باخ بالا بی جهاز اشترلره مینمیشدی زهرا قیزلاری حددن آرتوق یورقونیدی ، سینموشدی تارو پودلاری یوخلاشیردی ناقه لر اوستونده یورقون گوزلری هی اوشاقیدی گوروردون کی سوروشدی ناقه دن آغزی اوستونده تیکانلیق یرده دوشدی ناقه دن سن مجسم ایله سیمای محاققین قیزلارون گور نه حاله سالدی داشلار دیل دوداقین قیزلارون دوغرادی خار مغیلان ال ایاقین قیزلارون قان دوداقلاردان آخوب یرده یازوردی جان بابا قیزلارون اولسون بلالی باشوه قربان بابا آلنی اوسته کیم یخیلدی ، دوشدی علقم یادینه یعنی علقمده یاتان سردار اعظم یادینه زینیدن قولسوز دوشن غیرتلی ضیغم یادینه سسلدی آی نیزه اوسته دورمیان القان قانی ایندی بیلدیم نه چکوبسن آی حسینون قارداشی پیکرون بیلدیم نیه قالدی آراده گلمدی خیمیه اکبر کیمی نعشون عباده گلمدی آیری باشلار تک نییه باشون جداده گلمدی قادر الله خوار ائدیدی دشمن نامردووی دردووه قربان ابوالفضل ایندی بیلدیم دردووی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #زینبیه_مدح #کوفه #راه_شام #مجلس_ابن_زیاد #فرهنگ_خدایی #ترکی🌴🍃🌴🍃🌴🍃🌴🍃🌴🍃🌴🍃

راه شام سبک: میگذرد کاروان ... ای بوغازین اوچ پر اوخ ... حاج روح الله رمضانی گئتمه دایان ساربان قافله دن وارقالان قورخولی چولده قالوب دختر شیرین زبان واریری ناله عرشه سالام ناقه دن دوشدی نازلی بالام آغلارام آغلارام آغلارام(۲) قلبیمی غملر آلوب غصه لی حاله سالوب بیلمورم هاردا منیم نازلی رقیم قالوب باخورام یولارا ناگران اولموشام غصه دن باغری قان آغلارام آغلارام آغلارام (۲) یاندی دل مضطریم قان اولوب اشک تریم دوشدی گوزومدن اوزاق فاطمیه بنذریم اولونجه اونی ترک ائتمرم گلمسه رقیه گئتمرم آغلارام آغلارام آغلارام(۲) غملیدی یولداشلاری عمه سی ؛ قارداشلاری آغلادوری غصه سی نیزه دکی باشلاری دایانوب نیزه ده نورعین گئتمیور شامه رأس حسین آغلارام آغلارام آغلارام(۲) https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #راه_شام

زبانحال حضرت زینب و حضرت رقیه با سر بریده امام حسین علیهم السلام بعد از دیر راهب در راه شام داود بیدق داری ( داور ) بازاره چکوب زینبی اول طره ی طرار نصرانیده سوداده اولوب تاجر بازار من مشتری ام جان ودلیلن سنه اما آلدی سنی مین درهمه نصرانی زردار حیرانم ئوزومده بئله بیر بیع وشرادن قیمت اولابیلمز اوباشا درهم ودینار لطفوندی سنون شامل اولوب راهبه یوخسا بوقافله ده باشووه جان نقدی وئرن وار جان نقدینه بیربوسه منه لطف ائله قارداش آل زینبووین گویلونی ای عالمه دلدار باشوندن ئوپوم یول آچیلاقیزلارا بلکه اولسون بالالا ردا بوگجه باشووه زوار ایستور نچه مدتدی رقیه م سنی مندن هجران ائلیوبدور او نیدا منکیمی بیمار چاتمادی مراده اوگجه دختر زهرا صبح اولدی یارالی باش ائدوب نی ده تجلا گون چیخدی تجلایه او گون نیزده گویا هنگامه ی محشراولوب اولدوزلارا برپا نوبت یتشوب خیرداجاعاشق ائده صحبت تاسوره ی عشقی ائده احساسیله معنا دوزلی آدیناقربان اولوم نازلی رقیه ئوزسوزلرینی باشلادی بو لحنیله گویا عرض ائتدی بابا سئیره چخان باشووه قربان آچ گوزلریووی عاشقووه ایله تماشا بیلدیم که گلابیله جمالون یودی راهب گرقویسالامنده یوورام اشکیله بابا لیکن سن اوجا نیزده من اللری باغلی چاتمور سارالان صورتووه دست تمنا عریاندی ایاقیم یول اوزاق ایستیدی صحرا بوطرزیله یول گتمگه یوخ منده توانا سن ایله دعا خسته قیزون ئولمیه یولدا شاماته یتوب باشووی بیرده گورم اوردا #دیر_راهب #راه_شام🍃🌴🌴🌴🌴🌴🌴🌴🌴🌴🌴🌴🌴🍃🌴 https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

احوالات راه شام سایه ی سقفیده آرام اوتوروب آل یزید اُسرای علوی دشت غم افزانی گزور حرم آهو لری سهم شهدا جوجه لری قول قاناد باغلی او وحشتلی بیابانی گزور گینه آزاد اولا انسان قویالار ئوز باشینا ئوزی تصمیم دوتا آج سوسوز هریانی گزور نه قویوللار بیرینی اوخشاماقا آغلاماقا غمچی الده باشینین اوسته نگهبانی گزور گونده بیر منزل اویولدان ئولونور طی طریق قوشون اهلی گئجه آسوده تن آسانی گزور نیزه دار سر شاه شهداندی خبر ئوزی نادان سوزی اما دل دانانی گزور اولمادی منزل اوّلده دیور آب و علف بیر یره دوشسه قوشون نعمت ارزانی گزور او گونی طی اِلَدوخ بیز ایکی منزل بیردن هامی گوردوم یورولوب یاتماغا فرمانی گزور دوه لر یورقون اولاندا گرک ئولسون بالالار ایاق اوسته یومولوب گوزلری رؤیانی گزور اوباشی فرصتیم اولمادی قویام صندوقه یاره لی باشی ددیم کیم شب ظلمانی گزور نیزه اوسته باشی قویدوم یره یان یانه یاتاخ گوردوم اول خیرداجا قیز دوردی قضایانی گزور یوخی حالینده یالاننان یوزومی دوندردیم گورم آخیر ندن ئوتری او لب عطشانی گزور پنجه سی اوسته گلیب اِیلَدی تعظیم اوباشا جرأت ایتمور گوتوره حل معمانی گزور دیزلرین قویدی یره اللرینی ساق سولونا دئدی مدتدی گوزوم بو مه تابانی گزور یوزیوزه قویدی ئوپوب ایله دی تاپدی دوداقون اله بیل صود امرون لبلری پستانی گزور ئوپدی عرض ائتدی خدا عمه مه ده قیسمت اِیله اودا بو قانه بلشمیش لب و دندانی گزور ✍منکلام:مرحوم استاد حاج رحیم منزوی اردبیلی #راه_شام https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr راه شام 📝▪️مرحوم انور اردبیلی کوفه دن شامه روان اولدی قطار اسرا نیزه لر اوسته آی اولدوز کیمی رأس شهدا قولی باغلی چکلوب سلسلۀ آل عبا زینبون مین غمی مین غصه سی واردور دلده اوتوروب غملی رقیّیله سنق محملده مرتضی قیزلارینی زجر آپارور شامه قوناق یول چتین آل پیمبر یورولوب مقصد اوزاق نجه عریان دوه اوسته اوتورار خردا اوشاق داش اورکلر ایله مانعدی اورک داغلیانا تازیانیله نوازش اولونور آغلیانا سوردورور شمر لعین ناقه لری سرعتیله بالالار دشت و بیابانه باخور وحشتیله یول گیدولّر گیجه نی گوندوزی بو حالتیله دام صیادیده بنزولّه پر افتاده قوشا بیر بیریله اولارون فرصتی یوخدور دانشا بوریوب یوزلرینی گوزلرینی گرد و غبار یل اسن وقتیده گیسولرینه شانه وورار نه غذا وقتی معیّن نه سرین سولَری وار کاروان یولدا که هر منزل و مأوایه چاتار یمک ایچمک یادا دوشمز بالالار فوری یاتار بیر گیجه ایتدیله بیر قورخولی صحراده مکان خیمه قوردی اوزینه زجر دنی شمر و سنان سالدیلار سفره غذا میل ایدوب اشرار زمان رختخواب آچدی او بی شرم صفتلر ئوزونه کیم قویوب بالشه باشین یوخی گلدی گوزونه بیر طرفده یاتیشوب لشگر خونخوار و ظلام بیر طرفده اسرا عدّه سی اولدی آرام قولّارین قویدی باشی آلتنا اولاد امام پردۀ ظلمت شب یوزلرینه چکدی نقاب اصغرون دردی اورکده یوخیا گئتدی رباب بیر اوجا نیزه نون اوسته سر سلطان هدا آیدان آرتوق او چولی روشن ایدوب نور خدا او باشا واردی نگهبان نچه مأمور جفا نیزه قالمیش آرادا نقطۀ پرگار کیمی گل زهرانی سالوبلار وسطه خار کیمی گوروم اولسون فلک کج روشون طاقتی طاق او نگهبان نفراتون بیری سویلور بو سیاق یاتدی یولداشلاریمون هامّوسی من قالدوم اویاق ناظریدی اسرائیله کسوک باشه گوزوم گیجه نون یاریسی بو منظره نی گوردوم اوزوم حرکت وار اسرا ایچره یره سایه سالور بیر قزی درک ایلدیم گاهی یاتور گاه اوجالور دیدیم حتماً یاراسی وار یاتا بیلمور چوبالور یاراسی اولماسا یول زحمتینی باشدان آتار گیجه نون نصفی کچوبدور یوخوسی گلسه یاتار من بو فکریله واریدیم اوغم و درده دچار اولدی نیمخیز اسرادن ئوزینی چکدی کنار قیلدی اطرافینه دقت او در کنز وقار وحشتیله یولا دوشدی ایلدی کشف هدف یریدی بارماقی اوستونده کسوک باشه طرف پردۀ ظلمت هجرانی شکاف ایتدی او قز پیچ و خم یولارینی عشقیله صاف ایتدی او قز نیزه نی کعبه کیمی گلدی طواف ایتدی او قز سینه سی اوسته صورا اللرینه ویردی مقام روبروده دایانوب ایتدی کسوک باشه سلام گلدی گفتاره دیدی اول منه دمساز بابا یاره لی باشوه ایله منی همراز بابا نگران اولما سنه ایلمرم ناز بابا گیجه نون نصفی هامی خوابیده دور من اویاقام گلمیشم درگهوه قلبی سنق بیر قوناقام بو گیجه دوشدی او شبدن بابا عشقون باشما دیمدیم سوزلریمی یاوریمه یولداشما آچ او قانلی گوزی باخ گوزدن آخان گوز یاشما آتا هر قدری قیزا لطف ایده اسراف دگل بوینی چگنینده منی ساخلاما انصاف دگل دیمورم صحبت ایدن وقته منه جان دیه سن سیله سن گوز یاشیمی خاطریمی ایستیه سن کرموندن چوخ اوزاقدور منی دیندیرمیه سن قز یتیم اولسا مگر گویلونی آلمازلا بابا دردمندی قاپودان بوش یولا سالمازلا بابا گرچه غارت زده ام قلبیده چوخدور مُحنیم یوزوون تُپراقینی سیلمگه وار پیرهنیم 📕 #پیام_عزا_انور_اردبیلی #راه_شام ✅ متنوع‌ترین متنها و سبکهای ترکی وفارسی در کانال🚩نوحه‌های ناب 🚩 ╭─•═══✿✧☫✧✿═══•─╮ https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ╰─•═══✿✧☫✧✿═══•─╯ ➖➖➖➖➖➖➖➖➖➖

#راه_شام ایشیق گوندوز دونوب شامین یولوندا چون شب تاره علی اکبر باشین گوردی سکینه گلدی گفتاره خم ابرولرون قارداش علی محراب طاعتدور یوزون قبله مقام قربده عشقون عبادتدور تاپوب تجرید کامل قید جسمانیدن عالمده اسیر جذبۀ حسنون موحّد دن عبارتدور یوزیمه اللریمه اشگیمیله شست و شو ویرَّم وضو خون جگردن، اهل عشقه خوش طهارتدور دیَر تکبیر نوک نیزه ده سلطانِ دین باشی نماز عشق رکن و فعل و شرطی اوزگه صورتدور خدایه حمد اولا عهد السته ایلدیم ایفا خطاب آیۀ اوفو جوابی بو اسارتدور ائدر راکع خضوعیله منی بوینومدا کی زنجیر یوزوم اوسته یخار ناقه سجودیم اوزگه حالتدور شهادت ویرم آللهه رسوله تا سلام اهلی بُله آل رسولم حُبّیمیز اجر رسالتدور شکنج زلف شبرنگون سالوب مه صورته حاله قمر عقربده دور یا گون جدا اوسته قیامتدور؟ جمالون سورۀ والشَّمس زلفون معنی والَّلیل سراسر صفحۀ رخساروه قرآن کتابتدور جبینونده ایدوب تیغ جفا شقُّ القمر ظاهر سپهر حُسنده اعجاز پیغمبردن آیتدور خمیده قاشلارون بیر جفت شهلا گوزلرون گویا ایکی لفظ جلاله اسم اعظمدن حکایتدور خم ابرو کنارینده دوشن تک نقطۀ خالون علی بسم الَّلهین آلتیندا کی بادن اشارتدور جمالوندن اگر باد صبا زلفون کنار ائتسه اولار زایل غمیم گر چه ملالیم بی نهایتدور دوزولموش قطره قطره قان سر زلفونده چون مرجان منیم قانه دونن قلبیم غریق بحر محنتدور او قانلو گوزلرون آچ گوزلرون قربانی گل بیر نطقه اسیره باجوی دیندور گجه وقتنیده فرصتدور آچلسا صبح فرصت فوت اولار راز و نیاز اولماز دیله قویماز گلوم من ساربانیم بی مروّتدور سیزیلتمدان گلور غیظه ورار رخساریمه سیلی اؤرکده یوخدی رحمی معدن بغض و عداوتدور یوزیمده نقشۀ سیلی چکوب بیر پردۀ نیلی ایشیق گوندوز منه شامین یولندا لیل ظلمتدور پیاده گلمیشم از بس علی کوه و بیابانی ایاقیم گور نجه خار مغیلاندان جراحتدور قوولّار آت قباقینده ورالّار باشیمه قمری گینه صبر ایلرم عشقونده بو ذلّت جلالتدور «حسینی» نوکروندور نچه آیدور لیک ناخوشدور نگاه چشم پرخونون مریضه عین صحّتدور #سعدی_زمان #راه_شام https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

احوالات راه شام ایشیق گوندوز دونوب شامین یولندا چون شب تاره علی اکبر باشین گوردی سکینه گلدی گفتاره خم ابرولرون قارداش علی محراب طاعتدور یوزون قبله مقام قربده عشقون عبادتدور تاپوب تجرید کامل قید جسمانیدن عالمده اسیر جذبه حسنون، موحددن عبارتدور یوزیمه اللریمه اشگیمله شست و شو ویرم وضو خون جگردن، اهل عشقه خوش طهارتدور دیر تکبیر نیزه ده سلطان دین باشی نماز عشق، رکن و فعل و شرطی اوزگه صورتدور خدایه حمد اولا عهد السته ایلدیم ایفا خطاب آیه اوفو، جوابی بو اسارتدور ایدر راکع خضوعیله منی بوینومداکی زنجیر یوزوم اوسته یخار ناقه، سجودیم اوزگه حالتدور شهادت ویرم آللهه رسوله، تا سلام اهلی بوله آل رسولم، حبمیز اجر رسالتدور شکنج زلف شبرنگون، سالوب مه صورته حاله قمر عقربده دور یا گون جدا اوسته قیامتدور؟ جمالون سوره والشمس، زلفون معنی واللیل سراسر صفحه رخساروه قرآن کتابتدور جبینونده ایدوب تیغ جفا، شق القمر ظاهر سپهر حسنده اعجاز پیغمبردن آیتدور خمیده قاشلارون، بیر جفت شهلا گوزلرون، گویا ایکی لفظ جلاله اسم اعظمدن حکایتدور خم ابرو کنارینده دوشن تک نقطه خالون علی بسم اللهین آلتنداکی بادن اشارتدور جمالوندن اگر باد صبا زلفون کنار ایتسه اولار زایل غمیم گر چه ملالیم بی نهایتدور دوزولموش قطره قطره قان، سر زلفونده چون مرجان منیم قانه دونن قلبیم غریق بحر محنتدور او قانلو گوزلرون آچ، گوزلرون قربانی گل بیر نطقه اسیره باجوی دیندور، گجه وقتنیده فرصتدور آچیلسا صبح فرصت فوت اولار، راز و نیاز اولماز دله قویماز گلوم من، ساربانبم بی مروتدور سیزیلتمدان گلور غیظه، ورار رخساریمه سیلی اورکده یوخدی رحمی، معدن بغض و عداوتدور یوزیمده نقشه سیلی، چکوب بیر پرده نیلی ایشیق گوندوز منه، شامین یولندا لیل ظلمتدور پیاده گلمیشم از بس علی کوه و بیابانی ایاقیم گور نجه خار مغیلاندان جراحتدور قوولار آت قباقینده ورالار باشیمه قمری گینه صبر ایلرم، عشقونده بو ذلت جلالتدور (حسینی) نوکروندور نچه آیدور لیک ناخوشدور نگاه چشم پرخونون مریضه عین صحتدور شاعر : مرحوم استاد حسینی سعدی زمان https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #راه_شام

راه شام دوشدوم گجه نین وقتی عجب مشگله الله رحم ایله منه گوزدن ایتوب قافله الله سالدی منی گوزدن نجه بیر سلسله یارب چوخ یالوارورام دادیمه اکبر گله یارب بس هاردا قالوب گلمور او قاره گِله یارب سالدی بو فلک آیریلیقی یوز ایله الله یوسف کیمی خوشدور منی غملر آپاریدی بیر چاهه دوشیدیم غم دیگر آپاریدی اوردان چخادیدی منی اکبر آپاریدی شاماته چاتیدی یورولان قافله الله هجران داشینی کاش بو صحراده آتیدیم یول یولداشیمون بیرده قوجاقینده یاتیدیم عمرومده قوتارسیدی گیدوب شامه چاتیدیم چون قول ویروب شامه بابامدا گله الله خوشدور که غم و حسرت جاناندان ئولیدیم شامه یتیشوب محنت ویراندان ئولیدیم ای کاش گوریدیم بابامی اوندان ئولیدیم یا اینکه ویریدی منیده حرمله الله آی چخدی گجه ایلیه صحرایه تماشا چولده بیر اوشاق گوردی قاچور یکّه و تنها باشینده قرا معجری وار حُنی دل آرا کیمدور بو بالا چولده دوشوب مشکله الله غم هاله سی گویده آیون اطرافنه گلدی باخدی او قزا گوردی اوزوندنده گوزلدی زلفی بلشوب توپراقا بی مثل و بدلدی خار اوسته قاچور قبلیه ساری چوله الله عیب ایتمه دیسم مختصر آی اندی اشاقه یول گوستره اللهه گوره خردا اوشاقه گوردی بالاجا قزدی قاچور هی صول و صاقه ناگه یتشوب زجر او خونین دله الله اطرافه بیر آز قاچدی او قز قلبی شکسته دوشدی نفسی تنگه اوتوردی یره خسته زجری او زمان غیضیله گوردی باشی اوسته قمچی صاق النده ئوزی بی حوصله الله فوری  او بالا وحشتیلن دوردی یریندن قویدی الینی باشه سلام ایلدی بیردن ویرما منی یا شیخ دید باشلادی شیون روای دیر آز قالدی او چولده ئوله الله من زجره دیدیم غیضیله چوخ کینه ده دورما گل مهر و وفا رشته سینی بو گجه قیرما وار خوردا قیزون اللها باخ بو قزی ویرما باخ صورتینه بنذوری سولموش گوله الله صبر ایله دیدی باری چاتوم قزلارا ئولدور بابامی گوروم قمچیه اوندان دولا ئولدور عمَّم نگراندور منی گورسون صورا ئولدور چولده منی دفن ایلدی شاید هله الله https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #راه_شام #رقیه فایل صوتی👇👇👇 🎤بانوای مرحوم استاد حاج محمد باقر منصوری اردبیلی

تازیانه ویریلیب زجر ستمکار الینه شامه جه وردی اوظالم دینه نی دینمیه نی دولادی قمچیسینه اصغره لای لای دینی زجری گورجک ایاقا دوردی سلام ایلمگه (سلامن جوابی واجبدی، سلامن جوابنا باخ) زجر سیلیسی دینده اوانیس محنه (بیر دفعه باخدی اویان بویانا) دیدی الله عموم عباسی یتور فوری منه بیوک ال دیسه دوشر گورنه حالا خرداجا قیز (یوز اولا رقیه نین او بالاجانازلی یوزی ال اولا زجرین آغر الی ،یوزی اوستونده دوشدی تیکانلارین اوستونه، تیز دوردی ایاقا دیدی) منی ئولدورمه ردیف اسرادن چخلام بیر کسیم یوخدی پناهینده اقلا سخلام یرتیکانلخدی ویرورسان بئله ورما یخلام نجه عرب که اونون قلبی سخدیدی داشدان غذاسی مارو ملخ  بادیه نشین زاده ایاق یالین قاچا عادت ایدیبدی چولرده گچیریب عمرونی وحشیلریله بیداده اوقدری هرزه گیاهی یالین الیله قازب زغال سنگه دونوب ال ایاقی صحراده او الریله ورا رقیه نی گور نیلر گلور هوا باشما یاحسین یتیش داده قیز یامان گونده هرایه چاغرار ئوز ننه سین (گوردولر اوبالاجا بالا الین قویدی یوزونه، یوزون دولاندردی بقیعه طرف،) گل ننه یاندی یوزوم قالدی یاخام الرده سن دوشن درده دوچار اولدی بالان چولرده اوخی بو عرضه می ای سیده پاک تبار سنیلن عرصه محنتده منیم فرقیم وار (نیه بالا؟سنینده یوزوه سیلی وروبلار منیمده) ورولانان صورا سن منزلیوه گلدین آنا خیمه لریاندی ایویم یوخدی گدیم من هایانا نجه سه ساله عاشقی من اوخشادیم اوشاقلارا اوشاق مگر باخا بیلر قانا باتان دوداقلارا سلام او راه شامیده قاباراولان ایاقلارا ادبله سالک وفا رقیه دامنین دوتار رفیق زجر دیور قالمادی توان منده آلاندا قمچی سینی زجرکین شعار الینه هواده قمچینی دوتدوم اوقیز اورکلندی (دیر من که قمچینی دوتدوم ایوی داغلان نه ایشین واردی گورورسن یورولوبدی ورولوبدی قارداشی ئولوب دده سی ئولوب نیه ورورسان بوبالاجا بالا بئله بئله اورکلندی گلدی منیم مرکبیمین ترکینه دیزلریمین آلتنا دیدی آی شیخ سن یاخجی آداما اوخشورسان،قوی سنون حقینده بیر دعا ایلیوم، دییر گوردوم بالاجا الرین قاخیزدی دیدی آی عرب الله سنون بالاوی منیم گونومه قویماسون، الله بالاوی دده سیز المسین، دیدیم خانم قافله لنگه دوشوب گل سواراول ترکیمه ، باباوون یارالی باشی دایانوب سنی آختارور) ویردی جواب یاخجی مروتلی شخص سن اما بویرده منطقیوین اشتباهی وار نامحرمیله بیرآتا مینمز حسین قیزی عمم دیوب بو بیر عملین چوخ گناهی وار (دیدیم بالاجا بالا یول اوزوندی سنده ایاق یالن نینیه جکسن) دیدی بوتیکانلق آراسنان ئوزومه یول آچارام سیز سورون آتلارزی منده پیاده قاچارام 🎤با نوای استاد حاج علی رضا اسفندیاری اردبیلی #راه_شام #رقیه #روضه فایل‌ صوتی👇👇👇 https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

راه شام نه غریبانه دی عمه بیزه بو غملی هوا نا بلددور بو بیاباندا قطار اُسرا قورخودان تیترور الیم ، هی یوزه گوز یاشیم آخور ویر منیلن ال اله ، آی بی بی قلبیم داریخور گوره حاشا بو فلک بیز کیمی بیر در به دری آلتی آیدور دولانور قافله میز شهریلری کربلادنده چتین اولدی بو شامون سفری گزیروک چوللری آواره وطندن آرالی گئدوروک شامه بی بی ، سن یارالی من یارالی بو وفاسیز فلکه قلبیده وار چوخلی سوزوم بئله بیر ظلمیلی دنیایه نه نوعیله دوزوم یومولور آند اولا زهرایه ایاقه اوسته گوزوم سنیمی آل نظره ، غملریمون حدینه باخ اللریم اوسته منیم قمچیلرین ردینه باخ ظلمتین پرده سی حایلدی گیجه گوندوزومه دوه لر آغلیور عمه منیم آغلار گوزومه نه گناه ایلمیشم سیلی ویروبلار یوزومه حاضرم تا ویرا مین سیلی منه قوم ستم تکجه بیر یول قویالار کهف اوخیان لب دن اوپم دوتولار گویده بولوتلار کیمی سینم گیجه لر قورولار دایره ی عشقیده ماتم گیجه لر تیره توپراقلار اولار دردیمه درمان گیجه لر او گچن گونلریمی من گینه یاده سالارام اوتوروب اصغریمه هر گیجه لایلای چالارام عاشقانه آچارام خاطره لر دفتریمی سالارام یادیمه شهزاده علی اکبریمی نازیلن سینه سینون اوسته یاتان گونلریمی گه گولوب گه دانیشوب ئوز ئوزومه گه دولارام بعضاً ال باشه آتوب زولفومی بیردن یولارام منه دشمن وئره گر گویده کی مهپاره لری ساغالار فکر ایلمه قلبیده دیل یاره لری ایستورم اکبر آلان خیرداجا گوشواره لری چون او گوشواره ئورک یاره سینه مرهم اولور قانه ده باتسا گینه اکبریمون عطری گلور خیردا قیزلار گیجه لر رسمیدی بعضاً اویانار یوخی گلمز گوزونه کاسه صبری جالانار اوتورار صبحه جک اولدوزلاری گویلرده سانار منده اولدوز یئرینه بسلیورم غم سسینی سایارام صبحه کیمین قوللاریمون یاره سینی ناقه لر اوسته منی ساخلاماق انصاف دگول یئر تیکانلیقدی گرگ خاریله یولداش اولا گول قوی گزوم پای پیاده بو چولی ، آغلاما گول بو محال امریدی شخصیتیمی غم دئیشه بابا وای دیلده گرک شامه جنازه م یئتیشه سن خیال ائتمه ئورک ملک سلیمانی گزور یا ملکلر دولانان جنت الاعلانی گزور کربلادندی گوزوم منزل ویرانی گزور علتی وار او یئری گورمگه قلبیم تله سر چون بابام قول وئروب شامیده دیداره گله ر یوخ سوزوم ایندی منیم دردیله یا شیونیلن آلتی آیدور یولا یولداشلیق ائدورسن منیلن نچه سوز وار ئورگیمده دئیورم من سنیلن قلبیمون غملرینی سنله گینه بولملیم بئله فکر ائلیورم شامیده من ئولملیم منه ویرانه اگر حشره کیمین اولسا مکان جان وئرن یئرده منیم قبریمی قاز ائتمه فغان سویله سجادیمه وئرسون باشیمون اوسته اذان قویمامیش قبره ، قسم وئرم آخان گوز یاشیوا یارلی پیکریمی عمه دولاندیر باشیوا چک اول اللروی قمچی دگن اللریمه آغلاما یوللارا حسرتله باخان گوزلریمه گلسه غساله یقین غسل ائلمز پیکریمه قالما آواره علاج ائت گل نیلوفریوه کفن آختارما بی بی ، بوک منی ئوز معجریوه یوزومه یئرده کی توپراقی سپن وقته دی وای بو گوزل اوخشامانی وئر هامی عالملره پای یارلی قبره گئدن نازلی رقیم لایلای بو بلاکش بالا یوللاردا چوخ اینجیتدی سنی قویما شرمنده ئولم عمه حلال ایله منی ** #رقیه #راه_شام استاد کربلائی بهزاد قاسمی اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr