https://eitaa.com/nabnohe1 لینک کانال نوحه‌های ناب آیدی مدیر کانال @nohekr

روضه حضرت علی اکبر(ع) اوجادان آغلامارام اشکیمه عالم بویانا قورخورام یاتمیش اولا طایرِ روحون اویانا گَله لعنت منی اوز اوغلوما حسرت قویانا نوجوان داغی یاماندور علی قربانون اولوم بلبلم گُل سوزینی قویسالا مین ایل دیرم بال و پَردن توکولن گوگلومه بِسمل دیرم نقدر عجز ایدرم ، دیندیررم ، دل دیرم دیمیسن بو نه فغاندور علی قربانون اولوم #اکبریه https://eitaa.com/nabnohe1 لینک کانال نوحه‌های ناب آیدی مدیر کانال @nohekr بانوای حاج مهدی علیزاده تبریزی

https://eitaa.com/nabnohe1 لینک کانال نوحه‌های ناب آیدی مدیر کانال @nohekr

‍ شجاعت حضرت علی اکبر(ع) نجه غافل سچه بیلمز ابداً خیر و شری موصلون وعده سینه طارق اولوب مست و جری گیتمگه رزمه اولوبدی متمایل نظری ولی ایکاش اولیدی او جواندان خبری تا بیلدی نوه ساقی کوثر کیمدی چالنوب طبل و دهل طارقه گتدی هیجان قالخدی زین اوسته ویریب مرکبینه بیر جولان نحس اولان آغزین آچوب نعره چکوبدی اوجادان یتیشوب خیمیه سس لیلینی ایتدی نگران یوز دوتوب زینبه سسلندی بو کافر کیمدی زینبین دامنینی دوتدی خانم دیده سی تر دیدی ای فاطمه نون نخلینه ارزنده ثمر الوی قوی سینمه گور نجه قلبیم تیترر اکبریم تکدی سیز الله ویرون عباسه خبر گوره میدانیده بو مرحبه بنذر کیمدی گیجه ده داده چاغیردوم گل نیلوفریمی دیدیم ای نازلی رقیّه اود آلوب پیکریمی گیت ابوالفضله دی تک قویما علی اکبریمی من اوتانّام آپار آت مقدمینه معجریمی معجره باخسا بیلر صاحب معجر کیمدی ترک ایله خیمه لیلانی قلم اکبره باخ روبرو رزمیده بیر اکبره باخ کافره باخ قبضه قابض الارواحیده دون اللره باخ گُرز زوبین و سنان و سپر و ششپره باخ گل گورک کیمدی سرافکنده مظفّر کیمدی گرمدور کوره آتشکده جنگ و جدل مستراً اولونور تیغ و سپر ردّ و بدل فکرلرده یارانوب خاطره جنگ جمل سیز تصور ایلیون طارقی میداندا هُبل من سیزه عرض ایلیوم حیدر دیگر کیمدی دست پرورده عباس حسینون گوزلی طارقی گوردی نجه تیغه طرف گیتدی الی ایله بیل کعبه ده حیدردی کی ووردی هُبلی شاهرگدن اونا بیر ضربه ایله ووردی علی کوفیلر ایلدیلر اکبری باور کیمدی ایکی اوغلی واریدی طارقون اول لشکرده آتانون لاشه مردارینی گورجک یرده جاهلیت قانی جوشلاندی بوتون رگلرده ایتدیلر حمله غرض غیضیله ال خنجرده گوره لر تا کی ویرن طارقه کیفر کیمدی گیچورم رزمگهون شرحینون عنوانیندن بیرینه بیچدی کفن خنجر عریانیندن بیرین اما نجه کی دوتدی گریبانیندن ایله ووردی یئره جان سبقت آلوب قانیندن الله الله دیدی لشکر بو غضنفر کیمدی صورا بیر قدری باخوبدور سپه کفّاره گوردی هیچ کیمدی توان یوخدی گله پیکاره باد پاییزی گوروبسوزکی اَسَر اشجاره حمله ور اولدی او نوعیله علی اشراره بیلمدی حیف اولا کی قاتل اصغر کیمدی کوفه نون هرزه روان لشکرینه ووردی ئوزین منقذون من دیمورم یاخچی بیلمر هامی سوزین اکبرین تار ایلدی گوزده ایشقلی گونوزین بیلمورم من نجه ووردی ولی قان دوتدی گوزین اندیرن بیلمدی کی باشینه خنجر کیمدی یوز دوتوب تلّه ویریب سرور بطحایه سلام اکبرین آلدی ادبلی سسینی شاه اَنام مرکبه اولدی سوار ایتدی رکاب اوسته قیام گورجگین اکبری بیردن دیدی عباسه امام مرکب اوستونده ووران ساق صولا لنگر کیمدی ایکی قارداش ایلیوب ترک خیم دیده سی تر اولدوزون باشینون اوسته یتیشوب شمس و قمر اکبرین باشین آلوب سینیه صراف گهر ئوپدی بیر قانلی گوزین بند دل پیغمبر دیدی آچ گوزلروی گور گلنلر کیمدی قاریشور گوز یاشیم آخدوقجا سنون گوز یاشوا سوزون اولسا دی گیدیم منده دیوم قارداشوا کیم ووروبدی گوزلیم غیضیله خنجر باشوا ایشلیوب خنجرینون یاره سی باشدان قاشوا اوغلی القانه بویانسین وورانی هر کیمدی https://eitaa.com/nabnohe1 لینک کانال نوحه‌های ناب آیدی مدیر کانال @nohekr ** #اکبریه استادحاج حسین غفاری اردبیلی

‍ خروج امام از مکه خبر شهادت مسلم (ع) و گریز به شهادت علی اکبر(ع) ‍ خروج امام از مکه خبر شهادت مسلم (ع) و گریز به شهادت علی اکبر(ع) ترک ائتدی کعبه نی شرف ماسوا حسین شوقیلن اولدی عازم دشت بلا حسین سِلم حقیله ما ملکیندن اوزوبدی ال یار ایستین بلایه دیویدور بلی حسین ایتدی قبول مجلس شور الستیده سرمایه سین کتابته ویرسون فدا حسین جان نقدی الده باشلادی پیمانینون یولین راهی اولوب دیار غمه بی ریا حسین هودج نشین ائدویدى بنات مکرّمین قیلدی حریم عصمتی بیر بیر دعا حسین فرمایش ایتدی بیزلره یثریدی گر وطن اوردان آلاردی عطر تن مصطفی حسین جبر زمانه باعث اولوب دودمانیدن مرغ قطا مثالی اولوبدور جدا حسین بو کاروان عشق که منزللری گزور بیهوده کوچ ویرمور اونا رهنما حسین آگاه اولون که آخریمز کربلالیدی اوردا وصال یاره چاتار مقتدا حسین تاب ایلیون مشقّت راهه دارخمیون آشفته اولماسون ئوره گوز ساغدی تا حسین طی ایتدی کاروان غرض ئوز پر بلا یولین نی تک ایدردی خلوت شبده نوا حسین تا منزل زروده یتوردی قطارینی درک ایتدی بیر مسافری میر هدا حسین فرمایش ایتدی کوفه لی سن سویلدی بلی بیت خدایه عازمم السّاعه یاحسین قیلدی سئوال وار نه خبر شهر کوفه ده عرض ایلدی مرارت بی منتها حسین گلمور یوزوم اولان سوزی واضح بیان ایدم آزرده ایلیم سنی ای پیشوا حسین باشون ساغ اولسون ایلدیلر مسلمی شهید نعشین وروب قناریه اهل جفا حسین مظلوم امام داغلی جگردن چکوب بیر آه شدّتله آغلادی بو غمه جابجا حسین فرمان ویروب دیدی گتورون مسلمون قیزین قیلسون اونی حدیث غمه آشنا حسین تئز گتدیلر قوجاقینه آلدى ئوپوب گوزین نازین چکوب دعا ایلدی هاکذا حسین ایتدى خدیجه سید الاحراریدن سئوال ای مقتدا مدبّر ارض و سما حسین علّت ندور که لطفوه چوخ شاملم دائی غم رمزی وار بو لطفیده یا اینکه لا حسین اولما ایویم یخلدی بابام گئتدی گلمدی اشرار کوفه قیلدی منی بینوا حسین باهم قوجاقلاشوبدی آی اولدوز ملشدیلر ایتدی او غملی منزلی بزم عزا حسین فرمایش ایلدی بو قدر آغلاما قیزیم بیلمز سنی رقیّه قیزیندان سَوا حسین عمروم نه قدری وار چکرم نازوی بالا اولماز محالیدور سوزینه بی وفا حسین چرخ فلک دولاندی نه چوخ اضطرابیلن عشقون قطاری مقصده چاتدی شتابیلن عترت چادرلارى قورولوب پر بلا یئره باخادیقجا غبطه ایلدی چشم سما یئره محرملرین کجاوه دن اندیردی تا حسین عطر جنان یایلدی او محنت فزا یئره نوبت چاتاندا محمل صدّیقه زینبه گوز یاشی جاری ایتدی ولیّ خدا یئره عبّاسی سسلیوب دیدی گل ای وفا سیر سن زینبی کجاوه دن اندیر اخا یئره من فاطمه نشانی باجیمدان خجالتم من باعثم او گلدی بو غصّه نما یئره سرعتله طی اولوبدی زمان چاتدی صبح عشق سجّاده سالدى پیر و جوان جانفدا یئره اکبر اذان ویرنده نمازه دایاندیلار آرتردی جلوه نغمه ی یا ربّنا یئره وقت شهادت اولدی گیندی هامی کفن آز قالدی خون عشق یاراتسون صفا یئره اوّل ئوز اوغلی اکبره قیلدی حسین خطاب قان جلوه سین اوغول ویر ئوزون ابتدا یئره قوى اکبر عشقه اکبریم اولسون فدا منیم ویرسون سنون رگونده که قان اعتلا یئره لیلا گولی امامینه لبّیک سویلدی روحی پر آچدی گوگلره بی اعتنا یئره الله اکبر عشقینه جانین ایدوب نثار جوشدی سوزولدی یاره لریندن دما یئره جاندان دوشنده مرشدینه ویردی بیر سلام دعوت ایدوب او حضرتی پر ابتلا یئره گلدی حسین جوان بالانون باشی اوستونه گوردی دوشوبدی قانینه غلطان بالا یئره جان جان دیدی سوروندی داغلمش گوله ساری یورقون بالا یانندا اوزاندی آتا یئره قربان اولوم دیدی بولنن آلنوا اوغول سن سیز توکولمیور نیه بس نُه سما یئره گورسه سنی بو حالدا اگر قدسیان على ایوای دئیر یارالی دوشوب مصطفی یئره باخدوقجا باشوه سالورام یاده بیر گونی محرابیده یخلمشیدی مرتضی یئره افسوس او قاره گوزلروی قان هوروب بالا سینسون او ال که یخدی سنی بو فنا یئره سینونده سینمش آینه نون نقشی وار على یا درّ نابیدور داغیدوب اشقیا یئره شیرازه سیز کتابه جنازون چوخ اوخشیور اوراق ایدوب سپوبلر اونی گوئیا یئره حمل ایتمگه بو دوغرانان اعضانی خیمیه یوخ آیری یول گرکدی سرم بیر عبا یئره صحن چمنده گول ئووقین باغبان یغار اولماز رضا ایاقلانا گول ناروا یئره من بلبل اولموشام گوزلیم بیر عبا گوله درد دلیم یایوبدی نوای عزا یئره https://eitaa.com/nabnohe1 لینک کانال نوحه‌های ناب آیدی مدیر کانال @nohekr ** #اکبریه استادسید تقی سیفی اردبیلی

حضرت علی اکبر  (ع) بو  نئجه  گوندی   طلوع   شب   یلدا   ایلیوب عالمی    نور    رُخی    وادی    طوی     ایلیوب قالوب  حیرتده   عدو    بیر بیره  نجوا  ایلیوب دئدیلر    اکبره    هر کیمسه   تماشا     ایلیوب بشر   اولماز    بیله   اکبردی   تجلا      ایلیوب الحذر     الحذر      اول    طره ی    طراریندن یوزمین   عاشق   دلی   آویزیدی  هر تاریندن خر    موسی   صعقا       پرتو      رخساریندن بودور    عیسایه    وئرن    دم دم   گفتاریندن کی  او دم  مرده ی  صد ساله نی احیا  ایلیوب قاریشوب  بیر بیرینه  لشکر  اوجالدی سخنی قالدی   دریای   تحیرده    گوروب   قوم  دنی ظلمت   محضه   وئروب  نور او  جمال حسنی هاردا  قالموش   او  دِیَن  طوریده   ربی  ارنی گوره     پیدا    اوزینی     لله   الاعلا     ایلیوب بیر  نظر  عارض  آل    و   خط   خالینه  باخان قالوب    حیرتده    دیردی   بودور  حی   منان لامکان  کرب و  بلا   دشتینی  ایلوبدی  مکان بو یقین سوزدی  دیولر کی گورونمز   سبحان لن ترینی    اشیدوب    موسی   تمنا    ایلیوب قسم     اللهه    بو     الله    دگور     حیدر دور باشدا     امامه سی    امامه ی   پیغمبر     دور خَلقاً و خُلقن  و   نطقاً   بو    همان   سروردور دئدیلر   یوخ   بو حسین  اوغلی  علی اکبردور آتاسیندان   کی   جهاد    اذنی   تمنا    ایلیوب دل      عشاقه     خم     طره لری       قاتلدور کی  بونا  عاشق   اولان  طائفه  خونین  دلدور مشک    آهوی ختن  قاندان   اولان  حاصلدور جلوه   یوسفده   ائدن  حسن   نه آب و گلدور پرده ی   عصمتی   صد  پاره   زلیخا    ایلیوب ابن سعدون حق ایوین  یخسون آچوب جنگه  علم بودو    نقاش  وئرن    نقشینه    هر   آنیده دم روح الارواحدو    بونسوز کی   عدمدور    عالم عدم    آیینه ی    لا دور    بو     وجود     اکرم لای   نفییله   چو    اول   صورت    الا   ایلیوب بیر قوی دشمنی   ئولدوروب  اول   تازه جوان ویرمیوب    حیدر   کرار تک     اعدایه     امان قیدوب  خیمه لره   عرض  ایلدی ای بابا جان جایزه  ایله کرم   گر   سووا   وارونسا   گمان کون   و   ماکانه  سیزی حق اوزی سقا ایلیوب اوپدی  شاهینون  الیندن کی  او  شهباز سفید عطش ئولدوردی منی عرض ائدوب ای شاه  وحید بیر علاج   ایله   هلاک ائتدی   منی ثقل حدید سوسوز اول دم گوروب اوز اوغلینی هادی رشید گوشه ی  چشم     عنایاتیله      ایما    ایلیوب دیلینی  ویردی  اوغول آغزینا خشک  و تریلن مهر    ایدوب    هیکل  توحیدینی  انگشتریلن چون  کمیل   ابن   زیاد     نخعی      حیدریلن کوکبا     قد     طلعا    صبح    علی     اکبریلن نکته    باریکیدو چون   بیر بیره  نجوا   ایلیوب مرتبه    مرتبه    زندیق    دو   عشقیله    طباع بس  مطیعدون  اوغول ایندی اولوبسان مطاع گلدی مقصود و حقیقت  اله دفع  اولدی صداع گئت   اوغول خیمه ده  بیرده  ایله لیلانی وداع خرمن  عمرینی   هجرون  اودی  یغما  ایلیوب گلدی   میدانه   مبارز    طلب  ائتدی  او جوان بیر  یهودی نئجه  ناگه  ائدوب  حمله  دالیدان قلیجا    وردی    علی   اکبرون   آلنیندا   مکان یول با یول هاشمی خال اوستن آخوب قرمزی قان وه    نه   شق القمر   آسانیمیش  اعدا  ایلیوب باشینون   قانی   اولوب   عارض   آلینه   نقاب قولارین بوینونا سالدی دئدی دورما ای عقاب سالما     بو    یئرده   منی خیملره  ایله  شتاب قالمادی  منده جهاده  داخی  بیر طاقت و تاب گوزلری    یولدا   آنام   ایندی   مصلا   ایلیوب بیر نفر  اولمادی   اول  وقته   گیره   آرخاسینه یاره  کاریگر  اولوب  زینی باسوب سینه سینه بیر الین   قویدی  مبارک  باشینون  یاره سینه قوزانا   هرچی  ائدوب   دورماقا جرئت اوزونه خرد    عمودیله   بلین گوردی  او ترسا ایلیوب قیلدی   بو حالیده   حمله  گینه بیر آیری شقی گوردی  آت  اوسته  اوتورماقیله یوخدور رمقی دوشدی   آئینه ی  حقون  یئره  گلگون شفقی داغیلوب    چوللره     قرآن   مجیدون    ورقی دوشدی   آتدان   یارالی تپراقی  ماوا   ایلیوب کربلایه   باش آچوخ  گلدی چو  پیغمبر  اوزی قوملار اوسته  یخلوب گوردی  علی اکبر اوزی کیمیا تک   اثری   وار   ولی  یوخ  پیکر  اوزی عرش  نیلی دن  او دم گوردی شه خاور اوزی قره    توپراقی    قیزل    قانی   مطلا    ایلیوب آزدی   واللهی    آخا   هر  مژدن  صد  جیحون نوح   وار    ایلیه    عالملری   مستغرق   خون علی  اکبر   کیمی   عالمده   خدایا     اوغولون قطعه قطعه   آتا    آناسی  گورن  وقته  اکنون پیکرین     صبر   و   تحمل   نئجه  آیا  ایلیوب لطف    ائدر   روز   جزاده   او شه  تشنه  لبان وار   امیدیم   وئره  هر   بیتیمه  بیر بیت جنان ندی    جنات    اوزی    اولمیا    اوردا    جانان سنی تحسین  ایلیه سویلیه  ای جان ای جان

آفرین    نطقوه   (( بیضا ))  ید   بیضا    ایلیوب https://eitaa.com/nabnohe1 لینک کانال نوحه‌های ناب آیدی مدیر کانال @nohekr ** #اکبریه استاد مرحوم میرزا صادق بیضا اردبیلی

ایله بیر غملی آنانین غمی تحریر اولماز https://eitaa.com/nabnohe1 لینک کانال نوحه‌های ناب آیدی مدیر کانال @nohekr *** #اکبریه مرحوم استادحاج مختار نخستین اردبیلی

عشق چیست؟اشاره به زبانحال لیلا به سر مبارک حضرت علی اکبر (ع) عشق بیر کلمه ی پر شوریدی تفسیر اولماز عشقه پابند اولان عالمده زمین گیر اولماز عاشق صادق اولان شخصیده تقصیر اولماز على ابروی کجون تک ایتی شمشیر اولماز باده ی شهد وصالوندن ایچن سیر اولماز کعبه ی عشقه گیدوب سعی و صفا ایله موسن سن نیه عاشقووه مهر و وفا ایله موسن دردمندون بالا دردینه دوا ایله موسن منه بیر بوسه جمالوندن عطا ایله موسن یانوب عشق آتشینه لیلی نجه پیر اولماز یل دگور توپراق الور گور نجه لیلا باشینا من نجه نی ده باخوم بلبل شیدا باشینا دشمن ئولدوردی سنی کول اولا دنیا باشینا ال آتوب روضه ی رضوانیده زهرا باشینا بوندان آرتوق او کسوک باشووه تقدیر اولماز یوسفیم باشووه قویمولّا زلیخا دولانا گله پروانه کیمین غمزده لیلا دولانا قویمیا گردنووه زلف سمن سا دولانا حقی واردور آنوون باشینه دنیا دولانا ئولمه سم من بو سنیق قلبیمه تعمیر اولماز ماه رویونده اولان دانه ی خال حبشی کیم دیردی او قرا خالووی قانه بلشی دولانوم باشووه ، ای حق یولونون پیشکشی یوزووی گورمگه بیگانه ایدر کشمکشی هر تماشاچی باخار گوزلرووه سیر اولماز یاره لی باشه اوغول مسکن اولوب نوک جدا باشوون یاره سینه خاک رهون قویدی دوا او گوزل گوزلره حسرتله باخور میر هدی زلف چین چینوی چین چین ایلیوب باد صبا چین و ماچین ده حتى بیله تصویر اولماز نه گوزل نقش ایلیوب حسنووی نقاش ازل سن کیمین تازه جواندان على لیلا چکوب أل نیزه داری یوخیا وئرسون اگر اولسا محل نیزه دن دوش یئره بیرده منیم آغوشیمه گل زلفوون گردی کیمین لیلیه اکسیر اولماز قان دوتان تل لره وورّام مژه دن شانه على باتا مژگانیم او باشوندن آخان قانه على یتیره لیلینی بلکه سر و سامانه على شمع رخسارووه بی شک اولا پروانه على پر پروانه یانا شمعیده دلگیر اولماز نهضتین حلقه ی زنجیرینى دوت شیر کیمین قاشلارون اگریدی ویر دشمنه شمشیر کیمین ویر خدنگ مژه دن قان توکه نه تیر کیمین قانلو زلفون دولاشوب بوینوما زنجیر کیمین طاق ایوان عدالتده بو زنجبر اولماز هر دم آچ قانلو گوزون باخ گوزوون قربانی گوز یاشیملان یووارام قانلو گوزوندن قانی فرض قیلما علی بیگانه کیمین لیلانی وئرمرم بیر توکووه وئرسله گر دنیانی نجه لیلاده اوغول ناله ی شب گیر اولماز بیلورم من على بو نهضتون آینده سی وار شهدانون بو گوزل نهضته پرونده سی وار زینب عمّون کیمی شاماته نماینده سی وار لیلى تک حیف اولا گیسوی پراکنده سی وار زلفیدن که علی صولموش یوزه ساتیر اولماز کسیلوب چاره م علی دردیمه چاره گزورم آخور حسرتله گوزوم یاشی عذاره گزورم قلبیمون یاره سی چوخدور گینه یاره گزورم برج نی لرده بالا خوردا ستاره گزورم یوخی دور بو ، نه معبّر گله ، تعبیر اولماز باخورام نیزه ده شهلا گوزه قلبیم دوتولور قان آخوب ردّ سالوب گول یوزه قلبیم دوتولور یتیشن وقته گئجه م گوندوزه ، قلبیم دوتولور علّتین بیلمیورم هر سوزه قلبیم دوتولور بو خیالاتیمه هئچ نسخه ده تأثیر اولماز مجمر عشقیده سن سیز یانورام عود کیمین چیخار آهیم فلکه پخش اولونار دود کیمین تار دل ناله ائدر نغمه ی داوود کیمین یوخدی بیر دادرسیم حضرت معبود کیمین باخماسا بنده لره لطفی سرازیر اولماز گزورم چوللری آواره لر آواره سیَم من ئوزوم چاره سیزم چاره سیزون چاره سیَم آسمان ادبین ثابت و سیّاره سی سیَم تیر آهیم داغیدان ابرلرون پاره سیَم منیم آهیم کیمی هچ ابر یاران تیر اولماز تار مویون کیمی تیترر ئوره گیم تاری علی گزورم سندن ئوتور چوللرى داغلاری علی سالما گوزدن منی چوللرده سنی تارى على نه نه قربان دیله گل منله دانش باری علی نی ده سن ، ناقه ده من ، فرصت تقریر اولماز چکمیشم سندن ئوتور ال سر و سامانیمدن خبرون یوخدی مگر قلب پریشانیمدن چوللرون وحشی سی ناله ائدر افغانیمدن باغلارام یوللاری سیلابه ی طوفانیمدن یوللاری آچماقا هئچ کیمسه ده تدبیر اولماز فاطمه یوسفی یوسفدن آلوبسان باجی آنون اولموش على بیر باخماقوون محتاجی هانسی شهزاده قویوب باشینه قاندان تاجی؟ دوشوب آردونجا گزور فوج بلا آماجی سنی صید ایلیه لر سن کیمی نخجیر اولماز چوخ باخور نیزه ده اسماعیلینه ابراهیم یاندیرور قلبیمی عالیمدی منیم اللهیم گون چیخوب ابره پناهنده اولوبدور ماهیم چتر آچوب باشوون اوستونده دومان تک آهیم آی ، بولود آلتدا قالاندا بالا تسخیر اولماز کربلا قالمالیدور عالم اگر اولسا فنا شوره یئردور ئوزی ، وار اوردا ولی آب بقا دفتر عشق که منشورینی یازمیش شهدا قلمی قرمزی قان ، مکتبی دور کرب و بلا قان یازان جمله پوزولماز زَبَری زیر اولماز یاز (( نخستین )) بالا دردین چکه بیلمز آناسی گوره غلطیده اولوب قانینه نورس بالاسی قان وئرور صفحه ی رخسارینه باشدان یاراسی هارا گئتسون ایله مظلومه آنا وار هاراسی

سعدی زمان: #حضرت_علی_اکبر_ع #مرحوم_استاد_حسینی_سعدی_زمان #در_بالین_حضرت_علی_اکبر_ع از اشعارِ چاپ نشدهء مرحوم استاد سعدی زمان گلمیشم ای گوزلریمده نور اوغول آچ گوزلرون من غریبی قویما دل رنجور اوغول آچ گوزلرون گوزلرون قربانیَم ای سروِ نازیم ایتمه ناز آچگوزون نازیله یاتما ای جوانِ پاکباز دور گیداق باهم یولون گوزلور خواتینِ حجاز گر دگلوسن دورماقا مقدور ، اوغول آچ گوزلرون سن گلنده لیلی ووروموشدی صفِ مژگانیله زلفوه شانه ، سرشگِ چشمِ خون افشانیله ئولدورر ایمدی یوزون آغشته گورسه قانیله دولدورار دشتِ عراقی شور ، اوغول آچ گوزلرون اگلشنده من اوتورمازدون یره ای با ادب عادتون عکس ایتموسن ایمدی نولوب آیا سبب من ایاق اوسته ، یاتوبسان سن علی یاللعجب اولموسان بو شیوه دن سن دور ، اوغول آچ گوزلرون شیشهء عمریم اولوب سنگِ جفائیله شکست ایلیوب ویرانه گوگلومده خدنگِ غم نشست ایله باری بیر نگاهیله سن ای آهوی مست بو شکسته گوگلومی معمور اوغول آچ گوزلرون هر او تیریکه کمانِ قومِ اعدادن گیچوب ظاهرا" بو گُل کیمی صدپاره اعضادن گیچوب باطنا" هر نوکِ پیکان قلبِ لیلادن گیچوب قلبین ایلیوب خانهء زنبور اوغول آچ گوزلرون چوخ آتانون بو جهاندا نوجوان اوغلی ئولر من کیمی امّا هاچان آغلار یانار دشمن گولر بیر خدا بیرده نجه یانّام باجیم زینب بولر بیرده سن باخسان بولرسن ، دور ، اوغول آچ گوزلرون وار سنه بیر پایه ده عشقیم که حیرانم اوزوم سن منیم جسمیمده جانیمسن سنه جانم اوزوم سن باتوبسان قانه گویا قانه غلطانم اوزوم جامِ غمدن اولموشام مخمور اوغول آچ گوزلرون نیزه و خنجر بنای مجلسِ شورا قوروب قتلیوه فرمان یازوب نوکِ خدنگ امضا قویوب زینبی زلفون کیمی آشفته بو طغرا قویوب آغلادور دنیانی بو منشور اوغول آچ گوزلرون باشیوه تیغیله بیر جدول چکوب قومِ کَفر گوستروب بو جدولیله نصّ والشَقَّ القَمَر تیغ و تیریله قویولموش نقطه و زیر و زبر اولموسان قرآن کیمی مسطور اوغول آچ گوزلرون چاک ایدوبدور صفحهء جسمون جراحاتِ خدنگ صفحهء عالَم منه سنسیز اولوب زندانِ تنگ واردی منظوریم ، سوزون سیلسون دلیمدن بیرده زنگ قویما قالسون دلده بو منظور اوغول آچ گوزلرون وار سنون باشونداکی یاره کیمی دلده یارام سندن ئولسمده یقین آیریلمارام آهوی رام کوفه و شام و حلبده نیزده سنله وارام چکسه هر یان دشمنِ مغرور ، اوغول آچ گوزلرون قلبیمی جسمون کیمی قانیله محشون ایلمه زادهء لیلا ، منِ محزونی دلخون ایلمه قان اولان گوز یاشیمه باخ قلبیمی خون ایلمه حالیمی اشکیم ایدور مذکور ، اوغول آچ گوزلرون ویرمَسن سس ، غصّه مرگ اولّام علی ، سس ویر منه قویما گلسون نعشون اوسته بو اوغولسوز شیونه ایلوری سعد اوغلی طعنه آغلادوقجا من سنه اولما راضی من اولوم مقهور اوغول آچ گوزلرون بیر اوزون مدّت (حسینی) چکدی زحمت روز و شب خدمتینده اولدی عالی منصبیله منتخب قویدی (سعدیّ زمان) آدین وار اوندا بیر سبب من (حسینی) ایلرم مشهور اوغول آچ گوزلرون. یا : من حسینی ایلرم محشور اوغول آچ گوزلرون. زبانحال امام حسین (ع) در بالین حضرت علی اکبر (ع) . مرحوم حسینی سعدی زمان . ای منای کربلا قربانی گَلدیم آچ گوزون جدیمه آئینه ی جسمانی گَلدیم آچ گوزون . . مُشکیدن گُلدن فزوندور نکهت زلفون یوزون لاله تک پر خون اولوبدور نرگس شهلا گوزون چوخ علاقم وار سنه بو سرّه آگهسَن اوزون من بو شهلا گوزلرون قربانی گَلدیم آچ گوزون . . ای گُل نورسته ی گُلزار آل بوتُراب بو امامت قوّه سیله قالمیوبدور منده تاب بس نجه دوزسون بو غمده لیلی خانه خراب ای غمی مجنون ایدن لیلانی گَلدیم آچ گوزون . . تا سسون گَلدی اَلیمدن گیتدی تاب و اختیار صورتیمده برملا گورسَندی حالِ احتضار رحمیسیز جلّاد اَلینده اولموسان بُلدوم شکار گورماقا بو دوغرانان اعضانی گَلدیم آچ گوزون . . آسماندور یا بدن بو دوغرانان عَظم و لُحوم؟ گوز دولاندوردوقجا مرئی دور درخشنده نجوم ایلیوب سنسیز منه دورت بیر طرفدن غم هجوم ای ایدن تیره منه دنیانی گَلدیم آچ گوزون . . زخم شمشیر و سِنان از بس گیچوب اندازه دن 💫حضرت علی اکبر(ع)💫 لیلا گورنده اکبرینون قانلی پیکرین اوخشاردی گوئیا بو قراریله اکبرین توپراقلار اوسته یاتما بیله زخمدار اوغول دور گور آنان نه نوع ایدر آه و زار اوغول سنسیز منیم ایویم یخلوب عزّتیم گیدوب دیجور تک اولوب گونوزوم تیره تار اوغول دور و برونده عمّه لرون گورنه آغلاشور آل رسوله محشر اولوب آشکار اوغول آغلار باجون سکینه یانار وا اَخا دیَر باخدوقجا قانلی نعشیوه زلفین یولار اوغول قاندان دولوبدی نرگس مستون پیاله تک

گوردوقجه گوزلرون اولورام اشکبار اوغول شبرنگ زلفوه دوزولوب قطره قطره قان ایلر گوزوم بو زلفیوه مرجان نثار اوغول لب تشنه سو یانندا سنی ایتدیلر شهید اشکیم اودور آخور یوزه بی اختیار اوغول بیر گُلستاندی نعشون آچوب قانلی یاره گُل گلچین ایدوبدی گلشنیمی تار و مار اوغول گُل برگی تک وجودون اولوبدور ورق ورق هانسی گُلی بو حاله سالوب جور خار اوغول سنبل کیمی گُل اوسته چاتوب باش باشا خدنگ چوخ آغلادور منی بو چمن گُلعذار اوغول جسمون بویاندی لاله کیمی قانه حشره تک داغ فراق قویدی منی داغدار اوغول قربان سنه اوزوم، نجه من صبر ایدوم دوزوم قالموب گوگلده طاقت و صبر و قرار اوغول هانسی شل اولموش اَل سنی سالدی بو حالته قویدی منِ فلک زده نی دلفکار اوغول نازیله یاتما گوزلریمون نوری آچ گوزون لیلانی گور نه حاله سالوب روزگار اوغول قول باغلی دستگیر گیدور شامه، سال یولا یوخ سندن اوزگه کیمسه منه غمگسار اوغول نوک جداده شامه گیدیر نازنین باشون جسمون قوری یِر اوسته قالوب بی مزار اوغول سن تک آنانین اُلسه جوان اوغلی حقّی وار گوز یاشی توکسه عارضه لیل و نهار اوغول دل آچمارام شکایته چون حق رضاسیدور بیله سُووبدی حضرت پروردگار اوغول سن حق فداسی سن، بو بیابان منای حق حمد ایلرم بو باره ده من بی شمار اوغول هاجر پیچاق یِرین گوروب اوغلوندا غشّ ایدوب جاری سرشکین ایتدی چو ابر بهار اوغول لیلایه باخ باخار یارالی نعشیوه سنون روحی بدندن اولموری امّا کنار اوغول آغلار سنه حسینی ایدر ماتمون عزیز دنیاده آخِرتده اونی قویماز خوار اوغول 🌷مرحوم استاد حسینی سعدی زمان🌷 #حسینی_سعدی_زمان #بالین_حضرت_علی_اکبر_ع نه یاتموسان گوزون آچ ، ای گوزوم ضیاسی اوغول مگر قولاقیوه یتمور آتان صداسی اوغول؟ ایاقه دور الیمه ویر اولون خیامه گیداخ ایاقلاریم یریمور ای اَلیم عصاسی اوغول دوشور خیالیمه اوضاعِ مسجدِ کوفه آتام یاراسینه بنزور باشون یاراسی اوغول یارالارون هَره سی بیر قیزل گُله بنزر بو کربلا چولونی دولدوروب صفاسی اوغول بو سرو قامتی رحم ایتمیوب یره یخدی نه بی مُروّتمیش کوفه اشقیاسی اوغول سزادی لیلینی دردون اگر ایده مجنون دوام ایدر بونا هانسی اوغول آناسی اوغول یارالی قلبیمی دوندرمه قانه ، ناز ایلمه اولا کومکسیز آتان گوزلرون فداسی اوغول ادب یولی بودور ای منبعِ کمال و ادب؟ آتا دورا اوزانا نوجوان بالاسی اوغول ایاقه دور آپاروم کولگه یرده یات راحت یارالیسان بو یرین ایسّدور هواسی اوغول دیردیم ئولسم اگر ، سن منه کفن ایده سن بو فکری عکس ایلدی حکمت اقتضاسی اوغول آنان خیامیده آغلار دییر اوغول ایوای چخوبدی نُه فلکه نِی کیمی نواسی اوغول قلجلاریله اولوب بند بند گُل بدنون نه جسمدور بو؟ که وار شکلنون نماسی اوغول ایکی ایل اولدی (حسینی) دوشوبدی بیر درده نه آدی وار بو دردین و نه دواسی اوغول حکیم لر قالوب عاجز ، ویرنموری تشخیص ولی بیزیم اَلیمزله اولور شفاسی اوغول. التماس دعای فرج 🍀🌹حضرت علی اکبر علیه السلام🌹🍀 مرحوم حسيني سعدي زمان منای عشقه گیدیرسن چوخ ایتمه سرعت اوغول فدای حق قوی ایدوم اول جماله زینت اوغول گوزیوه سرمه چکوم، زلفیوه ووروم شانه ترحّم ایلیه شاید بو بد جماعت اوغول منیم جهاندا گوزیم نوری، عزّتیم سنیدون عزیزلیقیم دولانوب ایمدی اولدی ذلّت اوغول آلوب قراریوی شوق وصال مجلس یار ایدر شهادتوی حالتون حکایت اوغول باشول گَل دولانوم گیت آنان فدا بویووا باشوی سینمه قوی ایله بیر محبّت اوغول سولوبدی گُل کیمی رنگون، باخاندا گُل یوزیوه یتور بو قلبیمه آثار درد و محنت اوغول ایده لّه جسموی صد پاره گُل کیمی کیتسَن نجه قویوم گیده سن ای گُل امامت اوغول سن اولماسان منی شمر لعین اسیر ایدر دیار شامه چَکر فرقه ی ضلالت اوغول نجه دوزوم، نه قبیله، نه ایل، نه واردی پناه وطن دگل آناوا بو دیار غربت اوغول آتان ویروبدور اجازه دیَنمرم گیتمه که تک قالوبدور او شاه فلکِ جلالت اوغول طوی ایتمَدیم سنه، ناکام اوغول آنان اُلسون بو قان اولان اوره گیمده قالوب چوخ حسرت اوغول سنی گر اُلدوره لر بیل یقین ایویم یخولار اولار خمیده آنان قدی سرو قامت اوغول جدایه وورسالا گون تک بو نازنین باشوی قیام ایدر منه بو دشتیده قیامت اوغول گیدورسن عمّه وه تاپشور من فلک زدنی گیدنده شامه ایده حالیمی رعایت اوغول کفن گرک اولا بو چولده طوی لباسی سنه یازوبدی لوحه ی تقدیره کلک قدرت اوغول اولار بو دشتیده طوی حجله گاهی قبر سنه گلوب حسینی ایدر قبروی زیارت اوغول 🌹 روضه حضرت علی اکبر (علیه السلام) قوجا آتا گوره جان اوسته نوجوان اوغلین قالار نه حاله آتا گورسه اول زمان اوغلین حسین نه حاله قالوب بُلمورم، خدا بُلوری گورنده جدّی شبیهی جوان اوغول اُلوری او حالی هر گوره نین اختیارینی آلوری قلجلانوب باشی، قان ایچره اَل اَیاق چالوری بدنده یاره لری چشمه چشمه قان ویروری نفس باتوب، گوز آخوب، توپراق اوسته جان ویروری

ایکی اَلیله گوتوردی امام دل خسته آلوبدی پارچالانان باشینی دیزی اوسته سیلوبدی گوزلرینون قانینی اولوبدی ملول بویوردی آچ گوزون ای جدّیمون شبیهی اوغول سحر ستاره سی تک تیز غروبه یتدون اوغول قویوب غریب آتاوی تک بو چولده گیتدون اوغول شل اولسون اَلری کیم ووردی باشیوه شمشیر بو یاره نون ایدوری سوزی قلبیمه تاثیر گُل اوزلی تازه جوانیم آنان گوزیندن ایراق ایدوبله پیکریوی برگ گُل کیمی اوراق نه قَدر سسلدی دیندوردی سیّد الشّهداء جواب گَلمدی، بیر صیحه چکدی وا وَلَدا اوغول باشینی گوتوردی باسوب اورک باشنا سووومادی اورگی، شدّت اولدی گوز یاشنا باشین قویوب یره اشکیله دولدورب گوزینی اوغول جنازه سی اوسته سالوب او شه اوزینی یوزین قویوب یوزینه قان قاریشدی گوز یاشنا دیدی اوغول اولا توپراق بو عالمین باشنا غریب آتاندا عزیزیم نه تیز بیله دویدون اوزون گیدوب منی دشمنلر ایچره تک قویدون او قدری آغلادی، سس چکدی، ایلدی شیون باخوب او حالینه اودلاندی سنگدل دشمن گوروردولر اوغولون زخم جسمی قان ویروری باخان او حاله دیردی حسین جان ویروری اوغول یوزیندن ایدنده یوزین امام کنار ایدوب نظاره نه گوردوله قوم کینه شعار آتا محاسنین ایلوب خضاب اوغول قانی او حالی وار یری یاندورسا کون و امکانی بو شاهزاده حسینی حسینه سوگُلیدور شبیه ختم رسل گلشن وفا گُلیدور شاعر : مرحوم حسینی سعدی زمان #اکبریه https://eitaa.com/nabnohe1 لینک کانال نوحه‌های ناب آیدی مدیر کانال @nohekr