🏴شهادت امام حسن (ع)زبانحال حضرت زینب(س)به مادرش وگریزبه کربلا🏴 اولدی مونس منه عالمده بو گوز یاشیم آنا گَل بعقیدن نه مصیبتدی چکور باشیم آنا زهریلن صولدی ائوینده نئجه قارداشیم آنا پاره پاره جگری قانیله طشته سوزولور زینبین اللری قارداشدان آنا جان ئوزولور گئجه نین عالمی سسلندی باجی گَل ئولورم جگریم زهریله یاندی صولا ساقه دونورم طاقتیم یوخ اَرییوب شمع کیمین دای سونورم ئوز ائوینده ننه گول تک سارالوب صولدی حسن گئت خبر وئر دئدی قارداشلاریما ئولدی حسن یانارام عمر بویی زهریله جسمی اَسنه ئوز ائوینده ننه مظلوم اولان اوغلون حسنه لعنت اولسون بالووین تاب و توانین کسنه جان وئرن لحظه دونوب چوخ نگران باخدی منه سوزولن گوزلرینی حسرتیلن یومدی ننه ننه قارداشیم ئولوب غملر اگوبدی بئلیمی غم و غصّه بورویوب دورمی طایفا ائلیمی غملی بیر منظره قان ایلدی یانمش دیلیمی قبره تابوتی گئدن وقت بالووین گُول بدنین اوخلیوبلار ننه قانه بلیوبلر کفنین زینبین طالعیدی غصّه چکوب غم داراسین ایندیدن وردی فلک قلبیمه قارداش یاراسین دئمرم باشیمه سالدی ننه قارداش قاراسین قورخورام غم یغیشوب باشیمه بیردن توکوله گئده قارداشلاریم الدن ننه قدّیم بوکوله یاخامی غم تانویوب سینمه اوخ تک باتاجاق سرنوشتیم دولانوب کرب و بلایه چاتاجاق منی قارداشلاری ئولموش باجیلاره قاتاجاق منتظر اُول ننه یات قبریده تا دینجله سن قتلگاهه یخلان وقته بالون تئز گله سن دئمیرم من او زمان زینبیوین دادینه گل یا که زینب دو‌گولن وقتیده فریادینه گل او چوخور یئرده آنا اوغلووین امدادینه گل کسیله گر یارانین رگلرینین قانی چیخا باجی نیلر گوره قارداش سورونور جانی چیخا کئچوب ایلّر دولانوب اولدی او گون اهل عزا گلدی گوداله خانم فاطمه باشینده قرا ددی اوغلوم جانووا فاطمه نین جانی فدا بوغازوندان توکولن قان آنوین جانین آلوب بدنون قوملارین اوسته باشون اللره قالوب یاز (( سیامک )) دوتولوب تیره و تار اولدی هوا سان وئروب خیمه لره نیزده شاه شهدا خیمه لرده بالالاردان اوجالوب آه و نوا وقت غارتدی گَلن ، هر اوشاقا قمچی آچور آت دوشونده بالالار دشت و بیابانه قاچور ** ✍سیامک پیرمحمدی سهزابی #هفتم_صفر #شهادت_امام_حسن_علیه_السلام

‍ زبانحال امام حسن (ع) به امام حسین (ع) ‍ زبانحال امام حسن (ع) به امام حسین (ع) آغلاما ای آغلادان دنیانی قارداش آغلاما مجتبی آغلار گوزون قربانی قارداش آغلاما من اولوم قربانی بو گوزدن آخان گوز یاشوین احتضار حالینده پوزما حالینی قارداشوین ایندیدن آچما باشون وار چوخ بلاسی باشوین آغلادان سن سن آنام زهرانی قارداش آغلاما ایلمه شور و نوا توکمه سرشک آلوی وار دوزوم منده گورم صولموش جمال آلوی؟ یا آنام زهرا دوزر گورسه بو پوزقون حالوی؟ یا باجیمدا صبر وار امکانی قارداش آغلاما توکمه اشکون دامنه گلمه فغان و شیونه دوره ده ایستکلیلر وار آغلیان چوخدور منه آغلاما سن وار یری من آغلیام قارداش سنه یاد ائدم بیر محنت عظمانی قارداش آغلاما گل قولون سال بوینوما صبر ایله باتما یاسمه سن توکنده گوز یاشون غم یوز وئرر عباسمه جان سنون جان قاسمون ایله آتالوق قاسمه قویما آرتسون شیون و افغانی قارداش آغلاما بیله جان وئرماق منه خوشدور دیزون اوسته باشیم باشیم اوسته آغلوری سن تک عزیز قارداشیم بی سبب آخمور یوزه بو حالتیمده گوز یاشیم یاد اولور کرب و بلا میدانی قارداش آغلاما آل طاها گورموسن آیا تیکوبلر گوز سنه سن توکنده اشکیوی یکسر گلوللر شیونه دوزمرم علّت بودور مطلب مُبَرهندور منه یاده ساللام قانلی بیر صحرانی قارداش آغلاما امر تقدیر و قضادور گلمسون هرگز عجب قلبیم اوتلاندی یانور سو ایچماقیله نصف شب ظهر عاشورا ولی سن جان وئرنده تشنه لب قان اولار نهر لَبَن پنهانی قارداش آغلاما یله جان وئرماق بو عالمده دگل هرگز چتین زینبیم بیر کاسه شیر الده دوروبدور دلغمین سن دینده العطش اما دیر شمر لعین سسله گلسون اول شهِ مردانی قارداش آغلاما گر چه من جان اوستیم اما فغانون یوخ یری دوغرانوب بیر لب جگر سالمدی عضوین چوخ یری نه اؤرکده داغ اکبر نه بدنده اوخ یری نه یارامون جوشه گلمیش قانی قارداش آغلاما نه قوری یردور یریم نه رختخوابیم خاک و خون نه داغیلمیش پیکریم نه زخمیم اَنجُمدن فزون نه باش اوسته خواهریم نه سینم اوسته شمر دون نه اوجالمیش عترتیم افغانی قارداش آغلاما سن باخوب بو طشته یانما توکمه چوخ اشک بصر من باخوب بیر طشته یاننام ساللام آفاقه شرر سن گورورسن طشت ایچینده لختۀ خون جگر من کسیک باش قانلی لب دندانی قارداش آغلاما دفنیمه مانع اولار بُولّم بو قوم بی تمیز راضی اولمام قان توکولسون ائتمیون اصلا ستیز دوت ابوالفضلین الیندن قویما چکسون تیغ تیز صبر قیلسون اول شجاعت کانی قارداش آغلاما بوینونا قول سال قوجاقلا اوپ اوزون قوللارینی بوردا صبره امر ایله سیل چشم گوهر بارینی ساخلاسون دشت بلایه تیغ آتشبارینی برهم ائتسون تا صف اعدانی قارداش آغلاما بیر ایله همت او گون عباسدن ایلر بروز روزگارین چشمی گورمز مثلینی گورموب هنوز سو دیله وورماز چیخار پر موج دریادن سوسوز یاد ائدر چون اصغر عطشانی قارداش آغلاما نطق «شأنی»، «طوریه» هر چند اولماز هم طراز لیک ایستردی اولا شاعرلر ایچره سرفراز اولدی اول استاد کامل مطلعیمه نغمه ساز آغلاما ای آغلادان دنیانی قارداش آغلاما ** ✍مرحوم حسین شأنی #هفتم_صفر #شهادت_امام_حسن_علیه_السلام

🏴نوحه امام حسن مجتبی علیه السلام ✍بقلم کربلایی طاهر نوروزی 🎼سبک: ای کربلانین صود امر جیرانی اصغر... زهر جفادن لبلریم اودلاندی زینب دور گورنجه جگرلریم دوغراندی زینب سس ویر آماندی حاليم یاماندی بعدآتام بیش ایل خلافت‌ ایلدیم من عدل و عدالتله امامت ایلدیم من خلقی ره حقه هدایت ایلدیم من سس ویر آماندی حاليم یاماندی دورگورنجه گل تک باجی رنگیم سولوبدی زهر جفادن. گوزلریمه. . قان. تولوبدی زهرا. آنام. فردوسده. زلفین یولوبدی سس ویر آماندی حاليم یاماندی جدیم پیمبر شال غم سالیبدی باجی دورگور بالالاریم یتیم قالیبدی باجی زهر جفا مندن توان آلیبدی باجی سس ویر آماندی حاليم یاماندی نقشه لرین اجرا ایدوب قوم شقاوت اهل جفاده سن بیلورسن یوخ مروت اوز همسریم ایتدی منه بودم خیانت سس ویر آماندی حاليم یاماندی سس گله قارداشلاریم بو غم سرایه جانیم سنه قربان اولا گلمه نوایه آغلاماقیوی ساخلا سن دشت بلایه سس ویر آماندی حاليم یاماندی نوروزی یازاول دم اورک داغلادی زینب گوردی حسن احوالینی آغلاردی زینب ایوای دیوب باشه قرا باغلادی زینب سس ویر آماندی حاليم یاماندی ___________ #هفتم_صفر #شهادت_امام_حسن_علیه_السلام http://eitaa.com/torkiy

#روضه_شهادت_امام_حسن-(ع) #زبانحال_حضرت_زینب_(س) گلون ای اهل عزا ایندی حسنن دانشاق چوخ غریبانه ئولوب درد ومحنّن دانشاق گئتمیوب رزمگه، باشینی دالدان کسلر قاتل ئوز محرمیدی ائوده ئولنّن دانشاق قورویان لبلرایلن سسلدی امدادیمه گل باجی زینب ئولورم دهریده فریادیمه گل گلدی زینب اوزمان قارداشنون محضرینه گه باخوردی حسنه گاهی باخور همسرینه دئدی قارداش من ئولیدیم نه گلیبدی باشوا گوردی قان هاله سالوب قارداشنون لبلرینه دئدی قارداش نه گلیبدی باشوا ایله بیان یاتانا اوخشویوسان گوزلرون آچ بیرده اویان زینبون خواهشنه اوردا حسن گلدی دیله دئدی زینب حسنونده گمیسی باتدی گیله منی مسموم ائلیوبلر باجی یاندی جگیرم اولماسا زحمت اگربیربالا طشت حاضرایله طشتی آماده ائدوب زینب کبری او زمان طشتی دولدوردی جگرپارسی اطرافینی قان زینبون آهی اوجالدی دئدی ای وای ننه جان حسن ئولدی حسن ئولدی یانورام های ننه جان دئدی یا فاطمه گل اوغلون حسن جان وئریری ننه لازیمدی دیسون اوغلونا لای لای ننه جان ای سعیدی سوزی قورتار دئمه تابوتینه اوخ ننه زهرا بیله بو مطلبی هیچ طاقتی یوخ ✍(سعیدی) #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

#شهادت_امام_حسن_مجتبی_ع #غریب_مدینه #بقیع «تا خاک لحد بستر وجه الحسن اولدی دنیاده حسینون سوزی ایوای حسن اولدی» یارب گینه غم باده سی جام دله دولدی گلزار محبت ده وفانین گولی سولدی زهرا ائوینه ناله و شیون سسی دولدی غم تیرینون آماجی امام حسن اولدی «دنیاده حسینون سوزی ایوای حسن اولدی» بیر آیری بلا بابی اولوب زینبه مفتوح هر کیمسه اونی درک ائده دلدن اولی مجروح گوردی جگرین قارداشینون طشتیده مطروح بیر ناله ائدوب غم دل سوزانینه دولدی «دنیاده حسینون سوزی ایوای حسن اولدی» عرض ائتدی باجون لبلریوون قانینه قربان قلبونده اولان شعله ی سوزانینه قربان آغلار بالاوین دیده ی گریانینه قربان اهل حرمون گوزیاشی دُرِّ ثمن اولدی «دنیاده حسینون سوزی ایوای حسن اولدی» سسلندی باجی آغلاما ائتمه بئله افغان یوخدور بولورم ایندی منیم دردیمه درمان وئر قارداشیما فوری خبر تا گلوب الان گورسون منیم احوالیمی عشقیم علن اولدی «دنیاده حسینون سوزی ایوای حسن اولدی» قارداشینی دیدار ایلیه قارداشی گلدی شاه شهدا یعنی حسین قارداشی گلدی بولدی شرر ظلمه یانوب قارداشی،گلدی مسموم جفا بند دل بوالحسن اولدی «دنیاده حسینون سوزی ایوای حسن اولدی» آلدی او شهین دوره سینی عترت اطهار شهر اهلی گلوب اولدولار آل اللهه غمخوار بو رسمیدی ماتم زده نین گویلون آلاللار عکس بو عمل کرب و بلا ده ندن اولدی «دنیاده حسینون سوزی ایوای حسن اولدی» درد اهلینه واضح دی ندور بو سوزه منظور گودال دوشور یادیمه ایلور منی معذور یوخ چاره گرکدور یازیلا تا اولا منشور آماج بلا تیری گل پنج تن اولدی «دنیاده حسینون سوزی ایوای حسن اولدی» شه گوردی گل عمری سولور برگ و بوداقدان اود قالخوری دیندیقجا خدا! تشنه دوداقدان سالموش اونی اکبر غمی بالمرَّه ایاقدان عرض ائتدی الهی دئمورم من سُووَن اولدی «شکر ایلیورم دلده خدا سن سُووَن اولدی» بداهه ✍دلجو #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

 نوحه امام حسن مجتبی (ع) (سبک : یا امام زمان شیعه ده احساسه باخ) ویر    خبر    زینبیم     داده    حسینم  گله لبلریمدن   آخان    زهریلی    قانی   سیله جگریم     یاندی گل                    قلبیم    اوتلاندی   گل یاحسین جان (۴) ئولورم   آی   باجی  داده  حسینی  چاغیر جگریم  دوغرانوب   اولدی  مصیبت  آغیر بیش یاشیندان  باجی باشیوه  غملر یاغیر جگریم     یاندی گل                    قلبیم    اوتلاندی   گل یاحسین جان (۴) آنامز     یوخ     باجی    ای   آناما      نایبه صبر    ایله    آغلاما  صبره   اولان   قایمه سنه    قربان   اولوم  عاقله  سن    عالمه جگریم     یاندی گل                    قلبیم    اوتلاندی   گل یاحسین جان (۴) گیت خبر  ویر باجی ئولدی حسن یاحسین باد محنت اسوب صولدی چمن یاحسین غسل  قیل سن اوزون  ایله کفن یاحسین جگریم     یاندی گل                    قلبیم    اوتلاندی   گل یاحسین جان (۴) قوی حسینیم    گله   باشلیا  تا   یاسیمی گوگلوم  ایستور گورم  قهرمان عباسیمی دی  آتان جان  ویرور  یاسه گله  قاسمی دی حسینیم    گله    باشلیا    تا  یاسیمی جگریم     یاندی گل                    قلبیم    اوتلاندی   گل یاحسین جان (۴) زهر دشمن   منیم   یاندوروب   اکبادیمی اوجادیب   گویلره   غصه لی    فریادیمی جعده   ایتدی   یتیم    ظلمیله    اولادیمی جگریم     یاندی گل                    قلبیم    اوتلاندی   گل یاحسین جان (۴) أسه  صرصر  يلی گلشنه تئز ؛ گل  صولار زهر    ایدیبدر   اثر   طاقتیم    الدن    آلار عدنیده   فاطمه     باشینه    قاره     سالار جگریم     یاندی گل                    قلبیم    اوتلاندی   گل یاحسین جان (۴) بالامی گیت  گتیر  قویما گیلان  آغلاسین قویما  هجران  غمی سینه سینی داغلاسین دی  حسینیم  اونی اوغلی کیمی ساخلاسین جگریم     یاندی گل                    قلبیم    اوتلاندی   گل یاحسین جان (۴) ** علیرضا  علوی #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

آغلا امام حسنه ✍کربلایی قدرت چوپانی (مشعل) ای گوزیم قانیله دول آغلا امام حسنه اله گوزیاشی جگر داغلا امام حسنه آغلا مظلوم آقاما زار و مغموم آقاما آغلا بو سروره که یوخدی ئورک داغلیانی قبرینون اوسته شهادت گئجه سی آغلیانی باش آچوب شام غریباندا عزا ساخلیانی یاس دوتان یوخدی بقیعده او غریب وطنه ای گوزیم قانیله دول آغلا امام حسنه آغلا بو شاهه که دوران اونی مظلوم ائلدی سیندیروب قلبینی دشمنلری مغموم ائلدی ئوز اوینده ئوز عیالی اونی مسموم ائلدی جعده نین ظلمی سالوب رعشه زمین و زمنه ای گوزیم قانیله دول آغلا امام حسنه بئله بیر جور و جفا هاردا گورر چشم زمان ئوز ائوینده بیرینه اولمیا امنیت جان بو نه عادتدی خدایا فلک هرزه روان توش ائدور فاطمه اولادینی تیر محنه ای گوزیم قانیله دول آغلا امام حسنه بیرینه سو وئروری قلبینی قان ایلیوری بیرینه گوشه زندانی مکان ایلیوری سو کنارینده بیرین تیره نشان ایلیوری دائما باد جنایت اسیلور بو چمنه ای گوزیم قانیله دول آغلا امام حسنه برگرفته از کتاب 📚فرزانگان هستی #شهادت_امام_حسن_مجتبی_علیه_السلام #هفتم_صفر #بیست_هشتم_صفر

‍ شهادت امام حسن مجتبی علیه السلام #کانال_باب_الحوائج http://eitaa.com/torkiy ئولورم یانیمدا اگلش جگریم یارادی قارداش منه بو مدینه مسکن سنه کربلادی قارداش یته جاق تمامه صبریم قالاجاق خرابه قبریم حسنین مزاری پوزقون قالا گور روادی قارداش اولاجاق سنون مزارون بیوک عزته سزاوار گله جاقدی دسته دسته او گوزل مزاره زوار اولاجاق منه نه زائر نه مجاور و پرستار قالاجاقدی توزلی قبریم ایشیم آه و وادی قارداش پوزولان مزاریم اوسته گلن اولسا کام آلانماز یاخونا گلوب او پنمز دایانوب دوروب قالانماز اوزینی مزاریم اوسته گوزی یاشلی بیر سالانماز گوراو یاسیله او حسرت نجه غمفزادی قارداش سنی یاد ایدوب گلنلر قالاجاق یانوندا ایمن منیم اولسا ایلده بیر یول گلنیم اگر معین دویه جاقلا قبریم اوسته کوره جاقدی جور دشمن یاناجاقدی مدفن ایچره حسنین فوادی قارداش گلن اولساقبری اوسته حسنین ده گاه گاهی گوزی قبریمه دوشنده اوجالار فغان و آهی دیسه درد دل دویه لر کیم اولار اونون پناهی گور او حسرت و او ذلت قوناقا روادی قارداش سنون آل هاشمیله اولاجاقدی اتفاقون ووراجاقدی عرشه طعنه حرمون گوزل رواقون گیجه گوندوز ایللر یله اولا جاقدی چوخ قوناقون هامی عالمین پناهی او متین بنادی قارداش سنون آلتی گوشه قبرون اولی عرش تک معلا گلی دسته دسته زایر دیر اوردا وا حسینا بو جلالت و بو عزت منه قسمت اولماز اما سنون عزتون اگر چه منه مدعادی قارداش یاتاجاق ایاقون آتدا سنیله علی اکبر ایده جاق غبار قبرون گوزه توتیا ملک لر بالوی ایاقون آتدا دیه جاقدیلار گورنلر بو یاتان جوان اوغولدی او قوجاآتادی قارداش اولاجاقدی نچه قارداش سنون اوردا هم جوارون یاتا جاقدی سینون اوسته یوزی قانلو شیر خوارون اودی سری آلتی گوشه اولاجاق سنون مزارون سنه قبریده هم آغوش ایکی مه لقادی قارداش غم غربتیله گرچه دلیمه شراره سالام بو نا دلخوشام ولیکن آنامین یانیندا قالام بیر علیل بوینی یاره بالاوی کناره آلام ایکی اوغلیدا یانیمدا گوزیمه ضیادی قارداش نجه که فلکده طالع اولی ماهلیه ستاره اولاجاقدی قبرون اوسته ایله گنبدو ستاره ولی بیرنفر تاپولماز چکه قبریم اوسته قاره اگر آغلادا بو نسکل آنامی بجادی قارداش منیم ایتدی بیر ایچم سو جگریمی پاره پاره سنه سو تا پولماز اما جگرون چکر شراره سو دینده قان ایچینده وورااهل کینه یاره بلورم بنی امیه نجه بی حیادی قارداش آنامیزا مهر اولوبدور یر اوزینده هر نه سو وار آدی سو منیم نصیبیم دولی زهر بیر سبو وار داخی کیم دیر جهاندا بو سو لار دا آبرو وار اود اولیدی کاش ازلدن قویولان سو آدی قارداش بو حسینه ایلیوبدور ایکی قارداشی وصیت بیری مجتبادی گوردی وطنینده درد غربت بیری کربلا چولینده باشا باش بدن جراحت دیدی آخرین نفسده سنه جان فدادی قارداش بودی آخرین سوزوم ای شه یثرب و تهامه نقدر ساقام یتشموب نفسیم منیم تمامه منی بوردا قوی آپارما شهدا کیمی خیامه نظرون آپارماق اولسا بیوک ابتلادی قارداش قورویان سو جامی الده سو دیلنده دیده خدنبار بلوسن منی گوزتلور خیمونده آل اطهار گوره بلمرم رقیه سو دیر یانار سیزلدار بو ئولوم او خجلتیمدن منه چوخ روادی قارداش بو وصیتمیده وار دور بلوسن بیر اوزگه علت هله بلموری بو حالی بو گروه پست فطرت بله لر اگر یخلدیم تاپار اهل کوفه جرئت هله مانع جسارت بو یاتان لوادی قارداش اوزماندا تاپدی خدمت قزلیم عیار کامل که ایکی قولوم کسیلدی دیشیم اولدی مشگه حامل او قدر او مشکه خاطر منه اوخ ورووب ارازل بدنیم گورورسن اوخدان پر آچان همادی قارداش بو سوزونده وار #حسینی نه فنون شاعرانه نه صنایع بدیعی نه رموز ماهرانه صله مجتبادن ایسته ایله بو سوزی بهانه ئولورم یانیمدا اگلش جگرم یارادی قارداش ✍حسینی سعدی رمان #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

🏴شهادت امام حسن (علیه السلام)🏴 . 🎶سبک_ویرانه_ده_نازلو_بالام.... .. ✍مرحوم نادری میانجی .. ای مجتبایه جسم و جان یاتما اویان زینب زهرا الوبدور ناتوان یاتما اویان زینب .. .. .. .. تجدید اولوب فصل عزا ای بزم غم آرا دوغراندی دل یاندی جگر گلمز آنام زهرا دور قارداشون جان اوسته دور ای زینب کبرا یوخ حالیمه من تک یانان یاتما اویان زینب .. .. .. .. دوشدی بلایه گور باشیم ای باشیمون تاجی یاندوم منه ایله علاج ای مهربان باجی دور توک عذاره گوز یاشون ای غملر آماجی ای بخت و اقبالی یاتان یاتما اویان زینب .. .. .. .. دور گور سموم زهردن غم کاسه سی دولدی باد خزان أسدی گنه گل غنچه لر سولدی گیچدی چراغ فاطمه قاسم یتیم اولدی قلبیم اولوبدور لخته قان یاتما اویان زینب .. .. .. .. ئوز محرمیمدور سینه مه سنگ جفا آتدی گور اشعثین نادان قزی عقباسنی ساتدی رحم ایتمیوب سو ظرفنه زهر ستم قاتدی یاندوم باجی دور سنده یان یاتما اویان زینب .. .. .. .. جان اوستیم ناز ایلمه آچ گوزلرون قربان دور سن حسینه ویر خبر ای زینب نالان جان تاپشورور سویله حسن ای شاه مظلومان ای خیمه سی تالان اولان یاتما اویان زینب .. .. .. .. قارداشلارا ایله خبر ، خوار اولماسین یاسیم تیز ویر خبر گلسین باجی ؛ غیرتلی عباسیم بیدار ایله گورسون منی ؛ بیکس بالام قاسیم قوی باشلانا شور و فغان ؛ یاتما اویان زینب .. .. .. .. کلثومی گیت بیدار ایله ؛ ای باجی سن تیز گل عباسی ایله باخبر ؛ ای یاسمن تیز گل دی کربلا سردارینه ئولدى حسن تیز گل جسمیم آلیشدى الامان ؛ یاتما اویان زینب .. .. .. .. گوردی اویانمور زینبی، غم جامه سین سویدی دوشدی حرارتدن حسن ، چون جاندن دویدی خم اولدی زینبله حسن بیر یوز یوزه قویدی آهسته سسلندی امان یاتما اویان زینب .. .. .. .. بیر قطره گوز یاشی دوشوب، زینب اولوب بیدار حول اولدی بیچاره باجی بیلمور ندور اسرار فرمایش ایتدى مجتبا، دور ای منه غمخوار مهمانوم ای باغری قان یاتما اویان زینب .. .. .. .. عرض ایتدی قربان جانوه ، ای نوگل حیدر رنگون کبود اولموش ندن ای سبط پیغمبر علّت ندور آواره سن هم جسم و جان تیترر چوخ سسلوسن روح روان، یاتما اویان زینب .. .. .. .. یاز نادری زهر ستم یاندوردی زهرانی ملک نجفده آغلادوب اول شیر یزدانی ئولدى حسن غمگین ایدوب چون آل طاهانی غم شرحنی ایله بیان ، یاتما اویان زینب #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

✔️شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان  جمالیوه  زینب  قربان گوزون آچ قویما  تیر مصیبتون بو  قلبی بولسون حسن بو نه حالتدی  قالموسان زینبون  ئولسون حسن ای غرق بلا و اَنین یاندیردی منی مُحنین زهرین  اَثرینده سنون گل تک گُویریب  بدنین « قربانین اولوم حسن » یاندیم یا فاطمه دِئمه  یاندی  قلبیم  سوزوه حسرتلی  باخما  زینبه ، زینب قربان گوزوه محنتونده  بو  بی کسی یاندیریب  یاخما حسن دردون گلسین منه ؛ بئله نیسگیلی  باخما حسن آلامیوی بیلم اَخا گوزیاشیوی سیلم اَخا باخ  زینب غمکشیوه گر باخماسان ئولم اَخا « قربانین اولوم حسن » دردونده راضی اولما من  گوزیاشیمی اَلِییم صبر ایله  بو  یانان  دلهَ  بلکه  چاره اِلِییم چون زینب  عادت  الیوب  وای  دیوب آغلاماقا چوخداندی اُورگنوب  باجون  یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » ✔️رامین محمد زاده(پریشان) #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

🏴احوالات امام حسن مجتبی(علیه السلام)خطاب به خواهرش زینب(سلام الله علیها)🏴 ✍اثرطبع؛؛کربلایی ودود آذرین خلخال 🎶سبک:اصغریم ای شیرین زبانیم... زینبیم یار و غمگساریم غملیدی دلده کی سرودیم جعده بیر ظلم ایدوبدی تزگل اود دوتوب خرمن وجودیم دور باجی غم چاقیمدا فریادیمه گل اود دوتوب یاندی جگریم دادیمه گل باجی یاندیم ... اولولاندیم۴ طشته باخ لخته لخته قاندی باشوه قاره باغلا زینب پارچالاندی جگر دایانما گل من زاره آغلا زینب گلشن عمریمی خزان ویردی باجی دشمنین کینه سی منی یوردی باجی باجی یاندیم ... اولولاندیم۴ ایش باجی گور هارا یتیشدی من غریب اولدیم اوز ایویمده محرمیم اولدی خصم جانیم ظلمیله سولدیم اوز ایویمده غم سوزین سویلمه حسین قارداشیما بیلمسین تا نلر گلوبدی باشیما باجی یاندیم ... اولولاندیم۴ حالیمی گورسه غیرتیندن اوزگه حاله قالار ابالفضل بیلسه کیم قاتلیمدی زینب انتقامین آلار ابالفضل سویله اود خیمیه ظلّامه سالماسین غیرتین دشت کربلایه ساخلاسین باجی یاندیم ... اولولاندیم۴ ۱۴۰۳.۰۶.۱۰ #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

🏴🏴🏴🏴🏴 نوحه،،،،زمزمه رحلت پیامبر(ص)وشهادت امام حسن(ع) ✍شعراز: کربلایی محمدرضامحمدی(ناعم) 🌲🌲🌲🌲🌲🌲🌲 وقت عزایتیشدی،،ای شیعه گل نوایه گِی قاره بزم غمده،،آماده اول بُکایه ▪️▪️▪️▪️▪️ بزم عزاقوروب گون،،رخت عزاگیوب آی حیدرجنانداآغلور،،،زهرادیلینده لایلای گاهی دیوربابام وای،،گاهی دیوربالام وای هراوخشامادینده،،،لرزه سالورسمایه ▪️▪️▪️▪️▪️▪️ پیغمبرگرامی،،،گوزیومدی بوجهاندان نوحه سسی اوجالدی،، هرپیروهرجواندان جَبریله اهل معنا،،،آیریلدی دلستاندان بزم عزاقوروبدی،،،عشق اهلی مصطفایه ▪️▪️▪️▪️▪️▪️ بیرآیریغم ائدوبدی،،قلب بتولی مغموم زهریله مجتبانی،،جعده ائدوبدی مسموم جان وئردی ئوزائوینده،،دوم امام مظلوم گوردی اوحالی زینب،،غرق اولدی آه ووایه ▪️▪️▪️▪️▪️▪️ احمدغمینده اولدی،،ماتمســـــــــرا مدینه اولدی حسن غمینده،،،غرق عزا مدینه ایلوربوغمده الآن،،،آه ونــــــوا مدینه آغلورحسین مظلوم،،،آلام مجتبایه ▪️▪️▪️▪️▪️▪️▪️ ملتمس دعا،،،محمدی ناعم #شهادت_حضرت_رسول_اکرم #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

۞﷽۞ ۞﷽ ▪️زبانحال خضرت زینب س به امام حسن(ع) 🎼سبک : قاره پرچملر اسنده... آچ گوزون یاتما حسن جان آی کیمـی باتمـا حسن جان زیـنـبـون آتـمـا بـیـلـه ایوای حسن ایوای ایوای حسن ایوای صبریمی قارداش غم آلدی قـلـبـیـمـی آلامـه سـالـدی حـالـیـوه یـانّنـام ایلـه ایوای حسن ایوای ایوای حسن ایوای سـاغـر صبریـم جـالانـدی قلبیمین دور باشی یاندی گوزیاشیم دوندی سیله ایوای حسن ایوای ایوای حسن ایوای چالما قـارداش ال ایـاقـون چوخ گراندور بـو فـراقـون آغـلارام بـو نـسـگـلـه ایوای حسن ایوای ایوای حسن ایوای کیم سنی بـوحالـه سالدی طاقــت و آرامـیـن آلـدی بنزوسن سولموش گُله ایوای حسن ایوای ایوای حسن ایوای یوخ آنان یـاره ن بیتورسون دردیـوه درمـان گـتـورسـون قوی دیوم عباس گَله ایوای حسن ایوای ایوای حسن ایوی ای گُـلِ یـاسـیـم حسـن جان آغـلـوری قاسیـم حسن جان گویلونی دور آل الَـه ایوای حسن ایوای ایوای حسن ایوای غـمـلـرون یـادایلـر عـاجـز دیـلـدن آدون سسلرعاجـز قبریوی ویـرسن صلـه ایوای حسن ایوای ایوای حسن ایوای 🙏🏼التماس دعا ✍علی جعفری(عاجز تبریزی) #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

#مقتل امام_حسن علیه السلام 🏴🏴🏴🏴🏴🏴🏴🏴🏴 🔸عجوزه‌ای که اول تیر را به سمت پیکر مطهر إمام حسن علیه‌السلام پرتاب‌ کرد و بعد از تیر او، هفتاد تیر دیگر بر آن بدن مطهر نشست... در نقل‌ها آمده است: ▪️وقتی‌که گفتگوی سیدالشهداء علیه‌السلام و ابن عباس و محمد حنفیه با عایشه، بر سر جنازه مطهر امام حسن علیه‌السلام، بالا گرفت؛ 📋 فَتَناوَلَتْ عائشةُ القَوسَ مِن مِروان، و رَمَتِ الجنازةُ بِسَهمٍ، و قالَت: لا تَدخلوا بَيتِي عَدُوّي و ابنَ عَدُوّي و أبعَدوهُ عنّي. ▪️عایشه، کمان را از دست مروان گرفت و اول تیر را به سمت جنازه مطهر امام حسن علیه‌السلام پرتاب کرد و گفت: دشمن من و پسر دشمن من را وارد خانه من نکنید و او را از من دور کنید.(۱) 🔖 در اینجا بود که ابن‌شهرآشوب در «المناقب» می‌نویسد: 📋 و رَمَوْا بِالنِّبَالِ جَنَازَتَهُ حَتَّی سُلَّ مِنْهَا سَبْعُونَ نَبْلًا ▪️سربازان مروان، پیکر امام حسن مجتبی علیه‌السلام را به نحوی تیر باران کردند که به هنگام دفن، تعداد هفتاد تیر را از بدن مبارک آن حضرت، خارج نمودند.(۲) 📚(۱)کامل بهایی ج۲ ص۳۳۴ 📚(۲)المناقب ج۹ ص۲۴۶ ✍ لاله ای بود که با داغ جگر سوخته بود آتشی در دل سودا زده افروخته بود شرم دارم که بگویم تن مسموم تو را خصم با تیر به تابوت به هم دوخته بود راز دل را همه با همسر خود می‌گویند حَسن از همسر خودکامه خود سوخته بود جگرش پاره شد از نیشتر زخم زبان در لگن خون دلی ریخت که اندوخته بود ارث از مادر خود بُرد غم و رنج و محن صبر و تسلیم و رضا از پدر آموخته بود... #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

🏴زبانحال حضرت زینب در شهادت امام حسن مجتبی علیه السلام🏴 حسن جان منم زینبِت چِشماتو واکُن ای جانِ خواهر بِمیرم لَبِت خونیه، وای بِمیرَم برادر واویلا حسن جان داره میچیکه از کنارِ لَبِت با یه نیرَنگ همه خونِ دلها که خوردی تو اون کوچه ی تَنگ واویلا بیاد مادرم کاش ببینه (یا مظلوم) سَرِت رو گرفتم به سینه (یا مظلوم) بیاد مادرم کاش ببینه(ای بیکَس) چه سنگینه داغِ مدینه (یا مظلوم) حسن جان حسن جان حسن جان حسن جان حسن حسن جان ئولیدی باجون گورمییِدی سنون بو مَلالون جفا زهری گورنه سارالدوبدی قارداش جمالون واویلا حسن جان رَوا گوردی قارداش سنه کیم بو جور و جَفانی دوزَنمَز اگر گورسه قارداشلارون لخته قانی واویلا اَیاقدان سالیب درد و غَم لر(یا مظلوم) سنی قاسمون گورسه نیلَر(یا مظلوم) حسینه بالالاری تاپشیر(ای بیکَس) آنام گوزلوری گیت برادر(یا مظلوم) حسن جان حسن جان حسن جان حسن جان حسن جان التماس دعای فرج الاحقر مهدی عبادی #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

شهادت امام حسن (ع) زبانحال جناب زینب کبری (س) یازمشدی قضا زهر جفانی سنه قارداش باشلاندی بلاسی باشمون وای منه قارداش قارداش باجون ئولسون نیه بو حاله قالوبسان حالون پوزولوبدور بیله گل تک سارالوبسان بو حالیله بیر اود بو دل و جانه سالوبسان رنگون دولانوب دوندی ندن سو سنه قارداش باک ایلمیوب جعدۀ ملعونه خدادن مسموم ایلیوبدور او سنی زهر جفادن تقدیر اولونوب روز ازل امر قضادن صبر ایلیه سن هم ستم دشمنه قارداش نه زهردی ایلوبدی سنه بیر بیله تأثیر قلبون آلشوبدور ویروب احوالیوه تغییر بو امر قضادندی قَدر ایتمدی تقصیر دست ستمیله یتوروبدور سنه قارداش عالمده هانی سنکیمی بیر بیکس و مظلوم بو غم ایلیوبدور هامی عالملری مغموم اوز محرمی ظلمیله اونی ایلیه مسموم گلسه یری وار اهل جهان شیونه قارداش ایستردی سنه ال تاپا تزویریله دشمن سعی ایلیوب ال تاپدى یتوب مقصده ایمن بیر باد مخالف له خزان اولدی بو گلشن مشکل بیله آفت یته بیر گلشنه قارداش سن بیر گولیدون گوللر ایچنده بوچمنده نه ایله گل آچدون نه یوزون گلدی وطنده زر تک اریدون بوتۀ اندوه و محنده تأثیر ایلین چوخ بو غموندی منه قارداش هیهات آچا گل بیرده گلستانی ، جهانون سولدوردی سنون تک گلینی باد خزانون وای زینبه ، تأثیرینه باخ زهر جفانون آخدوردی گوزون یاشنی پیراهنه قارداش وای حالیمه بوندانصورا ایوای منه قارداش سنسیز داخی ساق قالمیام عالمده ئولم کاش تا واردی حیاتیم توکرم عارضه قانیاش یوزدنده آخار خون جگر دامنه قارداش زینبدی ازل گوندن اولان غملر آناسی یاندی آنا هجرینده گیدوب الدن آتاسی چوخدور بو بلالی باشمون درد و بلاسی گلدوقجه بلا صبر ایدرم من گینه قارداش دلدن آلور آرامینی بیر قصّۀ جانسوز آی ایل یتر اتمامه گیچر هر شب و هر روز صحرای بلاده بو حسینیم قالو یالقوز مقتول اولاجاق زادۀ ذی الجوشنه قارداش (( ذوقی)) سنی تأیید ایلیوب خالق عالم آغلار گوزیله ساخلا بو شاهنشهه ماتم زینب دلیجه بو سوزی ذکر ایله دمادم یازمشدی قضا زهر جفانی سنه قارداش ** مرحوم ذوقی تبریزی #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائجhttp://eitaa.com/torkiy

زبانحال حضرت زینب (س) در شهادت امام حسن مجتبی (ع) .. 🎶سبک_ای_شه_لب_تشنگان … .. 🎶سبک دیگر : 🎶سبک_می_گذرد_کاروان 🎶سبک_ای_بوغازین_اوچ_پر_اوخ واگیر برای این سبک: آهیله سینمی داغلارام غصّه دن آغلارام آغلارام آغلارام آغلارام آغلارام … وای حسن وای حسن وای حسن … .. .. .. .. مرحوم صحاف تبریزی .. .. .. .. ای جگری دوغرانان زهریله قلبی یانان گل بدنی اوخلانان وای حسن وای حسن وای حسن وای حسن .. .. .. .. سمت بقیعه اگر ایلسه کیمسه گذر شوریله آغلار دیر وای حسن وای حسن وای حسن وای حسن .. .. .. .. گوردی شه کربلا قارداشی ایلر نوا سسلدی وا مجتبا وای حسن وای حسن وای حسن وای حسن .. .. .. .. گلمه بیله شیونه زهر ویروب کیم سنه گلسون او دردون منه وای حسن وای حسن وای حسن وای حسن .. .. .. .. ایلمه دلدن فغان قیل منه حالون بیان قاتلیوی ویر نشان وای حسن وای حسن وای حسن وای حسن .. .. .. .. کیم بئله مغموم اولوب سن کیمی مظلوم اولوب ظلمیله مسموم اولوب وای حسن وای حسن وای حسن وای حسن .. .. .. .. گل کیمی سولموش یوزون شامه دونوب گوندوزون دئ منه قارداش سوزون وای حسن وای حسن وای حسن وای حسن .. .. .. .. پارچالانوب لبلرون قان اولوب اشک ترون وای منه نسگللرون وای حسن وای حسن وای حسن وای حسن .. .. .. .. زینب محنت شعار فاطمیه یادگار سسلدی بی اختیار وای حسن وای حسن وای حسن وای حسن .. .. .. .. تاپسا ابوالفضل اگر سرِّ غموندن خبر سسلر او خونین جگر وای حسن وای حسن وای حسن وای حسن .. #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

▪️#سینه_زنی_امام_حسن_ع 🌾#شور 🎶سبک یاحسین غریب مادر... یاحسن غریب مادر ای کریم آل طاها جانشین مرتضی و ای عصای دست زهرا یه روزی میاد آقاجون واسه تو حرم میسازیم یه ضریح بروی قبرت حضرت کرم میسازیم دل ما عاشق می مونه از امام حسن میخونه اینکه تو حرم نداری دل مارو میسوزونه حسرت قدم زدن تو حرمو به سینه داریم گنبدت رو تا نسازیم آرومو قرار نداریم تموم مردم دنیا ما رو نوکرش میدونن ما ها رو به اسم نوکر واسه قاسمش میخونن یل مجتبی یا قاسم تو نبرد ختم کلامی ریشه کن شده به دستت نسب ازرق شامی بایه ضربتت سراشون از رو پیکرا می افتاد عمو با نگاه به جنگت یاد مجتبی میوفتاد 🌾یل کربلا ابالفضل... #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

🏴حضرت امام حسن مجتبی علیه السلام ✍مرتضی اسکندری ( ساعد) . 🎼سبک :: ای پاره پاره پیکر حسینیم . 🎼سبک:الله گون باتدی شام اهلی یاتدی دور یاتما زینب آی بختی قاره اودلاندی سینم گل ایله چاره فتنه لردن داخی جانه گلدیم آند اولا مرتضایه دینجلدیم جان حسن جان حسن جان حسن جان(٢) . . دور سسله گلسون مظلوم حسینی محبوب ر خلاقِ عالمینی گویلوم چوخ ایستور نور دو عینی مهمانم ایندی پروردگاره جعده مسموم ایدوب مجتبانی قاره پوش ایله دی ماسوانی جان حسن جان حسن جان حسن جان(٢) . . . آچ گوزلرون ای کانون رحمت قوی مجتبانون باشینه منت دور سسله گلسون دریای غیرت تاپشور حسینی اول نامداره جان سنون زینبیم جان حسینون قویما تک قالسون نور دوعینون جان حسن جان حسن جان حسن جان(٢) . . . قربانون اولّام ای دلشکسته آچ گوزلرون ای بانوی خسته دور باشیمی آل دیزلرون اوسته اکبادیم اولوبدور پاره پاره لبلریمده باجی لخته قان وار گورسه منی بالالاریم قورخار جان حسن جان حسن جان حسن جان(٢) . . گوز یاشیمی خون ِ قلبه قاتما گوزدن منِ بی نوانی آتما جانیم چیخونجا صبرایله یاتما قوی جان ویریم آسوده نگاره گر چه زهرادن یادگارم من درد بی درمانه دچارم من جان حسن جان حسن جان حسن جان(٢) . . دل ویرموشم پیمان السته من نیله مشدیم جعده ی پسته بیر کوزه قویموشدی باشیم اوسته بیر جرعه ایچدیم یاندیم شراره ئوز عیالیم منه اولدی قاتل کوزیه توکدی زهر هلاهل جان حسن جان حسن جان حسن جان(٢) . ای مجتبانون آرام جانی عرشه ا وجالتما آه و فغانی سال یاده زینب کرب و بلانی یردن اوجالسا عرشه شراره اودلاسا قوم کین خیمه گاهی سن اولارسان قیزلارون پناهی جان حسن جان حسن جان حسن جان(٢) #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

آغلا امام حسنه ✍کربلایی قدرت چوپانی (مشعل) ای گوزیم قانیله دول آغلا امام حسنه اله گوزیاشی جگر داغلا امام حسنه آغلا مظلوم آقاما زار و مغموم آقاما آغلا بو سروره که یوخدی ئورک داغلیانی قبرینون اوسته شهادت گئجه سی آغلیانی باش آچوب شام غریباندا عزا ساخلیانی یاس دوتان یوخدی بقیعده او غریب وطنه ای گوزیم قانیله دول آغلا امام حسنه آغلا بو شاهه که دوران اونی مظلوم ائلدی سیندیروب قلبینی دشمنلری مغموم ائلدی ئوز اوینده ئوز عیالی اونی مسموم ائلدی جعده نین ظلمی سالوب رعشه زمین و زمنه ای گوزیم قانیله دول آغلا امام حسنه بئله بیر جور و جفا هاردا گورر چشم زمان ئوز ائوینده بیرینه اولمیا امنیت جان بو نه عادتدی خدایا فلک هرزه روان توش ائدور فاطمه اولادینی تیر محنه ای گوزیم قانیله دول آغلا امام حسنه بیرینه سو وئروری قلبینی قان ایلیوری بیرینه گوشه زندانی مکان ایلیوری سو کنارینده بیرین تیره نشان ایلیوری دائما باد جنایت اسیلور بو چمنه ای گوزیم قانیله دول آغلا امام حسنه #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy