‍ ‍ #رقیه_{س} لای لای ای ناله سی آفاقه چاتان نازلی بالا لای لای ای پاره حصیر اوسته یاتان نازلی بالا لای لای ای گوز یاشینی قانه قاتان نازلی بالا لای لای ای عمه لرین گوزدن آتان نازلی بالا عمون اولسون سنه قربان یارالی جان یارالی یارالی جان یارالی جان یارالی جان یارالی عمون اولسون سنه قربان یارالی جان یارالی لای لای ای غصه قرارین آلانیم نازلی بالا لای لای ای درده ربابی سالانیم نازلی بالا لای لای ای نیمه شبلر یوخودا نازلی بالا قارداشی اصغره لای لای چالانیم نازلی بالا گئدوسن اصغره مهمان یارالی جان یارالی یارالی جان یارالی جان یارالی جان یارالی عمون اولسون سنه قربان یارالی جان یارالی ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

❣﷽❣ 🍂#دفتری_حضرت_رقیه_س 🍂#ترکی 🌟السون سلام دللره طوفان سالان قیزا 🌟داغلار گوروب خرابه ده آغلار قالان قیزا 🌟السون سلام جاه و جلال رقییه 🌟اندوه و آه و درد و ملال رقییه بویوک علمالرین بیریندن حرم حضرت رقیه ده سوروشدوم... کربلایه گئتمیشم حرم سیدالشهدانی زیارت ائله میشم... اما بیلمیرم نه سری وار ، او حالی کی حرم حضرت رقیه ده تاپدیم ، کربلاده تاپانمادیم ... بویوردو ، منیم نظریم دی، او زماندان کی حسینین روحو ...یارالی باشینان... گئجه یارسی خرابیه گلیب .. خرابه دن چخمییب... اونا گوره دی وقتی حرمه گلیرسن غوغا اولور آی امان ...امان...امان آی بالا نازی چکنلر... آی اونلار کی حسینین اوچ یاشیندا بالاسینین حسرتین چکیرسیز ، هاردا اوتوروبسوز... اولار کی یتیملری نوازش ائله للر هاردا اوتوروبلار... ⬅️ آتا وقتی سفردن قیده...بالاجا بالاسی اولسا ... گلر ایله شر بابانین قوجاقیندا باباسینا گزارش وئرر... رقیه ده بیر باخدی او کسیک باشا...باباسینین یارالی باشین باسدی باغرینا... آخ بابا ... ایستردیم سن منی آلاسان قوجاقیوا... بابا کربلادن گلیریخ ... بابا بیلیرسن کربلادن بوراجان نه لر اولوب ... بابا اللریمی باغلادی لار ... بابا چوخ سوزوم وار سنه... بابا .... جسارت لردن دئدی... ضرب تازیانه لردن دئدی... 🌾بیری قمچیله بلالی باشیما چالدی بابا 🌾شمر دون سیلی وروب طاقتیمی آلدی 🌾بابا ضرب سیلی گوزومه قانلی لکه سالدی بابا 🍂دینمدیم شمر قباقیندا سخیلدیم 🍂یارالی بدنیم تیتیردی توپراقه یخیلدیم #روضه_دفتری @roze_daftari #روضه_دفتری

‍ روضه حضرت رقیه (س) قویما اولا عزیزیم یولداشلارین پریشان ای دشت کربلانین یورقون مارالی لای لای قلبیم کیمی اولوبدی قلبین یارالی لای لای قوی بیر اوپوم دویونجا سیلی دین یوزوندن قبره گجه گیدیرسن زهرا مثالی لای لای (گجه نین بیر عالمیدی گوردولر خرابه دن اله بیر آغلاماق سسی گلیر الله خرابه ده آغلیان کیم اولا گلدیلر لعنت الله یزیده خبر ویردیلر ایوی داغلان حسینین اوچ یاشندا بالاسی رقیه خرابیه ولوله سالوب او ظالم دیدی مندن نمنه ایستیر دیدیلر ظالم باباسینین یارالی باشین ایستیر او یارالی باشی قویدولا بیر طبقه گوندردیله خرابیه خانم اوباشی گورنده اولین کلمه ای که باباسینا دیدی باخدی دیدی«من الذی ایتمنی علی صغر سنّی، ابتا» بابا کیم منی بو وقتیمده یتیم قویدی ، بابا کیم منی بو وقتیمده باباسیز قویدی باخدی بیر یارالی باشا ) دولانوم باشیوه من کیم سنی بو حاله سالوب سنی بو حاله سالان تاب و توان مندن آلوب بو باشیندور بابا جان پس بدنین هاردا قالوب بابا سن نجه گون کیمی باتدون اله منده باتارام سنون عشقونده بو عالملری گوزدن آتارام کنج ویرانه ده قبریمده کفنسیز یاتارام (خانم زینب بویورور) یاتموردی بیر گجه اونی آلدیم قوجاقیمه سینمده بستر آچدیم اویورقون قوناقیمه آهسته گتدی آغزنی قویدی قولاقیمه عمه غذا هاچان دیجاخ دل دوداقیمه من زینبم عشقیده مردانه دورموشام قول باغلی باغلی عشق آدینا قاره ورموشام داغلار بویی بلا یورابولمزدی زینبی واضح دیم رقیه ئولندن قوجالمشام (باخدی او یارالی باشا دیدی بابا) بو دل شبده منی یاد الدون سن یارالی بو نه عالمدی بابا سن یارالی من یارالی گلمیسن بو گجه ویرانه ده قیزوی یاد ایده سن غملیدی غصه لیدی غصه دن آزاد ایده سن ایوین آباد اولا گل یاخجی گلیبسن یارالی (اوخشاما) زمانه یوردی منی آی بابا ای.... یوردی ئولدوردی منی آی بابا من دیدیم بابام هاردا ساربان وردی منی ای..... (اوندا گوردولر خانم بیر باخدی عمه سینه عمه بو گجه بابام قوناق گلپب خرابیه ) عمه جان درده درمان گلوبدی سویگولوم خسته یولدان گلوبدی گوزیاشیلا گلاب حاضر ایله لبلرینده بابام قان گلوبدی ای منیم یار و غمخواریم عمه دور سفردن گلوب یاریم عمه ساربانلار بابامی یوروبلار فاطمه قلبینی یاندربلار الله الله شیل اولسون اولارکی بو باشین آننا داش وروبلار ای منیم یارو غمخواریم عمه دور سفردن گلوب یاریم عمه کام آلونجا بو یورقون قوناقدان جان گلوب تنگه دوشدوم ایاقدان سن طبقدن گوتور قانلی باشی من اوپوم پارچالانمش دوداقدان ای منیم یارو غمخواریم عمه دور سفردن گلوب یاریم عمه هی دیردیم بابام کاش گلیدی هیچ دیمزدیم کسیک باش گلیدی گلدی یورقون بابام کاش ابوالفضل بو کسیک باشه یولداش گلیدی ای منیم یارو غمخواریم عمه دور سفردن گلوب یاریم عمه (خانم نچه دقیقه ایلشدی او باشین کنارینده بیر وقت گوردولر اویارالی بالا دوشدی بیر یانا اویارالی باشدا دوشدی بیر یانا او ظالم دیدی من گرک بو بالانی دده سیندن آیری سالام نیلدی ؟اوندا بیر یول گوردولر زینب اوجادان سسلدی ) گلون گلون بالام ئولدی دوتون عزا بالاما مریضیدور بالامین بولمدیم ندور مرضی نه بیر طبیب تاپلدی نه بیر دوا بالاما ورا ورا بالامی ساربانلار ئولدوردی (خانم دنیا دن گیتدی خانم خرابه ده دفن اولدی اوندا خانم زینب بیردنه لای لای چالوب رقییه ) دائم قره معجر سالان عمه ن سنه قربان آرامینی غملر آلان عمه ن سنه قربان قارداش سیز اوغولسوز قالان عمه ن سنه قربان لای لای رقیه لای لای ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

#اربعین نچّه قدم قالاندا حسینون مزارینه دخت علینون آخدی سرشکی عذارینه قبر حسینه گوز دولوسی باخدی آغلادی ایتدی اراده تا یِته قبرین کنارینه گوردی دالیجا گلموری غمدن ایاخلاری ناچار اولوب سوروندی حسینون مزارینه چَکدی نَلَر او فاصله ده بیر خدا بولور ناله کنان یِتیشدی یارالی نگارینه پوزقون مزاری جان کیمی بیر باسدی باغرینا اود دوشموشیدی جان و دل داغدارینه قویدی یوزون مزارینه عرض ایتدی یاحسین گلدی باجون دوباره بو محنت دیارینه گل نطقه آگه ایله منی زخم سینه دن دردین بو رسمیدور که دئیر یار یارینه مدتدی قلبیوین یاراسی فکریمی قاتوب بو غم سالوبدی اود باجیوین روزگارینه سالام خیاله اوخ یاراسین آغلارام حسین بَسدور او غم حیاتیمین انجام کارینه ئولم منیله قبریوین اوسته دانیشماسان گَل راضی اولما زینبیوین احتضارینه قبرین نَدن ستاره کیمی آلتی گوشه دی امکانی اولسا سِرّینی آچ غم قطارینه سَندن حسین بالالاریمی من سورشمارام یانام ولی اورکلرینون آه و زارینه ایله سیزلدیاردیلا نی تک، خیامیده تاپشیر دیردیلر بیزی غم شهریارینه گیتساخ ئولوم سراغینه تا مانع اولماسین دوزمز بیزیم اورکلریمز غم فشارینه آیری بیر عالمیدی او دم خیمه گاهیده غرق اولدی تک تکی گوزونون آبشارینه خاصّه، باتاندا قانینه میداندا اکبرین گلدی ئولوم تَری اولارین گلعذارینه لیلانی گور نه حاله سالوب اکبرین غمی قلبی یانوبدی شامیده هجران شرارینه قاسم آناسی آز قالوری ئولدوره اوزون دامادیوی نشان ویر اوزون، غمگسارینه ویر بیر رباب اصغرین آلسین قوجاقینه لای لای دیسین دوینجا سوسوز شیر خوارینه سو اوسته باغلامیشدی ایکی خیرداجا اَلین ایندی گلوب همان عملین اعتذارینه گوز کاسه سینده سو گتیریب گوگلونی آلا یانام ئولونجه دلده غم بی شمارینه قربان اولوم یارالاریوا سَس یتور منه قویما بو چولده زینبی اوز اختیارینه دور بیر منیله قارداشیمون قبرینه گیداخ بیر آغلیاخ دوینجا علی یادگارینه ئولسون باجون که قبریده سَندن اوزاخ دوشوب قربان اولوم اونوندا او خیردا مزارینه افسوس اولا رقیه مزارون گورنمدی داغ دگر چَکیلدی دل پر شرارینه دائم دیردی عمه بابام گوگلومه دوشور قلبیم یاناردی درد و غم آشکارینه بلبل کیمی گلردی نوایله خرابه ده کاخ یزیدی ناله سی سالدی حصارینه یخدی خلاصه ظلم ایوینی اِیلدی خراب قال صاحب اول ددیم بالا شامین دیارینه بس که #عتیق #شانی و #ذهنی گوزل یازوب عشاق، عشق اِیلر اولارین شاهکارینه تکرار اولا محالیدی بیرده او شاهکار گِیت چَک طلا کیمی محکه باخ عیارینه التماس دعا ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

زبانحال حضرت زینب (س) در شهادت حضرت رقیه (س)   سبک : یخیلیب عباسیم...   آنا جان یازهرا بو شهر غربتده منی قویدی تنها رقیم ئولدی قره گوز جیرانیم ال اوزدی زینبدن کول اولدوم واویلا رقیم ئولدی     سارالوب سولموشدی بو بزم ماتمده  نه نوعی صحراده چمن اولسیدی بالامون اندامین بوکردیم گوز یاشلی  الیمده غربتده کفن اولسیدی کفنون اوستونده یازاردیم بو آهو  قالوبدی چوللرده ئولوبدی اللرده    گتیرردیم نعشین کناره قبرونده  قویاردیم تپراقه وطن اولسیدی     گئجه لر آغلاردی دئیردی آی عمه  کوسر اکبر گورسه منی معجرسیز اونا یاز بیر نامه دئین گلمه شامه  باجون تپراقلاردا یاتوب بسترسیز سایارام گویلرده گوزل اولدوزلاری  چیخار گون اما من گوزوم باغلانماز    ندور آیا چاره م هر آخشام بیدارم  یوخوم گلمور قارداش علی اصغرسیز     دوداقینان ئوپدوم دئدیم یات یورقونسان  بیبون اولسون قربان غزالیم لایلای سوروسوندن آیری دوشن جیرانیم وای  خداحافظ یورقون مارالیم لایلای بو اوزون یوللاردا سینق محمللرده  قرانلوق چوللرده ایاقدان دوشدون    اوخیاردوق نوحه دئینده من قارداش  دئیردون سن بیکس یارالیم لایلای   ائله کی طشت ایچره یارالی باش گلدی بالام دوردی یردن دئدی جان بابا نئچه لحظه باخدی یارالی مهمانه دوداقلارین گورجک دئدی یا زهرا ائله بیل پروانه ئوزون ووردی شمعه یتیشدی مقصوده کول اولدی یاندی دوداقیندان ئوپدی یخیلدی جان وئردی توکولدی گوز یاشیم مثال دریا قره معجر باشدا آخاندا گوز یاشی دیردیم زهرادی گوزل سیمادن دیه بیللم اما چیخاندان یثربدن بالام چوخ غم چکدی ننم زهرادن او قدر آج قالدی ئوزین درده سالدی سارالدی رخساری نگاریم ئولدی ائله بیل بیر ماهی آناسیندان آیری دوشوبدی طوفانه چیخوب دریادن شاعر : حاج حسین غفاری

❁﷽❁ #اوخشاما #پنجم_صفر #شهادت_حضرت_رقیه_علیهاسلام #سروده_رقیه_سعیدی_کیمیا ┈••✾•🏴✾🏴•✾••┈ قارداشیمیـن شیرین دیلی رقیه قــالدی ائلینـدن آیریلــــی رقیه سارالدی صُولدی کنج ویرانه ده اولــدی خــــرابه منــــزلی رقیه ┈••✾•🏴✾🏴•✾••┈ سیلی دَیَن صورتیــوه آغلارام ئورگیمی بو دردینـن داغلارام گؤل بدنون قبر ائوینه قویاندا قانه دولان گؤزلریمی باغلارام ┈••✾•🏴✾🏴•✾••┈ سن کیمی محنت لی باشی بلالی اولماز آچیلمامیش غنچه چمن ده بِئلَه صولماز کم اولدی عمرون ولی نیسگیلون چوخ اولدی هیچ بالانون شیشهٔ عمری بئله دولماز ┈••✾•🏴✾🏴•✾••┈ ✍رقیه سعیدی(کیمیا) ۱۴۰۲/۵/۳۱ پنجم صفر۱۴۴۵

کربلایی سعید سلطانی

✔️ امام رضا علیه السّلام سبک : چو گیسوی تو من .... در رحمتدی دربارون رضا جان ای رضا جان چوخ اولسون ایلده زوّارون رضا جان ای رضا جان (( گدایم سنه - فدایم سنه - رضا جان ای رضا جان .... )) فدایم رحمت سرشاریوه ای جان جانان مَلَک احسن دییر آثاریوه ای جان جانان باخاندا گرمیِ بازاریوه ای جان جانان اولار یوسف خریدارون رضا جان ای رضا جان (( گدایم سنه - فدایم سنه - رضا جان ای رضا جان .... )) ای آهونی آلوب آزاد ایدن صیّاد الیندن قوتار زهرایه خاطر شیعه نی بیداد الیندن ائدر دل فتنۀ آخر زمانین داد الیندن مدد قیل حق مددکارون رضا جان ای رضا جان (( گدایم سنه - فدایم سنه - رضا جان ای رضا جان .... )) سنه ایرانیلار قرباندی ای ایران غریبی محبّت ملکنون سلطانی سن دلّلر حبیبی مریض عشقیووخ بیز ، سن آقا عالم طبیبی قاپوندا چوخدی بیمارون رضا جان ای رضا جان (( گدایم سنه - فدایم سنه - رضا جان ای رضا جان .... )) #امام_رضا ✍️ استاد کلامی زنجانی