🌸 سرود ولادت حضرت زینب سلام الله علیه 🌸 🌸 مژده اهل جهان ❤️🌸 🎤 اجرا کربلایی علیرضا محمدی زنجانی 🌸

میلادیه خانم زینب کبری (س) شعراز کربلایی ودود آذرین خلخال سبک: آه ای هستی من . شور و مستی من ✅بند اول مژده اهل جهان گلدی شیر زنان تبریک حضرت زهرایه گلدی قلبه صفا آدی درده دوا تبریک حضرت زهرایه مژده بو گجه ....طارم عشقین .... کوکبی گلدی حیدره تبریک .... گوز آچوب گویچک ... زینبی گلدی زینبا زینب۴ ✅بند دوم دخت خیر نسا فخر شیر خدا عشق عهد ازل سنسن ای الگوی وفا کان حجب و حیا ذات خیرالعمل سنسن آچدی شوقیندن ... باغچادا گللر... گلدی تا زینب شاد اولوب دلدن .... احمد و حیدر.... گلدی تا زینب زینبا زینب۴ ✅بند سوم احسن عصمتوه شور و همتوه جانلار عفتوه قربان ای دریای شرف دُرِّ عشقه صدف شیعه غیرتوه قربان حیدره زینت ... فاطمه سیرت ... زین اب گلدی دختر کوثر ... حیدره مفخر ..... زین اب گلدی زینبازینب۴ بو گلن والله ...جان جانان دی .... سسله یازینب ای اولان دردی ... وقت درمان دی .... سسله یازینب زینبا زینب۴ ۱۴۰۳.۰۸.۱۶ https://eitaa.com/vodood13561012

میلادیه خانم زینب کبری(س) سبک :::دایه دایه شعر از ::کربلایی آذرین فارسی👇👇👇👇 زینب ای دریای عصمت اسوه ایثار و همت پادرین دنیا نهادی عالمی شد غرق عفت باقدومت عالمی را کرده ای آیینه غیرت دریای حیثیت عمه سادات زینب4 دختر شاه جهانی عمه صاحب زمانی آیه ای از کوثری تو غنچه باغ جنانی باقدومت عالمی را کرده ای آیینه غیرت دریای حیثیت عمه سادات زینب4 ترکی👇👇👇👇 سن بهار عشق و جان سان زینب زهرا نشان سان سن خدای معرفت سن دختر شاه جهان سان سنده واردی جود و احسان آیت آیینه جان سان . هردرده درمان سان عمه سادات زینب4 تاگوزآچدون بوجهانه شاداولوب اهل زمانه یثرب اولدی رشک رضوان سس دوشوب باغ جنانه حور و غلمان غرق شادی . اولدولار عشقونده دیوانه .‌‌ عشقونده دیوانه عمه سادات زینب4

🏴🏴هیئت یامهدی(عج)فردیس🏴🏴 * به مناسبت چندمین سالگرد مرحوم حاج عادل صالحی * ⏰زمان:یکشنبه ۲۰ آبان ماه۱۴۰۳ از ساعت ۲۰ 🎤توسل :::: حضرت ابوالفضل العباس(ع) 🏰 مکان:::: جاده فردیس خیابان دکتر اهری نسترن ۱۸مسجد حضرت صاحب الزمان(عج) علامت تابلو بانی محترم : خانواده محترم مرحوم حاج عادل صالحی بانظامت ذاکر اهلبیت حاج ابراهیم صالحی 🍀🍀🍀🍀🍀🍀🍀🍀🍀 https://eitaa.com/heyate_yamahdi لینک کانال هیئت یامهدی(عج)☝☝☝☝

احوالات غسل حضرت زهرا (س) شعراز:::کربلایی آذرین خلخال عاقبت توختامادی بیت علی بیماری فاطمه ترک ایلدی قلبی یانان سرداری مغرب غمده غرض ماه علی تز باتدی یاتمیان عمربویی یومدی گوزون دای یاتدی گوزونی یومدی علی گوللرینی آغلاتدی باباسی خاتمه جنتده قوناق گیتدی خانم محبط وحیی غرض بیت الحزن ایتدی خانم شمع خاموشه علی غمزده پروانه اولوب خانه عشق وصفا زینبه غمخانه اولوب بومصیبتده حسن فکرایله دیوانه اولوب ام کلثوم یولوب باشین ایدوب شیون و شین آغلادی اهل سماواتیده آغلاتدی حسین خانم ایتموشدی وصیت گجه غسلین ویره لر هم گجه کفن ایده لر هم گجه دفن ایلیه لر مغسل فاطمه نی ایتدی مهیا حیدر قادرالله اوزی بیلدی نه حالا قالدی علی اوخشادی یارینی عالملره اود سالدی علی ایستدی غسل ایلیه حیدر او یورقون یارینه مغسل اوسته باخدی اللرده اولن دلدارینه غسل دان ال چکدی یوز قویدی اوین دیوارینه های هاییله اودم فتاح خیبر آغلادی سوز آهیندن اینان حور و ملک دل داغلادی راوی نقل ایلور دیدیم ای معدن جود و سخا صبریده حیران قویوبسان کائناتی برملا سویله نه گلدی سنه بونوعی آغلورسان آقا ایتدی فرمایش بوغم اگدی علینون قدینی قولاریندا گورمه میشدیم تازیانه ردینی فاطمه بیر یول محندن آه و وایه گلمدی دوقوز ایل فوج مصیباته دوزوب دیلنمدی چوخ یاراسین گیزله دیبدی هیچ منه بیلدیرمدی عیبی یوخ گوزدن آدامسیز حیدری آت فاطمه قوی دیوم لایلای عزیزیم خسته سن یات فاطمه ادامه دارد ..... سروده شده به تاریخ ۱۴۰۱.۰۹.۲۲

حضرت زهرا سلام الله علیها سبک : بزم عزاده گیمیشم ..... ای حیدری گوزدن آتان دلبریم لايلاي دلبریم لايلاي نار غم و هجره یانان همسریم لایلای همسریم لایلای سویلرم وای زهرا دینجلدون دای زهرا عمرونده خوش گون گورمدون آغلارام یانام آغلارام یانام سن زینبه طوی دوتمادون یانام اوتلانام یانام اوتلانام اوغلون حسیندن دویمادون بیله تالانام بیله تالانام گیتدی الیمدن سویلرم کوثریم لایلای کوثریم لایلای ای غنچه باغ نبی غصه دن سولدون غصه دن سولدون دائم بولوت تک ماتمه وای منه دولدون وای منه دولدون غصب اولدی حقون دائماباغریقان اولدون باغریقان اولدون باشیمده هردور و زمان افسریم لایلای افسریم لایلای باشدان حسین و زینبی سن نه تز آتدون قانوه باتدون قویدون علینی بی کمک کاموه چاتدون قبرده یاتدون گوزیاشیمی بو غصه دن سن قانا قاتدون حیدری آتدون قالدی دعاده دائما اللریم لایلای اللریم لایلای مجمرکیمی هجرونده من روز و شب یاندیم روز و شب یاندیم گیتدون یارالی قبروه یاندیم اودلاندیم یاندیم اودلاندیم آچ بیر گوزون محنتده باخ گورنه تالاندیم گورنه تالاندیم یاسه باتوبدی گورنجه گللریم لایلای گللریم لایلای کیم بس حسینون باشینون اوسته سو قویسون حالینه یانسون زینب لباس ماتمی بس نجه سویسون جانینه دویسون اوغلون حسن سنسیز گرک گول کیمی سولسون خونجگر اولسون هجرونده دوشدي لرزيه پيكريم لايلاي پيكريم لايلاي بوفانی دنیاده گوروب چوخ بلا باشون چوخ بلا باشون نه وار آنون نه وار آتون یوخدی قارداشون یوخدی قارداشون مونس سنه دائم اولوب قانلی گوزیاشون قانلی گوزیاشون هجرونده نالاندی شیرین دیللریم لایلای دیللریم لایلای گوزیاشلی یازدی «آذرین» حالوه نوحه ؛ بیرنظرایله درد و غم و حاجاتی وار قلبی مجروحه ؛ بیرنظرایله ویروخ قسم زهراسنی تشنه مذبوحه ؛ بیرنظرایله دولدور محبتدن دیور ساغریم لایلای ساغریم لایلای کربلایی ودود آذرین ✨اَللّهُمَّ عَجِّل لِوَلیِّکَ الفَرَج✨

شام غریبان خانم فاطمه زهرا(س) شعراز:::کربلایی ودود آذرین خلخال اوج ایلیین گویلره شیعه نون افغانیدی فاطمه نون بو گجه شام غریبانیدی محنت ایامیدن خسته اولانلارگلون صورتی گلبرگ تک غمده سولانلارگلون دارشفادی بورا دردی اولانلار گلون غصه و آلاموزون فاطمه درمانیدی آند ویرون حضرتی شاه شهیدانینه دست نیازوز آتون صدقیله دامانینه دوزگله سوز لطف ایلر آنداولا اوز جانینه هیئتیمیز بوگجه فاطمه مهمانیدی بوگجه هرکیم اگر قلبیدن افغان ایدر زینبه همدرداولوب گوزیاشینی قان ایدر حضرت زهرا اونون دردینه درمان ایدر بوگجه حیدر ایوی گورنجه طوفانیدی زینب اولوب نوحه خوان گوزیاش الور مجتبی آغلوری کلثومیله ساکن ارض وسما هامیدان آرتوخ یانورهجره شه کربلا یرگویه غوغا سالان فاطمه هجرانیدی اوخشادی زینب اودم سویلدی ایوای ننه غصه و آلامیده یوخدی سنه تای ننه محسنی الدن گیدن ظلمیله لایلای ننه محسنوی اولدورن دشمن قرآنیدی ظلمیله درگاهیده قانوه باتدون ننه غمزده طفلانوی ؛ حیدری آتدون ننه سینه یاراقول یارا قبرده یاتدون ننه عمرون آزاولدی ولی غصه سی طولانیدی گورمدون ایامیده خاطره دل نواز همدمون اولدی مدام محنت و سوز و گداز خوش گونه حسرت قالان قبریده دینجل بیرآز قبروون اوسته علی گوزلری بارانیدی گیت ولی بیرسوز دیوم دختر خیرالورا واردی بویوک خواهشیم قوی منه منت آنا فرصت دیداریمیز روز دهم کربلا گل اوچوخوریرده کی قارداشیم عریانیدی یازدی سنه(آذرین)روضه محنت ننه سنده اونا حشریده ایله شفاعت ننه قویما اولا خلق آرا زار و خجالت ننه عمر بویی عاشق شاه شهیدانیدی تاریخ تکمیل ۹۹/۱۰/۲۸ https://telegram.me/navaye_azarin

⚫️⚫️یافاطمه الزهرا (س) شعراز؛؛؛کربلایی ودودآذرین خلخال گیتدی زهرا مرتضانین قلبینی قان ایلدی وحی ایوین اعدا بوگوندن بیت الاحزان ایلدی گوزیوموب فانی جهاندان دختر خیرالورا میهمان گیتدی رسوله بوگیجه خیرالنسا اللری قوینندا نالاندی حسین ومجتبی زینبین روشن گونون شام غریبان ایلدی دوزدی دنیاده غم بسیاره اما دینمدی قلبینی ایتدی مصیبت یاره اما دینمدی توش اولوب دی سینه سی مسماره امادینمدی حق علینوندی هامی دنیایه اعلان ایلدی محسنین دینه گوره حتی خانم ایلوب فدا قبره گیتدی صورتی نیلی اورکده مین یارا میخ در یارب هارا گور سینه زهرا هارا خصم دون ناموس دهری قانه غلطان ایلدی الغرض غسلین ویرنده حیدر اوز دلدارینه گوزلری دوشدی سینان پهلو؛ تن تبدارینه غسلدان ال چکدی یوزقویدی ایوین دیوارینه قمچیلر ردی علینی  دیده گریان ایلدی سسلدی زهرا نیه رخت وصالی سویموسان حیدری بیکس قویوبسان جنته یوزقویموسان ایندی بیلدیم سن نیا دنیاده جانه دویموسان زخم مسماردان آخان قان قلبی شان شان ایلدی چون وصیت ایلمیشدی نصف شب دفن ایلیه مرتضی قالمیشدی آواره بوغمده نیلیه جمع ایدوب اصحابیدن یدی نفر تشییعینه چخدی تابوت ایودن اما غملی طوفان ایلدی دفن اولان ماوایه حمل اولدی غرض ماه علی قویدولارتابوتی تاقبرین گوروبلرمنجلی گِتدیلراصحاب ؛ شیرحق قالوبدی تک ولی حیدره دفنه مدد ختم رسولان ایلدی ایستدی  زهرانی قویسین قبرینه شاه جهان قبریدن ظاهر ایکی ال اولدی بحرانلی زمان سسلدی زهرانی ویرگلسین منه ای باغریقان ناله بوسوزدن تماماً انسیله و جان ایلدی قلبه دولدی یاعلی زهرانی گورجک درد وغم صورتی نیلی قولی پهلوسی زخمی پر الم من سنه آیا بونوعیله امانت ویرمیشم ساکنان جنتی بوغم پریشان ایلدی سویلدی شرمندیم من ای رسول انس وجان مندت اوتری فاطمه دنیاده اولدی باغریقان سقط اولوبدی محسنی هم اولدی زهرا جانفشان دینه خاطر جانینی جانانه قربان ایلدی امته سن چوخ سفارش ایلدون بو اختری ظلم ثانیدن ولی اولدی گولون نیلوفری پشت درده حیف اولا سیندیردیلار بو گوهری امتون سندن صورا باخ گورنه طغیان ایلدی (آذرین)دریای عمان اولسا جوهر بالتمام کل جنگللرقلم اولسا بو دور ختم کلام حضرت زهرا مصیباتین یازانمازلار تمام دست حق زهرا آدین سرفصل دیوان ایلدی https://telegram.me/navaye_azarin