#زنان_شیردل_تاریخ_تویه_دروار ✅ سِلام مرحوم خانم #ام_نساء فرزند "کربلائی علی اکبر " همسر "مشهدی تقی " از طایفه رستم . *⃣ مقدمه داستانهایی که اِز نحوه زندگی این خانم بِشنوفتیبیوم،مونا وادار هاکِرد از هفت هشت نفِر در موردِش سؤالاتی هاکُنُم، اما تعریف های "عمو حاج غلامحسین رستمیان" شهیدی چِر،یک چیز دیگِری اِه. خدا طول عمرِش بَدی،یک سرمایه ای اومِی بین دَرِه،ایکاش قدرشا ویشتِر بدانیم. با سر پا نگهداشتِن آسیو،بهتِرین تبلیغاتا تویه دِرواری به داره.جمعه ای روز ۲۲ دی ۹۶ بَشیوم خانیشان،دو تائی کرسی جیر هوشِتیم،دوساعِتی گپ و گفت داشتیم.اینقدر شیرین و جِذاب تعریف کُنِه مون که اِز خِنده دل درد بِگِتُم... خب،عمو جان از "مرحوم ام نساء" مشهدی تقی زن،یعنی گَت نه نه اُم چیزی یادته ؟ عمو حاج غلامحسین:عمو جان هی اَری !!!! این زن با پارسائیش و زرِنگیش یک پا دکتر به،اگِر دلمان درد گِت، همین که اوئی پیش گوتیم خالِی جان،مونی دل درد کُنِه،گوت:بَخُس بَخُس، بِینوم چت بَبی؟ وقتی دستِشا اُشکُمی دیم کِشی،اِز بس این دست کار هاکِرده و درشت به،انگار کنی دَرِن آدومی اُشکُما سنگ پا کشِن. یا گوت هیچیت نیه،یا دستوری دا و خار بِیم. (خنده دونفری مان ) "عمو حاج غلامحسین" ادامه هادا: خانم ام نساء دو دانگ آسیوآ شِریک به(از چِرِش ارث بَبُردی به،عَدی به حاج اسحاق بَرِسی)، با مونی مار دو تائی آسیوآ گِرداندِن. شبانه روزی۲۰ مُن آرد کِردِن،که سهمشان شبانه روزی دِلِه فقِط دو مُن آرد به. روباری اُء اُنگُدِرا غَلبه به ،وَچِه را اُء برد. یک روز که دَبییِن آسیویی بندا دَموِستِن، مارُم(مادر حاج غلامحسین)ام نساءای دست سنگ دایِه،ام نساء سنگها را دَمچیه،یکدفعه یک سنگ اِز دستِش هومکُفِه و یک انگشت خانم ام نساء را جوری قطع کُنِه که یک بند انگشتِش قطع بو و فقِط اِز پوستِش اوزان بو... مارُم بی دست پا بو و خیلی تِرسِه! ام نساء یک باشِلو (داس) پیدا کنه و اُن انگشتا که اوزان بَئیبی را با باشِلو بِرنِه و دور دِمداجِه. عَدی گوئِه یک ظرفی دِلِه روغان داغ هاکُنین. همین موقع یکی از دوتِرانِش "خانم گلابی" مش رمضانی زن،سر رِسِه و جیغ و شور کنه. ام نسآء داد زِنِه و گوئِه چِکا شیان شیان کنی!! خُشتِنومی تقصیره،طوری نَبی!! عمو حاج غلامحسین گوت:این زن مارم سید اولاد پیغِمبرا تبرئه هاکِرد. دیگه روغان داغ بَئیبه،که خانم ام نساء انگشت بریده شا،دَمزِنه روغانی دله و گوئِه تومام بَبه و دستِشا دَموِنده... به این ترتیب ملاحظه کُنین یک جراحی هاکرده و انگشت بریدییِش خوب بَبی و خم به ابرو نییِرده. اگِر معطِل بِن تا بیان برسانِنش دکتر و دوا و درمان، حتما انگشتِش عفونِت کِرد. [این یک چشمه از روحیه این خانم] @zadgahamtuyehdarvar یک شو یک وَچییه دو سه سالییِش مریض بی‌،تقی میا خانه، وقتی وچه را وینه خیلی ناراحِت بو. همین موقع مهمان رِسِه خانیشان،بَشه غِذا درِست هاکُنِه،غِذا را که خار هاکِرد و واشت میهمانی پیش،بَشه که وَچِه را سر بَزِنه،وچه ای حال یکدفعه بد بو و وچه زودی میره. اما این خانم این وقت شوو،ناراحِتیشا دِلِشی دله دَمریجه. یک پارچه سرِش دِمداجه،تقی میا وچه ای خبِرا بیگیره،خانم "ام نساء"گوئِه دست نَزِنیا،وچِه عرُق بَکِرده،دستِش نَزِنیا. اُن شوو نِمِله تقی ملتِفت بَبو که وچه بَمرده. صبح که بو صبحانه درِست کنه و میهمانا صبحانه دی . تقی میهمانِشا تا چناری پیش جلو دِمداجه و وَمگِرده وچه ای خبِرا بیگیره. "ام نساء" گوئِه ، دوشنه وچِه بَمُرده... تقی ناراحِت بو،گوئِه پدِر فلان،وچه بمرده اِز دوشنه تا ایسا مونا نَمگوئی؟! "ام نساء " گوئِه هر کاری که دوشنه ماستی هاکُنی ایسا هاکُن ، بَرو قبر کِنا خبِر هاکُن،تا مون کاراشا انجام هادیوم... [ اینیج یک چشمه دیگِر اِز کارهاش ،که سختیهایی مقابل دست و پاشا گم نَمکِرده ...] 💕💕💕💕💕💕 مارُم تعریف کِرد، مون درس زندگیما اِز این زن یاد بِگتیوم. مارشی واری او را دوست داشت. خیلی تعریف هاکِرد ، یکیشا عرض کنم : مارُم گوت ظاهرا یک دوره ای وضع مالیشان خوب نَبی. "ام نساء" دیگی دله اُء دَمکِرده و دیگی اُء را وامِشته کِله ای سر و جیرِشا آتِش کِرده ، که دود از کِلیشان بَشو بالا ،یا اگِر کِسی خانیشان سر زِنِه بِینه دَرِن غِذا خار کُنِن . در حالیکه اِز غِذا خبِری نَبی، بقول معروف دیمِشا(صورتش) با سیلی سرخ کِرده . #ام_نساء و #مشهدی_تقی چهار تا پسِر عباسعلی ، اسحاقعلی ، غلامعلی ، کرم و سه تا دوتِ گل نه نه ، گل بی بی ، گل آبی را تربیِّت و تحویل جامعه هادایِن . روحِشان شاد💐💐💐 *⃣*⃣*⃣*⃣*⃣*⃣ #حاج_رحیم_رستمیان ۲۸ دی ۹۶ #کانال_زادگاهم_تویه_دروار @zadgahamtuyehdarvar