🌸سـِــــلام صبح زیباتان بخیر ☕ 🌷 به آخِرین دوشنبه پاییز خوش بیامین🌷 ان شاءالله ڪه تنتان سالُم لبتان خندان🍂 عشقتان پایدار لحظاتتان گلباران🌷 و زندگیتان پراز آرامـــش بو🍁 #کانال_زادگاهم_تویه_دروار @zadgahamtuyehdarvar

صبح 27 آذر #رادیو_مرسی @zadgahamtuyehdarvar

سلام، صبح آخرین روزهای پاییز ی تون بخیر. آرزو میکنم در این روز زیبا نسیم مهر و محبت زلف خاطرتان را بیاراید، تپش عشق حیات را در وجودتان گل افشانی کند و شور زندگی در جانتان متلاطم گردد. روز خوش / ایام بکام ‎‌‌‎‌‌‌‎‌‌‌‌‎ ‌‌‎‌‌‌‌‌‌‎‌‎‌‌‌‌‎‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‎‌‌‎‌‌@zadgahamtuyehdarvar 🎥 #غلامرضا_افضلی جاده با صفای اولاوار آذرماه 1402

🍀🍀🍀🍀🍀🍀 گَزِر ، شَلُم و چَغُندِر تویه دِروار 🥕🥕🥕🥕🥕🥕 ارسال:سیده نرجس کلانتری @zadgahamtuyehdarvar

#گوشت_گزر_غذای_مخصوص_تویه_دروار ✅ سِلام گوشت و گَزِر یک غِذای مقوی و مخصوص تویه دِروار اِه. زومِستانی شوها و شوچله ای(یلدا) واسِری. خارهاکردنش(درست کردنش)خیلی سخت نییِه. ☑️ طرز خارهاکردن: همه مواد لازومه تویه دِرواری اه، اوِّل مقدار لازُم تویه دِرواری خشکِ گوشت یا تازه گوشتا،با توجه به نفرات خانیتان در نظر بیگیرن. چون ایسا کِلِی و هیمه در دسترس دَنیه،عیب نِداره،اجاقی سر والین تا گوشت کمی بَپِجِه. اگِر دِلِتان بُخواست مِتانین چند تا پیاز کنارِش والین. تویه درواری گَزِرا(گزر با هویج فرق کُنِه)به اندازه کافی خِلال هاکنین،چندتا چَغُندِریج سر و تهشا بَزِنین ،تِک تِکه هاکُنین و دریجین گوشتی کنار تا با گوشتی اوء خوجیر ‌بَپِجِه،نمِک و ادویه به دلخواه اضافه هاکنین. وقتی این مواد با گوشتی اوء بَپِجِه ،یک قشِنگِ رنگی بخود گیره که خیلی خوشمزِه بو ، اگِر یک ذِرِّی اُنا بَچِشین ،اینقدر خوشمِزِّیه، که دلِتان خاهِه اوءشا هورت هاکِشین ، اما نوبایِد این کارا هاکُنین !!! تویه دِرواری گوشتی مِزِّه حسابی بَشی گَزِر و چَغُندِری دله، اُنها ایج خیلی خوشمِزِّه بَبییِن. همزمان صدری دانه یا اَمبِربو را که مسی دیگی دِلِه اجاقی سر واشتین ، بموقعیش اوکِش هاکُنین . ایسا یک لایه برنجا مسی دیگی دله پهن هاکُنین ، اَدی یک لایه خوشرنگ گزِر و چَغُندِر بَپِته را، مایه ماکارونی واری با هم قاطی هاکنین ، لایه به لایه اضافه هاکُنین ، یک ذِرِّی که بالاتِر بیامِه برنجی لا گوشتا جا بَدِین . اُن خوشرنگِ اوء را کمی برنجی سر و اطرافِش هوریجین، شعله را کم هاکُنین ، والین تا خوجیر برنج دم بَکِشه . نیم ساعِت تا سه ربع بعد غِذای خوشمزه تویه دِرواری آماده نوش جانِتان اِه . @zadgahamtuyehdarvar حتما یک سؤالی شُمِی به پیش بیامی ، که مون چجوری بَپِتِن این غِذا را یاد بِگتیوم!!! سالهای ۵۵ یا ۵۶ چِر و مارُم با کلی سوغاتی،بیامییِن تهران مونی پیش. اُنوقتها مون با یک نفر افسِر دیگِر بنام ستوان یکم "غلامرضامظاهری" یک آپارتمان اجاره ای دِله با ماهی ۵۰۰ تومان ، زندگی کِردیم. جان مار چون دانست مون خیلی گوشت گزِر دوست دارُم ، فِرداش گوشت و گَزِر خار هاکِرد. ویشتِر اِز مون این رِفیقُم اینقدر از این غِذا خوشِش بیامِه که طرز خار هاکردِنِشا از جانِ مارُم یاد بِگِت . هر وقت شیوم تویه دروار مونا سفارش کِرد، رحیم خشک گوشت، گَزِر و چَغُندِرا یادِت نشو ... و بار ها و بارها این غِذا را جان مارومی واری خار کِرد و چه روزهای خوبی داشتیم. این رِفیقُم یک روحیات عجیبی داشت ؛پاک ، فداکار ، یک برگ سیگار کنار لبش وانِشتیبه ،مثل دو تا برار بیم . خواهش کُنُم ناراحِت نَبینا ، ایسا که این جملاتا نویسُم مثل اینکه جلوم هوشِسته ،اینقدر اسِرو(اشک) از چشمهام سِرازیره که صفحه موبایلا خوجیر نِیمینُم ... او در هشت سال دفاع مقدس شهید بَبِه ، سرهنگ غلامرضا مظاهری یادِش گرامی ، همیشِک یادِش مونی به زندیه ، اوما وظیفه داریم شهدایی راها طی هاکنیم ... 🌷💕🌷💕🌷💕 چله ای شو ، شو خانوادگی اه ، اِز تلفن همراه فقِط عکس بِگِتِنی به استفاده هاکنین و سعی هاکُنین به همه خوش بوگذِره . حتما آلبوما را یک نُقاه هاکُنین ، اگِر جمعِتان جمع بو و خوشحال بین شهداء و درگذشتگانیج خوشحال بِن ، همین که یادی از اُنها هاکنیم کافیه... رسومات ما، تاریخ ما ، دین ما ، خانواده ...همیشان اومِی به محترُمِن. اجازه ندِیم کِسی اینها را اِز اوما بیگیره ... 🍉 شب یلداتان بخیر 🍉 *⃣*⃣*⃣*⃣*⃣*⃣ #حاج_رحیم_رستمیان ۳۰ آذر ۹۶ @zadgahamtuyehdarvar

🌸در آخرین چهار شنبه آذر ماه 🍂ازخـدا خـواهُم 🌸بـرکِت بیشتِرینش 🍂محبت گرمتِرینِش 🌸مهرُبانی شیرینتِرینِش 🍂شــادی بـی دلـیـلـش و 🌸معجزه خدا جاریتِرینِش 🍂نـصـیـبـتـان ببو ان شاءلله .. 🌸غم وغصه های دلتا به وَلگها بسپار 🍂آخِرین لحظه های پاییزیتان بخیر 🌸همولایتی های عزیز و زحمِتکش 🍂یـلـداتـان پیشاپیش مبارِک و پر اِز 🌸مهـرُبـانـی ✍ #محبوبه_وفایی_نژاد #کانال_زادگاهم_تویه_دروار @zadgahamtuyehdarvar

صبح 29 آذر #رادیو_مرسی @zadgahamtuyehdarvar

✅ حِلواسان ، شو چله ای به. قدیما حلواسان خوار کِردِن ‌و دَمکِردِن جوفِشان ، شیین باغ و در خوردِن ، دلشانا داشت... 🍘🍘🍘 ارسال: سیده نرجس کلانتری @zadgahamtuyehdarvar

🍉🍉🍉🍉🍉🍉🍉🍉🍉🍉 چله شُو قدیما یادش بخیر؛ شُو چله معمولاً همه خانواده و فامیلا دور هم جمع بِیِن ، جان کرسی ور ... انوقتا چله شُو که به ، پلواری خشک گوشتا نم دمکردن شُو چله واسری ، گوشت پلا خارِ کردِن ، پلایی لا را گَزر ،چَغُندِر، دمکردن . سُوزی پلا خارِ کردن با همان خشک گوشت که خیلی مزه کرده ... بعضیاچُغُندِر پِتِی ،گزر پِتِی کِردن، حوزمزگا شور کردن ، تخمه ، سنجه، برمبکی میوه،زردآلوی لتی که توِستان خشک کردن،انگور، ولیک ...هرچه که دستشان دبه گتن دمکردن مجُومعی دله، وامشتن کرسی سر دور هم خوش بِیین ... بعضی وقتا تا مهمانا ماستن بَشِن ورفِ گِت ... دیگه اون شُوها ونمگرده ، یادش بخیر... 🍉🍉🍉🍉🍉🍉🍉🍉🍉🍉 ارسال:کبری خسروی @zadgahamtuyehdarvar

سلام ، خیلی عالی یاد آوری هاکردین ، مخصوصا انجه که میهمانا ماستن بشن ورف گت . بارها شاهدش بیم ، اما یک ورف آرام و هوا ایج سوز نداشت، تازه چند سانتی ورف زمینی سر واستاردی به ، از بس همه مشغول صحبت بین ، تا آون موقع راست هابین و بشیین. میهمانان هیچکس متوجه ورف دگتن نبین ، قدیما یادش بخیر ،ایسا که شما و دیگران این آسانو را باز گو کنین، یعنی قدیما باز زنده ببی ، اری ایسایج یک جور دیگه ، شاید بهتر از آنروزها ، ان شاءالله خوش بین یلداتان بخیر و خوشی . @zadgahamtuyehdarvar راستی تا یادوم نشی یک چیز دیگرا بگوعوم ، این یکی تقصیر شما به که یادوم هونداتی. وقتی سر و صدا ی خدا حافظی مله ای دله دمپیچی ، حیوانی خری صدا درمیامه ، بابا امشو اصلا مونا فراموش هاکردین ، همیش به خودتان برسین ، نه خوراکی ، نه جوئی ، نه اوئی ، خره شروع کرد عر عر عر، ای مسلمانا بدادوم برسین ، این شو به این بلندیا تا صبح چجوری سر هاکنم ... اینجه به که چرومی اعتراض درمیامه ، ای فلان شده ، خری خوراکا هادین. یادت بشی ، ادی تازه شیم خری به شوچره بردیم . شب یلداتان بخیر... ⛄️❄️⛄️❄️⛄️❄️ ارادتمند #حاج_رحیم_رستمیان @zadgahamtuyehdarvar

شُو_چله و کرسی پِی آتِشی ؛ یاد هر دوشان بخیر.... سلام. اجی ، مجی لافرجی ، اگه دوست دارین حدود شصت سال پیشی شُو چله تویه دِرواری را بِینین ، لطفا یک لحظه ذهنتانا از ایسایی شُو یلداها جدا هاکُنین و با مُن هِمراه هابین . چله ای شُو با کرسی از خیلی قدیم تِرا رفیق بییِن ، روستایی ها همه جور محصولاتشانا تا آنموقع ورچین . بقول معروف زُمِستان موقع بخور و بخواب اه ، شَلُم و گَزِر و چغندرا یک گوشه مله (حیاط) چال دَمکردین ، انگور و برمبکی میوه را بند دکشین، انباری یا داخل خانه های پستو (که کار انباری را میکرد) اوزان هاکردین ، هوز و باداما خشک هاکردین . ویشتِر وقتا برای اینکه هوز بِتِر بُمانه چلکی(ظرف مسی یا آهنی)دله دمکردند..زِردآلو لَتِی و تَنِکه ها(لُواشِک) را به دور از چشم پسِران و دُتران صندوقی گندمی دله جا دان. پسران دشمن زردآلو لتی بین ، اما سنجه ، خشکِ ولیک و بقیه چیزا را اگه دم و دست وامِشتن( می گذاشتن) عیب نِداشت. مزه شو چله به این به که چند نفِر گتتِرا (بزرگان) حضور داشته بِن. وقتی خانواده ها وَچانشانا عروس و داماد کِردن ، شو چله همه وچه ویله ، عروس و دامادا میامییِن گت بابا و گت نه نه ای خانه جمع بییِن. یک وقتا ایج عموها ، عمه ها. هِمسایه ها ترجیح دان هم دیگه ای خانه جمع هابِن،برخلاف هر شو که چراغ گرد سوز خانه را روشن کرد، اینطری وقتها چراغ طور را آماده کردن تا نور ویشتری داشته بو.کرسی محور و میاندار شو چله به ، وقتی میهمانایی سر جمع به ، قسمت بالای کرسی(بالاکنار) برا گَت تِرا به. بخاطر پخت و پز و آتِش فِراوان، شو چله کرسی از همه وقتها گرم تِر به ، یک منقِل برنجی دله ، آتش دمکردن و خانه ای دله وامِشتن ، اولین چیزی که برا گترا تعارف کردن قلیان، البته با تنباکوی وطنی سمنان،اصفهان یا .. به. خدا همه بزرگان محلا بیامرزه، قلیان داخل سینی و روی پاشان وامشتن، وقتی چندتا پک حسابی زین،تازه خاطراتشان یادشان میامه.بقیه افراد برحسب سن و سال کنار کرسی یا کمی دورتر از کرسی هومشِستِن ، معمولا سموار آتشی خانه ای دله قل قل جوشی و یک نفِر مسول چای به. اوِل نوبِت میوه های زُمِستانی به، از هندونه خبِری نبه،اما بترین میوه انگور هایی به که تا انوقت داخل کیسه و روی چفته اوزان بییِن.چنان براق و تازه بین که وقتی میل کردین،از بِشکستن دانه های انگور صدا درمیامه. این وقت ها(شب چله) فصل پلوارکشان ایج اه ، گاه وقتی ، نان روغنی که موقع داغ هاکردن پی و دنبه و تهیه قورمه،نون لُواشا تا زییِن وامشتن داخل روغان. نون حسابی با روغان ممزوج بین ، خوردنش برای اون دوره ای آدُما لذِت داشت چون همیشان فعالیت جسمی داشتِن. اینقدر ماشین مِلا در کار دنی به ، اما خانم خانه یک مجومه شُو چِره از قبل خار هاکرده کرسی سرا خلوت کردن،مجومه را با مخلفاتش کرسی سر وامشتن ، بهتر از آجیل گران قیمت شب چله فعلی، داخلش حوزِمَزگ(مغز گردو) ، مغز بادام ، مغز هسته زردآلو ، زردالو لتی ، آلو بخارا ( گوالو ) سنجه، ولیک و دیگر مخلفات بر حسب سلیقه خانم های خانه ، فت و فراوان در دسترس همه اِستا ( وجود داشت ). قلیانی ها به همدیگر قلیانا تعارف کردن ، حرف و صحبت از قحطی ها ی زمان قدیم شروع به ، که مردم برای یک کیسه آرد مشکل داشتن ، تا ناامنی ها ، معمولا از حمله پلنگ و گرگها به گوسفندان هم، صحبتی به میان میامه ، که خیلی مورد توجه وچا به ، خصوصا دفاع سگها و نجات گوسفند از دهان گرگ و پلنگ نابکار. اما بزرگترا کم و بیش از شعرهای حافظ،سعدی، فردوسی، داستانهای سربازی برای هم تعریف کردن ، داستان جنگ جهانی دوم و مرخص شدن سر بازان برای مُن یکی خیلی جالُب به ، مخصوصا چند نفر از سربازان آنزمان از جمله "مرحوم آقا میر محسن که از تهران تا تویه دروار با پای پیاده بیامی بیین. گرمای سموار آتِشی، منقل آتشی ، جمیعت زیاد اطاقا در دل زمستان،چنان گرم هاکردی به، که کِسی پاش کرسی دله دَنیبه.آخِرین میوه های سیو بستن و برمبکی میوه و زردِ میوه هم سر کرسی حاضر به و همه نوش جان کردن. گاه گداری صدای گاو و گوسفندها بگوش رِسی.مرحوم چِرُم خیلی دقت داشت یک وقتی این حیوانات فراموش نبِن و گشنه و تشنه نُمانِن،رو به مارُم گُت عذرا(پدرا معمولا بجای نام بردن اسم همسرشان، همسر را با اسم دختر بزرگ صدا می زدن ) وَچا به خر و گُو رسیدگی هاکردین یا نه ؟ در زمانهای قدیم، در هر خانه یک خر برای امور حمل و نقل و سواری نگِهداری به ،در همین باغستان شاید صدتا خر رنگ و وارنگ حضور پر رنگ داشتِن ، حیوانی ها حالا سر راست کنِن یک خر هم پیدا نَمبو. ای خدا همه بزرگان ولایِتا بیامرز . چله ای شو، بیشتِر از هر شو کنار هم هوشِستین ، اگه کسی از هم رنجش یا دلخوری داشت، کنار وامشتن ، روز از نو روزی از نو ،،،، شو چله همه هم ولایتی ها بخیر و خوشی ، انشاء الله . *⃣*⃣*⃣*⃣*⃣ ✍ #حاج_رحیم_رستمیان ۲۷ آذر ۹۸ @zadgahamtuyehdarvar