ای حسین ای عرفا نوحه سرای محنون مکتب معرفت اُللهیدی عشق انجمنون مدح ایثاروه  قادردی  مگر هانسی قلم سرّ نا گفتۀ غیرتدی تَن بی کَفَنون آلنوون قانی که رنگین ایلدی لبلروی سندی بازاریده معیاری عقیق یَمَنون سن که مقتلده سوروندوکجه دیدون یا قُدّوس ملکوت اهلینی مست ایلدی زیبا سخنون سایه سالدی ایله که سینوه جبریل امین مُلک جنّات نعیمون سَنَدی اولدی سنون یوسف مصریده پا بوسه گتوردی قاپوا سنون اگنونده که صدپاره اولان پیرَهَنون استاد سیدتقی سیفی اردبیلی #حسینیه #مدح https://eitaa.com/nabnohe1 لینک کانال نوحه‌های ناب

🎙حاج نادر جوادی ▪️عزاداری دهه دوم محرم 1402 . 🔻روستای نوشار_اردبیل 🔻شعرخوانی_مدح امام حسین(ع) https://eitaa.com/nabnohe1 لینک کانال نوحه‌های ناب #حسینیه #مدح #کلیپ

‍ ‍ ‍ ‍ ‍ در ویرانه ده دورما ... زبانحال حضرت زینب کبری با حضرت رقیه (س) در خرابه شام در ویرانه ده دورما منیم آرامیمی آلما چوخ ائتمه تکیه دیواره آنامی یادیما سالما نوالی بلبلوم لایلای شیرین دیل سویگلوم لایلای الیوی قوینووا قویما بئله تئز جانیوه دویما بو قدر غملی دایانما بو ذوقیله تماشایه گلن قیزلاری آغلاتما نوالی بلبلوم لایلای مارالیم ایلمه افغان گوزووی سیل بی بی قربان سوزوی دئ منه هر آن آلیب آغوشه دیوم جان تاپارام دردیوه درمان نوالی بلبلوم لای لای قادا سندن اوزاق اولسون یوزون عالمده آغ اولسون وطنون لاله باغ اولسون ائویوی چلچراغ اولسون سارالیبسان ایراق اولسون نوالی بلبلوم لایلای سنی گوردوکجه سارالّام غم اوخون قلبیمه چالّام دئمه ویرانه ده قالّام یولومی یثربه سالّام سنه گوشِواره آلّام نوالی بلبلوم لایلای قره گیدی اوجا داغلار سارالوب غنچه لی باغلار قوریوب غملی دوداقلار سنی گورجک قولی باغلار ننون آغلار باجون آغلار نوالی بلبلوم گوزلیم گول گوله گوللر قوتارار بو چتین ایللر چکیلر بو قره یللر کؤچر اؤز ملکونه ائللر دارانار بو قره تللر نوالی بلبلوم لایلای بانوای مرحوم استاد مؤذن زاده اردبیلی #مرحوم استاد تقای اردبیلی 🌹به ما #بپیوندید 👇🌹 #رقیه #خرابه_شام ঊ🖤ঊঈ https://eitaa.com/nabnohe1 لینک کانال نوحه‌های ناب ঊঈ🖤ঊঈ 🙏 برای دیگران هم #بفرستید

https://eitaa.com/nabnohe1 لینک کانال نوحه‌های ناب

🏴جوشے دلنشین فاطمیه 🎙با نوای ملکوتی زنده‌یاد: #حاج‌_محمدباقر_منصوری ✍ با شعرے زیبا از: #رحیم_فیضی_اردبیلی #فاطمیه #کلیپ https://eitaa.com/nabnohe1

اوخ مشکیمه دگدی سو یره جان کیمی آخدی مشکین داماریندان یره سو قان کیمی آخدی مشکین سویی توپراقلارا باران کیمی آخدی اشکیم ولی بیر نهر خروشان کیمی آخدی افسوس حسین جان که وظیفم یاری قالدی دشمن تبری حیدر ئوپن اللری سالدی آتدان یخلاندا یره بیر عورتی گوردوم واردور منه قارداش نظر رحمتی گوردوم زینب کیمی غمدن اگیلوب قامتی گوردوم سیلی اثریندن گویروب صورتی گوردوم دقت ائلدیم گوردوم اوزی سوسنه بنذر بیر عاطفه دن بیرده گوزوندن سنه بنذر کیمسن که محندن دوتولوبسان دئدیم ای ماه بو غملی بیاباندا اولوبسان منه همراه ای کاش گوریدی سنی بیر لحظه شهنشاه ال دوتدون ابوالفضله الوندن دوتا الله زهرا ننم اولسون توزا توپراقه بورونّم اخیامه کیمی سینه مون اوستونده سورونّم آلدی باشیمی سینه سی اوسته دئدی جان جان شانه کیمی اوخلار ائلیوی سینه وی شان شان عاشق کیمی مین دفعه ئوپوب سینه وی پیکان جانیم اولا پرچم یاپشان اللره قربان سیلدیم گوزووی باخ منه ای شیر قوی تن یثربده جوانلیقدا ئولن فاطمیم من بیر مکتب والا ائلدون عشقیوه ایجاد هئچ بی غرض انسان دوتا بیلمز سنه ایراد قانون یره یازدی یاتاجاق پرچم بیداد احسن سنه ای باشرف اوغلوم ائوون آباد نهر اوسته باشوندان توکولن قانووه قربان یورقون جانیم اولسون یورولان جانیوه قربان بلبل نجه یاز فصلی اوخور گلشنه لایلای زینب نجه یثربده دیردی منه لایلای خوشدور غم الیندن قاریشا شیونه لایلای یات یاره لی سینمده دیوم من سنه لایلای آی سرو کیمی یرده قالان خوللاری لایلای لایلای سو کنارینه دوشن قوللاری لایلای 📣 #استاد_حاج_حسین_غفاری https://eitaa.com/nabnohe1 لینک کانال نوحه‌های ناب #برای_دیگران_هم_بفرستید #عباسیه #شجاعت #مدح

🌹حضرت ابوالفضل العباس علیه السلام🌹 https://eitaa.com/nabnohe1 لینک کانال نوحه‌های ناب حاج حسین غفاری اردبیلی بخش 1⃣ سردار شرف صاحب صولتدی ابوالفضل فرزند شهنشاه عدالتدی ابوالفضل باشدان ایاقا علم و فضیلتدی ابوالفضل فرمانده اردوی امامتدی ابوالفضل حوریلرون انگشترینه حکدی ابوالفضل سر درب بهشته یازیلوب تکدی ابوالفضل فردوسی یازوبدور ولی افسانه دی رستم رستملری حیرتده قویوب فاتح علقم دقت ائلسین شاعر و مداح و مُعَمَّم عباس ابر مرد شجاعتدی مُسَلَّم چوخ گورملی داش وار ولی الماس اولابیلمز مین رستم دستان گله عباس اولا بیلمز عباس نه عباس قوی پنجه و خوش خو ابرولری شمشیر کمان شکل و دو پهلو تعریف ابوالفضله کفایتدی فقط بو وزن ایلمگه غیرتینی یوخدی ترازو اکسیر ادب جوهر تقوادی ابوالفضل غیرت ئوزی بیر قطره دی دریادی ابوالفضل کانون وفا عالیه انفاسیدی عباس حفظ حرم حیدره حساسیدی عباس آداب جوانمردیه مقیاسیدی عباس سلطان شجاعت بیزه عباسیدی عباس عباس دئمه تک باشا لشگردی ابوالفضل لشگر دئمه بیر حیدر دیگر دی ابوالفضل شاهین شکاریدی میادین جدلده گورمزدی الین بیر کس اونون رزمی عملده بیر نوعی دوتاردی ایتی شمشیرینی الده گویا که علی جنگه گلوب جنگ جملده شمشیر اَنَن وقتیده تکبیر اوجالاردی سرعتده شاخان صاعقه دن سبقت آلاردی تحقیری قبول ایلمدی روح شریفی قان وئردی سر افراز ائلدی دین حنیفی هر چند یوخیدی عربستاندا حریفی حیدر کیمی میدانیده قومازدی ضعیفی احسن آقامون مکتب ارشادینه احسن بو درسی وئرن باشرف استادینه احسن شرح ایلمه گه یوخدی توان تربیتیندن آزدور نقدر یازسا قلم معرفتیندن گوز یوممادی دستگاه ستم معصیتیندن ناحقه باش اندیرمدی جان مصلحتیندن میداندا اولان وقتیده اشراره مقابل ایراد سخن ایلدی دریای فضائل ئوللم دیدی من ایلمرم ظلمی تَقَبُّل عباس ائلمز ذلت و خوارینی تحمُّل حاشا ائلیم حیطۀ عزمیمده تعلُّل گورمز بیری بیر ذره ارادمده تزلزُل زهرا خانمون یوسفینون نوکریم من باش اگمه میشم هرزه لره حیدریم من من تابع فرمان امام ابن امامم ذریۀ زهرایه کمر بسته غلامم سرلشگر و سردار و علمدار قیامم مولا طرفیندن سیزه مأمور پیامم منشور خدادی سوزیمیز بیش و کم اولماز آزاده لرین قامتی شمشیره خم اولماز فقرین اودونا باعث اولان ثروته لعنت مظلوملاری زنجیره چکن قدرته لعنت انسانلارا ذلت گتیرین بیعته لعنت ظلمه باش اگن ملت بی غیرته لعنت غیرت بیزه ارثیه دی سلطان نجفدن مین یول ئولرم دونمرم اما بو هدفدن سگبازی مسلمانلارا رهبر ایلیوبسوز بی دین لری ناطق منبر ایلیوبسوز کافر بالاسین مظهر داور ایلیوبسوز پیغمبرین اوغلون ولی کافر ایلیوبسوز هیهات ، کی دین و شرف و راه حسیندور شاهلار اونا نوکردی شهنشاه حسیندور دنیایه ووران پرچم توحیدی حسیندور تسخیر ایلین عالم تجریدی حسیندور آزاده لرین رهبر جاویدی حسیندور جنت باغینون برگ روادیدی حسیندور حق مکتبینون عارف سرمستی حسیندور جنگ و جدلین شیر قوی دستی حسیندور جانیم اولا غمدن یورولان ... https://eitaa.com/nabnohe1 لینک کانال نوحه‌های ناب #برای_دیگران_هم_بفرستید ادامه دارد ⬇️⬇️⬇️ 🌹حضرت ابوالفضل العباس علیه السلام🌹 ✍حاج حسین غفاری اردبیلی بخش 2⃣ جانیم اولا غمدن یورولان جانینه قربان لیلا گوزلی یوسف کنعانینه قربان تل اوسته سوسوز بیر سوری جیرانینه قربان عطشان لبیم اولسون لب عطشانینه قربان قوللاریمی سالسوزدا اوجا دغلاری یاررام باشدان کئچرم اصغره اما سو آپاررام سئنسین فلکین چرخی توکوب غم غمین اوسته طوفانه ابوالفضلی سالوب علقمین اوسته گویدن توکولوب گرد عزا عالمین اوسته قولسوز یوزی اوسته یخیلوب پرچمین اوسته یوز دوتدی خیامه دئدی ناچارم آقام گل قاتللره میداندا گرفتارم آقام گل ای شاه جنان نوکر درباریوه باش چک قربانون اولوم یار وفاداریوه باش چک من هئچ دئمورم عرصه ده سرداریوه باش چک زهرایه گوره قولسوز علمداریوه باش چک آل گوشۀ دامانووی قیزلارین الیندن گَل شیریوی آزاد ائله اشرارین الیندن شاهد سن ئوزون ای شرف وادی ایمن اولدوم گوز آچاندان سنه بیر عبد فروتن بیر نوکرون اولسا اودا دنیاده منم من عاشق دئمرم دوغراسالار ایلیه شیون عاشق اودی ئوز قانینه مستانه بورونسون آتدان یخلاندا یوزی اوستونده سورونسون آلدیم سوئی اشرارین الیندن گتیرم سو اولدوز کیمی گوردوم سو وورور نهریده سو سو دولدوردوم اَوَل مشکی دئدیم تشنه دی آهو عطشان دوداقیمدان گویه قوزاندی هیاهو نفسیم دئدی ایچ ، ایچمدیم عطشان سویا باخدیم غیرتدن اوتاندیم اَریَن شمع تک آخدیم مشکین ائلدیم بندینی بوینومدا حمایل دوشدوم یولا اخیامه ساری غم اولا زایل گوردوم یولومی سدّائلیوب لشگر غافل جنگ ایلمگه گوردوله یوخ منده تمایل باخمادی قَدَر منشی سی گوز یاشیمه قارداش باران کیمی اوخ یاغدی منیم باشیمه قارداش

‍ جریان بعد از آوردن امان نامه به حضرت ابوالفضل(ع) https://eitaa.com/nabnohe1 لینک کانال نوحه‌های ناب (علی اکبردن پیغام یولادی ابوالفضلین خیمه سینه گیت عموا دینن بابام سنی چاغرور گلدی الین قویدی اورگینون باشنا عمو سلام عمو بابام سنی ایستور دوردی ایاقا کلاه خودون قویدی باشنا سپری آلدی الینه شمشیری باغلادی بئلینه که امر ایلسه اوردان بیر باشا گئده میدانا دا بیرده خیمیه گیدمیه گلدی اجازه آلدی السلام علیک یا مولا یااباعبدالله گوردی یواش سس گلدی ابوالفضل سلام وارد اولدی چادرا گوردی آقا بئله پکردی چنه سین قویوب شمشیرینون اوستونه ابوالفضله بئله حسرتیلن باخورعباسی گورجگین دوردی ایاقا زینب دیدی بیر خبر وار اودا وارد اولدی چادرا الین قویدی ابوالفضلین سر دوشینه ابوالفضل بولورسن نیه سنی چاغرمشام؟ بیرآز بونان قاباخ اشیدیم سنه امان نامه گلیب ابوالفضل سنی ننم زهرا گتسون گیت منن اوتانما ابوالفضل) دعوا فقط بو چولده منیم باشیم اوسته دی فرمان قتلیمی گتیروب شمر لشکره (شمر وارد اولدی کربلایه عمرسعده دیدی امیر دیدی اگر صاباحدایو باتسان ئوزوم فرمانده اولاجاقام اگر باشارمرسان چکیل کنارا حسینون گرک باشین آپارام کوفیه) دعوا فقط بو چولده منیم باشیم اوسته دی فرمان قتلیمی گتیروب شمر لشکره گیتسه بو آز قوشوندا ارادم سنان دگول تنها قناعت ایلویرم اوغلوم اصغره الحق گلنده زحمتیمیز چوخ دیوب سنه چوخ خدمتون یتوبدی بنات پیمبره گیتمک خیالون اولسا خدا حافظ ایلیک فکریم بودی گوزونن اوپم گل برابره ویر ال اله بیر آز ایکیمیز ال اله گیدک شاید الیم یتیشمیه بیرده او الره بیرده گیدنده زینبیله صحبت ایله گیت سنسیز دوشر سحردن او مظلومه چولرهm (بئله باخاندا گوردی باجسی زینبده باشین سالوب اشاقااصلا دینمیر اصلا بونی دانشدرمر بویوردی باجی سن نیه متی دانشدرمرسان؟) گل بیر شفاعت ایله آقا قوماسون منی عالم بولور شفاعت ایدن سیزسیز عالمه (دیدی ابوالفضل من آقانون حضورینده دانشمارام فقط  بیر کلمه سنه بونی دیرم الیکی او امان نامه نین سوزی پخش اولوب خیمه لرده بیرده نه سنه فقط سنه خیملرین منظرسینن دیرم گیدسن گیدیبسن قالسان قالوبسان اونی آقا بولر ئوزون بولرسن) ایستور سنی بیزدن آیرا آل امیه مکتوب امان یازمش او فرزند سمیه العان اشیدیب گیتمگیوی نازلی رقیه لای لای دیمه دی اصغره دوردی باشین آچدی فکر ایتدی گیدیبس بیر آز اول چوله قاشدی (امام بیرده باخدی عباسه ) گیدسوز اولوسوز کوفه ده محبوب خلایق بیر قصر برآزنده ویرلر سیزه لایق گلسم سیز اولان شهره قوناق منده مسلم خولی ایوینه گیتمرم اوندا سیزه ••✾•☘🌷☘•✾•• https://eitaa.com/nabnohe1 لینک کانال نوحه‌های ناب #عباسیه #روضه #مداحی 🙏 لطفا برای دیگران هم #بفرستید بانوای زنده یاد حاج محمد باقرمنصوری اردبیلی 👇👇👇👇

حاج انور اردبیلی (ره): احوالات حضرت مسلم علیه السلام مرحوم انور اردبیلی بخش 1️⃣ چون نامه کوفه‌دن شه بطحایه یازدیلار نور دو عین حضرت زهرایه یازدیلار هر نامه‌ده امام حسینون حضورینه بیر سلسله مطالب بی‌پایه یازدیلار گل کوفه اهلینی ایله ارشاد رهبر اول چک بو جماعتی ره معنایه یازدیلار عصرون امامی سن بیزه واجبدی طاعتون فوراً یتر اوامرون اجرایه یازدیلار خوشدور هوای کوفه گلستاندی چوللری هر یر دونوبدی باغ مصفّایه یازدیلار خوش منظریله باش باش ویرمشله نخللر خوش طرزیله سالوبلا یره سایه یازدیلار سایسیز بو شهریده آتوون پیروانی وار حسرت قالوبلا مَقدم والایه یازدیلار اهل عراقه لطف ایله قالما حجازیده گل صاحب اول بو خطۀ زیبایه یازدیلار یاره خیانت ایلدی اغیار مسلکان چشم زمان قیامته‌جک اولدی خونچکان قیلدی حسین حضورینه احضار مسلمی جریانیدن ایدوبدی خبردار مسلمی لایق عم اوغلسون اوزینه نایب ایلدی امر مهمّه بُلدی سزاوار مسلمی برنامه یازدی کوفه‌ده نامه یازانلارا تعریف ایدوب او قومه وفادار مسلمی خیر و صلاحوزه سببین یولادوم سیزه ناظر ایدون اموره فداکار مسلمی بیعت اونا کیم ایتسه منه بیعت ایلیوب حرمت قیلون مباد ایده‌سوز خوار مسلمی توشیح ایدوبدی نامه‌نی ویردی سفرینه برنامه‌سیندن ایلدی هشیار مسلمی خلقه تواضع ایله عم‌اوغلی فروتن اول اوندان دعا ایدوب شه ابرار مسلمی گیت منزله بویوردی خداحافظ ایله گیت سالدی یولا خلاصه دل افکار مسلمی یول باشلیوبدی مرکب رهوار کوفیه اجلالیه یتشدی او سردار کوفیه مسلم جمالینی ایلکه رویت ایتدیلر پیشواز ایدوبله مقدمینی حرمت ایتدیلر اکرام و یا نوازش و یا دست بوسیده بیربیرلرینه کوفه‌لیلر سبقت ایتدیلر اطرافدن اوجالدی گوگه مرحبا سسی شهره ورود ایدنده اونا خدمت ایتدیلر خوش گلموسن آقا گوزموز اوسته وار یرون مهمان اولا او حضرته چوخ منّت ایتدیلر اشراف کوفه پیر و جوان اولدولار مرید بیعت الین ویروبله اونا بیعت ایتدیلر صفلر چکلدی پشت سرینده نمازیده فیض نمازینه چاتالار سرعت ایتدیلر هر مجلس و هر انجمن و بزم انسیده سوز سالدیلار وفا سوزینی صحبت ایتدیلر گوندردیلر سران بنی هاشمه درود آل امیّیه دل آچوب لعنت ایتدیلر دم ورودیلار مجاهدت و ترک جانیدن نامردیلر چخانمدیلر امتحانیدن تأمین ایدوبله ابن‌زیادین مرامینی واجب بیلوبله اوزلرینه احترامینی مطلق وجود مسلمی نادیده دوتدولار هیچ کیمسه آلمادی او غریبون سلامینی هیچ شهرون اهلی کوفه‌لی تک روزگاریده خوار ایتمیوب او نوعیله نایب امامینی گیتدی نمازه مسجده ... احوالات حضرت مسلم علیه السلام مرحوم انور اردبیلی بخش 2️⃣ گیتدی نمازه مسجده باشدا اوتوز نفر ختمه یتورممشدی سجود و قیامین بیربیر اوتوز نفرده ایدوب قصد انفراد بر هم ایدوب پوزوبلا نمازون نظامینی مسلم دونوب باخوب دالا بیر کیمسه گورمدی ترک ایتدی اشگی گوزده عبادت مقامینی حسرتله باخدی مرکبینه اولمادی سوار آزاد ایدوبدی اوستونه آتدی لجامینی یوخدور یریم دیدی سنی من هاردا ساخلارام گیت بلکه روزون اولا بیر کیمسه ضامنی محصور ایدوب بلا منی بیر یانه گیتمیوم آواریم اوزوم سنی آواره ایتمیوم یول باغلیوب پیاده اورک انقلابیله پیچ و خم بلایه دوشوب پیچ و تابیله شهرون غریبی، منزلی یوخ ، میزبانی یوخ مقصد یوخیدی مقصده گیتسون شتابیله حیران گزوردی کوچه‌لرون عرض و طولینی همگامیدی شهادت او عالی جنابیله بیر کوچیه دوشوب گذری چوخ طویلدی طیّ ایلدی او کوچه‌نی رنج و عذابیله بن ‌بستیدی یولی یوخیدی قالدی چاره‌سیز دیواره تکیه قیلدی دیدی اضطرابیله یارب یوخومدی مسکنیم آخر گیدوم هارا طرد ایتدی کوفه اهلی من چون عتابیله مأمورلر گزور اوتوروم کوچه‌ده نجه صبح ایلیوم بو غملی شبی اشک نابیله یوخدور بو شهر ایچره قوناق ساخلیان منی نسبت مگر یوخومدی منیم بوترابیله باغلاندی ایولرون قاپوسی ایش قالوب سنه رحمت قاپونکه باغلی دگل چاره قیل منه طوعه چخوبدی مسلمی ایتدی مشاهده حیّ ودود شاهدی چاتدوردی شاهده کیمسن دیدی قاپومدا دوروبسان نه علته گتمورسن اوز مقاموه لیل سیاهده فرمایش ایتدی گئت منه بیر کاسه سو گتور سیراب ایله اَوَل منی بو ایستگاهده طوعه سو گتدی مسلم ایچوب دوردی گتمدی بیر آه چکدی قلبی یانوب سوز آهده ایچدون سو ایندیکه دیدی بس گتموسن نیه؟ قویدی منی سنون عملون اشتباهده قیلدی بیان هایانه گیدوم یوخدی منزلیم گور منزلی اولان دایانار بین راهده؟ امکانون اولسا گور منه ویر بو گیجه پناه الله سنی جزا گونی ساخلار پناهده وار نسبتیم حسینه عقیل اوغلی مسلمم بلمم نه گوردی کوفه‌لی من بیگناهده طوعه ایشتدی مسلم آدین دلده اشتیاق عرض ایلدی کنیزوه اول بو گیجه قوناق مسلم صباح ایدوب گیجه‌نی سوز و سازیله گرم اولدی رو به قبله‌ده راز و نیازیله یاتماز بو رسمیدور گیجه شب زنده‌دارلر تهذیب روح ایدر بلی روح نمازیله

گه سجده ایتدی ساحت معبودینه گهی قرآن تلاوت ایلدی لحن حجازیله لیل فراقه عزّتیله ووردی پشت پا صبح وصالی درک ایلدی امتیازیله ناگه سواره‌لر ایلیوب منزلین حصار دوردی مقابل اولدی حقیقت مجازیله شمشیرینه نجات ویروبدور غلافدن گتدی بلا سراغنه آغوش بازیله قرخ بش نفر یازولّا ... احوالات حضرت مسلم علیه السلام مرحوم انور اردبیلی بخش 3️⃣ قرخ بش نفر یازولّا بقوری ایدوب هلاک زاغ و زغن رقیب دگل شاهبازیله افسوس اولا کمکسیزیدی شهر کوفه‌ده ناپاک‌لر حریفدی اول پاکبازیله ظلمون دوشوبله باملر اوسته تلاشینه بیعت ایدنلرون چوخی اود توکدی باشینه روبه صفتلر آلدی او شیرون کنارینی تنگ ایتدیلر او بیکسه غربت دیارینی چوخ یاره دگدی فانی آخوب گتدی طاقتی آرتوردی کوفیان ولی ظلم و فشارینی شمشیری اندیروب یوزینه بیر نفر شقی سالدی یره دیشیله لب درّ بارینی قان داشلانوبدی آغزی دولوب لخته قانیله الدن او یاره آلدی اونون اختیارینی دیواره تکیه قیلیدی بیر آز بلکه دینجله آرام اولوب ویره نفس مرگبارینی نامردلر شماتت ایدوب طعنه وردیلار مسلم ولیک ویرمدی الدن وقارینی سعی ایتدیلر دوتولمادی حیلیله دوتدولار چرخون گلون مذمّت ایدک کجمدارینی شمشیرین الدن آلدیلا دستبند وردیلار صیادلر کمنده سالوبدور شکارینی ابن‌زیاد بزمینه قول باغلی گتدیلر باش آچوق اسیری اورک داغلی گتدیلر مملوّدی او بزم ستم ازدحامیدن نخوت یاغوردی مجلسه قوم لئامیدن ابن‌زیاده باخدی ولی ویرمدی سلام عالِم اولان بصیر اولور علم کلامیدن وارسته‌لر تملّقی بُلمز زمانه‌ده آزاده‌لر محالیدی دونسون مرامیدن باخدی او بزمه قانلو گوزی دوشدی کوزیه گلدی دله سو ایستدی قوم ظلامیدن بیر کاسه سو گتوردیلر اما ایچنمدی قان کاسیه توکولدی لب لعل فامیدن دنیا سوئی بویوردی داخی قسمتیم دگل کسدی سو التفاتنی بو تشنه کامیدن سعد اوغلونا وصیّتنی ایتدی بیر به بیر جلاد اونی کناره چکوب بزم عامیدن مجلسده کسمدی اوجا یرده کسوب باشین آتدی یزه جنازه‌سینی پشت بامیدن باشسیز بدنکه دوشدی اوجا بامیدن یولا طوعه گلوب سراغینه زلفین یولا یولا صیحه وروب سمایه اوجاتدی نواسینی مهماننون اقامه ایدوبدور عزاسینی آغلار گوزیله قیلدی نظاره قوناقنه بیر پارچا قان گوروبدی بدنده لباسینی سسلندی من خجالت اولان میزبانوم گلدوم که طوعه‌نون گوره مردم وفاسینی سن بیر گیجه ایویمده قوناق اولدون ای غریب سالدی زمانه باشیمه خجلت قراسینی صبحه کیمی نماز قیلوب ایلدون دعا قویدون نشان ایویمده عبادت صفاسینی جرمون نه‌ایدی کوفه‌لیلر کسدی باشوی ناحقّه ساتدی سن کیمی حق آشناسینی دست جنایت ایتدی منی تیره روزگار پنهان اولام گورنده گرک آل یاسینی گر قویسالار جنازوی کفن ایلرم سنون دفن ایلیوب گتورم اله حق رضاسینی قورخوم بودور قناریه ورسونلا نعشوی حدّدن گچورتسون اهل جفالر جفاسینی فرصت او قدر تاپمادی «انور» زمانه‌ده یازدی بو سوزناک سوزی چاپخانه ده #مسلمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

‍ جریان بعد از آوردن امان نامه به حضرت ابوالفضل(ع) https://eitaa.com/nabnohe1 لینک کانال نوحه‌های ناب (علی اکبردن پیغام یولادی ابوالفضلین خیمه سینه گیت عموا دینن بابام سنی چاغرور گلدی الین قویدی اورگینون باشنا عمو سلام عمو بابام سنی ایستور دوردی ایاقا کلاه خودون قویدی باشنا سپری آلدی الینه شمشیری باغلادی بئلینه که امر ایلسه اوردان بیر باشا گئده میدانا دا بیرده خیمیه گیدمیه گلدی اجازه آلدی السلام علیک یا مولا یااباعبدالله گوردی یواش سس گلدی ابوالفضل سلام وارد اولدی چادرا گوردی آقا بئله پکردی چنه سین قویوب شمشیرینون اوستونه ابوالفضله بئله حسرتیلن باخورعباسی گورجگین دوردی ایاقا زینب دیدی بیر خبر وار اودا وارد اولدی چادرا الین قویدی ابوالفضلین سر دوشینه ابوالفضل بولورسن نیه سنی چاغرمشام؟ بیرآز بونان قاباخ اشیدیم سنه امان نامه گلیب ابوالفضل سنی ننم زهرا گتسون گیت منن اوتانما ابوالفضل) دعوا فقط بو چولده منیم باشیم اوسته دی فرمان قتلیمی گتیروب شمر لشکره (شمر وارد اولدی کربلایه عمرسعده دیدی امیر دیدی اگر صاباحدایو باتسان ئوزوم فرمانده اولاجاقام اگر باشارمرسان چکیل کنارا حسینون گرک باشین آپارام کوفیه) دعوا فقط بو چولده منیم باشیم اوسته دی فرمان قتلیمی گتیروب شمر لشکره گیتسه بو آز قوشوندا ارادم سنان دگول تنها قناعت ایلویرم اوغلوم اصغره الحق گلنده زحمتیمیز چوخ دیوب سنه چوخ خدمتون یتوبدی بنات پیمبره گیتمک خیالون اولسا خدا حافظ ایلیک فکریم بودی گوزونن اوپم گل برابره ویر ال اله بیر آز ایکیمیز ال اله گیدک شاید الیم یتیشمیه بیرده او الره بیرده گیدنده زینبیله صحبت ایله گیت سنسیز دوشر سحردن او مظلومه چولرهm (بئله باخاندا گوردی باجسی زینبده باشین سالوب اشاقااصلا دینمیر اصلا بونی دانشدرمر بویوردی باجی سن نیه متی دانشدرمرسان؟) گل بیر شفاعت ایله آقا قوماسون منی عالم بولور شفاعت ایدن سیزسیز عالمه (دیدی ابوالفضل من آقانون حضورینده دانشمارام فقط  بیر کلمه سنه بونی دیرم الیکی او امان نامه نین سوزی پخش اولوب خیمه لرده بیرده نه سنه فقط سنه خیملرین منظرسینن دیرم گیدسن گیدیبسن قالسان قالوبسان اونی آقا بولر ئوزون بولرسن) ایستور سنی بیزدن آیرا آل امیه مکتوب امان یازمش او فرزند سمیه العان اشیدیب گیتمگیوی نازلی رقیه لای لای دیمه دی اصغره دوردی باشین آچدی فکر ایتدی گیدیبس بیر آز اول چوله قاشدی (امام بیرده باخدی عباسه ) گیدسوز اولوسوز کوفه ده محبوب خلایق بیر قصر برآزنده ویرلر سیزه لایق گلسم سیز اولان شهره قوناق منده مسلم خولی ایوینه گیتمرم اوندا سیزه ••✾•☘🌷☘•✾•• https://eitaa.com/nabnohe1 لینک کانال نوحه‌های ناب #عباسیه #روضه #مداحی 🙏 لطفا برای دیگران هم #بفرستید بانوای زنده یاد حاج محمد باقرمنصوری اردبیلی 👇👇👇👇