"حضرت قاسم (ع) هر  یرده  گر  چه  آز   اوخونار  قاسمون غمی چاتماز   ولی  اونون  غمینه هیچ کیمون  غمی وقتیکه    گلدی    خیمیه     اکبر     جنازه سی درده   گتوردی  هر   ندن  آرتیق  او  بی کسی گوردی ئولوبدی یاوری  یالقوز  قالوب حسین قانه  باتوبدی اکبر  اوغولسوز  قالوب  حسین گلدی    حضور   شاهه    او   شهزاده    رشید عرض   ایتدی    ای     یتیم لره   مایه     امید اکبر   غونده   فکر    ائلمه   اولما  چوخ   ملول من    بیر   غلام   کمتریوم   ایلسون      قبول من   بیر آتاسیزام سنون  اوغلون ئولوب شها غم   چکمه  من  سنه   اوغولام  سن  منه آتا گوندر  گیدوم   مناده   اولوم  منده  سرخ   رو اولاد      مجتبایه       ائدوم       اخذ       آبرو فرمایش  ایتدی  ای  منه   آرام   جان  اوغول وی قارداشیم  نشانه سی روح  و روان اوغول باخ  نعش اکبره  سن اوغول ائتمه عزم جنگ قویما    دگه    بو    گل   بدنه   ناوَک    خدنگ سنّون   اوشاقدی  سرو   قدون  نورسیده دور سن تشنه دشمنون سو ایچوب رزم دیده دور گلشنده      نا شکفته     گلی    من     درنمرم یالوارما     چوخ      منایه     سنی     گورنمرم شهزاده هر چه خواهش ائدوب اولمادی قبول آخر   قیتدی   خیمیه    یأسیله     دل      ملول آخر     خدا    یتیم    نه   اندازه    خوار    اولار تای توش  یانیندا  خوار یاشار  شرمسار اولار گر   دوشمسیدی  اصغر   عم اوغلوم او حالته آغوشیمه      آلوب       آپارار دیم      وساطته بیر   ایله    حالدا    که یانور   عالم   او  حالینه دوشدی    آتاسینون   سوزی   ناگه    خیالینه چکدی  یوزومندن اوپدی  او  سلطان محتشم بوکدی    وصیّتون    قولوما    باغلادی   او دم تاپشوردی هر زمان  ئورگون بولسه غم اوخی بو   نامه نی قولوندان   او   ساعتده  آچ  اوخی امّید   شاخه سینده  صولوب   ایندی که گلوم قوی   نامه نی آچوم   آچیلا    بلکه   مشکلوم القصّه   آچدی   نامه نی دلدن   چکوب  بیر آه گوردی   وصیّتونده   بو  نوعی  یازوب  او شاه ای شاهزاده   بیر گون  اولار تک قالار حسین جهد   ایله   حسینه   او گون   یاور   و   معین ال  وئردی   شادلیق   عالمی شهزاده  قاسمه گلدی     حضور    شاه      سعیده     سراسمه بو   نامه نی   یازوبدی    آتام    مجتبی     منه حکم   ایلیوبدی   جانیمی  قربان  ائدوم  سنه #قاسمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** 🖋️مرحوم استاد رحیم منزوی اردبیلی

نوحه حضرت قاسم (ع) (سبک : ای غنچه نیلوفریم ... ) ای طوی حناسی  قان   اولان  نو کد خدا   قاسم پیکر   یارا    اللرده     قان    باشی   جدا    قاسم بو حاله  کیم  سالدی  سنی ای  خانه سی  بر باد باشیمه  کول   اولدی  بالا   اولدون  عجب  داماد آغلار    قویوب گئتدون  منی   اوغلوم  ائوین آباد قالدیم    اوغولسوز    بی پناه    من   بینوا   قاسم صبحه کیمی من یاتمادیم لایلای دئدوم  یاتدون چوخ     آرزو    امیدله   سن    باشیمی    قاتدون من     آتمادوم    اوغلوم   سنی   اما  منی  آتدون دوزمز   بیله  هجرانه   چون   هئچ   بیر آنا  قاسم چون   اولمادی   اوغلوم   سنه مهر  پدر  قسمت زهر ستم  ایچدی   بابان   قویدی  سنی حسرت من  اون بیر ایل ناکام بالا چوخ چکمیشم زحمت هئچ    بیر  آنا   تاب   ایلمز    ئولسه   بالا   قاسم سن  نوگل  گلزاریدون   اوغلوم  نه تئز  سولدون ائتدون   آناوی   در به در   سن   نامراد   ئولدون بو عرصه گاهِ    عشقده   سن  قانه  غرق اولدون اولدون  بو   قان   دریاسینه   سن   ناخدا   قاسم بو رسمدور    ئولسه    آنا    اوغلی    قرا     باغلار ماتم  دوتوب   اوغلی اونا اوچ گون  عزا  ساخلار ئولسه   اوغول    قالسا   آنا حشره کیمین   آغلار دیلده    اوغول وای   ناله سی  باشدا  قرا   قاسم ئولسون   آنان   نورس   بالا یوخ   دردیمه  چاره ایچدون    شهادت    جامینی من   قالدیم   آواره طوفان  اولوب   یتدی خزان دوندی گولوم  خاره آخر    سنه     اولدی    وطن    بو   کربلا    قاسم ئولدی    بابان   مونس   منه   بو   سوز   آهمدور تسکین   وئرردوم   قلبیمه     قاسم    پناهیمدور قالدوم    غریب    و   بی وطن   الله    گواهیمدور بوندان  صورا  من  سَسلَسَم   وئرمز  صدا  قاسم یاز  ((  نادری ))   درد   و  غمه سینم  اولوب  آماج ای    باشیمون تاجی   بالا   قویدون  منی بی تاج قالدوم    ئولونجه   کربلا      توپراقینه      محتاج من    کربلا    زواری    سن    حقه    فدا    قاسم #قاسمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** 🖋️مرحوم استاد حاج قدرت الله نادری میانه ای

"ویرانه شام ویرانه ده  نازلی  بالام   جان ویردی  دینجلدی بو  دختر  شیرین کلام   جان  ویردی دینجلدی بختی  بو  طفلون اوجیدن    دوشدی   سرازیره یکسر   آتا   قارداشلارین    چکدیله   شمشیره کرب و بلادن  شامه دین    باغلاندی    زنجیره یاتماق اونا اولدی حرام  جان ویردی  دینجلدی قالدی     آراده     بی کفن   الله    بالام   ئولدی بیرکیمسه نم  یوخ دفن ایدن الله  بالام  ئولدی آسوده    اوُلدی    ظلمیدن   الله   بالام   ئولدی هر  زحمته ایتدی دوام   جان ویردی  دینجلدی بعضی گیجه  اکبر  بوئین اوخشاردی  یاتمازدی شمری گورن گون اوُل گیجه قورخاردی یاتمازدی چوخ  یالواراردیم یات  قیزیم  آغلاردی یاتمازدی ایندی نیجه گور اولدی رام جان ویردی دینجلدی غسلین ویرن یوخدور نیدیم  ئولدی  بالام   قالدی اوز معجریمله  دفن ایدیم  ئولدی  بالام  قالدی سونمز اودیم یاندیم دیدیم  ئولدی بالام قالدی هی آغلارم  آرتا یارام   جان   ویردی دینجلدی یاتدی    حسینون      بلبلی     یانّام      آلولانّام یاده     دوشر    شیرین   دلی   یانّام     آلولانّام واردور    بونون   بیر   نسگلی   یانّام     آلولانّام گیزلین دیدی عمّه آجام  جان ویردی دینجلدی زنجیر   کسن   قوللارینون  نقشینه   باخدوقجا کهنه   حصیردن   آلتینون    فرشینه   باخدوقجا یانّام   بالامون خوار  اولان  نعشینه   باخدوقجا بو  دیللریله  اوخشارام   جان  ویردی دینجلدی ای  هاشمون   اوغلانلاری   عباس  و  یا  جعفر هاردا   قالوبسوز   بس   بوگون  ای قاسم و اکبر آخر    رقیّم   یرده   دور   زینب  سیزی   گوزلر چوخ اینجیدوبدور اهل شام جان ویردی دینجلدی غساله   گورسه    آغلیور   شمرون   جفاسیندن مالش   ویرنده   قویمارام   قمچی   یاراسیندن زهرا    آناما    بو    قیزی     باشیم     بلاسیندن من  بیر  نمونه  یولّارام  جان  ویردی دینجلدی یاز   آغلا   نوحه ((یحیوی )) تا  وار  نفس جاندا مظلوم حسینون  بیر قیزی  دفن اولدی  ویراندا چوخ   اینجیوب   اشگنجه دن  آخر  او   زنداندا شهزادة    والا   مقام   جان   ویردی  دینجلدی ** 🖋️مرحوم استاد حاج عباسقلی #یحیوی اردبیلی #رقیه #خرابه_شام https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

قتلگاه ای عشق مناسینده ناحق توکولن قانی زهرایه قسم وئرم دیندیر من نالانی ای کشتی خوبانون طوفانه دوشن نوحی گرداب بلیّاتون غلطیده و مجروحی عیسی کیمی آویزان داره سر مذبوحی ای زینبون آرامی وی فاطمه نون روحی آگاه ائله حالوندن من زار و پریشانی تانور باجی قارداشین اولسا اوچ علامتدن باشدان ایکی اللردن یا جسم سلامتدن دولموش گورورم سینون بی حد جراحتدن باش یوخ ایکی اللر یوخ یاندیم بو حکایتدن یاندیم نقدر یانسام حقّیم وار حسین جانی ظاهردی قیافوندن سن شاه شهیدان سان شاهانه لباسون یوخ بس سن نجه سلطان سان باشونده گئدوب تاجون آیا نیه عریان سان اوخلار سنه پیراهن مستغرق پیکان سان هاردا گیینور شاهلار منسوجة پیکانی سندن یارالی ایلور زهرا قیزی بیر خواهش سسلن سسوه قربان قلبیم دوتا آرامش آیا سن حسینیم سن آدون ائله فرمایش زلفیمه سالوب سایه تاپ ایستی دن آسایش یوخ زینبوون بوندان آرتوق زادا امکانی فرصت یوخ ایداخ صحبت کوچ ایتماقا ناچارم گوز یاشیمه مانع دور ، چون شمره گرفتارم گیزلتمه اوزون مندن ، من محرمِ اسرارم اوزگه دگلم قارداش من زینبِ بی یارم گَل نطقه دانیش منله ، ای مظهرِ ربّانی اعجاز امامتدن بیر منظره گورسندی ناگاه او باشسیز نعش بیر تتردی ترپندی منحور بوغازیندن گلدی دیله سسلندی یا زینب انا المظلوم ای فاطمه دلبندی قارداشون حسینم من لب تشنه چیخان جانی زینب تانیدی بولدی ‌قارداشدی همان اعضا بطحایه یوزون دوتدی عرض ایلدی یا جدّا هارداسان حسن قارداش؟ هارداسان آنا زهرا؟ آخر بو حسینوندور چالمیش ال ایاق قاندا اعدا سوسوز ئولدورموش سو اوسته بو قربانی بالای سره کئچدی محزون دل و کج گردن چاک ائتدی گریبانین تپراقه دوشوب بیردن زلفینی خضاب ائتدی اول خون مطهردن قویدی دوداقین اوپدی خنجر قویولان یئردن سیراب ائدوب اشگیله اول حنجر عطشانی ** #قتلگاه 🖋️مرحوم استاد حاج  عباسقلی یحیوی اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

اربعین حسینی غم و محنتیم  گلوبدور  اؤرگیمده  جوشه قارداش بو نه  سرّدور  مزارون  اولوب آلتی گوشه قارداش گوزیمون   یاشیلا یازدوم  سنه  غم کتابی گتدوم دور  ایاقه   قبرون   اوسته  حرمون   ربابی گتدوم آچیلوب   قولوندا  یوخدور قولونو ن طنابی گتدوم بو  مزار  اقدسوندن  ائده    اخذ  توشه    قارداش نجه   گور   رباب   زارون گئدوب   الدن  اختیاری اؤرگینده    شعله  ور  دور گینه  محنتون   شراری آنام  اوغلی دور نشان  وئر هانی  قاسمون مزاری بُلورم گئدوبدی اصغر سینون اوسته هوشه قارداش گوروم  حق   اؤزی  قصاصیم  آلا  قوم   اشقیادن سانا  گلمیَندی  کئچمیش غم  و  دردیم   انتهادن گئدوب   هر یره  دانشسام   باشیما  گلن   بلادن اولاجاق   غمیم   مؤثر شنونده   گوشه    قارداش نجه گور   طناب   عشقون  قولومی ائدوبدی یاره یوزیمه    بیلرسن   حالیم   اگر   ایلسون    نظاره زر   و   زیوریم   آلندی   باشیما   سالندی    قاره دور ایاقه خوش صفا ائت منِ قاره پوشه قارداش اوره گیمی   شمر    ظالم    ستمیله     یاندیراندا قولی  باغلی  باب   شهره    آپاروب   دایاندیراندا منی هنده  اوغلی شامی  باش آچوق دولاندیراندا ایلدوم   ثبات  حقّون  هامی  اهل  هوشه قارداش سن  ئولنده  اول  ستمگر  اؤرگینده  کامه  چاتدی نجه شرح  ائدوم  جفادن  باشیمون توکون آغارتدی بیزی حبس  ائدوب او ظالم  دلِ  راحتیله  یاتدی گئجه گوندوز اولدی مشغول اوزی عیش و نوشه قارداش ** #اربعین 🖋️: مرحوم استاد حاج عباسقلی یحیوی اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

حضرت علی اکبر(ع) زبانحال صغری (س) به جناب علی اکبر (ع) على   قارداش    آدوی   ائتمیشم    ازبر   دیرَم هر   زمان   ایستیورم   سؤز   دیم   اکبر  دیرَم ناخوشام   فرقتون  اما  منی چوخ  درده سالوب نئچه مدتدور اوطاقون  گورورم   باغلى   قالوب بیرطرف اصغریمون بوش بئشیگی صبریم آلوب گاهی    اکبر   دیرم   گه     علی  اصغر    دیرم حسرتم   بیر    بولوک   اقوام   و  قبیله   یوزینه جسمیمون   ئولسم  اگر کیم گلو کفن  ائتمگینه کیم  وئرور غسلیمی  بس کیم آپارور قبر ائوینه یاپشور     پایه ی     تابوتیمه     کیملر     دیرَم غم دیزی  اوسته  باشیم  بحر غمه  غوطه  ورم قاپولار   باغلى   قالوبدور    یوزیمه   خونجگرم عزّتیم    یاده    دوشر     آه      پیاپی      چکرم اکبریم    بس   هانی   ای   جدّه   مکرّر   دیرم من  کیمی  هئچ   باجی دنیاده   دگیل بختی قرا باخارام  هر   یانا   بلکه   منه  بیر  مونس   أولا نه   باجی گورّم   على  نه  بی بی  گورّم  نه  آنا دردیمی    اوز    اوزیمه    ای   مه   أنور    دیرم هره نون   بیر کسی  وار فخر  أئلیور اول کسینه فخرگاهیم  سنیدون گئتدون عراق ئولکه سینه دالدالاننام  داخی من بیرده کیمون کولگه سینه کیمه     ناز     ایلیوبَن     بیرده      برادر   دیرم گورسم  هر  یئرده   صنوبر  ائدرم   یادِ   قدون چیخماز هئچ  وقته خیالیمدن أو شمشاد   قدون قلبیمی    دوندروب    آلقانه   او    آزاد     قدون شرح    هجرانی   وصال   اولسا   میسّر   دیرم شهرتون    دهرده    وار   شبه    پیمبر   دئییلور صورتون  حسن  و   وجاهتده   سراسر  دئییلور خَلقاً   و   خُلقاً   و    منطقده     برابر      دئییلور ختم    پیغمبره    قارداش    سنی  مظهر  دیرم طاقتیم  یوخدور   أیاق   أوسته  دایانماقه  منیم ئندرم    تکیه     عصایه   گینه    تیترر     بدنیم جگریم    قانی     غذا      آه      دلیم     بادزنیم اولمیشام   صحن نشین   تپراقا   بستر    دیرم حال   رؤیاده   گئجه   مجلسی   خلوت    ائلدیم باجون ئولسون سنی أول مجلسه دعوت ائلدیم بیر  به  بیر  درد   دلیمدن  سنه  صحبت  ائلدیم نظریمده    اولوب    اول    بزم   مصوّر     دیرم کیپریگیم   مثل   قلمدور گوزیمون   یاشی مداد چکرم   عکس    رخون  گلمز   اله   عین   مراد یازارام    تپراقا    آخر    آدوی      اولّام     شاد اوخورام   آدوی    قربان   سنه   گوزلر     دیرم ای    بهاریم   گلی  من    بلبل    ژولیده     پرم یوزی  اوسته  سورونوب  حجلیوه  قفلین  اوپرم حلقه ی   دیده ی     گریانیدن     عنبر    سپرم آستانون     اولا     عطریله       معطر        دیرم ** #زبانحال_صغرا_س #اکبریه 🖋️: مرحوم استاد حاج عباسقلی یحیوی اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

احوالات مجلس بن زیاد گریز به مجلس یزید علیه لعنه نطق زینب تنگه سالدی کوفه نین خفاشینی قانه دوندردی او ظالم زینبین گوز یاشینی (دیدی العان سنون اورگیوی یاندرام ) طشتیدن گوتدی یره آتدی حسینین باشینی (گوتوردی یارالی باشی طشتین ایچینن آتدی یره) بولمورم قول باغلی قیزلار دوشدی آیا نه حالا بیر قره معجر خانم سسلندی بیردن جان بالا (آی دیملی دردی اولانلار ، آی امیدیلن گلنلر، آی مریضی اولانلار هامیزدان التماس دعا واریم ، الیکی یارالی باشی آتدی یره ) اولدی محشر بزمیده قوزاندی واویلا سسی بر ملا اولدی دوباره ظهر عاشورا سسی اهل بزمین قلبینی یاندردی یازهرا سسی (الیکی یارالی باشی آتدلار یره مجلس بن زیادا) بولمورم باغلی قولون آیا نجه آشدی رباب یارلی باشه طرف ایوای دیوب قاشدی رباب (یارالی باشی آلدی قوجاقینه قویدی یانان اوگینین باشینا گوردی اله آقانین یوزی گوزی کوله بلنیب خانم رباب دیدی آقا) وای منه اوخشور دوداقین داش توخانمش کوزیه بولمورم دشمن بو حاله باشینی سالمش نیه؟ کاش بو قانلی لبلری خردا اوشاقلار گورمویه (بئله قویدی اورگینین باشنا یارالی باشی خانم رباب ) باغرینا باسدی دیدی قوی لبلرین غم گورمه سین قوی سنان دندانیوی اولاد خاتم گورمه سین گورسه ده هرکیم اقلا قوی رقیم گورمه سین نیمه جان آهوی عشقین غم باشیندا سان ویرر پارچالانمش لبلری گورسه رقیم جان ویرر (رباب یارالی باشی آلوب قوجاقینه مجلس بن زیادا ) حیف اولا جان رشته سین اهل عداوت قیردیلار یاره یارین باشی اوسته تازیانه وردولار (ربابی تازیانه قمچینن وروردولار) عشقیلی پروانه نین بال و پرین سندردلار گتدی محلک ضربه لر زهرا عروسین شیونه قمچی دیدیخجا باشنان سسلدی یاندیم ننه خسته حنجردن اوجالدی آسمانه الامان یادینه دوشدی اونون غیرتلی قینی ناگهان سسلدی آغلار گوزیله آی ابوالفضل هارداسان فرقی یوخ منده سنه زینب کیمی بیر باجیام هارداسان قارداش اوزون قولارون محتاجیام (او مجلس بن زیادیدی مجلس یزیده ده بولارا چوخ دیل یاراسی وردولار خانم زینب وقاریلن دایانب دیدی یزید) الیوی سال یانوا صحبتینده با ادب اول مقابیلینده دوران شاه لافتی قیزیدی بوقدر دل یاراسی ورما قارداشی ئولنه نجف یاخندادی ظالم الین اوزاتما منه (اله وقاریلن خانم دانشیر یزید ملعون دستور ویردی جلاد گله مجلسه جلاد آدی گلنده تمام بالالار قورخودان دوردی ایاقا زینب دییر گوردوم بیر نفر یاپشیب اتگیمنن یانایانا دیور عمه گوردی رقیه یاپشب زینبین اتگینن ) دیدی عمه بولار کی بولمدی بیزلرده عزت و فضلی قولون کی باغلدی عمه چاغور ابوالفضلی (یوزون دولاندردی کربلا سمتینه عمو) قسم اکبر جاننا ایستمروخ سنن سو ئولدورولر بیزی الردن آلان یوخدی عمو (یزیدین مجلسینده اسرا هامسی قولاری باغلی بیر نفر بنام شامی آدندا وارد اولدی مجلسه دیدی یزید نچه ائلدی سنون سفرون ریزه خواریم منه نچه کنیز وریبسن عیالیمین اخلاقینن اخلاقی جور گلمیر باخیرام گورورم بو اسرا نجیب خانواده دندی یزید بولارین بیرین ویر آپاریم عیالیمه کنیز الییم گوردولر او ملعون علی اکبرین گلین باجسین نشان ویریر اودا گلدی سخلدی عمه سی زینبین قولتوقونا دیدی عمه) گچدی عزیز گونوم بی بی من دیمیرم عزیز اولوم آخی گورمه میشم کنیزلیقی ایندی نجه کنیز اولوم دیدی زینب او پریشان قیزا صبر ایله بالا هیچ کیمین جراتی یوخدی سنی منن آیرا هامیدان چوخدی غمون واردی قولاقینده یارا سینه می نار غمونله بولوسن داغلامشام گوشوارن آلیناندا سنه چوخ آغلامشام #کوفه #مجلس_یزید 🎤با نوای حاج نادر جوادی اردبیلی https://eitaa.com/nabnohe1 لینک کانال نوحه‌های ناب

https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

بانوای عبداللهی ======👆 روضه حضرت ابوالفضل(ع) دئمدیم نهری گئدیب خیملره دوندرسن یا بیر مشکی سووا بیر گوز ایکی قول ویرسن عباس من اوخ آتان گر چوخودی قارداش مشکی آتیدون یره سن اولماسیدی سو اورک بیر بله چرپنمازیدی نه قولار کسیلردی نه بلیم سنمازیدی بلیم سیندی قارداش ای آی یارالی قارداش ای #عباسیه #روضه#مداحی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

▪️زبانحال مولا علی (ع) ✍بقلم استاد حاج غلامرضا 🎼#سبک_بر_کشتگان_نینوا_اربعین_آمد منیم وفالی همسریم      آغلارام زهرا بقیعده قالدی گوزلریم        آغلارام زهرا بو زندگیده خیر یوخ فاطمه سنسیز گوزیمده وار دیرسن اوخ فاطمه سنسیز بوقان اورک داریخدی چوخ فاطمه سنسیز ئورکده قالدی اللریم آغلارام زهرا   بقیعده مجلس ایلرم هر گجه برپا تک اگلشوب تک آغلارام دردیمه زهرا سسیمه سس ویرر فقط ئوز سسیم تنها آدون اولوبدی ازبریم آغلارام زهرا مزاریون داشین گلیب اشگیله سیلّم ائشیتمه سم گوزل سسون غصّه دن ئولّم گجه اولاندا قبریوه تک دوروب گلّم یاران ساغالدی دلبریم آغلارام زهرا فلک الیمدن آلدی بیر باوفا همسر سن اولماقیلا دهریده تک قالوب حیدر الیم، دلیم، قاپیم، منیم باغلانوب یکسر قرانلق اولدی گونلریم آغلارام زهرا قویاندا قبره جسموی کاش ئولیدیم من بئلیم بوکولدی فاطمه بو مصیبتدن قوجاخلیوبدی دیزلرین مرد خیبرکن باتوبدی ماه انوریم آغلارام زهرا بلال شامیدن گلوب حیدره غمخوار بیلوبدی ئولماقون سنون سینه سین داغلار حسینه گه اذان دییر گه ئوپوب آغلار موذن پیمبریم آغلارام زهرا حسین بلاله یالوارور ایلوری شیون حزین سسیله ای عمو بیر اذان سسلن آنام گلر ائوه اگر سن اذان وئرسن داریخدی قلب مضطریم آغلارام زهرا حسینی ساخلاماق اولوب چوخ بیزه دشوار یوخودا هی گورور سنی دیسگنوب آغلار قبولی یوخ آناسینی ئولدوروب مسمار دیور هایاندا مادریم آغلارام زهرا اولوبدی «عینی فرد» گِنه دیده لر گریان دیور آنام وای آغلوری شاه مظلومان علی دیلیجه یاز سوزون مطلعین باشدان منیم وفالی همسریم آغلارام زهرا #فاطمیه

‍ سسله دی خاک بقیع قوی یاتا غملر آناسی آیرلیق سالدی فلک قالدی ملر دورد بالاسی یارالی قوش کیمی وارسینه ده میسمار یاراسی وادی غمده کی بو دُرّ گران فاطمه دی آی بقیع ساخلا نهان قدی کمان فاطمه دی دخت طاهادی بقیع عالمه سروردی یاتیب زینت خانه و کاشانه ی حیدردی یاتیب یاخشی ساخلا یانیرام بیر گل پرپردی یاتیب بو همان سایه غمده سیخیلان فاطمه دی کوچه ده سیلی دگنده یخیلان فاطمه دی #فاطمیه #روضه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

زبانحال حضرت علی با خانم زهرا یتیشسه آفت اگرگلستانه زهراجان باخانداغم گتورر باغبانه زهراجان سارالدی‌گللرون‌ای‌غم‌کشیده‌بیرگوزون‌آچ دونوب صفالی بهارون خزانه زهراجان یتیملیقون توزی قوندی بالالارین یوزونه گلولله هرگجه گوندوز فغانه زهراجان حسنده سولدی حسینده سارالدی زینبده قولومی باغلادی قهر زمانه زهراجان نه نازینی چکن اولدی نه زلفینی داریان ایدرنه چاره پریشانه شانه زهراجان سنه نه جای مذّمت ایویندن ال چکدون یازیلمیوبدی وفابوجهانه زهراجان قوجاقلارام‌ئوز‌ایویمده‌همیشه دیزلریمی عذاره اشگیمی قیلّام روانه زهراجان نجه‌چیخوم‌قاپیا قتلگاهیدور قاپیمیز بروزحادثه جانستانه زهراجان گوزوم‌دوشورقاپوداهی اوقانلی مسماره چتیندی گوزقاباقیندا نشانه زهراجان حسینه‌بالش‌اولان‌سینون‌اولدی‌یاره سنون بویاندی ناوک مسمارقانه زهراجان جهانداسنسیزهله‌قورخورام که چوخ یاشیام اولام دچارغم بیکرانه زهراجان بیرعمرکه اولاسنسیز مگر نه لذّتی وار قفسدی یریوزی بوخسته جانه زهراجان #مرحوم‌ استاد منزوی #فاطمیه #روضه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr