بازگشت به مدینه - زبانحال حضرت زینب (س) پس از مراجعت از واقعه کربلا در مدینه بمادرش دور    ایاقه      بیر     قبردن   آنا وار    شکایتی    زینبون      سنه بو     سفرده     سوقات     کربلا گتدیم   اوغلوون  کوینگین  سنه **** بو   وفاسیز     امّت    سقیفه دن حکم  ظلم   و   جوری   آلوبدولار ئولدوروبله     پیغمبر      اوغلونی یر گوگ  اهلی حیران  قالوبدولار کوینگین  بو  حاله   سالاندا  گور پیکرین   نه   حاله    سالوبدولار عرض ایدم اگر  گوردوقوم غمی بیر  به  بیر گلر  چوخ  چتین سنه کربلایه     گلدون       بهشتیدن غملی  سینه وی  داغلیاندا   سن قتلگهده   آلدیم  سَسون   سَنون وای  اوغول  دیوب  آغلیاندا سن جان   ویرن    زماندا   حسینوون قانلو   گوزلرین   باغلیاندا    سن سس  چکوبله  همناله    اولدولار ساکنان    عرش     برین     سنه بیر   گیجه    یانان    خیمه گاهده گَلدون    آل  طاهایه   دیده  سَن زینبی    یادوندان    چخاتمادون گوز     گوتورمَدون    اهل   بیتدن عفو     ایله      آنا    دستگیریدیم ایمدی   گلمیشم    بازدیده    مَن بو  عزاده   ویرسون   بیوک   جزا خالق     جهان     آفرین      سنه کوفه دن  بیزی  شیعه لر گوروب قورخودان   یاواش  ایتدیلر فغان شامون    اهلی     امّا     تانمیوب خارجی    آدی   قویدی   شامیان داد   و    داد      ظلم       یزیددن اهل   شام   الیندن    اَمان   اَمان نه    دیلیله   عرض   ایلیوم     آنا شام   شهرینون   محنتین   سنه مرد  و   زن  هامی ا َلده ساز و نی پیشواز     ایدوب      آل   حیدری توکدولر      کجاوه لر       اوستنه بامدن    ز  بس   اودلی   نی لری اود  دوتوبدی سجّاد  عمامَه سی ظلم     الیله    باغلیدی      اللّری ویر اجازه  اوغلون  اوزی دیسون سرگذشتینی       دلغمین     سنه قول  قولا   بیزی   باغلامیشدیلار مجلس      یزیده    گیرنده     بیز هر    بالا   که    رفتاریدن  قالوب تازیانه      ایلردی          اشگریز بیر نفر گوزوندن   ایراق    سنون فاطمه   قیزون    ایستدی    کنیز قویمیوبدی      حرمت      پیمبره باخمیوب    او    مرد   لَعین  سنه شهر کوفه ده   گرچه  اینجیدوخ بیز    جفای        زاد     سمیّه دَن وای     شماتتِ    اهل     شامدن داد        ظلم          آل     میّه دن وار    سنه       اسَفلی    حکایتیم جان    ویرن    زماندا     رقیّه دن چوخ  اولوب  دیدی عمّه  زحمتی آز   زماندا   بو   بی کسین    سنه هاردادور    آتام   گلموری     نَدن قالدی    یولدا   بو  گوزلریم منیم حقوی    حلال    ایله    عمه جان آرتوخ   اولدی  درد  سریم   منیم صون  نفسده  بیر  زحمتیم بودور ویر   خبر    گَله     اکبریم    منیم جان   ویرنده    یانیمدا      اگلشه تا     اولا     شریک    اَنین   سنه آغلاما    بو    مُحنتده   صبر   ایله توکمه  گوز  یاشون گَلمه  شیونه بو  خرابه ده    جان  ویرَنده   من هرگز    عمّه    یالوارما     دشمنه گوز  یاشونله  ویر غسلیمی  منیم زلفویله      ایله       کفن       منه چونکه غسل و تکفینه امر ایدوب حکم   شرع   و   دین  مبین سنه خدمتون  (( ریاضی ))  بهاسی وار حیف   بیلموسن  که    بهانه  دور ایله    جدّیوین     دیننه       عمل چون    عما   یقیندن   نشانه دور دین     حقی      خلقه     یتورماقا آغلاماخ   اوزی    بیر    بهانه دور غفلت    ایلمه     امَر       فرضدور بو    زماندا     تبلیغ    دین   سنه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** #ورود_به_مدینه 🖋️مرحوم استاد سید حسین کهنمویی (ریاضی تبریزی)

" وداع کربلا – بازگشت به مدینه وداع کربلا – بازگشت به مدینه زهرا قیزی آیریلدی مزار شهدادن غم قافله سی دوشدی یولا کرب و بلادن محملده سالوب باشلارینا قاره حرملر گئتدوقجا شتر زنگی حسین وای سسی سسلر کلثوم باسوب سینیه عباس علمینی لیلا آلوب آغوشه علینون کفنینی بیردن دئدی قیزلار بی بی گورسندی مدینه زینبده حسین پیرهنین آلدی الینه سسلندی او بی کس خانم ای شبه پیمبر گل عمّووی پیشواز ایله گلدیم علی اکبر غم قافله سی دوشدی بیابان آراسیندا زینب اورگی لجۀ طوفان آراسیندا محملدن انن وقته او بانوی مطهر همیشه دوشوردوردی علمدار دلاور بیر باخدی ساقا بیر صولونا اولدی پریشان بس هاردا قالوبسان دئدی قوللاریوه قربان سس وئرمدی عباس گلوب سینه سی درده اندی یره محملدن اوتوردی قوری یرده اون یدی جوانیله گئدن وقتیده گئتدیم قویدوم هاموسین توپراقا آواره قیتدیم ئوز شهرینه زوار چاتاندا اولی راحت چاووش آچار پرچمینی تا آلا خلعت چاووش علی ابن حسین ابن محمد زحمت کش و سر قافله عترت احمد بیر قاره علم آچدی نواسی اوجالاندی تا گلدی سرا پرده قباقینده دایاندی توپراقه ئوزون یخدی او چاووش محبت زهرا قیزی زینبدن او دم ایستدی خلعت سالدی اشاقا باشین او خاتون قیامت دنیا مالی یوخ گوردی خانم چکدی خجالت سسلندی او غم دیده بلالی باشیم ای وای ای وای جلالی پوزولان قارداشیم ای وای چون شامیده آلمیشدی خانم بیر نچه غارت گوندردی همین غارتی چاووشینه خلعت چاووش آلوب باخدی پریشان اولوب احوال قیتردی او دستمالِ خانم زینبی فی الحال عرض ائتدی نه شمرم نه سنانم سیزه قربان اطفال حسینی ایلیم ظلمیله تالان دنیا مالی من ایستمورم آل خدادن لطف ایله اگر اولسا لباس شهدادن من قبره گئدنده آپاروم موسم رحلت اولسون منه محشر گونی اسباب شفاعت تئز دوردی خانم گوزلرینون یاشینی توکدی بیر تحفه گوتوردی او همین بقچیه بوکدی گوندردی بشیره دئدی چوخدور اونا قیمت آلدی اله چکدی گوزونه قیلدی زیارت حس ایلدی تیترور اورگی درده دوادور الله گوره سن هانسی لباس شهدادور گوزدن توکولوب یاش نجه که بوقچانی آشدی نا گه گوزی بیر قرمزی دستماله ساتاشدی رنگی ساریدور قرمزی قانه بویانوبدور اما ایکی یردن دگوب اوخ پارچالانوبدور هی باخدی توکوب گوز یاشینی رنگی سارالدی گلدی او قضایانی خانمدان خبر آلدی حضرت دئدی باخسون تانینور اوخ یاراسیندان آلدیم اونی ششماهه بالانون آناسیندان (( منعمدور )) آدیم عرصۀ ماتم چمنیمدور هر یرده حسین وای سسی گلسه وطنیمدور بو قاره نقدری دیری یم پیرهنیمدور ئولسمده آغیر داشلارون آلتدا کفنیمدور https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** #ورود_به_مدینه 🖋️مرحوم استاد منعم اردبیلی"

" زبانحال حضرت صغری (س) دراحتضار زبانحال حضرت صغری (س) دراحتضار صبا  خبر  وئر  اکبره  ئولور   بو   باغریقان  باجون باخور   او  سن گئدن  یولا  همیشه ناگران  باجون نه   ال   چاتور کچن  زمان  گلوب  گئدن  قوناقلارا نه  اوندا   دوره می  آلوب  دیوب  گولن  اوشاقلارا اوجادان آغلیاندا   من   سسیم   دوشور  اطاقلارا قاپوسی    باغلی ائولره  باخوب  ائدر  فغان  باجون ستمله   گلستانیمه   خزان   یلی   اسیلدی   گل نه بیری گلدی دیدیمه نه گوز یاشیمی سیلدی گل کوچوب گئدوبدی طایفامیز امید ائویم کسیلدی گل بوش ائولرون  بوجاقلارون ائدوبدی آشیان  باجون آلوب    مرض   وجودیمی   بو   ائوده   اشکریزووم آناسیزام     آدامسیزام   دئمم    سنون   عزیزووم سنی   رقیه نون   جانی    خیال    ایله   کنیزووم اقلی    نامه   یاز   اولا   وطنده    شادمان     باجون کچن  گیجه  یوخومدا  من  بلالی صحنه گورمشم دیلیمده   گلمیور  دیم  او  صحنه ده  نه  گورمشم گیوب   بنات    فاطمه    لباس   کهنه    گورمشم نئجه  دوزر    بو  صحنیه  سنون علیل اولان باجون نئجه دیوم   بو  قورخلی  یوخی  پوزوب  اساسمی آلوب  او   غملی   منظره   باشیمداکی  هواسمی یارالی   حالیله    آلوب   بابام    قوجاقه   قاسمی حنا یرینه   زلفینه   یاخوردی   لخته   قان    باجون شدید ایدوبدی دردیمی سوزون بودور اشاره سی بی بیم  دیوردی  گَلنیمون    آلندی   گوشوارسی گلین  قاچوردی  چوللره   ولی  قولاقدا  یاره سی او سسلنوردی   وای   بابا   اونا دیردی جان باجون دیدوم  بو طویدی آغلیور  نیه بو  طویدا چوخلاری نه  علته  طوی   اهلینون  لباس   تازه   یوخلاری سریه   شمع  تک دوتوب  الینده  قانلی اوخلاری یانوردی خیمه  چوللره   قاچوردی  بی گمان باجون گوزوم  ساتاشدی ناگهان گولون سینان  بوداقینه بچوب   بوغازین اصغرون   چاتوبدی    تا   قولاقنه کوسوبدی   گتمیور     اودا    آناسینون   قوجاقنه گوروبدی غملی عرصه ده بو نوعی داستان باجون  دیدوم کی گورسم اکبری بو  قلب زاری دینجلی  دوتوبدی توسدی عالمی گوزومده گورمدی علی  نقدری سسلدیم  علی  سنی تاپانمادیم   ولی  گوزون  قاداسی   قلبیمه   اولوبدی ناگران  باجون https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** #زبانحال_صغرا_س #ورود_به_مدینه 🖋️مرحوم استاد حاج محمد تقایی اردبیلی"

" احوالات حضرت صغری (س) احوالات حضرت صغری (س) صغرایه    اولوب   گوشۀ   زندان   وطن  اکبر نه یاده   سالان   واردی  نه  دیده  گلن  اکبر ائتمور بو  بوش ائوده  بیری صغرادن عیادت قربان  سنه   نه تاب  قالوب  منده  نه طاقت بو تئزلیگه  سالدون  منی گوزدن   ندور علّت یادداندا  چخار  رسمیدی گوزدن  دوشن اکبر مدّتدی گئدوبسن منی  بیر یاده  سالان  یوخ نه قونشی نه  ائل طایفا  قیدیمه   قالان  یوخ بو مدتی  قارداش  منه   بایراملیق  آلان  یوخ نه بیر سوروشان  واردی نه دردیم  بیلن اکبر هر  دم   دوزولور   آلنما     البته   سویوق   تر اولمور    سیلنیم    آلنیمی   ای   شبه    پیمبر گور   بو   تب   و   تابیله  یانان  بیر باجی نیلر بو حالدا    اونا   اولماسا   بیر باش چکن اکبر تا   باجی  سنی گوزدن  آتوب  نازلی یاریمدا الدن  باجی قربان  گوزووه  چیخدی  واریمدا قاسم    طویونا   منده   ولی ئوز   چیخاریمدا بیر   هدیه    تهیه    ائلدیم    ترمه دن    اکبر قورخوم  بودی صغری  گوروشه  اولمیا  نایل گوز  یولدا   قالا   جانین   آلا  محنت و نسگل اما   یوخودا   گوردوم علی اصغر  آچوب دیل هردم آناسین سسلور او شیرین سخن  اکبر آلدیم    اونی  آغوشه   ائدم   بوسه گوزوندن دیل یاندی  ربابون  ولی نسگل لی سوزوندن آهسته   دئدی ئوپ   بالامی چیخما یوزوندن گوردوم که سولوب  بیر اوخیلان یاسمن اکبر بیلدیم    که   پوزوب    نقشۀ  آمالیمی دوران بیلدیم که دوشوب بیر حالا یوخدور اونا  درمان بیلدیم کی ربابون قوزی قربانی ایچوب  قان آغلور     اونا    آهوی    دیار      ختن       اکبر ال   سینه ده   گوردوم   دولانور  نازلی   رقیه ظلم   اهلی   وُران   اوددا   یانور   نازلی  رقیه هر  دم   قاچور   هر دم   دایانور  نازلی   رقیه آغوشیمه چکدیم   اونی  بیر لحظه  من   اکبر یاندیم  بی بیمون حالینه   ای  ماه   درخشان سسلردی حسین قلبیم اولوب ظلمیله شان شان بیر درد دی هجران  غمی یوخدور اونا درمان کیمدور    بو   پریشان دیله درمان ائدن اکبر وای  حالیمه   گر   اولسا یوخوم  صادقه  رویا ئوللم     داخی   هجر    عالمی  ای ماه دل آرا تکرار   ائدوم    اوّلکی   سوزی  دائمی   گویا صغرایه   اولوب   گوشه   زندان   وطن  اکبر https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** #زبانحال_صغرا_س #ورود_به_مدینه 🖋️مرحوم استاد حاج محمد تقایی اردبیلی"

"نامه ی حضرت صغرا به برادرش زمانه   گوز    یاشیمی دوندروبدی    قانه   على منه   سنون   بوش اطاقون   قالوب  نشانه علی صولان  گولم   سارالان   رنگیمه   باخان  آغلار زمانه     حسرت    ائدوب    روی   باغبانه  على قرا   یازی   باجووام    ناخوشام   طبیبیم   یوخ اورکدن   هی   چکورم   آهی   یانه  یانه    على عجب ناخوش باجووی یوخلادون گوزوم قربان اقلّی   ایله     سفارش        بو    ناتوانه      على اگر  چه  کوسمیشم   ای   مه لقا گرک باریشام باریشماقا     أئدورم    نامه نی     بهانه    على یازاندا  آغلامیشام   خطی   نامه نون  پوزولوب یانان  دلیم تک   اولوب  نامه   شانه شانه على گونوزلر  آغلایورام    قونشولار  گلور    سسیمه اولاردا   من کیمی   هرگون  گلور    فغانه  على یوخومدا  بعضی گئجه دلسیز  اصغری گوروروم عجب   شیرین  دل  آچوب   ایلیور  ترانه  علی اونی  قوجاقه   آلوب    دیندیرنده    دیسگنورم گوز   آچجاقین  گورورم  بوشدی  آشیانه  على ایمکلسه    باجی  قربان   منه ده   نامه ده   یاز دوروب   یرى سه   ائدوم  منده  شادیانه  على نمازیده      اوزومه   هئچ    شفاده    ایستمورم سنی  دعا    ایلرم    آند   اولا    او   جانه  على مدینه   قیزلاری   صحبت   ائدنده   بئله    دیور یاغوبدی  کول   ائله   بیل که   بو  دودمانه علی بو دودماندا    آلا   گوزلی   بیر   جوان    واریدی فلک    آپاردی   اونی   بیلموروک   هایانه   على وطن غریبی   باجون   چوخ  یامان گونه  قالدى دونوب گوزوندن  ایراق   رنگی   زعفرانه   علی باجیلارون گوزی  قارداش   الینده دور  بیلوسن کیمیم    قالوب   آلا    بایرامدا    عیدیانه    على اقللی      طرّه لروندن     نشانه      یوللا      منه باجون   باخوب   سوئنه    بیله   ارمغانه     على حقیقی   عاشقووم   سایماسوندا   صبر    ائدرم گرکدی   عاشق    اولا   صبریده   دایانه    على یوخومدا    قاسمی گوردوم   حنا   یاخوب   الینه عروسینون   دولانوب    رنگی    ارغوانه     على رقیه  قرمیزی   گیمیشدی   الده   شیشه  گلاب عجب   شیرین   دانیشوردی   او   نازدانه  على سریّه    قرمیزی شالین   سالوب  گلین   باشینا اورکده   چکدی    شرار    غمیم     زبانه    على هامی   واریدی  او   طویدا  منیم یریم بوشیدی دئدوم  سالوب  منی گوزدن   عجب  زمانه على اؤگیده  اولسا   باجی  طویدا   حق  شرکتی  وار چاغور    باجون   قوشولا   جمع   میهمانه  على چاغورماسون   دیه جكلر  ئوگیدی  سایمادیلار بو  غصّه  گوز   یاشیمی   دوندروبدی قانه  على منیمده   هدیه   واریمدی  خجالت   اولمازسان عزیز    قارداشیمی    قویمارام     اوتانه     على عم اوغلومون   طویونا  هدیه   حاضر   ایلمیشم دلیمده    گلموری   هئچ    شرحینه   بیانه   على اونون  طویوندا    گرک   اصغر   آغ   لباس  گیه اودور که  تیکمیشم  آغ   من  او  بی زبانه  على رقیه نون  بویونا   قیرمزی   بیچوب   باجی سی گینه ده    خوشدی   وورا   تللرینه   شانه   على بیر عمر    بو   یوخولار   ایلیوب   منی  دلخوش دوراندا    شکر   ائدورم    خالق    جهانه   على ولی منیم    یوخیدا    بیر  گئجه  یخلدی   ائویم ایشیم    اولوبدی    فقط    نالۀ    شبانه     على https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** #زبانحال_صغرا_س #ورود_به_مدینه 🖋️مرحوم استاد حاج محمد تقایی اردبیلی

‍ ورود اهلبیت عصمت به مدینه زینب      قیتدی      یثربه        الله    اکبر        الله   اکبر قدّی   خمیده    باشدا    یدّی    قاره    معجر    الله  اکبر اولدی     مؤثر    زینبون   افلاکه   آهی    افلاکه   آهی قوردی  کنار  شهریده   غم خیمه گاهی  غم خیمه گاهی عرشه طرف دوشدی اونون  بیردن نگاهی  بیردن نگاهی گوز   یاشی  توکدی   دختر   خاتون   محشر    الله  اکبر سسلندی  غم  سیخدی  دل  زار  و  ملولی   زار  و ملولی اولسون  بو شهرون  زینبی  مشکل قبولی  مشکل   قبولی دشمن    قویوب  قاره   گونه   آل  رسولی    آل  رسولی گلدیم بو  شهره  خون جگر  من  زار و  مضطر   الله اکبر فوج  بلا  قلبین  اونون ظلمیله سیخدی  ظلمیله سیخدی کاخ امیدین چرخ دون  بیر لحظه یخدی بیر لحظه یخدی اهل  مدینه  ناگهان  پیشوازه  چیخدی  پیشوازه  چیخدی قلبی  اولوب    غمدن    اونون    زار و   مکدر    الله  اکبر باخدی  او    پیشوازه   گلن  اهل   ولایه    اهل    ولایه سسلندی  ای  یثربلی لر  باتدیم   عزایه    باتدیم   عزایه تاپشوردیم   آل  حیدری  کرب  و  بلایه   کرب  و  بلایه قانه   بویاندی   معنی   والشمس   و   کوثر     الله   اکبر واردور یئری  ایتسم نوا  من ایندی نی تک  من ایندی نی تک قربان  اولوب  قارداشلاریم   قرآنه   نینک    قرآنه  نینک قالدی حسینیمدن منه  بو قانلی کوینک  بو قانلی کوینک گَتدی  اونی    الده    نشان   بو غملی خواهر    الله  اکبر قربانلاین  دوزدی  حسین   بیردن  نظامه  بیردن  نظامه سیز   بیر  باخون ظلم  دل   اشرار  شامه    اشرار   شامه لیلایه  اکبردن   قالوب    قانلو   عمامه      قانلی  عمامه آلمیش   اله    عمامه سین    بیچاره   مادر       الله   اکبر آل اللهون  بر هم  اولوب  جبراً  اساسی   جبراً   اساسی سقانی قانه غرق ایدوب  شام   اشقیاسی  شام   اشقیاسی قالدی  بیزه   بیر مشکی  بیر  قانلو  لواسی  قانلو  لواسی عباسمی   نهر  اوسته   سالدی   قوم  کافر     الله   اکبر هرگز   بلای  کربلا    گلمز    حسابه      گلمز    حسابه بیر ظلم  اولوبدور   عترت   ختمی   مآبه    ختمی    مآبه حد  جفا   معلوم   اولور   باخسوز   ربابه    باخسوز   ربابه اوز   قانین  ایچدی  ظلمیله  شش ماهه  اصغر   الله اکبر خار  جفا  پرپر   ایدوب  گلبرگ  یاسی    گلبرگ  یاسی چیخدی عروس بی کسون عرشه  نواسی  عرشه  نواسی نو کدخدانون طوی گونی باشلاندی یاسی باشلاندی یاسی تازه  گلین   باشه   سالوب   بیر   قاره  معجر    الله  اکبر بیرگونده یدّی قارداشیم غرف اولدی قانه  غرق اولدی قانه یتمیش  جنازه   خیمیه  اولدی    روانه    اولدی    روانه صحبتله    اندوه    دیلیم   گلمز    بیانه     گلمز    بیانه اولدی     نئجه    غرق     بلا     آل   پیمبر       الله    اکبر ظلمیله جام  دل او گون قهراً  جالاندی   قهراً  جالاندی ال  آچدی  دشمن غارته خیمم  تالاندی  خیمم تالاندی اخیامه اود ویردی قوشون  بیر آندا یاندی بیر آندا یاندی قالدی      مریضیم    خیمده     الله   اکبر       الله     اکبر باغلاندی   آل  مصطفی  یکسر   طنابه    یکسر  طنابه چکدی  بیزی  ناکس  قوشون   بزم  شرابه  بزم  شرابه هر  بزمده  من  باشلادوم  گیرا   خطابه    گیرا   خطابه ویردی    بیان   من   بی کسه   خلّاق    داور    الله   اکبر حقدن    مدال     افتخار    آلدی   رقیه    آلدی    رقیه تخت  یزیدی   لرزیه    سالدی   رقیه    سالدی     رقیه ویرانه ده  جان  ویردی  تک  قالدی  رقیه   قالدی  رقیه ئولدی  آجیندان   اول   شیرین  دل   ناز  پرور    الله اکبر https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** #ورود_به_مدینه 🖋️مرحوم استاد حاج محمد تقائی اردبیلی

 زبانحال حضرت ام البنین سلام الله علیها ای   يكّه   تاز  عرصه ی  ميدان   هايانداسان امّ  البنينی    دردی    قوجالدان    هايانداسان گل    قويما    آغليان      گوزومی     انتظاريده بيكس   ننون   ملالووه   قربان     هايانداسان قلبيم سينيقدی  آغ ساچيمون ساخلا حرمتين روياده   گل  گوروم  سنی  بير آن هايانداسان گل گور  قالوب  نه حاله اوغولسوز قالان ننون سال ياده قويما بی سر و سامان  هايانداسان من   هر   گئجه    قرانلوق   ائويمده   عزاليام برپادی    بزم    شام    غريبان    هايانداسان باب  الحوائجيم    بالا   گل  چوخدی   دردمند ئوز  دردينه  گزور  هامی  درمان   هايانداسان چوخدی  سكينه  تك يولووی  گوزلين  سنون گلسون  اولارلا  دست  به دامان  هايانداسان دائم    قيزيم   سكينه    مذمّت   ائدر   ئوزون ايلر گوزونده  گوز   ياشی طوفان  هايانداسان گه ديسگينر شيرين  يوخودان سو  دييه دييه سويلر   منی   باغيشلا  عمو جان  هايانداسان بير كهنه    داغ   اولوب   سو   تمنّاسی  قلبينه هر آن  قالوب  ديلينده   بو عنوان  هايانداسان ياننام عمو   او گون  نييه سندن سو ايستديم ایكاش ئوليديم اوردا لب عطشان هايانداسان عمروم    نقدری اولسا   سنون   شرمسارووم اولدون سو  اوسته قانووه  غلطان هايانداسان سقّای  شرمسار    بنات  حسين  ،  سو    يوخ لطفيله    ايله   بير   نظر  احسان   هايانداسان هر  دم    باخاندا    اوغلووا    قلبيم      الولانار سينم   اولار   بو  روحيمه  زندان  هايانداسان ياده   سنون   اوشاقليقووی   سالّام    آغلارام سونمز    اوركده   آتش  سوزان   هايانداسان دوتدوم  الون   اياق   دوتاسان  مين  اميديلن دردونده  دوشدوم   آخر  اياقدان  هايانداسان گوزدن  سنه  چوخ  اوخشاری واردی يتيموون گاهی    باخاندا   اولّام   هراسان   هايانداسان فكر    ايلرم  كی  سن   باخوسان  روبرو   منه بيردن  اولار  خيال   ائوی ويران  هايانداسان عبدالّلهين   گوزوندن    ايراق   ياديمه  دوشر زينب  باجون دانيشديقی جريان  هايانداسان گويا   دئيور   گوزل گوزووه  گوز دگوب سنون ياره   آچوبدی   زهريلی   پيكان   هايانداسان گون باتدی قان محاقی دوتان صورتون كيمی يوخدی  چراغيم   ای   مه  تابان  هايانداسان چوخ گوزلديم سنی گينه گون باتدی گلمدون حسرتده    قالدی   ديدۀ  گريان  هايانداسان آغلار   گورنده    گوزلريمی  گون   حيا   ائدور لنگه    سالور    غروبی  كما كان   هايانداسان گونده  يورولسا گوزده  اوغول، من يورولمارام يوللام   غمونده    زلف   پريشان   هايانداسان مأيوس    اولمارام    نقدر   تا     نفس    واريم جانيم    چيخنجا    ايلرم   افغان   هايانداسان (( مهدی))  فراق  نارينه  يان  سنده روز و شب لبلرده    ورد    حضرت    جانان     هايانداسان عشق    و   اميد   هر   بشری    زنده   ساخليار نوميد    اولاندا   سسلير    انسان   هايانداسان دنياده     آرزوی      ظهوريله        عمر       ائله هر   بير  نفس چاغور  شه خوبان   هايانداسان ای    ذبح    اعظمون    قانينون   غملی   وارثی يابن الحسن  ،   ذخيرۀ    يزدان    هايانداسان گل   جدّوون    قصاصينی    آل   اهل    ظلمدن زهرا    مزارين    ايله    نمايان      هايانداسان https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ** #حضرت_ام_البنین #ورود_به_مدینه 🖋️استاد حاج مهدی قلندری اردبیلی

▪️زبانحال حضرت ام البنین(س) 🎤#بانوای_حاج_علی_سیفی_افشار 🕌مسجد امام حسین(ع)ارومیه ۱۴۹۳/۶/۱۵ ▪️زبانحال ام البنین(س) ای مدینه عورتلری گلون گلمیوب منیم قهرمان بالام اوغلوما اولا گوزلریم فدا گلمیوب منیم پهلوان بالام سینه داغلارام من قاره باغلارام من ______________________ #اوخشاما کاروانیم یولدا لنگ اولدی حجازه گلمدی جانمازآچدیم ولی اوغلوم نمازه گلمدی الله الله دورداوغولدان بیرجنازه گلمدی ای مدینه عیبی یوخ اخبار غم بسدور منه من جنازه نیلورم قانلی علم بسدورمنه _________________ #حضرت_ام_البنین #ورود_به_مدینه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

روضه حضرت ابوالفضل ✅گریز به احوالات ام البنین باغبان مسرور اولارسوز دوشسه هاردا یاس آدینان گوهریلر سوز سرشار آختارار الماس آدینان یاسیدن الماسیدن گوز یومدوم اما چکمدیم ال عمرومون بیر ثانیه بیر ساعتین عباس آدینان عباسه کیمدی همتا بو عرصه جهاندا مشکلدی شرح عشقیم دیوان و باستاندا بازوی اژدر افکن واردور بو قهرماندا غوغا یاراتدی عشقیم میدان امتحاندا حیدر دیردی احسنت سقا سودان چخاندا اولدون نه عاشقانه حقه فدا ابوالفضل مردانه سسله سنده لبیک یا ابوالفضل عالمده مثل سقا صاحب کرامت اولماز هر قاندا هر داماردا عباسی غیرت اولماز عشق عالمی بونون تک مست شهادت اولماز سو ایچمدی بولوردی وجدانی راحت اولماز سویلردی مرکب اوسته عشقه خیانت اولماز قیزلار اگر سو ایچسه سقا خجالت اولماز اولدون نه عاشقانه حقه فدا ابوالفضل مردانه سسله سنده لبیک یا ابوالفضل یاریمون ایثاری مین شور و قیامت ویردی عشقه اوجونا نهرین سویون آلجاخ وجاهت ویردی عشقه سودیدی ایچ بودیدی یوخ ایچمرم ارباب عطشدی احسنت عباسه عجب مردانه قیمت ویردی عشقه (اما خانم ام البنین یوزون دولاندردی کربلا سمتینه هر یرده ننه عزاسی اولسا ننه دن اوخونسا بالا دایانار قاپیدا) هایانداسان گوزلیم آی جمالی آی پاراسی قالوبدی الری قوینوندا دورت اوغول آناسی خوشا سعادتیوه کامه چاتموسان اوغول دیوله خرداجا بیر قبریده یاتمسان اوغول چتین گونومدی منیم دیلده سوزو سازیم وار نولار اماندی گل آی ابوالفضل سنه نیازیم وار بلالی دشتیده تاپدی اثر منیم عملیم گرک حسینچی اولیدون جهاندا سن گوزلیم سینمده من سند عشقی چونکی بَسلَه میشم ویرنده صوت سنه اولده یاحسین دیمیشم ئولونجه فخر ایدرم من وجود اطهریوه سلام او علقمین اوسته کسیلمیش الریوه بیر زمانیم واریدی اولموشودی بختیم یار منیم ایلردی خوش اقبالیمه غبطه آنالار دیردیلر فخر اله عباس کیمین اوغلون وار من گیدن وقتیده هر مجلسه هر انجمنه یر ویرردی آنالار عرشه مجلسده منه سالدی افسوس زمانه آناوی آیری حالا منی هیچ مجلسه دعوت الین یوخدی بالا ظلمیدور گوردوگی گونلر بالا هر کیمده قالا ظلمیدور بیر آنانون دهریده دورت اوغلی اولا جان ویرن وقته اوغولسوز دوشه تابوتی یولا (اما مدینه ده هرگون بیرینین ایوینده بیر روضه اولاردی هر ئوز ئولنین اوخشاردی زینب لیلا سریه ام البنین اما بیر گون ام البنین گوزی دوشدی گوردی رباب دایانوب بیر گوشه ده اصلا جمعه گوشولموراله یانایانا ربابه بیر باخدی دیدی) آی خانملار مجلسی گرم ایلیون ربابی دیندراخ کربلاده اولمادیم شش ماهه نین دردین بولم اصغره سقا سوقولی ویردی من عذر ایستیرم کاش عکاسان غم محنت بو آهیمنن آلا قول بویون منن رباب عکسین باهم سالا من دیم السیز شهیدیم او دیه دیلسیز بالا #حضرت_ام_البنین #ورود_به_مدینه https://eitaa.com/nabnohe1 لینک کانال نوحه‌های ناب 🎤بانوای حاج مرتضی بیابانی اردبیلی

وفات حضرت ام البنین (س) خاک بقیعده قلبه موثر مزاری وار نه سایبانی وار نه اقلاً حصاری وار مین دوت یوز ایلدی اول قبریده بیر شمع یانمیوب ظالم جماعتون نقدر گور فشاری وار قویمولار قویسالار چوخ اولار قبرینی اوپن عباس آناسیدور هامینون انتظاری وار ام البنین حسینه گوره هر ندن گیچوب کرب و بلا چولونده نچه یادگاری وار ام البنین حسینینه عباس بسلییوب عباس بسلین آنانون افتخاری وار دورد اوغلونا همیشه دئیردی او خوش مرام هر دوردوزی حسینیمه من ویرمیشم غلام زینبدن ایتدی کرب و بلا صحنه سین سوال شعله چکن زماندا قیزیم آتش قتال عباس حسینه ائتدی نه اندازه کمک تعریف ایله گوروم نقدر ایلدی جدال هیچ کیمسه روبرو اولا بولمزدی اوغلوما دگسون یارا قباقدان اونا امریدور محال گیزلتمه صحبت ایله نیستان سوزون منه اوردا ایشیتمیشم بالاما یوز ویروب ملال زینب دئیدی آنا سوزی واضح دینمرم واضح دیسم اولار سن اوچون مایه ی خیال وار حقی بوینوموزدا ابوالفضلیون آنا ایمنده ساخلامیشدی بیزی اول وفا خصال نهر فراتی آلدی حسین سیز سو ایچمدی ایتسون بلند مرتبه سین حی ذوالجلال راضیدی گوزلرون ویره مشگینده سو قالا افسوس کوفه اهلی اونا ویرمدی مجال ام البنین درک ایلینده بو سوزلری احسن دئیدی اوغول صودومی ایلدیم حلال سندن باجون رضایت ایدوب منده راضیم یاخشی اوغول آنانی ایدر صاحب جلال قوی یثرب اهلی شهریده یالقوز دیسون منه دشمنلریم گورنده اوغولسوز دیسون منه * 🖋️مرحوم استاد حاج انور اردبیلی #حضرت_ام_البنین #ورود_به_مدینه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

احوالات عبدالله بن عباس در مدینه ➖➖➖➖➖➖➖➖➖➖ ای قلم پرشور اولوب طبعیم کیمی چات دادیمه مرغ روحیمده قولاق ویر ناله و فریادیمه یازدیقون سوزلر سالوب عباسین اوغلون یادیمه گورمیوبدی دیده دنیا ایله زیبا یتیم صورتی عباسه بنذر قامتی رعنا یتیم مادر عباس اونیلان اگلشردی گوز گوزه دل دیوب مشغول اولاردی دلبرین شیرین سوزه جان کیمی بیرده قوجاقلاردی قویاردی یوز یوزه هیچ کیمی غملر دیردی تنگه من تک سالمیوب شکر اولا سن وارسان عباسون یری بوش قالمیوب سن خزان گورموش باغیمدا سرو باغیمسن بالا سن بو داغلی قلبیمه تسکین داغیمسن بالا سن بو پوزقون منزله روشن چراغیمسن بالا دشمنون واردور وطنده اهل شردن قورخورام کوچیه چوخ گئتمه اوغلوم بد نظردن قورخورام دورد اوغول دوغدوم دیدیم اولدوم جهاندا بختور عزتیم آرتار ئولن وقتیمده روحیم حظ ایدر دورد اوغول چگنینده قبرستانه تابوتیم گیدر سرو تک ایکاش اوجالسون قدون ای آهو باخیش قبره تابوتیم گئدنده بیر قولوننان سن یاپیش بعضی گون غملر او طفلون طاقتین ایلردی طاق گوزلریمده مثل محبسدور دیوردی بو اطاق آی ننه ویرسون اجازه عممه گئتسم قوناق سرّی سوزلر وار ببیمدن بیر به بیر آلام خبر اکبره ویرسم قسم هر مطلبی روشن دییر منزل زینبده عبدالله اولوبدور میهمان شمس عفت محضرینده اگلشوب زانو زنان باخدی عمه قارداشین اوغلون گوروبدی باغری قان خوش گلوبسن ایتدی فرمایش نه دردون وار بالا گویندی گورجک سنی قلبیمده کی داغلار بالا دردمندم گلمیشم عرض ایتدی درمان سنده دی کربلادن گلموسن محنتلی عنوان سنده دی اوردا بیر طوفان اولوب اخبار طوفان سنده دی قدیووی بش قارداشون بار غمی ایتمیش کمان وار الونده قانلی بیر کوینک کیمیندور عمه جان عمه جان پیر اولموسان غملر آغاردیب باشووی اولمیوبدور بیر نفر گوزدن سیله گوز یاشووی کربلاده ئولدوروبلر بش گوزل قارداشووی هانسی بیر قارداشیوه دعواده یاره چوخ دگوب هانسی بیر قارداشیوین آیا گوزوندن اوخ دگوب بعضی سوزلر وار آنام ام البنین عنوان ایدور اگلشه بیلمور ایوینده عزم قبرستان ایدور بیلمورم کیف و کمی مندن نیه پنهان ایدور بیر به بیر حال شهیدانی گوروبسن سن دانش پرده دن عریان ایله هر مطلبی روشن دانش ویرموسن بیکس آنام ام البنینه بیر علم بیر علمده گورسنور درد و مصیبت یوز رقم پرچمه خاطر کیمون بازولری اولموش قلم من بیله فکر ایلورم ای عمه‌ی خونین جگر پرچمون دردی ننم ام البنینی ئولدورر بیرده بیر پاره سو مشکی سن ویروبسن ارمغان کیم گوتورموشدی اونی رنگین ایدوبدور لخته قان هرکیم اولسا صاحبی حتماً ویریب لب تشنه جان گوزلریم قربان سنه ناراحت اولما بو سوزه کاش او پاره مشکی ای عمه گتورمیدون بیزه من آتام فکرین بی بی امکانی یوخ باشدان آتام گوندوزی آواریم، غملر گیجه قویمور یاتام پنجه‌ی نامردیلرده خوار اولوبدور مرد آتام محنتی عبداللهین تاراج ایدوبدور صبرینی کربلا زواری اولسیدیم ئوپردیم قبرینی 📝▪️مرحوم استاد حاج انور اردبیلی #سئوال_جواب سئوال_جواب زبانحال_عبداله‌بن_عباس #زبانحال_عبداله‌بن_عباس #سئوال_جواب ✅ متنوع‌ترین متنها و سبکهای ترکی وفارسی در کانال🚩نوحه‌های ناب 🚩 ╭─•══✿۰✧☫✧۰✿══•─╮ https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ╰─•══✿۰✧☫✧۰✿══•─╯ ➖➖➖➖➖➖➖➖➖➖ #حضرت_ام_البنین #ورود_به_مدینه

دوستان با لمس هشتک های # فوق وفلاش های به شکل هفت وهشت فارسي به نوحه و روضه ها دسترسی آسان می‌شود ان شاء الله بعد از این با هشتک بتوانیم مطالب را در اختیار دوستان قرار دهیم نمونه هشتک #فاطمیه، کانال نوحه‌های ناب #حسینیه، کانال نوحه‌های ناب #حضرت_ام_البنین، کانال نوحه‌های ناب #میلادیه، کانال نوحه‌های ناب #زینبیه، کانال نوحه‌های ناب #اکبریه، کانال نوحه‌های ناب #اصغریه، کانال نوحه‌های ناب #قتلگاه، کانال نوحه‌های ناب #رباب، کانال نوحه‌های ناب #عباسیه، کانال نوحه‌های ناب #رقیه، کانال نوحه‌های ناب #مهدویه، کانال نوحه‌های ناب #حضرت_رقیه س، کانال نوحه‌های ناب #کاظمیه، کانال نوحه‌های ناب #عشق، کانال نوحه‌های ناب #مقدمه، کانال نوحه‌های ناب #اوخشاما، کانال نوحه‌های ناب #محرم، کانال نوحه‌های ناب #قاسمیه، کانال نوحه‌های ناب #حیدریه ، کانال نوحه‌های ناب #میلادیه_حضرت_علی، کانال نوحه‌های ناب #ختم_خوانی، کانال نوحه‌های ناب #میلادیه_حضرت_علی_اصغر، کانال نوحه‌های ناب #کوفه کانال نوحه‌های ناب #حضرت_موسی_بن_جعفر کانال نوحه‌های ناب #اجتماعی_انتقادی کانال نوحه‌های ناب #کلیپ کانال نوحه‌های ناب #مبعث_حضرت_رسول_اکرم کانال نوحه‌های ناب #آموزش_صدا کانال نوحه‌های ناب #شهادت_عسکریه کانال نوحه‌های ناب #سرود کانال نوحه‌های ناب #میلادیه_حضرت_ابوالفضل کانال نوحه‌های ناب #میلادیه_امام_حسین کانال نوحه‌های ناب #میلادیه_امام_سجاد کانال نوحه‌های ناب #خروج_از_مدینه کانال نوحه‌های ناب #حضرت_امام_زمان کانال نوحه‌های ناب #میلادیه_حضرت_علی_اکبر کانال نوحه‌های ناب #میلادیه_حضرت_مهدی کانال نوحه‌های ناب #مدح کانال نوحه‌های ناب #ورود_به_کربلا کانال نوحه‌های ناب #مجلس_یزید کانال نوحه‌های ناب #بازگشت_به_مدینه کانال نوحه‌های ناب #مناجات کانال نوحه‌های ناب #میلادیه_امام_حسن کانال نوحه‌های ناب #دعا کانال نوحه‌های ناب #صلوات کانال نوحه‌های ناب #مسلمیه کانال نوحه‌های ناب #راه_شام کانال نوحه‌های ناب #زبانحال_صغرا_س کانال نوحه‌های ناب #شاخسی کانال نوحه‌های ناب #صادقیه کانال نوحه‌های ناب #میلادیه_حضرت_معصومه کانال نوحه‌های ناب #وداع کانال نوحه‌های ناب #ورود_به_محرم کانال نوحه‌های ناب #میلادیه_حضرت_امام_رضا کانال نوحه‌های ناب #غدیریه کانال نوحه‌های ناب #اربعین کانال نوحه‌های ناب #کوچ_شام کانال نوحه‌های ناب #وداع_کربلا کانال نوحه‌های ناب #ورود_به_مدینه کانال نوحه‌های ناب #میلادیه_حضرت_زینب کانال نوحه‌های ناب #مولودی_حضرت_زهرا کانال نوحه‌های ناب #طشت_گذاری کانال نوحه‌های ناب #پیام_تسلیت کانال نوحه‌های ناب #حماسی کانال نوحه‌های ناب #مقتل کانال نوحه‌های ناب #حسنیه کانال نوحه‌های ناب دوستان عزیز با لمس هشتک های #فوق و وفلاش های به شکل هفت وهشت فارسي ولمس فلاش ها دسترسی به نوحه و روضه ها آسان می‌شود