♻️یاحسین (ع) خال زیبایه نجه حاشیه لب یاراشور بو حسینه باجی لیق اتماقا زینب یاراشور یاحسین اللریوه پرچم محشر یاراشور او گوزل لبلریوه ساغر کوثر یاراشور دیمیرم قوی ایاقون گوزلریمون اوسته حسین او ایاقلاره آقا دوش پیمبر یاراشور گلسه جبریل امین درگهیوه فخر ایلسون ایاقون آلتونا باش قویماغا اکبر یاراشور نه رواشمر قویا سینوین اوسته ایاغون او گوزل سینیه والله علی اصغر یاراشور من نیم من نئچه یم آدیما نوکر دیئلر سن کیمی شاهه ابالفضل کیمی نوکر یاراشور التماس دعا https://eitaa.com/nabnohe1 لینک کانال نوحه‌های ناب #عباسیه #حسینیه #مدح

روضه حضرت علی اکبر(ع) صبر امامتیله هله من دوزنمیرم وای لیلیه نجه دوزه جاخدور آنان اوغول باشینداکی یارا بابامی سالیر یادیما پیغمبر اوغلی آغلادی، آغلاتدی دشمنی ووردی عمامه سین او زمان مصطفی یره قلبین بوشاتدی، دوردی اَیاقه فسرده حال سالدی عبانی خامس آل عبا یره (گوردولر امام چینینن عبانی آچدی سالدی یره اله یانایانا دییر علی) هیچ بیر شهیده سالمامشام من عبا یره گل تک داغلمسان نیلسون باغبان اوغول (گوردولر ایلشدی کربلانین تپراقلاریندا) یغدی عبایه قطعه به قطعه جنازه سین ووردی فضای صبریده عالی لِوا یره آغلار گوزیله سسلدی فِتیانِ هاشمی جمع اولدولار او مجمع داد و بُکا یره بیر نحویله گوتوردوله صد پاره جسمینی مَخیَمده تا سالندی او فرش عزا یره علی باخورام بو گل کیمی پیکره باشا باش یارادی اوغول علی نیه بس ورق ورق اولموسان؟ بو نه ماجرادی اوغول علی؟ گوزیمون ضیاسی بو حالته سنی سالدی هانسی شل اولموش ال؟ او الی که سرو قدون بیله یره یخدی کاش اولیدی شل یوزیمی قویام اوپم ایگلیَم تاپولموری بیر محل الیمی بو جسمده هر یره وورورام یارادی اوغول علی #اکبریه #روضه https://eitaa.com/nabnohe1 لینک کانال نوحه‌های ناب

طشت گذاری روضه حضرت ابوالفضل(ع) دردون اولسا دیمرم حاذق اطبانی چاغیر   گوزون یاشینی توک حضرت زهرانی چاغیر ویر خبر دردی اولانلاره دینن غم گلدی   باشوا باغلا قرا موسم ماتم گلدی   سینه وور سسله حسینی قره پرچم گلدی   ای دوادن یورولان ماه محرم گلدی   چاغیرون یوزلری اشکه بوروننلر گلسین   قره پرچم دالیسیجاق سوروننلر گلسین بزم تجلیل شئونات امامتدی بورا   مرکز کنگره شان و شرافتدی بورا   آیری فکر ایلمه درگاه عبادتدی بورا   گیتمه آیری قاپیا باب سعادتدی بورا   غم یمه اولسا نه اندازه اگر دردون آغیر   قلبووی پاک ایله بیر دفعه ابوالفضلی چاغیر   احتیاجون وار اگر معجزه گر درمانه   متوجه ایله افکاروی نخلستانه   ساقی تشنه دوشوبدی یارالی میدانه   ساق گوزی بوسه ویروب زهریلی بیر پیکانه   سروه اوخشور اوجا قدی ولی خوللاری دوشوب   بیر یانا مشکی دوشوب بیر یانا قوللاری دوشوب   کشتی عشقیدی گویا کی قالوب طوفاندا   عمرینون اولدوزی ایستور باتا نخلستاندا   ئوزینه فکر ایلمور هیچ ایله بیر بحراندا   تلین اوستونده قالوب قلبی گرو جاناندا   گوردی یوخدی یارالی قوللارینون درمانی   دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر   منتظر دور سنه میدانیده بو عبد حقیر   دیمورم گل منی قویما ایلیه لشکر اسیر   ننووی ایستسه گویلون ئوزووی فوری یتیر   باشیم اوسته اوتوروب گوز یاشی رخساره الور   ساچلاریندان باجیمون ساچلارینون عطری گلور #عباسیه #روضه https://eitaa.com/nabnohe1 لینک کانال نوحه‌های ناب

احوالات وداع حضرت ابوالفضل(ع) خیمه لردن گوزلری یاشلی چخوب آل علی بیر مسافر یولویولار کربلا میدانینه الده قرآن وار ولی سویوخدی سپسونلر یولا شرمسارانه توکولر گوز یاشین دامانینه بو مسافرده تلاش ایلور سودان سوز آچمیا چونکه سو اوتدان بتر آتش سالور وجدانینه زینبه عرض ایلیور قیزلاری گیتر خیمیه کوفه اهلی منتظردور یثربون مهمانینه قویما شیرین دل رقیم قلبیمی قان ایلیه گوزلریم قان آغلیور دوشجک لب عطشانینه سن کمک ایله باجی الردن آل قارداشیوی العطش صوتی سالوب آتش ابوالفضل جانینه قیزلاری زینب آیردی آخره بیر قیز قالوب گل تک آویزانیدی او قیز عمو دامانینه (قاچیر قاچیر گلیر دولانور ابوالفضلین باشنا عمو اگر منه گوره گدیرسن گیتمه بابام آدامسیزدی بابامین آدامی یوخدی  بولورم عمو ننم ربابه گوره گیدیرسن بولورم عمو علی اصغره خاطر گیدیرسن العان گیدرم علی اصغری آلام قوجاقیمه گلرم دولانارام باشوا قارداشیملان) #عباسیه #روضه https://eitaa.com/nabnohe1 لینک کانال نوحه‌های ناب

روضه قتلگاه غمیم غم اوسته گلیر غملیم غم عاشقیم قاپی قاپی گزیرم بزم ماتم عاشقیم اوچ آی بهاری ورین بلبله گلستان دا من اون بیر آی گوزی یاشلی محرم عاشقیم او سلسبیلی ویرون بوذریله سلمانه نه کوثر ایستمیرم نهر علقم عاشقیم عصر وقتیدی حسین کعبه آماله دوشوب باش یارا سینه یارا عشقیله گوداله دوشوب ارمغان بزم نگاره یورولان جان آپارور جلوه یاری گوروب هوشه گیدوب قان آپارور نه یارا فکرینی ایلور نه طبیب و نه دوا خضری مبهوت الیوبدور نه سو ایستور نه غذا ماسواللهی آتوب فکری خدا ذکری خدا نه شهیدانی نه قیزلاری نه خرگاهی گورور تلیده زینبه باخمور فقط اللهی گورور #قتلگاه #حسینیه #روضه https://eitaa.com/nabnohe1 لینک کانال نوحه‌های ناب

روضه حضرت ابوالفضل علیه السلام نگرانم بالالاردان اودی چخمور جانیم یوخسا آخشامدان اله جان بسرم یازهرا دونن آخشامدان آنا گوزلریمی یومامشام ایندی اوخ یومدی بیرین دیده ترم یازهرا حیف اولا آی دوتولوبدور یوزونون لکه سی وار سیندرب بو اوروجی قان ایچرم یازهرا یوزده کی سیلی یرون دردیمی آرتردی ننه https://eitaa.com/nabnohe1 لینک کانال نوحه‌های ناب #عباسیه #روضه

لای لای منی دردینده آغلار قویانیم لای لای دریا سو کنارینده قاندان دویانیم لای لای واگیر :: اللرون قنداقه باغلامارام گل باغلارام یاروی آغلامارام گل یاده سالارام یارون یانّام گلرم داده هردم اولارام اوغلوم گوز یومماقا آماده آرزیمده گورم بیر یول بلکه سنب رویاده تا قانوه رویاده منده بویانیم لای لای اوخلی بوغازون گورّم قانی سوزولر اوغلوم فکریمده بو بیر جمله فورا دوزولر اوغلوم چکسم اوخی حلقوندن باشون اوزولر اوغلوم ای کاش ائله رویادن من تئز اویانیم لای لای میدانه گئدن وقته قلبیم تک آلیشسیدون مندن بالا کوسمشدون یاخشیدی باریشسیدون یانمازدی ننون اوغلوم بیر لحظه دانیشسیدون دیل آچماقینا دائم حسرت قویانیم لای لای شکوه ائله زهرایه بو کینه لی دشمندن لشگر سو یولون کسدی،کوسدون نیه سن مندن سن مندن اوغول کوسسون من کوسمه میشم سندن آی آلتی آیا عمرون رختین سویانیم لای لای گل یارونیچون مرهم یاره ئورگیم واردی دائم بالا سینمده بیر آغ بلگیم واردی باغلانماقا اوخ یارون قاره لئچگیم واردی گل آی منی دردینده آغلار قویانیم لای لای ????: ???? ???? ??? https://eitaa.com/nabnohe1 لینک کانال نوحه‌های #رباب #اصغریه #روضه 🖋️استاد حاج مهدی قلندری اردبیلی

سبک: خرابه چراغونه امشب ئورک ملکی ویراندی الله خیالیم پریشاندی الله سوسوز اوغلوم اوخلاندی الله پریشان ربابم ای وای داغیلدی جلالیم الهی،الهی پوزقوندی آشفته حالیم الهی،الهی قان ایچدی املیک غزالیم الهی،الهی یارالی،یارالی،بالام وای گوزی یاشلی بیر دلکبابم اسیر بلا و عذابم ئورک داغلی بیکس ربابم پریشان ربابم ای وای بوغازی یارالی بالام وای بالام وای دوشدون سینمدن آرالی بالام وای بالام وای تئز گل ربابین مارالی بالام وای بالام وای یارالی،یارالی،بالام وای گل آی دیلسیزیم بیر دانیش گئت محبّت اودوندا آلیش گئت ننوندن کوسوبسن باریش گئت پریشان ربابم گل یات قوجاقیمده دینجل بالام گل بالام گل قویما قالام چوخ معطّل بالام گل بالام گل صود سینمه گلدی تئز گل بالام گل بالام گل یارالی،یارالی،بالام وای سن آچدون بهشته پر اوغلوم من اولدوم قرا معجر اوغلوم گل آی غنچه پرپر اوغلوم پریشان ربابم هاردا مرامه چاتوبسان بالام وای بالام وای قوش مثلی راحت یاتوبسان بالام وای بالام وای گوزدن ربابی آتوبسان بالام وای بالام وای یارالی،یارالی،بالام وای ????: ???? ???? ??? https://eitaa.com/nabnohe1 لینک کانال نوحه‌های ناب #رباب #اصغریه #نوحه

‍ وداع حضرت علی اکبر(ع) سس دوشدی گیور خیمه سراده کفن اکبر میدانه گیدور یوسف گل پیرهن اکبر بو سس حرم عصمته اعلان غم اولدی اسدی غم و محنت یلی طوفان غم اولدی **** جانیندن علاوه هر آتا ایستر اوز اوغلون گوزدن شه دین سالدی او مستانه گوز اوغلون خوش لحنیله دیندیردی اوخوش لحن و سوز اوغلون گی بو کفنی عشقیوه عشق اولسون عزیزیم اولاد بنی هاشمه مشق اولسون عزیزیم هر تازه جوان سن کیمی باشدان گیچه بولمز مستانه گیدوب جام شهادت ایچه بولمز من تک هر آتا اوغلونا خلعت بیچه بولمز قوی دفتر عشقه آدون ازّلجه یازیلسون سنلن منه بو دشتده بیر قبر قازیلسون فریاده گرک لیلی گیجه گوندوزی گلسون اودلی اورگیندن دیله نیسگل سوزی گلسون گیت قانه بویان دادیوه جدّیم اوزی گلسون مندنده قاباق ناله سینی عرشه یتورسون کوثردن اوغول کرب و بلایه سو گتورسون جان موقع اغیار گرک آیریلا یاردان جان بذل ایلمز عاشق اولان عشقینه هاردان باش ویرسن اگر حقه باش اولّام آتالاردان القانیوه میداندا اؤزوم باتماقا گللم بیگانه لری حالیوه آغلاتماقا گللم سن باشدان اوغول گیچ قوی آتان باشی اوجالسون چکسون ئوره گه تازه جوان داغی قوجالسون غم فوجی دولوب کشور صبر ایچره باج آلسون باخما منه حسرتله که حسرت نظریم وار آردونجا محاسن دولوسی اشگ تریم وار حسرتله باخوب چشم فلک کرب و بلایه محشردی گوروب دشت بلا آل عبایه آلمیش بالالار مظهر طاهانی آرایه دوتموش او جوانی هاموسی مد نظرده اولدوز نجه که هاله ورار دور قمرده بلبللر او گل برگ و بوداقیندن اوپردی بعضی سی الین بعضی ایاقیندن اوپردی بعضی او صولان غنچه دوداقیندن اوپردی بعضی شرر شمع فراقینده یاناردی پروانه کیمی باشینه بعضی دولاناردی غم ساغرینی اهل حرم گوردی لبالب کشف اولدی بویوکدن کیچیگه گون کیمی مطلب اوّلده دیله گلدی خانم عمه سی زینب قارداشیمی گل قویما غمون دیده تر ایتسون سن گیتمه علی قوی بیبون اوغلانلاری گیتسون عمون ئوله قویما ئوره گیم قان اولا اکبر قوی بو ایکی اوغلوم سنه قربان اولا اکبر زلفیم کیمی حالیمده پریشان اولا اکبر دائم بو ایکی اوغلوما جان سسله میشم من بو گوندن اوتور هر ایکسی سین بسله میشم من غملندی توکوب گوز یاشی رخساره سریه ناچاریدی تاپموردی ایده چاره سریه آخرده گلوبدور بیله گفتاره سریه قویما غم هجرونده پریشان اولا قاسم قربانون اولوم قوى سنه قربان اولا قاسم قوی بو کفنی قاسم ناشاد گینسون بوکسون بلیمی بو قدی شمشاد گینسون طوی خلعتی بولسون اونی داماد گینسون قانیله حنا یاخسون اله کام دل آلسون شوریده سر ایتسون منی چولدن چوله سالسون عباس دولاندیردی گوزین اکبره باخدی حالی پوزولوب گوز یاشی بی فاصله آخدی سن گیتمه دئیدی شرط محبتدن اوزاخدى سوز یوخ که جهاد ایتماقا مردانه گیدورسن من ئولمه میشم سن نیه میدانه گیدورسن بو کوی وفادور هامومیز عاشق جانباز وار حق تقدم منه ای عاشق ممتاز ام البنین اولادینی گل ایله سرافراز صبر ایله عمون قربان او گوز یاشیوه اکبر قارداشلاریمیله دولانوم باشیوه اکبر آلمیشدی رباب اصغری آغوشه یانوردی باشدان ایاقا اشک تریله بویانوردی شهزاده نون اطرافینه هر دم دولانوردی بو فکریله حاشا غم علی اکبره گلسون قوی اولسا بلاسی منه یا اصغره گلسون دوزمز باجیلار گیسه ئولوم جامه سی قارداش بو علته هر کیم کفنه باخدی آچوب باش گوز یاشلاری از بس توکولوب اولدی کفن یاش خون جگرین گوز یاشینا قاتدی حَرَملر شهزاده علی اکبری آغلاتدی حَرَملر گر چه غم اودی شعله لنوردی ئوره گیندن مسروردی لیک عزم قتال ایلمه گیندن بیر خورداجا قیز قاچدی یاپوشدی اتگیندن بو پیرهن عشقی گیورسن علی قارداش مظلوم آناما بس نه دیورسن علی قارداش لیلا ایشیدوب ایستور علی اکبری گیتسون آز قالدی توان دل غم پروری گیتسون خوشدور اوغول آردونجا دئیدی مادری گیتسون سینه قفسینده نفسی مرغی سیخیلدی گویا نچه دفعه ایاقا دوردی یخیلدی کیم بولدی اوغول دیدینه لیلا نجه گلدی علت نه اولوب گلماقی دوشدی گیجه گلدی روشن گونوزی اولدی گوزینده گیجه گلدی گورموردی گوزی دیزده تواناسی یوخیدی تیترردی ایاقی الی یاراسی یوخیدی مین اوچ یوز و هشتاد بئش هجریدی عین بیر بیر ((حافظی )) بیر (( انوریدی )) بیرده (( محیّر )) شرکتله یازوبلار بو سوزی اولدی مؤثر ساعت اون چهارشنبه گونی صبح زمانی بیر (( میرزا شفیع )) بیرده (( شفیع پوریدی)) بانی ** مرحوم انور اردبیلی ، محیر اردبیلی ، مرحوم حافظی تبریزی 🖋️مرحوم استاد حاج انور اردبیلی https://eitaa.com/nabnohe1 لینک کانال نوحه‌های ناب #اکبریه

‍ شهادت حضرت ابوالفضل (ع)سوال و جواب امام حسین (ع) با حضرت زینب(س) ‍ شهادت حضرت ابوالفضل (ع)سوال و جواب امام حسین (ع) با حضرت زینب(س) زبانحال حضرت زینب (س) گول تک سارالوبدور نیه رخسارون حسینیم دردون دئ منم محرم اسرارون حسینیم تنها قیدوبسن هانی سردارون حسینیم غم فوجی حسین اوستوه اولما توکولوبدی رنگون سارالوبدی نیه قدّون بوکولوبدی گورم گوزوون یاشی وروب حلقه گوزونده آشفته دی فکرون بلوسن قارداش اوزونده قان ردّی سالوب تازه سنون نقشه یوزونده فاش ایله جمالونده حسین جان بو نه قاندور غم حادثه سین زیننه بُلدور نگراندور داغلى دله صیّاد بلا اولما آتوب اوخ اطفال پریشانیوه اصلا نظرون یوخ حسرتله باخور خیمه ی عباسه گوزون چوخ آندیر خبرین سن او جنابین گتوروبسن قالدى أوزی بس هاردا ، عقابین گتوروبسن غم شرکتی ذی سهمم حسین جمله محنده آگاه ایله قوی شرکت ایدوم دردیوه منده بو حالدا سنی گورمدوم هیچ اکبر ئولنده باخدوقجا سنه دردیم اولور دلده اضافه قارداش ایلیوبسن نیه تغییر قیافه جواب امام حسین (ع) زینب خبر آلما دولانوب دوره ی ایام مقصودینه آخر یتیشوب قوم بد انجام گلدوم خطر اعلامین ایدم من سیزه اعلام عزّتله یانان شمعوزی سوندیردیله زینب امّیدوز اباالفضلدى ئولدوردیله زینب ظلمون داشی دگدی دله غم داشنون اوستن حسرتله توکون گوز یاشی گوز یاشنون اوستن الان گلورم قارداشمون باشینون اوستن شام أهلى جفا ایتدی ولی دویمادی گلدوم میداندا منی آغلاماقا قویمادی گلدوم قلبوز یری وار برگ خزان تک اسه زینب آزادیدی هر کیمسه نوا ایلسه زینب قور بزم عزا سیزله ویروم سس سسه زینب غم بزمی قوروب قارداشما گلمه مشم من دردیم گُتوروب اُوز باشما گلمه مشم من شام أهلى باجی صاحب فتح و ظفر اولدی بوندان صورا بو چول منه محض خطر اولدی طاق ظفریم ظلمیله زیر و زبر اولدی یاندی ئورگیم ایلدوم افسوس قیتدوم امّیدیله گیتدوم ولی مأیوس قیتدوم گیتدوم باشی اوسته ایله که عطریمی آلدى صحبت ایلدوک تشنه لری یادینه سالدى یاددان یاراسی چیخدی سیزون فکروزه قالدى رمزاً یتوروب درد دلین گوز یاشی آخدی گاهی منه حسرتله گهی مشکینه باخدى پوزدی ایله احوالیمی جان قویمادى منده سو فکرینی ایلوردی بله بُلدوم ئولنده معلومدی سیزدن نگران گیتدی گیدنده روحی طَیَران ایلدی اخیاره قوشولدی جنّتده گیدوب جعفر طیّاره قوشولدی آغوشه آلان سینه ی مجروحین اوخیدی سالم یری اول قامت زیباده یوخیدی سایر شهدادن یارا جسمینده چوخیدی بیر حالیله یوخسا اونی یردن گوتورردیم اکبر کیمی اولسیدی عباده گتورردیم بیر چاره یولی گورمدی بو قلب شکسته یاندی ئورگیم ایلدی دردیم منی خسته اُپدوم یوزینی باشنی قویدوم قومون اوسته قلبیم ولی بیر ثانیه دینجلمدی زینب قالخاندا ایاق اوسته دیزیم گلمدی زینب * 🖋️مرحوم استاد حاج انور اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #عباسیه #روضه #مداحی

وفات حضرت ام البنین (س) خاک بقیعده قلبه موثر مزاری وار نه سایبانی وار نه اقلاً حصاری وار مین دوت یوز ایلدی اول قبریده بیر شمع یانمیوب ظالم جماعتون نقدر گور فشاری وار قویمولار قویسالار چوخ اولار قبرینی اوپن عباس آناسیدور هامینون انتظاری وار ام البنین حسینه گوره هر ندن گیچوب کرب و بلا چولونده نچه یادگاری وار ام البنین حسینینه عباس بسلییوب عباس بسلین آنانون افتخاری وار دورد اوغلونا همیشه دئیردی او خوش مرام هر دوردوزی حسینیمه من ویرمیشم غلام زینبدن ایتدی کرب و بلا صحنه سین سوال شعله چکن زماندا قیزیم آتش قتال عباس حسینه ائتدی نه اندازه کمک تعریف ایله گوروم نقدر ایلدی جدال هیچ کیمسه روبرو اولا بولمزدی اوغلوما دگسون یارا قباقدان اونا امریدور محال گیزلتمه صحبت ایله نیستان سوزون منه اوردا ایشیتمیشم بالاما یوز ویروب ملال زینب دئیدی آنا سوزی واضح دینمرم واضح دیسم اولار سن اوچون مایه ی خیال وار حقی بوینوموزدا ابوالفضلیون آنا ایمنده ساخلامیشدی بیزی اول وفا خصال نهر فراتی آلدی حسین سیز سو ایچمدی ایتسون بلند مرتبه سین حی ذوالجلال راضیدی گوزلرون ویره مشگینده سو قالا افسوس کوفه اهلی اونا ویرمدی مجال ام البنین درک ایلینده بو سوزلری احسن دئیدی اوغول صودومی ایلدیم حلال سندن باجون رضایت ایدوب منده راضیم یاخشی اوغول آنانی ایدر صاحب جلال قوی یثرب اهلی شهریده یالقوز دیسون منه دشمنلریم گورنده اوغولسوز دیسون منه * 🖋️مرحوم استاد حاج انور اردبیلی #حضرت_ام_البنین #ورود_به_مدینه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

زبانحال حضرت زینب (س) گریز به زبانحال حضرت در کوچ از کربلا من زینبم تاریخه افتخارم مبارزتده فرد بردبارم خدائی نهضتون علمداریَم سنگر انقلابه پاسدارم من زینبم فاطمیه مظهرم پرورده ی خانه ی پیغمبرم نگین انگشتر ناموس دین همای عفته گوزل شهرم من زینبم مراقب حیثیّته فدائی اولمشام حسینیّته مبارزه یولون استبدادیله اورگتمیشم یتمیش ایکی ملّته من زینبم زهرا سیاق گزمیشم بلا قصرین اطاق اطاق گزمیشم آنام گزن آغاجلاری قوش کیمی شهپر آچوب بوداق بوداق گزمیشم من زینبم جلالیم جاودانه وجودیم انقلابه پشتوانه ایکی خطبه م دلیل شخصیتیم کیچیلده بوُلمدی منی زمانه روزگارون نخلینده بیر گورمدیم عمر افقنده خوش سحر گورمدیم خانه بدوش ایدوب فلک چوخلارین اوزوم کیمی بیر دربدر گورمدیم من زینبم خزان گوردیم باغ کیمی غملر توکولدی اوستومه داغ کیمی با اینکه طوفانلار اسیری اولدوم جِلوه م آرتدی منیم چلچراغ کیمی گوردیم ایجاب ایدور عشقون مسلکی سالدیم قرا گیدیم قرا کوینگی قرا گون چکمین بلا گورمین عشق اهلنون اولانماز آق بیرچکی من زینبم کربلادن کوچنده قطاریمز قتلگهدن کچنده ناله مدن ایلدی ناله ناقه لر آیرلیقون آجی زهرین ایچنده گوگلوم قوشی قوندی چوخور بیر یره او یرده گوردوم وار آیری منظره قان بسترینده کوینکسیز بیر بدن پرپر گول تک عطرین ویرور یللره جلوه ی جانانی نجه جان تانور امید ایوین یانجه مهمان تانور قبله ی عشقی بی نشان تانیدوم معشوقینی عاشق بی نشان تانور چوخور یری طواف ایتدوم کعبه تک سعی ایلدیم صفایه چاتدی اَمَک دلدن دوشدوم یره او توردوم دیدیم یوردون منی ایوون یخلسون فلک قیلدوم او باشسیز پیکره نظاره سینه ده بُولمدیم وار نچه یاره منده نه چاره مضمونی اوخونماز هر بیر قباله اولسا پاره پاره چکدیم تیکانی گولدن باغبان تک قوجاخلادیم او جانسیز جسمی جان تک نگاریمه نچه اوخشاما دیدیم مژگانیم اشک توکدی ناودان تک ای زینت دوش رسول خدا دریای قاندا غرق اولان ناخدا سرلوحه ی کتاب عشق سن سن کتاب محنته منم ابتدا پیکریوی شان شان گوروب آغلیام شیرازه سیز قرآن گوروب آغلیام دشمنلرون کوریدی حقّی گورمور حقیقتی عریان گوروب آغلیام یاریندن یار آیریلسا هی سیزیلدار نجیکه یل لر فصل دى سزیلدار حسین سن سیز باجون نفس چکنده هر بندی چون بیر قوری نی سزیلدار هر بیر یارون بیر لاله ی عشقدور هر قطره قانون ژاله ی عشقدور نه طوطیم نه بلبلم نه قمری منیمده نالم ناله ی عشقدور خوش اقبالم خوش طالعم حق پرست هر بیر گوزوم عکّاس دور زبردست قلبیمه سالدوم قلبوون عکسینی سن قلبی یاره سن، من قلبی شکست منا سنون گوزل فدالر سنون آل دوره وه قامت رسالر سنون تاپشورورام جسمیوی اللّهیوه یارون سنون سایسز یارالار سنون اوغلانلاری ئولن آنالار منیم عزالیلر منیم عزالر منیم اگر چه من اوزومده بیچاریم بیچاره لر بخت قرالر منیم اوغول سنون صحابه قارداش سنون جداده معراج ایلین باش سنون منه فرصت یوخدی یولدان کئچندن دفن ایده نون اولیدی ایکاش سنون بیراهه لرده سیر داغ داش منیم آغلار گوزلردن توکولن یاش منیم بولگی بولن یاخشی بولگی بولوبدی عریان بدن سنون آچیق باش منیم قرمزی قان قرمزی بستر سنون محراب و جانماز اطهر سنون دنیا سوئی لایق دگل عاشقه حسرتوی چکوردی کوثر سنون امّ المصائبم حسین غم منیم قانلی نهضتله قانلی پرچم منیم دیلسیز اصغر سنه دوشدی قرعه ده دیلّی بالدان شیرین رقیّم منیم ** #زینبیه #مدح 🖋️مرحوم استاد حاج انور اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr